[amdavadis4ever] ન જાણતા હો, તે જાણ તા હોવાનો દંભ ન કરશો

 

Please use http://translate.google.com/ to translate this article to Language of your choice. જે ન જાણતા હો, તે જાણતા હોવાનો દંભ ન કરશો   એક સૂફી કથા આ પ્રમાણે છેઃ ત્રણ તુર્કસ્તાનીઓએ ફારસી ભાષાના ત્રણ શબ્દો શીખી લીધા અને પોતાની જાતને વિદ્વાન માનવાનું શરૂ કરી દીધું. એ ત્રણ શબ્દો હતાઃ "અમે" "નહોતા" અને "સુખી".   આટલું શીખીને એ ત્રણે સફરે નીકળી પડયા. જ્યારે તેઓ ખુરાસાન પહોંચ્યા ત્યારે તેમણે રસ્તા ઉપર એક શબ પડેલું જોયું. તેઓ તેની નજીક જઈને ઊભા રહ્યા. એ વખતે થોડા ખુરાસાની લોકો ત્યાં આવ્યા અને તેમને પૂછયું, "આને કોણે મારી નાખ્યો? "   " અમે." એક માણસે પોતાનું ફારસી ભાષાનું જ્ઞાાન પ્રદર્શિત કર્યું. તરત જ તેમને પકડી લેવામાં આવ્યા અને ન્યાયધીશ પાસે રજૂ કરવામાં આવ્યા. ન્યાયધીશે પૂછયું, "તમે કેમ શબ પાસે ઊભા હતા? "   બીજા તુર્કસ્તાનીએ જવાબ આપ્યો, " અમે નહોતા" લોકોએ ન્યાયધીશને કહ્યું, " એ ત્રણે જૂઠા છે."   તુર્કસ્તાનીઓ તો પોતાના જ્ઞાાનના ઘમંડમાં જ હતા.   " તમે જૂઠું બોલો છો." ન્યાયધીશે કહ્યું, " તમે તેને મારી નાખ્યો ત્યારે તમને કોઈ લાગણી ન થઈ? " " સુખી." ત્રીજા માણસે કહ્યું.   આસપાસ ઊભેલા લોકો બોલી ઊઠયા, " આ માણસો નથી. રાક્ષસો છે!"   ન્યાયધીશે એક પ્રશ્ર વધુ પૂછયો, " આ ગુનો કરવાનો તમારો હેતુ? "   ત્રણે તુર્કસ્તાનીઓ બોલી ઊઠયા, " અમે સુખી નહોતા." – (અમે તે માણસથી સુખી નહોતા એટલે કે અમારે તેની સાથે બનતું નહોતું.) ન્યાયધીશ પાસે તેમને આકરી સજા કરવા સિવાય કોઈ વિકલ્પ રહ્યો નહોતો.   આપણે જે જાણતા ન હોઈએ એ આપણે જાણીએ જ છીએ એમ વર્તીએ ત્યારે એના પરિણામો આવા ખતરનાક આવે છે.   જો ત્રણે તુર્કસ્તાનીઓએ પોતાનું ફારસી ભાષાનું જ્ઞાાન પ્રદર્શિત ન કર્યું હોત અને માત્ર ચૂપ રહ્યા હોત તો પણ અજાણ્યા અને વિદેશી હોવાને કારણે કદાચ ગુનાની સજામાંથી બચી શક્યા હોત. અરે, પોતે કશું સમજતા નથી એમ કહીને પોતાની ભાષામાં વાતચીત કરી હોત તો સાચી વાત કહેવાનો મોકો મળી શક્યો હોત.   