[amdavadis4ever] સરકારને નિષ્ક્ રિય કે નિસ્તેજ ન કહી શકાય nagindash shanghvi

 

Please use http://translate.google.com/ to translate this article to Language of your choice. સરકારને નિષ્ક્રિય કે નિસ્તેજ ન કહી શકાય  nagindash shanghvi ભાજપના પછડાટના કારણે વિરોધપક્ષોમાં ખાસ કરીને કોંગ્રેસી આગેવાનોના મનમાં ફરી બેઠા થવાની આશાનો સંચાર થયો અને બિહારમાં મહાગઠબંધનની વ્યૂહરચના સફળતા માટે માર્ગદર્શક બની ગઈ. પણ પરસ્પર વિરોધી હિતસંબંધ ધરાવતા આ વિરોધપક્ષોની એકતા શક્ય હોય તો પણ લાંબો વખત ટકી શકશે કે નહીં તે બાબત શંકાસ્પદ છે   2015નું વર્ષ દેશના બંને મુખ્ય રાજકીય પક્ષો માટે ચડા-ઊતરીનું વરસ છે. 2014માં ચોમેર છવાઇ ગયેલા અને લોકસભામાં તથા રાજ્યોની વિધાનસભામાં ઉપરાછાપરી વિજય મેળવનાર ભારતીય જનતા પક્ષે વરસની શરૂઆતમાં દિલ્હીમાં અને વરસની આખરે બિહારમાં કારમા પરાજયનો અનુભવ કર્યો અને મતદારોએ ભાજપની ટૂંકી રાજવટ સામે પોતાનો અણગમો દર્શાવી આપ્યો.ભાજપની અવનતીનાં બે મુખ્ય કારણ છે, એક તો ચૂંટણી પ્રચાર ઝુંબેશ દરમિયાન અપાયેલાં વચનોના કારણે ઊભા થયેલા આશાના મિનારાઓ આઠ બાર મહિનામાં ઊભા કરવા અશક્ય હોવાથી લોકમાનસમાં પોતે છેતરાયા હોવાની છાપ ઊભી થઈ. વરસો પછી મળેલી ઝળહળતી ફતેહના કારણે સંઘ પરિવારના આછકલા આગેવાનોએ ઉપાડેલી ઝુંબેશ અને કરવામાં આવેલાં બેફામ નિવેદનોના કારણે દેશના બુદ્ધિવંતો અને જાગૃત નાગરિકોના મનની દુર્ભાવનાએ આમજનતાને બેચેન બનાવી દીધી. સંઘ પરિવારના પાપનું ખપ્પર ભાજપી સરકારના માથે ફોડવામાં આવ્યું.ભાજપના પછડાટના કારણે વિરોધપક્ષોમાં ખાસ કરીને કોંગ્રેસી આગેવાનોના મનમાં ફરી બેઠા થવાની આશાનો સંચાર થયો અને બિહારમાં મહાગઠબંધનની વ્યૂહરચના સફળતા માટે માર્ગદર્શક બની ગઈ. પણ પરસ્પર વિરોધી હિતસંબંધ ધરાવતા આ વિરોધપક્ષોની એકતા શક્ય હોય તોપણ લાંબો વખત ટકી શકશે કે નહીં તે બાબત શંકાસ્પદ છે. 2014ની ચૂંટણીમાં મળેલા જબરદસ્ત પરાજય પછી નિરાશામાં હડસેલાઇ ગયેલા કોંગ્રેસ પક્ષમાં યુવાન નેતાગીરીએ પોતાનો પગ જમાવ્યો અને રાહુલ ગાંધીએ ભાજપી સરકાર સામે ઉપાડેલી ઝુંબેશ સફળ થશે તેવી આશા બંધાવા લાગી. પણ છેલ્લા મહિનામાં છતાં થયેલા નેશનલ હેરાલ્ડ કૌભાંડે કોંગ્રેસના રાજવંશને કમરતોડ ફટકો માર્યો છે. રોબર્ટ વાડ્રાના જમીન કૌભાંડથી અળગા ખસી ગયેલાં સોનિયા-રાહુલ ખુદ પોતાના બચાવની પળોજણમાં ગુંથાયાં.રાજકારણથી પરોક્ષ રહેલા સંખ્યાબંધ સાહિત્યકારો, કલાકારો અને વિજ્ઞાનશાસ્ત્રીઓ દેશમાં જામી રહેલા અસહિષ્ણુતાના વાતાવરણથી ગૂંગળામણ અનુભવવા લાગ્યા અને તેમણે પોતાને મળેલા સરકારી અને અર્ધસરકારી ઇનામ-અકરામો પાછાં વાળવાનો માર્ગ અપનાવ્યો. ટોળાશાહીથી અલિપ્ત રહેનાર આ બુદ્ધિવંતો પાસે પોતાનો વિરોધ અને પોતાની વેદના વ્યક્ત કરવા માટેનો એક માત્ર માર્ગ તેમણે અપનાવ્યો અને તેના કારણે રાજકીય ચર્ચાબાજી અતિશય ઉગ્ર બનતી ગઇ. ભાજપી સરકારે પોતાની ટૂંકી રાજવટ દરમિયાન બે જૂના અને કટ્ટર ખાઇ રહેલા સવાલોનો આખરી નીવેડો આણ્યો. 1947થી બંગલાદેશ અને ભારતના વિસ્તારમાં એકબીજાના પડી રહેલા ટચૂકડા ટુકડાઓ એકબીજાને સોંપી દેવાનો સંસદીય ઠરાવ 1971-72માં થયેલો આ ઠરાવનો અમલ કરવામાં નાખાવામાં આવતી આડખીલીઓના કારણે સરકાર લાચાર બની ગઇ. આ પ્રાદેશિક સોંપણી ગયા વરસે કરી નાખવામાં આવી અને પચાસેક હજાર લોકો પ્રાદેશિક બંદીખાનામાંથી છૂટ્યા. ભૂમિ સંપાદન અંગે સરકારે નમતું જોખ્યું. લશ્કરમાંથી નિવૃત્ત થનાર જવાનો અને અફસરો તથા તેમની વિધવાઓને આપવામાં આવતા સરકારી પેન્શનોનો પ્રશ્ન દસ વરસથી ટલ્લે ચડ્યો હતો અને અતિશય ગૂંચવાયેલી આ સમસ્યા અંગે ભાજપી સરકારે આખરી ફેંસલો સંભળાવી દીધો છે. આ સમસ્યાના ઉકેલથી બધાને સંતોષ થયો નથી પણ તમામ લોકોને સંતોષ મળે તેવો કોઇ ઉકેલ દુનિયામાં કશે જોવા મળતો નથી. ભાજપી સરકારના નિર્ણયો અને કામગીરી અંગે મતભેદ હોઇ શકે છે અને છે પણ આ સરકારને નિષ્ક્રિય કે નિસ્તેજ કહી શકાય તેમ નથી.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 83

• Privacy • Unsubscribe • Terms of Use

.

__,_._,___