[amdavadis4ever] નીલ બટે સન્નાટા - Gujarati (Posted by B D Jesrani)

 

Please use http://translate.google.com/ to translate this article to Language of your choice. નીલ બટે સન્નાટા આપણું સિનેજગત જ્યારે આપણી આસપાસ પડખાં ફેરવતી નાની-નાની વાર્તાઓને કળાત્મકઢબે કહેવાનો એક પ્રયાસ કરતું હોય, ત્યારે તેને ભીંસીને ભેટી પડવાનું મન થાય છે. 'નીલ બટે સન્નાટા' પ્રકારની ફિલ્મ કમર્શિઅલ સિનેમાની ફિલ્મો અને ફિલ્મફેસ્ટિવલમાં જતી ફિલ્મો વચ્ચેની જે એક અદૃશ્ય ભેદરેખા છે તે આપોઆપ ભૂંસી નાંખશે તેવું લાગે છે. ટ્રેલરમાં જ્યારે એક કામવાળી બાઈ પોતાની દીકરીને ભણવા માટે પ્રેરિત કરવા પોતે સ્કૂલમાં એડમિશન લે છે, ત્યારે વાર્તા મનોરંજનનો ટેક લેવાનું નથી ભૂલતી. ટ્રેલર આપણી સમક્ષ કેટલાક સવાલો છોડી જાય છે.   કહેવા ખાતર તો આપણે ત્યાં દરેક બાળકને આપણે શિક્ષણનો અધિકાર આપ્યો છે. પરંતુ આઠમા કે દસમા ધોરણ બાદ, જ્યારે મફત શિક્ષણ મળવાનું બંધ થઈ જશે, ત્યારે કેટલા ગરીબ બાળકોના હાથમાં મેનેજમેન્ટ,તબીબીક્ષેત્ર કે ઈજનેરી અભ્યાસક્રમનાં પુસ્તકો જોવા મળશે ? "ડોક્ટર કા બેટા ડોક્ટર બનતા હૈ, ઈન્જિનીયર કા બેટા ઈન્જિનીયર બનતા હૈ તો, તો એક બાઈ કી બેટી ક્યા બનેગી." જેવો સંવાદ એ મતલબની જ કંઈક વાત કરે છે. 'નીલ બટે સન્નાટા' ફિલ્મમા શિક્ષણના મૂળભૂત અધિકાર સામે પાયાના પ્રશ્નો ખડા કરી જાય છે. તો સાથે જ આર્િથક નિમ્નસ્તરનાં બાળકોએ શિક્ષણ મેળવવા માટે કરવા પડતા સંઘર્ષ અને તેમનાં માતા-પિતાએ વેઠવી પડતી મુશ્કેલીઓ પર વિગતવાર છણાવટ કરવામાં આવી હશે, તેનો અંદાજો ટ્રેલર આપી જાય છે.   કલાકારોની વાત કરીએ તો, અભિનયના મોરચે સજ્જ કહી શકાય તેવા કલાકારો એટલે કે રત્ના પાઠક, પંકજ ત્રિપાઠી, સ્વરા ભાસ્કર જેવા કલાકારો ફિલ્મમાં ઉત્તમ અભિનયનો આસ્વાદ કરાવશે તેમ કહેવામાં અતિશયોક્તિ નથી. ટ્રેલરથી ફરી એક વખત સ્પષ્ટ થાય છે કે, પંકજ ત્રિપાઠીને જ્યારે પણ સરેરાશ આમઆદમીનું પાત્ર ભજવવા માટે સ્પેસ આપવામાં આવે છે, ત્યારે તે કમાલ કરી જાય છે. પછી તે મસાનના ક્લાર્કની ભૂમિકા હોય કે નીલ બટે સન્નાટા હોય.   ટ્રેલરના અંતમાં પંકજ ત્રિપાઠી જ્યારે ખુરશીમાંથી લગભગ ઊભો થઈ જતી મુદ્રામાં આૃર્યચક્તિ થઈને પૂછે છે કે, 'ઈનકો ચાહિયે ?' અને તેના પછી પોતાના ખાસ અંદાજમાં કહે છે કે, 'કહાં?' ત્યારે લાગે છે કે પંકજ કપૂરની શ્રેણીનો વધુ એક કલાકાર આપણી ઈન્ડસ્ટ્રીને મળી ગયો છે. તદ્ન સામાન્ય દેખાતી છોકરી રિયા શુક્લાનો અભિનય તેના કાસ્ટિંગને વાજબી ઠેરવશે જ તેમાં બેમત નથી. ટ્રેલરમાં તેના સંવાદો સાંભળીને લાગે કે, બાળકો જ્યારે ર્તાિકક સંવાદો બોલે છે ત્યારે કેવાં જામતાં હોય છે.     "નૌવીં-દસવીં સે ક્યા ફર્ક પડતા હૈ, બસ કિતાબેં થોડી મોટી હો જાતી હૈ." કે પછી "ઈસ દેશ મેં બચ્ચે કો અપની કરિઅર ડિસાઈડ કરને કી તો ફ્રીડમ હીં નહીં હૈ!" જેવા સંવાદો કાં તો કોઈ નિર્દોષ બાળકના મોઢેથી સાચો લાગી શકે છે કાં તો પછી કોઈ નેકદિલ શાયરના સ્વરમાં એ રણકો આવતો હોય છે. સ્વરા ભાસ્કર માટે સત્યાવીસ વર્ષે ૧૪-૧૫ વર્ષની છોકરીની માતાની ભૂમિકા ભજવવી સરળ નહીં રહી હોય, પરંતુ તે મુશ્કેલીઓ ફિલ્મીપડદે સરળ થઈ જશે તેમ લાગે છે. રત્ના પાઠક ચંદા અને અપ્પુની ધોમધખતી જિંદગીમાં લીલોછમ છાંયડો સાબિત થાય તેવી ભૂમિકામાં જોવા મળશે તે દેખાઈ આવે છે.     આપણે સૌ જાણીએ છીએ કે, ગાણિતિક રીતે શૂન્ય ભાગ્યા શૂન્ય આમ તો અપરિભાષિત હોય છે. પરંતુ મસ્ત મજાની વાત એ છે કે, ટ્રેલર આપણને ખાતરી આપે છે કે, ૨૨ એપ્રિલે રિલીઝ થઈને આ ફિલ્મ સપનાઓને સાકાર કરવામાં જે મહેનત પડે છે તેને આપણા માટે ફરી પરિભાષિત કરીને જ જંપશે. રાહ જોવાઈ રહી છે.   Jay Vasavada says..... જે કંઈ કરતા હો, એ પડતું મુકીને ઝટ થીએટરમા દોડો અને તાબડતોબ 'નીલ બટે સન્નાટે' ફિલ્મ જોઈ જ આવો ! બાવડું પકડીને જે મળે તે સ્વજનોને પણ ખેંચી જ જાવ ! આવી ફિલ્મો એક તો વારંવાર બનતી નથી, અને બને છે તો કોઈ જોવા જતું નથી. બે ય બાજુ અછત છે ! સલામ પ્રોડ્યુસર આનંદ રાય ( તનુ-મનુ, રાંઝણા ) અને સ્વરા ભાસ્કર, રિયા શુક્લા અને ફિલ્મની આખી ટીમને. ભારત સરકારે તાત્કાલિક અસરથી આ ફિલ્મ ટેક્સ ફ્રી કરવી જોઈએ, અને દરેક શાળામાં ઉઘડતી સ્કુલે પહેલો પાઠ , ઉપ્સ શો આનો જ રાખવો જોઈએ ! ( નોંધ : ફિલ્મ વાસ્તવવાદી છે, પણ બોરિંગ જરાય નથી. સારો શિક્ષક જેમ ગણિતમાં રસ પેદા કરી શકે, એમ જ કુશળ સર્જક આવા વિષયને પણ કેવો રસપ્રદ બનાવી શકે એનું એકદમ મૌલિક ઉદાહરણ છે!) આ વર્ષમાં અત્યાર સુધી આવેલી સર્વશ્રેષ્ઠ હિન્દી ફિલ્મ

__._,_.___

---

Posted by: imamdavadi@ymail.com

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Upgrade your account with the latest Yahoo Mail app

Get organized with the fast and easy-to-use Yahoo Mail app. Upgrade today!

---

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 67

• Privacy • Unsubscribe • Terms of Use

.

__,_._,___