[amdavadis4ever] તોતિંગ કામ કર વું હશે તો દુશ ્મનો પણ રાક્ષ સી કદના મળવાના

 

Please use http://translate.google.com/ to translate this article to Language of your choice. તોતિંગ કામ કરવું હશે તો દુશ્મનો પણ રાક્ષસી કદના મળવાના લાઉડમાઉથઃ સૌરભ શાહ   તમારી  નિષ્ફળતા માટે તમે ભાગ્યે જ બીજાઓનો વાંક કાઢી શકો પણ કયારેક એવું બનતું હોય છે કે કોઈકે ખોદી રાખેલા ખાડામાં તમને પગે આંટી મારીને કે ધક્કો મારીને ધકેલી દેવામાં આવે. આવું મોટા ભાગે ગજાદાર કામ કરનારાઓ  સાથે જ થતું હોય છે. નાના હેતુઓ સિધ્ધ કરવા નીકળી પડેલા નાના માણસોના શત્રુઓ પણ નાના જ હોવાના. નાના કે સામાન્ય માણસને જડમૂળમાંથી ઉખાડી નાખીને કોઈનેય ફાયદો નથી થવાનો એટલે એવી મહેનત કોઈ નહીં લે. પણ જેમને પોતાનાં કામો થકી તોતિંગ સિદ્ધિઓ પ્રાપ્ત થવાની હોય એમની  પાછળ રાક્ષસી તાકાતો હાથ ધોઈને પડી જતી હોય છે. ઈરાદો એમને ખુવાર કરી નાખવાનો હોય છે, એમને ધૂળમાં મેળવી દેવાનો હોય છે, એમનું નામોનિશાન મિટાવી દેવાનો હોય છે. આ ઈરાદો બર ના આવે તોય એમને બદનામ કરવામાં સફળતા મળી જવાની. એમની વિશ્વસનીયતા પર ક્વેશ્વનમાર્ક જરૂર લાગી જવાનો. આવું કાવતરું થાય ત્યારે આબરૂને વધુ ઘસારો ન લાગે તે માટે કોઈનેય બ્લેમ કર્યા વગર ચૂપચાપ પોતાની ભૂલ છે એવું જાહેર કરવાની સ્ટ્રેટેજી જ અપનાવવાની હોય. કોઈકના કાવતરાનો તમે ભોગ બન્યા છો એવું પુરવાર કરવા જશો ઊલ્ટાનું તમારું વધુ નીચાજોણું થશે. એના કરતાં તારી મૂછ નીચી તો નીચી કહેવતને અનુસરીને બીજી કહેવત તરફ ધ્યાન દોરવાનું. સર સલામત તો પઘડિયાં બહોત.   રાજીવ મખની ગેજેટગુરુ છે. ટી.વી. પર લેટેસ્ટ ટેક્નોલોજીને લગતા કાર્યક્રમોમાં તમે એમને જોયા હશે. અંગ્રેજી વર્તમાનપત્રોમાં પણ તેઓ લખે છે. સેલફોનની દુનિયામાં રાજીવ મખનીનો મત ફાઈનલ ગણાય છે. ટી.વી.થી માંડીને તમામ ઈલેકટ્રોનિક સાધનો વિશેની એમની સૂઝ ગજબની છે.   આઈ.એફ.એ.નું ફૂલ ફોર્મ જીભને લોચા વળી જાય એવું જર્મન નામ છે. કન્ઝયુમર ઈલેકટ્રોનિક્સ અને હોમ એપ્લાયન્સીઝને લગતા ટ્રેડ ફેર ના ક્ષેત્રે વિશ્વમાં નંબર વન ગણાય. સપ્ટેમ્બરની પહેલીથી છઠ્ઠી સુધી બર્લિનમાં યોજાઈ ગયેલા આઈ.એફ.એ.માં રાજીવ મખની જઈ આવ્યા. પાછા આવીને એમણે પોતાના અનુભવો વાચકો સાથે શેર કર્યા. રાજીવ મખની લખે છે કે બર્લિનમાં આઈ.એફ.એ.