[amdavadis4ever] ‘એસ્પીરીન’ન ી ઐસી તૈસી કરનારું લસણ Kanti Bhatt

 

Please use http://translate.google.com/ to translate this article to Language of your choice. 'એસ્પીરીન'ની ઐસી તૈસી કરનારું લસણ  Kanti Bhatt 'ઔષધમ જાન્હવી તોયમ્' અને 'લેટ ફૂડ બી યોર મેડીસીન એન્ડ મેડીસીન બી યોર ફૂડ' આવી બે કહેવતો તમે ય જાણો છો. ગંગાનું પાણી ઔષધ જેવી ગરજ સારે છે. પણ તેમાં લસણને જાણનારા બ્રાહ્મણ, કપોળ અને સિંધી વૈદ્યો લસણને એક જબ્બર ઔષધ ગણે છે. પણ ચુસ્ત જૈનો અને સ્વામિનારાયણ પંથના લોકો સ્વેચ્છાથી આ ઔષધથી (લસણ) મુક્ત રહે છે. અગર કહો કે તેનાં આરોગ્યપ્રદ ફાયદા કે ઔષધ તરીકેના ફાયદાથી વંચીત રહે છે. લસણની લોકપ્રિયતા તો સૌરાષ્ટ્રમાં બહુ વહેલાસરથી હતી. પણ 1858ની સાલમાં લૂઈ પેશ્ચર નામના વિજ્ઞાનીએ લસણના રસનો પ્રયોગ કરીને હાનિકારક બેકટેરીયાનો નાશ ર્ક્યો હતો.   લસણ ખાતા હો અને આહાર સાદો હોય તો તમને શરીરે થયેલા ઘામાં કે દાંત-દાઢમાં ઓછું ઈન્ફેકશન થાય છે રક્તવાહીનીમાં ઘણા લોકોને લોહીના ગઠ્ઠા જામે છે લસણ ખાનારનું લોહી નિર્મળ રીતે વહે છે. કાઠિયાવાડી લસણની ચટણી અને બાજરાનો રોટલો ખાતા તે તેનો આહાર એક ઔષધ જેવો હતો. કાઠિયાવાડીને બહુ જટીલ રોગો કનડતા નહીં. નવા સંશોધન પ્રમાણે લસણ ખાવાથી લોહીમાં કોલેસ્ટરોલ ઓછું થાય છે. હૃદયરોગમાં ફાયદો થાય છે. પેશાબ છૂટથી ઉતરે છે. ઘણી સ્ત્રીઓની યોનિમાં વાસ આવે છે પછી જંતુ પડે છે તેને માટે લસણ સસ્તુ ઔષધ છે. અમેરિકાની ન્યુજર્સી મેડિકલ યુનિવર્સિટીના ડો. નીલ કેપોરેસો કહી ગયા છે કે લસણ ખાનારના લોહીમાં ફંગસ થતુ નથી. લોહીને પાતળું વિના અવરોધ વહેતું રાખે છે. લસણમાથી 'એજોન' નામનું રસાયણ બને છે.   આ એજોન એસ્પીરીનનું માથુ ભાંગે તેવુ તત્વ છે. એસ્પિરીન કરતાં લસણ વધુ અસરકારક છે અને લાલ કળીનું લસણ મળે તો તો ભયો ભયો. 1986માં હું અમેરિકા ગયો ત્યારે ત્યાંની ત્રણ યુનિવર્સિટીમા લસણ ઉપર સંશોધન ચાલતુ હતું. આપણા એક પ્રસિદ્ધ ગુજરાતી લેખક લસણ ખાતા હોત તો તેને હૃદયરોગનો હુમલો ન થાત. પણ પણ યાદ રાખો કે લસણની કેપસ્યુલો કે તેના અર્ક સેવવાની ભાંજગડમા પડશો નહીં. પટેલોની પટલાણીઓ જે અચુક બાજુરાના રોટલા સાથે લાલ મરચાંની ચટણી પીરસે છે તે મારા મિત્ર દિનેશ તિલ્વા કહે છે કે ઘણા પટેલોના ઘરમાં 365 દિવસ હોય છે. સરકાર સામે લડતો એક યુવાન પટેલીયો લડે છે તેને પૂછજો કે લસણની ચટણી ખાતો રહીશ તો લડાયક વૃત્તિ રહેશે!   