[amdavadis4ever] એક વાતની સૌ વાત - Gujarati (Posted by B D Jesrani)

 

Please use http://translate.google.com/ to translate this article to Language of your choice. 'ગીતા' લડી લેવાનો ઉપદેશ છે, બેસી રહેવાનો નહીં! (એક વાતની સૌ વાત) કોઈ કન્યાપક્ષે જાહેરાત કરીઃ જોઈએ છે - શાંત, નિર્વ્યસની, ઠરેલ મુરતિયો.   જવાબ મળ્યોઃ આઈસીયુમાં જાવ. ત્યાં મળી રહેશે.   સાચી વાત છે. સાવ ઢીલોઢફ માણસ આઈસીયુના ખાટલે 'શોભે'. માણસમાં જોશ હોવું જરૂરી છે. મગજ નામના યંત્રને ચાલતું-દોડતું-થનગનતું રાખવા માટે ર્સ્ફૂિત જરૂરી છે. મગજમાં ર્સ્ફૂિત પેદા કરનારી એક અક્સીર ચીજ છે,ધ્યેય. વિવેકાનંદે શું કહેલું? એમણે કહેલું કે ઊઠો, જાગો અને ધ્યેયપ્રાપ્તિ માટે મંડી પડો. વિવેકાનંદ બહુ મોટા અભ્યાસુ હતા. વેદ-ઉપનિષદ-ગીતાને એ પચાવીને બેઠા હતા. ગીતામાં કર્મ અને ફ્ળ વિશે તથા સ્થિતપ્રજ્ઞાતા વિશે શું શું કહ્યું છે એ બધું વિવેકાનંદ જાણતા જ હતા. છતાં, એમણે કહ્યું કે ધ્યેયપ્રાપ્તિ માટે મંડી પડો.   ધ્યેયપ્રાપ્તિ એટલે શું? જીત. સરવાળે વિવેકાનંદ કહે છે કે, માણસે જીતવા માટે મથતાં રહેવું જોઈએ. સીધી વાત છેઃ કોઈ પણ માણસ હાર માટે મથી ન શકે. હા, ગયા મહિને ઉત્તરપ્રદેશમાં કેટલાક ખેલાડીઓ હાર માટે મથેલા ખરા. એ કિસ્સો ભારે રમૂજી છે. થયું એવું કે યુપીના ૪૩ વર્ષના મુખ્ય પ્રધાન અખિલેશ યાદવની ટીમ અને આઈએએસ અમલદારોની ટીમ વચ્ચે એક ટી-૨૦ મેચ રમાઈ. એ મેચમાં અમલદારોએ છેલ્લી બે ઓવરમાં જીતવા માટે ફક્ત ચાર જ રન કરવાના હતા, પરંતુ ૧૮ ઓવરમાં ૧૨૪ રન કરી શકનાર અમલદારો છેલ્લી બે ઓવરમાં ફ્ક્ત બે જ રન કરી શક્યા અને તેઓ હારી ગયા. કેમ? અમલદારોના કેપ્ટન (યુપીના ચીફ્ સેક્રેટરી) આલોક રંજનનો જવાબ જુઓ સાહેબઃ 'જીતેલી મેચ અમારા હાથમાં સરકી ગઈ. અમે જીતવા માટે બહુ ઝઝૂમ્યા, પણ એમણે (નેતા લોગે) છેલ્લી ઓવરોમાં બ્રિલિયન્ટ બોલિંગ કરી.'   આ અમલદારો બ્રિલિયન્ટ હોય છે. તેઓ અઘરામાં અઘરા સવાલોના બ્રિલિયન્ટ જવાબ આપી શકે છે. તેઓ દેશની સૌથી અઘરી અને ગળાકાપ હરિફઈ (યુપીએસસી જેવી સ્પર્ધાત્મક પરીક્ષાઓ)માં બ્રિલિયન્ટ દેખાવ કરીને અમલદારો બને છે. એ રમવામાં તો ઠીક, રમાડવામાં ઉસ્તાદ હોય છે. એટલે તો ૧૧ ચોગ્ગા અને એક છગ્ગા સાથે ૬૫ રન કરીને મેન ઓફ્ ધ મેચ બનેલા મુખ્ય પ્રધાન અખિલેશ યાદવ જ્યારે એક અમલદારની બોલિંગમાં ક્લિન બોલ્ડ થયા ત્યારે બોલર ખુશીથી કૂદવાને બદલે માથું પકડીને બેવડ વળી ગયો. સીએમસાહેબને આઉટ કરનાર એ અધિકારીના ચહેરા પર એવો ભાવ હતો કે અરરર, આ મારાથી શું થઈ ગયું? મેં સીએમસાહેબની ડાંડી ઊડાડી દીધી?   એ અમલદારો હારવા માટે ઝઝૂમ્યા, કારણ કે તેઓ જાણતા હતા કે સીએમસાહેબને હરાવવાના ન હોય, એમને રાજી રાખવાના હોય. જે હારીને જીતે છે એ છે સાચો બાજીગર.      અમલદારોને આવી બાજીગરી અને કારીગરી સારી ફવે.   મુદ્દો સ્પષ્ટ છેઃ માણસ જીત માટે જ ઝઝૂમી શકે, હાર માટે નહીં. જીતની લાલસા અને હારનો ભય, આ બે લાગણીઓ 'પાવર જનરેટર' જેવી હોય છે. એનાથી માણસમાં પ્રચંડ શક્તિ પ્રગટે. કર્મના ફ્ળની ઇચ્છા માણસના મૂળભૂત બંધારણમાં વણાયેલી હોય છે. માણસ બેઝિકલી જ ફ્ળલક્ષી પ્રાણી છે. ફ્ળ બાબતે સાવ જ નિર્લેપ હોય, સ્થિતપ્રજ્ઞા હોય એવો માણસ (ઉપરની જોક મુજબ) આઈસીયુના ખાટલે જડે.   