[amdavadis4ever] ૯૦મા વર્ષે ત્રીજા લગ્ન કરી હનીમૂન પર જઈ શકાય!

 

Please use http://translate.google.com/ to translate this article to Language of your choice. ૯૦મા વર્ષે ત્રીજા લગ્ન કરી હનીમૂન પર જઈ શકાય! ૫ોઈન્ટ બ્લેન્ક : એમ. એ. ખાન એક ભાઈ છેલ્લાં ૧૫ વર્ષથી પોતાના શરીરની જરૂરિયાત કરતાં ૬૦૦ કેલરી ઓછી મળે એ રીતનું જ ભોજન લઈ રહ્યાં છે. તેઓ વિજ્ઞાાની હોવાથી એમનું કામ સતત માથાનું વલોણું કરવાનું છે. તેથી એમને રોજ ૨૫૦૦ કેલરી ઊર્જા મળે એવા ખોરાકની જરૂર હોય છે, પરંતુ તે રોજ માત્ર ૧૯૦૦ કેલરી મળે એટલો જ ખોરાક ખાય છે. એમણે આખા અઠવાડિયામાં રોજે રોજ સવારે નાસ્તાથી માંડીને રાતનાં ભોજન સુધી શું શું ખાવું અને કેટલાં પ્રમાણમાં ખાવું એની યાદી(ડાયેટ પ્લાન) બનાવી છે અને એનો કડકાઈથી અમલ કર્યો છે. ડો.માઈકલ રાય નામના આ નિષ્ણાત પોતાની પ્રયોગશાળાના ઉંદરો પર આ પ્રયોગ કરી ચૂક્યા છે. ઉંદરોના ખોરાક પણ નિયંત્રણ રાખવાથી સ્વસ્થ જીવનનાં વર્ષો વધી ગયાં હતાં. ડો. માઈકલ રાયને ખાતરી છે કે એમના જીવનમાં પણ આરોગ્યથી થનગનતાં ૧૫ વર્ષ જરૂર વધી જશે.     ૪૫ વર્ષના આ ભાઈ કેલિફોર્નિયાનાં એન્ટી એજીંગ ફાઉન્ડેશના વડા છે. એમને ખાતરી છે કે એમના આ પ્રયોગ અને બીજા લોકો જે ઔષધિય તથા જિનેટિક પ્રયોગો કરી રહ્યાં છે. એ બધાના સરવાળારૂપે નજીકના જ ભવિષ્યમાં આયુષ્ય ૧૫૦ વર્ષનું કરી શકાશે. ઉંમર ઉપર જ સંશોધન કરતી અન્ય એક સંસ્થા મેથુસલાહ ફાઉન્ડેશનના વડા ડેવ ગોબેલ ખાતરીથી કહે છે કે પ્રયોગોના અંતે એક સમય એવો આવશે કે દર વર્ષે માણસની ઉંમરમાં એક વર્ષનો ઉમેરો કરી શકાશે. ત્યારે માણસો ખરેખર અમર બની જશે.   અત્યારની સ્થિતિ તપાસીએ તો હૃદયની બગડેલી રક્તનળીઓ બદલી શકાય છે, વાલ્વ બદલી શકાય છે, નવું હૃદય, યકૃત, કિડની અનેક અંગો બેસાડી શકાય છે. પરિણામે ૯૫ વર્ષની વ્યક્તિ સડસડાટ દાદરો ચઢીને યુવાનોને આંચકો આપી શકે છે. અગાઉ લોકો સરેરાશ ૬૫ વર્ષ જીવતા હતાં, આજે સરેરાશ આયુષ્ય ૯૦ વર્ષ અંકાય છે. આયુષ્યમાં આ વધારો વધુ સારા ખોરાક, રહેઠાણ, જાહેર આરોગ્યની સેવાઓ અને કેટલીક દવાઓનાં કારણે થયો છે. તેથી જ ૧૦૦-૧૨૦ વર્ષ જીવનારા લોકોના સમાચાર છાશવારે પ્રગટ થઈ રહ્યાં છે. વિજ્ઞાાનીઓને ખાતરી છે કે એક-બે દાયકામાં લોકોને ૧૫૦ વર્ષનું આયુષ્ય મળશે. અને થોડા વધુ દાયકાઓ પછી ૨૦૦ વર્ષ પણ નિરાંતે જીવી શકશે.   