માટે ભેગા થયેલા જર્નલિસ્ટોનું એક ગ્રૂપ એક જાણીતી કંપનીનો અતિ લોકપ્રિય ફોન પ્રતિસ્પર્ધીઓના કાવતરાનો ભોગ બન્યો છે એવું દૃઢપણે માને છે. આ સંજોગોમાં નિઅરેસ્ટ કોમ્પિટિટર ઉપર શંકા જાય, પણ જરૂરી નથી કે એપરન્ટલી જેના પર ડાઉટ આવે એણે જ કાવતરું કર્યું હોય. તમારા પ્રતિસ્પર્ધીઓ અથવા તો તમને પ્રતિસ્પર્ધી માનનારાઓ અથવા તો તમારી પ્રગતિથી પોતાને નુકસાન થશે એવું સાચી કે ખોટી રીતેે માની લેનારાઓ પણ તમને કચડી નાખવા માટે તમારા વિરુધ્ધ કાવતરું કરતા હોઈ શકે છે.   તમને ખબર છે કે આ પર્ટિક્યુલર મોડેલ આજકાલ બહુ ખોટી રીતે ચર્ચામાં છે. છાપામાં તમે વાંચતા હશો કે એની બેટરી ધડાકો થઈને સળગી જાય છે. એરલાઈન કંપનીઓએ  મુસાફરોને આ પર્ટિક્યુલર મોડેલ પોતાની સાથે કે પોતાના સામાનમાં નહીં લાવવાની સૂચના આપી છે. તાજેતરમાં જ આવો એક કિસ્સો પણ બન્યો હતો જેમાં ચાલુ ફ્લાઈટે આ ફોનની બેટરીમાં ધડાકો થયો. કંપનીએ પોતે આવી ફરિયાદ આવવાની શરૂઆત થઈ કે તરત જ જાહેરાતો કરીને ફોન રિકોલ કરવાનું શરૂ કરી દીધું છે. લાખોની સંખ્યામાં ફોન છે. દુનિયાના કેટલાંય દેશોમાં વેચાયા છે. કંપની આ મોડેલ પાછું લઈને તમને કાં તો રિફંડ કાં રિપ્લેસમેન્ટ કરી આપે છે અને આ ભગીરથ કાર્યમાં કંપની અટવાઈ છે એટલે ઓક્ટોબરની પહેલીએ એ જે નવું મોડલ બજારમાં મૂકવાની હતી તેમાં જરા ડિલે થશે એવી પણ જાહેરાત થઈ.   કન્સપાયરસી થિયરી કંઈક આવી છે. આ જાણીતી કંપનીનો ફોન બજારમાં લોન્ચ થયો તે પહેલાં જ એના વિશે વાતો શરૂ થઈ ગઈ હતી કે આ 'ફોન ઓફ ધ યર' બનવાનો છે એવા આકર્ષક ફીચર્સ એમાં છે. આ સિરીઝના ફોન વિશે તમને ખબર હશે કે આમાં ફોનની સાથે એમાં જ ખોસેલી હોય એવી સ્ટાયલસ આવે છે, એક નાનકડી પેન જેવું સાધન આવે છે જેના વડે તમે કાગળ પર નોંધ લખતા હોય તે જ રીતે ફોનમાં તમારા હસ્તાક્ષર વડે નોંધ લખી શકો. આ સુવિધા ઘણા વ્યવસાયના લોકો માટે ઉપયોગી છે. હવે તો એ સ્ટાયલસના બીજા ઘણા ઉપયોગો થઈ શકે છે. ઉપરાંત બીજા અનેક ઉપયોગી ફીચર્સ છે જેની વિગતોમાં જવાની અહીં કોઈ જરૂર નથી. માત્ર એટલું જાણી લેવું જોઈએ કે લગભગ ચારેક વર્ષ પહેલાં આવા 'પેન્સિલવાળા' ફોન આવ્યા ત્યારે સૌને લાગતું હતું કે હરીફો પણ હવે આવું ફીચર તેમના ફોનમાં ઉમેરશે પણ સમ હાઉ ઓર અધર બીજા આવું નથી કરી શક્યા અથવા નથી કરવા માગતા. સ્ટીવ જોબ્સે હયાત હતા ત્યારે કહેતા કે માણસની આંગળી જ એના માટે સૌથી સ્ટાયલસ છે!   આ મોડલના ફીચર્સ બજારમાંના બધા જ ફોનને ઝાંખા પાડી દે એમ હતું. આવું ન થાય તે માટે માત્ર આ મોડલને જ બજારમાં નિષ્ફળ બનાવવાનું કાવતરું પૂરતું નહોતું, કંપની જ આખી બદનામ થઈ જાય અને ગ્રાહકોનો એના પરથી ભરોસો ઊઠી જાય એવું કંઈક કરવું જરૂરી હતું. આવું દરેક વખતે થતું હોય છે. એપલે બે એક વર્ષ પહેલાં નવો પાતળો આઈફોન બજારમાં મૂક્યો તો