મારે મહાન બનવું છે, મારે ખૂબ પૈસા કમાવા છે, મારે દુનિયાને દેખાડી દેવું છે, કે ઇવન મારે સાચા અને સારા સંત બનવું છે આવી કોઈ પણ ઇચ્છા માણસને સક્રિય બનાવે છે. સક્રિયતામાં ટેન્શન હોવાનું જ. સહેજ પણ ટેન્શન ન હોય તો વાત જામે જ નહીં. સિતારનું ઉદાહરણ જાણીતું છે. સિતારના તાર ખેંચાયેલા હોય, ટેન્સ હોય તો જ એ બરાબર વાગે. હા, તાર વધારે પડતા ખેંચાયેલા હોય, માણસ ખૂબ જ ટેન્શનમાં રહેતો હોય તો લોચો પડે. સિતારના તાર ખૂબ ખેંચો તો એ તૂટી જાય અને માણસ વધારે પડતા ટેન્શનમાં રહે તો ગાંડો થઈ જાય. પણ એનો મતલબ એવો નથી કે ટેન્શન લેવું જ નહીં. કોઈ પણ કામ પાર પાડવા માટે એટેન્શન (ધ્યાન, ફેકસ) જરૂરી છે. એટેન્શન-છંંીહંર્ૈહનો સંધિવિગ્રહ એટ ટેન્શન-છં ંીહર્જૈહ એવો પણ થઈ શકે.   ટેન્શન શેનું? નેચરલી હાર-જીતનું. અત્યારે હું આ લેખ પણ ટેન્શનમાં લખી રહ્યો છું, કારણ કે 'સંદેશ'ની  ઓફિસે લેખ મોકલવામાં બહુ મોડું થઈ ગયું છે. એકાદ કલાકમાં લેખ મોકલી જ દેવો પડશે એવું ટેન્શન મારા મગજ પર સવાર થયા બાદ મારી લખવાની ગાડી એટલી ઝડપથી ભાગી રહી છે કે, આ લેખનું અત્યાર સુધીનું લખાણ ફક્ત વીસ મિનિટમાં લખાઈ ગયું. વાંચતી વખતે તમને પણ લાગશે કે ભાઈ ભાગી રહ્યા છે, દોડી રહ્યા છે. ચાર દિવસથી વાંકોચૂંકો થઈ રહ્યો હતો, લખવા બેસતો હતો ત્યારે મૂડ નહોતો આવતો, મગજ નહોતું ચાલતું, બિનજરૂરી કામો યાદ આવી રહ્યાં હતાં... પણ અત્યારે આ લખવામાં મને કશું નથી નડી રહ્યું. શું કામ? કારણ કે હું ટેન્શનમાં છું. હવે મોડું કરવાનું, હારવાનું-ટાળવાનું મને પાલવે તેવું નથી.   તો પછી 'ગીતા' હારજીતની ફ્કિર ન કરવાનો ઉપદેશ શા માટે આપે છે? લાભ-લક્ષ્ય-હારજીત વિના માણસ એદી બની જાય એટલું સમજવા જેટલી સામાન્ય બુદ્ધિ ગીતાકારમાં નહોતી? હતી, ગીતાકારમાં ચિક્કાર પ્રમાણમાં સામાન્ય બુદ્ધિ પણ હતી અને અસામાન્ય બુદ્ધિ પણ જબ્બર હતી. બુદ્ધિના લઠ્ઠ તો આપણે છીએ કે ગીતા પોતે જ બેઝિકલી જીત માટેનો ધક્કો છે એટલી સાદી વાત આપણે સમજી નથી શકતા.   તમે જ કહો, બેઝિકલી ગીતા છે શું? ગીતા એ કૃષ્ણ દ્વારા અર્જુનને મારવામાં આવેલો એક ગોદો છે. એ ગોદો શેનો છે? નેચરલી, એ જીત માટેનો ગોદો છે. અર્જુન રથમાં બેસી પડયો ત્યારે કૃષ્ણે એને ચાવી મારી, ધક્કો માર્યો, સમજાવ્યો, પટાવ્યો, સહેજ ખીજાયા પણ ખરા. સરવાળે કૃષ્ણનું કહેવું એ જ હતું કે આમ હારીને બેસી થોડું જવાય? ચાલ ઊઠ, ઊભો થા. લડ. જીતવા માટે સક્રિય બન. આ જ તો વિવેકાનંદે કહેલું- ઊઠ, ઊભો થા અને ધ્યેયપ્રાપ્તિ માટે મંડી પડ. શું તમે ગીતાને સાચી રીતે સમજ્યા છો? વિચારો...

__._,_.___

---

Posted by: imamdavadi@ymail.com

---

Reply via web post

•

Reply to sender

•

Reply to group

•

Start a New Topic

•

Messages in this topic (3)

---

Upgrade your account with the latest Yahoo Mail app

Get organized with the fast and easy-to-use Yahoo Mail app. Upgrade today!

---

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 70

• Privacy • Unsubscribe • Terms of Use

.

__,_._,___