[amdavadis4ever] પ્રતિકૂળ સ્થિતિ માંથી બહાર નીકળ વા જાતને બદલી શ કાય N Raghuraman

 

Please use http://translate.google.com/ to translate this article to Language of your choice. પ્રતિકૂળ સ્થિતિમાંથી બહાર નીકળવા જાતને બદલી શકાય  N Raghuraman ભારતના પૂર્વ ભાગના  શહેરોના લોકોની અખબાર વાંચવાની આદત તમને પહેલી નજરે આશ્ચર્યચકિત કરી મૂકશે. પરંતુ તમે ધ્યાનથી જોશો તો વધારે અચરજ થશે. વાચક અખબાર ઉઠાવે છે અને હેડલાઇન તથા પ્રથમ પાનાના ઉપરના અડધા ભાગને છોડીને કંઇ જ વાંચ્યા વગર તેમની નજર સીધી પેજના નીચેના ભાગે જાય છે. અને સૌથી પહેલા તે કોલમની છેલ્લી પાંચ લાઇન વાંચે છે. ત્યાંથી તેને એક યૂટિલીટી ન્યૂઝ આઇટમ મળે છે, જેમાં ગેસ કંપનીઓ જણાવે છે કે સંબંધિત દિવસે કેટલાં એલપીજી(રસોઇ ગેસ) સિલિન્ડર સપ્લાઇ કરાશે. આના દ્વારા સ્પષ્ટ રીતે તે વિસ્તારમાં રસોઇ ગેસ ખપત અને તંગીનો અંદાજો આવી જાય છે. એક આવું જ શહેર છે, અસમનું બોંગઇગાવ, જ્યાં એલપીજીની તંગી આજે પણ મોટી સમસ્યા છે.     આ શહેર પશ્ચિમ આસામનું પ્રવેશદ્વાર છે અને શહેરી વિસ્તાર અને વસ્તીની દૃષ્ટિએ તે આસામનું ચોથું સૌથી મોટું શહેર છે. અહીં ચશ્માની દુકાનના 70 વર્ષીય માલિક અરુણ કર્માકર અન્ય લોકોની જેમ એલપીજી ગેસ સિલિન્ડર રાહ જોઇને  બેઠા નથી. તેમણે આ સમસ્યાનું સમાધાન શોધ્યું. તે આખા શહેરને કૂકિંગ ગૈસ પેદા કરવાની એક નવી રીત શીખવી રહ્યાં છે અને આ માટે તેઓને ગોબર (ગાય ભેંસના છાણ-મૂત્ર)પણ મળી રહ્યું છે અને તેમની એલપીજી પર નિર્ભરતા પણ ઘટી રહી છે. તેમની પાસે એક ગાય છે, જેના દ્વારા તેમને રોજ ચાર કિલો છાણ અને ગૌમૂત્ર મળે છે, જેનાથી તેઓ માર્શ ગેસ તૈયાર કરે છે, જે મૂળ રીતે બાયોગેસ છે.   તે ભેજવાળી જમીન પર તૈયાર થાય છે અને તેનો મુખ્ય ઘટક છે મીથેન વાયું. તેમની રીત ઘણી સરળ છે. તે પોતાની ગાયનું ગોબર એકઠું કરે છે અને તેને એક સૂકાં કૂવામાં નાંખી દે છે, જેમાં પહેલેથી વિપુલ માત્રામાં કચરો હોય છે. ત્યારબાદ પ્લાસ્ટિકનું એક ડ્રમ તેના પર ઊંધુ મૂકી દેવામાં આવે છે. દબાણ માટે તેના પર ઇંટો મૂકવામાં આવે છે. થોડી જ મીનિટોમાં જ કચરો અને ગોબરમાંથી બનેલો માર્શ ગેસ રબરની એક નળી દ્વારા ગેસના બર્નર સુધી પહોંચવા લાગે છે. જ્યારે ગેસ બનવાનું બંધ થઇ જાય છે ત્યારે, ડ્રમમાં કાળા રંગની પેસ્ટ બની  જાય છે. આ પેસ્ટ ખાતરનો સારો વિકલ્પ હોય છે.   તેમની પત્નીને એક એલપીજી સિલિન્ડરની જરૂર હોય છે, તેથી તેઓ સિલિન્ડરની રાહ જોવાની સમસ્યાથી મુક્ત છે. જો કે, કર્માકરના નાનકડાં ઘરમાં ફૂલોના બગીચા માટે પૂરતી જગ્યા નથી. તેથી તેઓ જેમની પાસે બગીચા છે તેમને તેઓ ખાતર વહેંચી દે છે. હવામાન ખરાબ હોય એવા સમયે પૂરવઠામાં અવરોધ પેદા થાય તેવા વખતે પણ તેમને ગેસની સમસ્યા સર્જાતી નથી.આ ટેકનીક તેમણે 66 વર્ષની ઉંમરે ગુજરાતમાં જાગૃતિ માટેના એક કાર્યક્રમમાં શીખી હતી. ઘાસ ખાતી દેશી ગાયના ગોબરમાંથી જ અસરકારક માર્શ ગેસ બને છે.  ફંડા એ છે કે પરિવર્તન માટે ઉંમર, શિક્ષણ કે સ્થળ અવરોધરૂપ બની શકે નહીં. પ્રતિકૂળ પરિસ્થિતિમાં કોઇ સમસ્યા ઉકેલવા માટે મદદની રાહ જોઇને બેસી રહેવા કરતા જાતે બદલાવ લાવવો વધારે શ્રેષ્ઠ છે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 81

• Privacy • Unsubscribe • Terms of Use

.

__,_._,___