[amdavadis4ever] કુછ તો કંટ્ર ોલ કરો યારો...

 

Please use http://translate.google.com/ to translate this article to Language of your choice. કુછ તો કંટ્રોલ કરો યારો...  કવર સ્ટોરી : રીના બ્રહ્મભટ્ટ ફરી એક વાર મેગી નૂડલ્સની જેમ બ્રેડની ક્વોલિટી અને બ્રેડમાં રહેલા હાનિકારક તત્ત્વોને લઈને દેશભરમાં બહેસ શરૂ થઈ છે ત્યારે લોકો પણ ઠંડા કલેજે આ બહેસની હેડલાઈન વાંચે છે. બાકી હવેનો સીન તેવો છે કે, લોકો તેમના માટે ખાણી-પીણીથી લઈને વપરાશની જે ચીજો જરૂરી હોય તે વાપરે તો છે, પરંતુ એક અવિશ્વાસ સાથે અને શક તો તેમને હોય જ છે અને જ્યારે જ્યારે આવા રિપોર્ટ આવે છે ત્યારે નેચરલી લોકો થોડા શોક્ડ થાય છે. બટ ઇટ્સ એક્સપ્ટેબલ... જેવો ઘાટ થયો છે અને તેનું કારણ છે કે, ભારતમાં ચીજવસ્તુઓની ગુણવત્તાની કોઈ ગેરંટી, કોઈ સ્યોરિટી કે કોઈ સ્ટાન્ડર્ડ નથી અને કદાચ એટલે જ લોકોનો વિશ્વાસ ઘટી ગયો છે. જ્યારે અમેરિકા,યુરોપ સહિતના દેશો ખોરાકની ક્વોલિટી અને સ્ટાન્ડર્ડ્સ માટે એકદમ સ્ટ્રોંગ હોય છે. કશું ચલાવી લેવાતું નથી. જ્યારે અહીંની હાલત તેવી છે કે, જ્યારે કોઈ પીઆઈએલ તાય કે કોઈ બનાવ બને ત્યારે સિસ્ટમ સફાળી જાગે છે અને ભાગદોડ મચી જાય છે અને થોડો સમય ટીટીયારો થાય છે અને પછી ધીમેધીમે બધું થાળે પડી જાય છે. જેમાં લોકોનો પણ કંઈ ઓછો વાંક નથી. હેલ્થને લઈને મેગીના કેમિકલ્સ સ્ટાન્ડર્ડ્સ અંગે આટલો હોબાળો મચ્યો તેમ છતાં આ પ્રજા અને તેમાં પણ ખાસ કરીને ભારતનો યંગસ્ટર્સ કે જે આજની હાયર એજ્યુકેટેડ પેઢી છે અને તેમને હાનિકારક કેમિકલ્સ વિશે નોલેજ છે. તેમ છતાં ટેસ્ટનો ચસકો તેમના પર એટલો સવાર છે કે, તેઓ આવા રિપોર્ટ્સ પર ધ્યાન આપ્યા વિના જીભના ચટાકા પર જ વધુ ભાર આપે છે અને એટલે જ આજે મેગી ફરી માર્કેટમાં વેચાઈ રહી છે. ત્યારે નથી લાગતું કે હદ છે હવે યાર કંઈક તો કંટ્રોલ કરો. તમારી આવી મેન્ટાલિટીને કારણે જ લાલચુ કંપનીઓ ફાવી ગઈ છે. માનો કે ન માનો,પરંતુ તે એક નગ્ન સચ્ચાઈ છે કે, આજના યંગસ્ટર્સને દાળ-ભાત, શાક-રોટલી જેવું રુટિન ગુજરાતી ભોજન જરા પણ ફાવતું નથી અને ભાવતું પણ નથી. તેમને ઓરિજિનલ સ્વાદને બદલે ફેબ્રિકેટેડ સ્વાદની લઢણ લાગી છે અને પિત્ઝા, પાસ્તા, મેક્રોની, સ્પગેટી, બર્ગર, નૂડલ્સ,લઝાનિયા આવી તો કેટકેટલીય વાનગીનું લાંબું લિસ્ટ છે કે બધી જ બ્રેડ બેઝની હોય છે.  