લસણ પોતે જ સેન્સીટીવ આહાર છે. એટલી હદે સેન્સીટીવ- સંવેદનશીલ અને કોમળ છે કે તમે વધુ પડતો લસણીયો ખોરાક ખાઓ અને માટીના રમકડા બનાવો તો માટીના રમકડા અને ઢીંગલીના રંગમાં ફેરફાર થઈ જાય છે. એટલે જૂના વખતના કુંભાર સારા રમકડા બનાવવા હોય ત્યારે લસણ ખાતા નથી. લસણની આવી સેન્સિટીવ અસરનો અનુભવ એક ચીની છોકરી માટીના રમકડા બનાવતી હતી તેને થયો ત્યારે 45 વર્ષ પહેલાં તેને માટીનો રંગ બદલાયાનો અનુભવ થયો તો 'લાન્સેટ' નામના મેડિકલ લેખ છાપનારા મેગેઝિનમાં છપાયેલો. મુસ્લિમ બંધુઓ અને સિધીં ભાઈએ લસણ વધુ ખાય છે તેથી તેમનામાં લડાયક વૃત્તિ ટકે છે.   મેં રાજકોટમાં લસણના શું ભાવ છે તે મિત્રને પૂછ્યું તો કહે કે લસણ ખાનાર ભાવ પૂછતા જ નથી. રૂ. 100થી રૂ. 150ના ભાવ થાય તો ઐસી તૈસી લસણ ખાનારો કોઈ પણ ભાવે લસણ ખાય છે. ખાસ કરીને કાઠી દરબારો અને ખોજા લસણના રસીયા હોય છે. આજે આપણા મુંબઈગરા ગુજરાતીઓ બાજરાના લાભથી વંચીત રહે છે. 2550 વર્ષ પહેલા પાયથાગોરાસ નામના ગણિતજ્ઞએ બાજરાના પોષક તત્વોની પ્રશંસા કરી હતી. જેને પેશાબનુ દર્દ હોય તેણે ઘઉં બંધ કરી બાજરાનો ગરમ-ગરમ માટીની તાવડીમાં પાકેલો રોટલો ખાવો અને સાથે લસણની ચટણી હોય તો ભયો ભયો.   વીકીપીડીયા કહે છે કે પુરાણા ઈજીપ્તના લોકો લસણને મસાલાની ચટણીમાં અને ઔષધીયરૂપે ઉપયોગ કરતા. પણ તેના પહેલાં કાઠિયાવાડમાં તો પહેલુ લસણ આવેલુ. પણ યુરોપમાં સાત જાતનું લસણ મળે છે. જો તમે લંડન જાઓ તો લાલ લસણ ગોતજો. ચીનાઓ આક્રમક સ્વભાવના છે કારણ કે ચીના તેનું ભોજન લસણની 'ચટણી' વગર ખાતા નથી. ચીનમાં 2 કરોડ ટન અગર 40 અબજ રતલ લસણ થાય છે. મતલબ કે 81 ટકા લસણ ચીનમાં થાય છે. વીકીપીડીયાના આંકડામાં નાનકડી ભૂલ છે કે કચ્છ- કાઠિયાવાડમાં લસણ ખવાય છે તેને ધ્યાનમાં લીધુ નથી.   આપણા કાઠિયાવાડી લુહાણા કે પટેલા કેલિફોર્નિયા ગયા ત્યાં ગીલરોય વિસ્તારમાં (કેલીફોર્નિયા)ના લસણની ખેતી કરી. આજે કેલિફોર્નિયા- આપણા કારણે ગાર્લીક કેપીટલ ઓફ વર્લ્ડ તરીકે ઓળખાય છે. લસણના ઉત્પાદનમાં આપણે ચીન પછી બીજે નંબરે છીએ. ગ્રીક અને રોમન સૈનિકો અને વહાણવટીઓ ભાથામાં લસણની બ્રેડ લઈ જતા. જે વહાણમાં રાંધતા તે લસણ અચુક વાપરતા. કોરીયન લોકો લસણ ખૂબ ખાય છે કારણ કે તેમનું પેટનું કેન્સર લસણથી સારું થઈ જતું. તમે સૌરાષ્ટ્ર જ નહીં પણ યુરોપના ગામડામાં ડેલી ઉપર લસણ ટાંગેલુ જોશો. કારણ કે યુરોપિયન માતા માને છે કે લસણથી ભૂત ભાગે છે- એટલી હદે કે વૈતાલ, ચૂંડેલ કે જોગણી- ભાગે છે. તમે જાણો છો ચુસ્ત હિન્દુ કે સ્વામિનારાયણ-ધર્મ પાળનારા કે હિન્દુ લસણ ખાતા નથી. તેનું લોજીક મારી બુદ્ધિ પ્રમાણે લસણના આહારથી 'અબળખા' વધે છે અને ખાસ કરીને કામેચ્છા ઉગ્ર થાય છે. સ્ત્રીનું આકર્ષણ વધે છે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 78

• Privacy • Unsubscribe • Terms of Use

.

__,_._,___