ફરિયાદો આવવા માંડી, યુ-ટયૂબ પર વીડિયો પણ મૂકાવા માંડયા કે એપલનો આ નવો ફોન વળી જાય છે. ક્યારે વળી જાય છે? તમારા હિપ પોકેટમાં મૂક્યો હોય અને તમે ખુરશી પર બેસો ત્યારે! લો, કરો વાત. હું આગમાં આંગળી નાખું તો દાઝી જઉં છું એવી ફરિયાદ થઈ. કંપનીએ જોકે આ ફરિયાદને બહુ સિરિયસલી લીધી નહીં, લેવા જેવી પણ નહોતી, અને એ તરત શમી પણ ગઈ.   પરંતુ બેટરી ગરમ થઈને ધડાકો કરે એવી ફરિયાદ ઘણી સિરિયસ કહેવાય અને એમાંય એકાદ નહીં. ડઝનબંધ કિસ્સા દુનિયાના અલગ-અલગ ખૂણેથી રિપોર્ટ થવા માંડે ત્યારે માણસો અતિ ગંભીર બની જાય.   કન્સપાયરસી થિયરી એવી છે કે ફોન કંપનીના બેટરી ડિવિઝનમાં પ્રતિસ્પર્ધીઓએ સેંધ મારીને કંઈક ગરબડ કરી જેને પરિણામે ખામીવાળી બેટરીઓ બની. આ મોડેલ લોન્ચ થયું ત્યારે લાખો નંગ ચપોચપ ઊપડી ગયા, દરેક જગ્યાએ પોઝિટિવ રિવ્યૂઝ આવ્યા અને 'ફોન ઓફ ધ યર'નું બિરૂદ પણ એને મળ્યું. હજુ આ ઈનિશિયલ યુફોરિયા ઠંડો પડે ત્યાં જ એની બેટરી વિશેની ફરિયાદો શરૂ થઈ. નેટ ઉપર સેંકડો ફોટા દેખાવા માંડયા જેમાં બેટરીના વિસ્ફોટને લીધે થયેલું નુકસાન દેખાતું. લોકો સ્હેમી ગયા આમાં તો જાનનું જોખમ છે. કંપનીએ તાબડતોબ સૂઝ વાપરીને ફોન રિકોલ કરવાની જાહેરાત કરી દીધી.   કન્સ્પાયરલી થિયરી સામે સવાલ અનેક છે. આવું કાવતરું કરવું કંઈ બચ્ચાના ખેલ છે? કંપનીની ફેકટરીઓ શું કંઈ જાહેર જગ્યા છે કે કોઈપણ આવીને એના બેટરી મેન્યુફેકચરિંગ યુનિટમાં  કંઈપણ ગપલો કરી જાય? કયો માણસ કે કઈ ટીમ આ બેવફાઈ માટે જવાબદાર છે તેની શું કંપનીને ખબર ના પડે? કોઈપણ પ્રતિસ્પર્ધી કંપની શું એટલી નિર્દયી હોઈ શકે કે રાઈવલ કંપનીને પછાડવા નિર્દોષ ગ્રાહકોના જાન સાથે ચેડાં થાય એવું કાવતરું ઘડે? આ અને આવા અનેક સવાલો થાય જેને સાથે કંપની તરફી દલીલો કરનારાઓનો એક જ સવાલ હોવાનો! અબજો ડોલરનું ટર્નઓવર કરતી કંપની  પોતે શું બેવકૂફ છે કે સેલફોનની દુનિયામાં સૌથી વધુ વખણાતો ફોન લોન્ચ કરતી વખતે બેટરીની ક્વોલિટી ના જાળવે?   કન્સ્પાયરસી થિયરીઓ ક્યારેય પ્રૂવ થવાની નથી હોતી. એ બધી થિયરીઓ માત્ર થિયરી જ બનીને ભવિષ્યમાં યાદ રહેતી હોય છે. આપણે માત્ર એટલો જ ધડો આમાંથી લેવાનો છે કે મોટાં કામ કરવા જતા હોઈએ ત્યારે ધ્યાન રાખવાનું કે શત્રુઓ પણ મોટા બનવાના અને આવા મોટા શત્રુઓમાંથી કોઈક તમને પછાડવાની કોશિશ કરે ત્યારે રડવા બેસવાનું નહીં. કપડાં પરથી ધૂળ ખંખેરીને ફરી માર્કેટમાં આવી જવાનું બસ!

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 39

• Privacy • Unsubscribe • Terms of Use

.

__,_._,___