એટલે કે માસિયાઈ ભાઈઓની જેમ તે જ આટામાંથી બને છે અને તે જ પ્રકારના કેમિકલ્સથી ખદબદતી હોય છે, પરંતુ માઈના લાલના જીભે તે હદે ચટાકા સવાર છે કે, કેમિકલ્સ ગયા તેલ પીવા અને હેલ્થનું જે થવું હોય તે થાય, પરંતુ અમે તો આ ફાલતુ ચીજો ખાવાના... ખાવાના અને ખાવાના જ જેવો ઘાટ છે. એની વે, તેવામાં ફરી એકવાર રિપોર્ટ ફ્લેશ થયા છે કે, બ્રેડમાં વાપરવામાં આવતા પોટેશિયમ બ્રોમેટ નામના તત્ત્વથી શરીરને ગંભીર ખતરો ઊભો થઈ શકે છે. પોટેશિયમ બ્રોમેટનો કેમિકલ ફોર્મ્યુલા છે ઇ૯૨૪એ કે જે તેનું રસાયણ છે. ત્યારે જાણી લો કે ભારતમાં બ્રેડ બનાવતા પહેલાં પોટેશિયમ બ્રોમેટને બ્રેડમાં મિલાવવી તે રુટિન બાબત છે. તેથી અગર તેને નિયંત્રિત માત્રામાં મિલાવવામાં આવે તો તેનાથી ખાસ હાનિ થતી નથી બલકે થોડી પણ વધુ માત્રામાં મિલાવવામાં આવે તો  તેનાથી શરીરને અનેક પ્રકારે નુકસાન થાય છે. ત્યારે જાણી લો કે બ્રેડને વ્હાઈટ બનાવવા અને તેને વધુ ફુલાવવા માટે આ કેમિકલનો ઉપયોગ કરવામાં આવે છે, પરંતુ બ્રેડને દેખાવમાં સુંદર બનાવતું આ કેમિકલ કોઈક રીતે તો ગંભીર હશે જ અને એટલે જ છેક ૧૯૯૦માં સમગ્ર યુરોપમાં પોટેશિયમ બ્રોમેટને કોઈ પણ ખાદ્ય પદાર્થમાં મિલાવવા પર પ્રતિબંધ લાદવામાં આવ્યો હતો. તો અમેરિકામાં પણ ૧૯૯૧માં તેના પર પ્રતિબંધ લગાવવામાં આવ્યો હતો. તો ૨૦૦૧માં શ્રીલંકામાં, ૨૦૦૫માં ચીનમાં અને નાઈજીરિયા, બ્રાઝિલ અને પેરુ જેવા દેશોમાં પણ આ કેમિકલ પ્રતિબંધિત છે. જ્યારે ભારતમાં બિનધાસ્તપણે તેનો ઉપયોગ થાય છે ત્યારે નથી લાગતું કે, શું ભારતીયોનો જીવ સસ્તો છે? કે અન્ય દેશોમાં પ્રતિબંધિત હોય તેવા રસાયણોનો ઉપયોગ ભારતમાં બેરોકટોક થાય છે. વિશેષમાં ભારતીયો બ્રેડનો ઉપયોગ રોજની ખાણી-પીણીમાં અવશ્ય કરે છે. સવાર પડે કે તેઓ બ્રેડ-બટર, બ્રેડ આમલેટ, બ્રેડ-જામ જેવી કેટલીય રીતે બ્રેડનો ઉપયોગ કરે છે અને તે સિવાય અન્ય આઈટમ્સ બનાવવામાં તેનો ઉપયોગ તે અલગ બાબત છે, પરંતુ આ રસાયણથી પેટની અનેક ગંભીર સમસ્યાઓ થાય છે. જેને નજરઅંદાજ કરાય છે. બાય ધ વે આ તો મેગી નૂડલ્સ બાદ બ્રેડના કેમિકલ્સને લઈને એક નવો ઈશ્યૂ સામે આવ્યો છે. બાકી ભારતના યંગસ્ટર્સની હાલત તેવી છે કે, તેઓ બ્રેડ નહીં તો બ્રેડનો ભાઈ તેવી અનેક ફાસ્ટફૂડ આઈટમ્સ મોટા ભાગે દિવસ દરમિયાન આરોગે છે અને તો જ તેમને શાતા મળે છે. ફાસ્ટફૂડ આરોગ્ય વિના તેમનું ભોજન અધૂરું રહે છે અને તેથી તેઓ સ્ટડી દરમિયાન બ્રેક લઈ રેસ્ટોરન્ટ, કેફેમાં કે પિત્ઝાની ફેમસ બનેલ કંપનીઓમાંથી ઓર્ડર આપીને પણ આવી ચીજો ઝાપટે છે. જોકે લોકોની પોતાની ભૂલોની સાથે ભારતીય સિસ્ટમની ઘોર બેદરકારી પણ એટલી જ જવાબદારી છે. જેમાં ખાણી-પીણીને લઈને તો બેદરકારીની સાથેસાથે મિલીભગત પણ એટલી જ જવાબદાર છે. આજકાલ ઉનાળો ચરમસીમા પર છે અને ફળોનો રાજા કેરીઓના ઢગલા ઠેરઠેર બદલાયેલા હોય છે અને લોકો પણ આ સિઝનમાં ભરપૂરપણે કેરીઓની લિજ્જત માણે છે, પરંતુ આપણી બદનમસીબી અને તંત્રની ઉપેક્ષાને કારણ કે ક્યાંક મિલીભગતના કારણે આ કેરીઓ મોટા ભાગે કેમિકલ્સથી જ પકાવવામાં આવે છે અને તેમાં ખાસ કરીને આર્સેનિક અને ફોસ્ફરસ પ્રચૂર માત્રામાં હોય છે કે જેનાથી કેન્સર થવાનો ભય મોટા પ્રમાણમાં હોય છે. તેમ છતાં આ કેમિકલનો ઉપયોગ રોજેરોજ થાય છે અને તે પણ નાનોસૂનો નહીં, પરંતુ ભરપૂર માત્રામાં. તેમ છતાં તંત્ર ક્યારેક સફાળું જાગી ફ્રૂટ્સના વેપારીઓના ત્યાં રેડ પાડી આવાં ફળોનો જથ્થો કબજે કરે છે, પરંતુ લોકો પણ અંદરનો ખેલ જાણી ગયા છે કે, તંત્રના મિલીભગત ધરાવતા ઓફિસર્સનો આ ખાલી કારસો હોય છે.જો કારસો ન હોય અને સિરિયસ પગલાં ભરવામાં આવતાં હોય, સજા ફટકારવામાં આવતી હોય, પેનલ્ટી થતી હોય તો નેચરલી તેમને કાયદાનો અને સિસ્ટમનો થોડો ડર હોય અને ડર હોય તો આવા કરાનામા ના જ કરે કે ન તો લોકોની હેલ્થ સાથે ચેડાં કરે, પરંતુ આવી ખામીઓ અને મિલીભગતના કારણે આજે કેમિકલ્સ બેઝ પ્રોડક્શન વધ્યું છે અને તેની આડઅસરના કારણે લોકોને અનેક પ્રકારના કેન્સર પણ થઈ રહ્યા છે તો વંધ્યત્વ જેવી સમસ્યાઓનું પ્રમાણ વધ્યું છે. તેથી માનો કે ન માનો, પરંતુ તે હકીકત છે કે, આ બધી સમસ્યાઓ તે ખાન-પાનમાંથી સર્જાતી બાય પ્રોડક્ટ્સ જ છે, પરંતુ ન તંત્ર જાગે છે, ન તો લોકો ઉજાગર થાય છે કે ન સરકાર હરકતમાં આવે છે અને લોકોની પણ મોટી ખામી તે છે કે, આટઆટલી સમસ્યાઓ જોવા મળતી હોવા છતાં ચટાકા સામે તેમણે ચૂકવવી પડતી કિંમતની તેઓ દરકાર રાખતાં નથી અને આટઆટલા અહેવાલો, રિપોર્ટો પ્રગટ થતાં હોવા છતાં બિનધાસ્ત બની દરરોજ એક નશાની જેમ બ્રેડ, નકલી ચીઝ, નકલી બટર અને કેમિકલ્સ યુક્ત મેંદાની આઈટમ્સો ઝાપટે રાખે છે. ત્યારે સવાલ તે થાય છે કે, આ લોકોને બચાવશે કોણ? ત્યારે દિલમાંથી જાણે-અજાણે અવાજ નીકળે