[amdavadis4ever] જીવની પરવા કર્ય ા વિના ફરજ બજાવી

 

Please use http://translate.google.com/ to translate this article to Language of your choice. જીવની પરવા કર્યા વિના ફરજ બજાવી શ્રીલેખા યાજ્ઞિક મન હોય તો માળવે જવાય તે કહેવત આપણે જીવનમાં અનેક વખત સાંભળી હોય છે. તેમ છતાં જ્યારે કોઈ જવાબદારી કે આકસ્મિક સંજોગો ઊભા થાય ત્યારે ફરજને નિભાવવાથી ૧૦૦માંથી ૯૯ ટકા લોકો પીઠ બતાવી દેતા હોય છે. કોઈ હિંમતવાળો હરિનો લાલ લાખોની જાન બચાવવા માટે પોતાની આંતરસૂઝનો ઉપયોગ કરીને આગળ આવે છે. તાજેતરમાં ઉત્તર પ્રદેશના બિહારના બૂંદેલખંડ રાજ્યમાં આવેલા બલિયા જિલ્લાના બારિયા ગામમાં ભયંકર પૂરની પરિસ્થિતિ સર્જાઈ હતી. ગંગા અને ઘાઘરા નદીનું પાણી ધસમસતું વહી રહ્યું હતું. ગંગા નદી ઉપર બાંધવામાં આવેલો ૬૦ વર્ષ જૂનો રિંગ ડેમ તૂટું તૂટું થઈ રહ્યો હતો, એક હજાર ગામડાંના ૨૦ લાખ લોકો પૂરને કારણે ફસાયા હતા. આશરે બે લાખ લોકોએ ૧૮૦ રાહત કેમ્પમાં આશરો લીધો હતો. ઑગસ્ટ ૨૬, ૨૦૧૬ના રોજ બલિયા જિલ્લાના સબ ડિવિઝનલ મેજિસ્ટ્રેટ અરવિંદ કુમાર ઉપર ફોન આવ્યો. ગામમાં આવેલો ડેમ ગમે ત્યારે તૂટી જવાની શક્યતા છે. તેથી સમારકામ કરી રહેલા મજૂરો કામ છોડીને ચાલી ગયા છે. અરવિંદ કુમારને પરિસ્થિતિનો ખ્યાલ આવી ગયો. તેમણે પોતાની ગાડી બહાર કાઢી. મધરાત પછી બે વાગે તેઓ બલિયા પહોંચી ગયા. અરવિંદ કુમારને ડેમના સ્થળે પહોંચવા માટે હોડીનો સહારો લેવો પડ્યો. તેમણે જોયું કે લોકો ગભરાટને કારણે ડરી ગયેલા દેખાય છે. ગામના લોકોને શાંત પાડ્યા. સ્થાનિક લોકોને ગામ ખાલી કરીને સુરક્ષિત ઊંચા સ્થળે જવાનું જણાવ્યું. અરવિંદ કુમારે નાવિકને કહીને ગાંઠના પૈસે ગામના લોકો માટે જરૂરી વસ્તુઓ મગાવી.  એક તરફ મુશળધાર વરસાદ અને બીજી તરફ ગ્રામજનોમાં પૂરને કારણે ફેલાયેલો ગભરાટ અરવિંદ કુમારના તાકીદે પગલાં લેવા અજ્ઞાત સંકેત આપી રહ્યો હતો. અચાનક તેમનું ધ્યાન ગયું કે બાંધકામના સ્થળે કાટમાળ ભરવા જે બેગ વપરાય છે પોલિયેસ્ટર બેગ દેખાઈ. હાઈડ્રોલિક માળખું બનાવવા માટે આ બૅગ ઉપયોગમાં લેવામાં આવે છે. અરવિંદ કુમારને એક વિચાર આવ્યો કે જો આ બેગનો ઉપયોગ પાણીના પ્રવાહને રોકવા યોગ્ય રીતે કરવામાં આવે તો ગામને પૂરની ગંભીર પરિસ્થિતિથી બચાવી શકાય. અરવિંદ કુમારે જાતે બેગ ઊંચકીને ફટાફટ પાણીના પ્રવાહને રોકવા ડેમ પાસે ગોઠવવાનું શરૂ ર્ક્યું. તેમને કામ કરતા જોઈને ત્યાં કામ કરી રહેલા મજૂરો મદદે દોડી આવ્યા. એક કલાકમાં ૩.