પરંતુ જે વસ્તુ બાબતે તેઓ કશું જ જાણતા નહોતા એ વસ્તુ બાબતે પોતે કેટલા હોશિયાર છે એ પ્રદર્શિત કરવા જતાં તેઓ પૂરેપૂરા ફસાઈ ગયા હતા. જ્યારે માણસ પોતે હોય એ કરતાં વધારે ડાહ્યો, વધારે હોશિયાર, વધારે જ્ઞાાની દેખાવાનો પ્રયત્ન કરે છે ત્યારે ઘણીવાર એ મૂર્ખ સાબિત થાય છે. જો કે, એમને એ ખબર પડતી નથી. બધા દેશોમાં, સમાજમાં આપણને એવા માણસો જોવા મળે છે. એ લોકો પોતાને જે વિષયનું જ્ઞાાન ન હોય એમાં પણ ચંચૂપાત કર્યા વિના રહેતા નથી.   થોડા સમય પહેલાં બનેલો એક બનાવ છે. સંગીતના એક જલસામાં મોડી રાત સુધી બધા બેઠા હતા. કાર્યક્રમ પૂરો થવા આવ્યો અને શ્રોતાઓ બધા વીખરાવા લાગ્યા ત્યારે એક બહેનને અતિશય અકળામણ થઈ આવી. પહેલાં તો એમ થયું કે ઘેર જવા માટે કોઈ વાહનની રાહ જોઈ રહ્યાં હશે અને આઘાંપાછાં થતાં હશે, પરંતુ અકળામણ વધી અને દીવાલને ટેકો દઈને બેસી પડયાં ત્યારે હાજર હતા એ બધાનું એ તરફ ધ્યાન ગયું. એ બહેનની આંખો સૂજેલી હતી, ચહેરા પર ઊભરો હતો, શ્વાસ લેવામાં અતિશય મુશ્કેલી પડતી હતી. એ જોતાં જ એક ભાઈ બોલી ઊઠયા, 'હિસ્ટીરિયાનો જોરદાર હુમલો છે.  એક જણ નાક દબાવી દો અને બીજો કોઈ એમના મોંમાં પાણી રેડો. તરત જ બધું ઠીક થઈ જશે!'   પરંતુ એ દરમિયાન કોઈક જલ્દી નજીકમાંથી ડોક્ટરને બોલાવી લાવ્યું. ડોકટરે નિદાન કર્યું કે હુમલો હિસ્ટીરિયાનો નહીં પણ દમનો હતો. નાક દબાવી દેવાથી કે મોઢામાં પાણી રેડવાથી પરિણામ શું આવ્યું હોત?   જે લોકો જાણ્યા વિના બીજાને સલાહ આપે છે ત્યારે એમની સલાહ માનવાવાળાઓએ પણ એના ખતરનાક પરિણામો ભોગવવાં પડે છે.   આમ છતાં, કેટલાક લોકો પોતાના જ્ઞાાનને પ્રદર્શિત કરવાનો એકેય મોકો ચૂકતા નથી. એમાંય આરોગ્ય, દવાદારૂ અને ઉપચારની બાબતમાં આપણે ત્યાં દરેક વ્યક્તિ ચરક કે સુશ્રુત જેટલું જ્ઞાાન ધરાવતી હોય એમ સલાહ આપે છે. બીમાર માણસ પાસે આવતી દસમાંથી નવ વ્યક્તિઓ એને રોગના નિદાન વિશે જાણ્યા વિના જ ઉપચાર વિશે સલાહ આપે છે અને દસમાંથી બાકી રહેલી એક વ્યક્તિ મહાપ્રયત્ને મૂંગી રહે છે.   સામાન્ય ગુમડાથી માંડીને કેન્સર સુધીના રોગોના ઉપચારો વિશે આપણે ત્યાં લગભગ બધાંને જ ખબર હોય છે. એમના એ ઉપચારો દર્દીની કેવી હાલત કરી શકે એની એમને ખબર નથી હોતી.   આવી રીતે વર્તવા પાછળ માણસનું ક્યારેક મૂર્ખાઈભર્યું અજ્ઞાાન હોય છે, તો ક્યારેક જાણકાર હોવાનો દંભ હોય છે. દરેક માણસને હોશિયાર અને જ્ઞાાની દેખાવું ગમે છે.   