છે કે, જાગો લોકો જાગો અને પરંપરાગત ભારતીય જીવનશૈલી અને પરંપરાગત ખાનપાન તરફ પરત ફરો. હા, ઠીક છે કે, તમે ક્યારેક સ્વાદના બદલાવ માટે કોઈ વાર થોડું ઘણું ખાઈને તમારો શોખ પૂરો કરો છો, પરંતુ તેને તમારી રોજિંદી આદત ન બનાવો. નૂડલ્સમાં સીસા જેવી ભયાનક ધાતુનું ઊંચું પ્રમાણ મળ્યા બાદ બ્રેડમાં પોટેશિયમ બ્રોમેટ મળ્યું, પરંતુ ન ભૂલો કે તેવી તો કેટલીય આઈટમ્સ છે કે જે કેમિકલ્સ વિના સ્વાદિષ્ટ બનતી નથી. ત્યારે આ સાથે તમે રોજેરોજ જે આઈટમ્સની મોજ માણો છે તે તમારા માટે કેટલી ફાયદેમંદ કે હાનિકારક છે તે પણ જોઈએ તો,   ફ્રેંચ ફ્રાઇઝ : જે ભરપૂર ચરબીનો સ્રોત હોય છે અને બટેટા પ્રોટીનના સ્રોત હોવા છતાં તેની બનાવટના કારણે તેમાં પ્રોટીન જોવા મળતું નથી. વધુમાં મોટા ભાગની રેસ્ટોરન્ટ્સ આવી ચીપ્સ રેડીમેડ તૈયાર રાખે છે કે જેની જાળવણી અને બનાવટમાં કેમિકલ્સની હાજરી અવશ્ય હોય છે અને આ રેડીમેડ ચીપ્સને ફ્રાય કરી તમને સર્વ કરવામાં આવે ત્યાં સુધી તમને તેમાં ફાયદો મળે તેવા કોઈ તત્ત્વો બચતાં જ નથી. બર્ગર : મેંદા અને આથો આવવાની પ્રોસિજરથી બનતા હોવાથી તે પેટની તકલીફો તો ઊભી કરે જ છે, પરંતુ તમને સ્વાદ આપ્યા સિવાય કોઈ ફાયદો કરાવતાં નથી. તેમાં કોઈ પોષક તત્ત્વો હોતાં નથી. પિત્ઝા : આ બ્રેડ બેઝ આઈટમ જ છે કે મેંદામાંથી બને છે. જેથી તેમાં પણ પોષક તત્ત્વો હોતા નથી. હા, તેમાં સજાવટ પૂરતાં થોડા વેજ ઉમેરાય છે, પરંતુ તેના રોટલા મોટા ભાગે વાસી જ હોય છે જેથી પેટને ભારે નુકસાન પહોંચાડે છે. નૂડલ્સ : મેંદાની બનાવટ હોવાને કારણે આમાં પણ કોઈ પોષક તત્ત્વો હોતાં નથી. છોલે ભટૂરે : આમાં પણ મેંદો જ વપરાય છે અને તેમાં પણ જ્યારે તેમને તળવામાં આવે છે ત્યારે તે પેટ અને આંતરડા માટે નુકસાનકારક સાબિત થાય છે. ઠંડા પીણાં : ફોસ્ફરિક એસિડમાં બનતા હોવાથી હાડકાંને નબળાં પાડે છે.   ત્યારે આખરે હવે તેમ કહેવાનું જ મન થાય છે કે લોકો જાગશે તો જ તંત્ર અને સરકાર પણ સજાગ થશે કે પ્રજા આ નહીં ચલાવે. બાકી તમને ખબર હોય કે તમે જે આરોગો છો તેમાં હાનિકારક તત્ત્વોની ભરમાર છે તેમ છતાં તમો કોઈ ઓબ્જેક્શન રાખતાં નથી તો આ તો ચાલવાનું જ છે. તેથી પરંપરાગત ભારતીય ભોજનને જ સ્થાન આપો.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 59

• Privacy • Unsubscribe • Terms of Use

.

__,_._,___