૫ કિલોમીટર લાંબા ડેમને ૪૦૦ વ્યક્તિ દ્વારા પાણીને રોકવાનો પ્રયત્ન કરવામાં આવ્યો. અનેક લોકો કામે લાગી ગયા હતા, તે સમયે કોઈ વ્યક્તિએ આવીને પોતાનું ડહાપણ ડોળીને અરવિંદ કુમારને ક્હ્યું પણ ખરું કે તમે શા માટે કામ કરો છો? કામ કરવા માટે ૪૦૦ લાકો હાજર છે. તમારે તો કેવળ આદેશ આપવાનું કામ કરવું જોઇએ. જોકે, અરવિંદ કુમારે તેમની વાત કાને ધરી નહીં અને તે સમયે સાફ સાફ જણાવી દીધું કે 'હાલમાં હું મારા હોદ્દા કરતાં ગ્રામજનોના ઘરને બચાવવામાં સહાય કરતો એક સામાન્ય માનવી છું.' હિંમત કરનારને નસીબ પણ સાથ દેતું હોય છે એમ થોડા સમય બાદ પરિસ્થિતિ સામાન્ય બની ગઈ.  અરવિંદ કુમારને ભૂતપૂર્વ રાષ્ટ્રપતિ અબ્દુલ કલામ સાહેબ માટે ખૂબ આદર છે. બનારસમાં ગરીબ કુટુંબમાં ઉછરેલા અરવિંદ કુમારનું જીવન કંઇ સરળતાથી નથી પસાર થયું. તેમણે જીવનમાં ઘણો સંઘર્ષ ર્ક્યો છે. એક સમય એવો હતો કે શિક્ષણ લેવા માટે પણ તેમની પાસે ફીના પૈસા ન હતા. ભણતર ચાલુ રાખવા તેમના મિત્રો પાસેથી ફીના પૈસા તેમણે લેવા પડતા. જોકે, આગળ ભણવું તો હતું જ અને ઉચ્ચ શિક્ષણ મેળવવાની અદમ્ય ઈચ્છાને કારણે મિત્રો તેમની ફી ભરવા પણ ઉત્સુક રહેતા. મિત્રોને વિશ્ર્વાસ હતો કે આ યુવાન ભણતરમાં નામ કાઢશે. આઈએએસ બનીને ફક્ત ૨૮ વર્ષની નાની વયમાં તેમણેે ડિવિઝનલ મેજિસ્ટે્રટની પદવી બલિયા જિલ્લામાં સંભાળી. અરવિંદ કુમારનું કામ ગ્રામ્યજનોના જીવનના ઉત્કર્ષ માટે નવી નવી યોજના અને વિચારોનો વાસ્તવિક્ત જીવનમાં અમલ કરવાનું છે. જ્યારે તમારો ઉપરી કે નેતા જાતે મહેનત કરતો હોય ત્યારે એ કામ ઝડપભેર પૂરું કરવાની મહેચ્છા અન્ય લોકોમાં ફરી વળતી હોય છે. આ સંદર્ભમાં અરવિંદ કુમારનું કહેવું છે કે તેમણે ઊંચકેલી પોલિયેસ્ટરની ગૂણીને જોઈને તેઓ રાજી થઈ ગયા. પળભરમાં ગ્રામજનો મારી સહાયે આવી ગયા. ગ્રામજનોનું કામ પ્રત્યેનું સમર્પણ જોઈને મારું મન આનંદિત બની ગયું. ગ્રામજનોનું પણ કહેવું છે કે ઉચ્ચ પદ શોભાવતી વ્યક્તિઓ દ્વારા વારંવાર ભ્રષ્ટાચાર અને કામચોરીના કિસ્સા આપણે જોતાં-સાંભળતા રહીએ છીએ. અમારા બલિયા ગામને ગ્રામજનોના હિતની કાળજી લેનાર વ્યક્તિ મળી તે અમારું સદ્ભાગ્ય જ છે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 39

• Privacy • Unsubscribe • Terms of Use

.

__,_._,___