પરિણામે અમુક બાબતમાં પોતાનું જ્ઞાાન ઘણું જ ઓછું છે એવું સ્વીકારવાનું ભાગ્યે જ એને ગમે છે અને માણસ જ્યારે પોતાના અલ્પ જ્ઞાાનનો સ્વીકાર કરતો નથી ત્યારે પોતાના માટે અને બીજાઓ માટે અનેક મુશ્કેલીઓ ઊભી કરે છે. એક ભાઈ ડ્રાઈવિંગ જાણતા નહોતા, પણ ગમે તેમ ગોઠવણ કરીને ડ્રાઈવિંગ લાઈસન્સ તેમણે મેળવી લીધું હતું. આવું તો ઘણા કરતા હોય છે. એમના મનમાં એમ કે પછી પ્રેકિટસ કરીને બરાબર ડ્રાઈવિંગ શીખી લઈશ પણ કમનસીબે લાઈસન્સ લીધાના થોડા દિવસ પછી જ એમના હાથે એક્સિડન્ટ થઈ ગયો.   એટલે આપણે જ નથી જાણતા એ નથી જ જાણતા, પછી ભલે ને એની જાણકારીના સર્ટિફિકેટ્સ, લાઈસન્સ કે ડિગ્રી આપણે મેળવી લીધા હોય. પ્રમાણપત્રો, ડિગ્રી કે ચંદ્રકો જ્ઞાાન નથી આપી શક્તા, જ્ઞાાનનો દંભ જરૂર આપી શકે છે.   આપણે જ નથી જાણતા એ નથી જાણતા એમ સ્વીકાર કરવામાં કોઈ નાનપ અનુભવવાની જરૂર નથી.   એથી આપણે મૂર્ખાઈનું પ્રદર્શન કરવામાંથી અને દંભ કરવામાંથી બચી જઈએ છીએ. અને આ દુનિયામાં એવી કેટલી વ્યક્તિ છે જે બધું જ જાણતી હોય? અરે, એકાદ વિષયનું પૂરેપૂરંુ જ્ઞાાન મેળવવું પણ અશક્ય છે, ત્યાં મહાપંડિત બનવાની તો વાત જ ક્યાં રહી?   જ્ઞાાનીનું સૌથી પહેલું જ્ઞાાન એ હોય છે કે એ જાણે છે કે બહુ જ ઓછું જાણે છે. શીખવા જેવું પારાવાર પડયું છે. એવી વ્યક્તિ જીવનભર જ્ઞાાનર્થી- વિદ્યાર્થી રહે છે. ગુરુ દત્તાત્રેયે તો, આપણે જાણીએ છીએ કે, અનેકને પોતાના ગુરુ બનાવ્યા હતા. ઘણા ખોટી નમ્રતા બતાવવા પણ આવું કહે છે. ઘણા પોતાનું જ્ઞાાન-અજ્ઞાાન પ્રદર્શિત કર્યા વિના રહેતા નથી.   મહાજ્ઞાાની સોક્રેટિસ કહેતાઃ હું જાણું છું કે હું કશું નથી જાણતો.   એવી જ વાત ન્યૂટન જેવા મહાન વિજ્ઞાાનીએ કહી છે. એમણે કહ્યું કે, 'હું તો જ્ઞાાનના મહાસાગરના કાંઠે પાંચીકા વીણતા બાળક જેવો છું.' જે વસ્તુ આપણે જાણતા નથી, તે જાણતા નથી, એવી કબૂલાત કરતાં આપણે આવી મહાન હસ્તીઓ પાસેથી શીખવું જોઈએ.   સાચી વાત સ્વીકારવાથી આપણે અનેક ચિંતાઓ, બોજાઓ અને મુશ્કેલીઓમાંથી મુક્ત થઈ જઈએ છીએ, રાહત, હળવાશ અને મોકળાશનું સુખ પામી શકીએ છીએ.?

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 39

• Privacy • Unsubscribe • Terms of Use

.

__,_._,___