માણસોનું આયુષ્ય વધારવા માટે શરીરનાં ઘસાયેલા કોષની જગ્યાએ નવા કાચા કોષ (સ્ટેમ સેલ્સ) રોપવાના પ્રયોગ ચાલી રહ્યાં છે. શરીરમાં વપરાઈ વપરાઈને જુનાં થયેલા લોહીને બદલે નવું યુવાન લોહી બદલવાનાં અખતરાં પણ ચાલી રહ્યાં છે. જે તે માણસના શરીરના જ કોષ લઈ તેમાંથી જીવન માટે અનિવાર્ય એવા હૃદય, ફેફસાં, કિડની, લિવર જેવા અંગ વિકસાવવાનાં પ્રયોગ પુરબહારમાં ચાલી રહ્યાં છે. શરીરનાં બધા અંગ આ રીતે સમયાંતરે બદલી શકાય તો શરીરનો ઘસારો નાબુદ થતો રહે અને ઘડપણ કદી આવે જ નહીં! વિજ્ઞાાનીઓના ધ્યાનમાં આવ્યું છે કે કેટલાંક પરિવારનાં લોકો કુદરતી રીતે જ લાંબું આયુષ્ય ભોગવે છે. એમના ડીએનએમાં લાંબું આયુષ્ય આપનાર કોઈક લખાણ જરૂર હશે. એવા પરિવારના લોકોનાં જીન મેળવીને તેના ડીએનએની બારીકાઈથી તપાસ ચાલી રહી છે. વિજ્ઞાાનીઓ એ લખાણ શોધી શકે તો પછી બધાનાં ડીએનએમાં એ લખાણ કોપી પેસ્ટ કરી દેવાનું જ રહે. બધાનું ૧૦૦-૧૨૦ વર્ષનું આયુષ્ય પાકું થઈ જાય!   માણસને ૧૫૦ થી ૨૦૦ વર્ષનું આયુષ્ય આપવાના અખતરાની ભેંસ હજી ભાગોળે આવી નથી, ત્યાં સંખ્યાબંધ સમાજવિજ્ઞાાનીઓ ભેંસનું દૂધ, તેનું દહીં અને દહીંની છાશ કેવી બનશે એની ગણતરીઓ કરવા લાગ્યાં છે. આ દીર્ઘદૃષ્ટા નિષ્ણાતો કહે છે કે લાંબા આયુષ્યની તૈયારીઓ કરતાં પેલાં એ સમજી લેવાની જરૂર છે કે લાંબું આયુષ્ય જાતજાતની સામાજિક અને આર્િથક સમસ્યાઓને વકરાવશે. સમસ્યાઓને સમજીને અત્યારથી જ એના ઉપાય પણ વિચારી લેવાની જરૂર છે.   માનો કે બધાને પોસાય એવા વ્યાજબી ખર્ચે આ સારવાર મળતી થઈ જાય, તો પછી પ્રશ્ન એ ઊભો થશે કે નોકરી-વ્યવસાયમાં માણસની નિવૃત્તિની વય કેટલી રાખવાની? માણસોની ઉંમર આંકડામાં વધતી રહેશે, પરંતુ ઉંમર સાથે એમની કાર્યક્ષમતા ઘટશે કે નહીં એની અત્યારે કોઈને ખબર નથી. માનો કે કાર્યક્ષમતા ન ઘટે તો એ માણસ કદી નિવૃત્ત જ ન થાય! સિવાય કે એ જાતે એકવિધતાથી કંટાળીને કામ છોડી દે અને નવું કોઈ કામ સ્વીકારે. માણસ જાતે કામ ન છોડે ત્યાં સુધી એને કામ ચાલુ રાખવાનો અધિકાર મળશે? જો મળે તો યુવાનોનું શું થશે? આ સમસ્યાનો ઉકેલ સરળ નહીં હોય!   આજે આપણે શિક્ષણ પદ્ધતિમાં મુંઝાયેલા છીએ. વર્ષો વર્ષ નવી શોધ થતી હોય, નવો ઈતિહાસ બની રહ્યો હોય ત્યારે વિદ્યાર્થીને કેટકેટલું શીખવવું? ૧૦ વર્ષનું શિક્ષણ બીજા ૧૦ વર્ષ પણ કામ આવતું નથી. એવામાં ૧૫૦-૨૦૦ વર્ષનાં આયુષ્યમાં શિક્ષણ કઈ ઉંમરે ચાલુ કરીને કેટલાં વર્ષ સુધી ચાલુ રાખવું? ૫૦-૫૦ વર્ષનાં તબક્કાઓમાં શિક્ષણ આપવાનો અખતરો કરી શકાય. પહેલી વખતનું શિક્ષણ ૫૦ વર્ષ સુધી ઉપયોગી રહે, પછી ફરી સ્કૂલ-કોલેજમાં દાખલ થઈ શિક્ષણ મેળવવાનું એ ૧૦૦ વર્ષની ઉંમર સુધી ઉપયોગી રહે. પછી ફરી સ્કૂલ-કોલેજમાં દાખલ થવાનું!   એવું બની શકે કે દર ૪૦-૫૦ વર્ષે લોકો નવી કરિયર અજમાવવા લાગે. બે કરિયર વચ્ચે પાંચ-દસ વર્ષનું વેકેશન લેવાની ફેશન પણ ચાલુ થઈ શકે. આ વાવાઝોડામાં લગ્ન અને એકપત્નીત્ત્વ કેટલું ટકશે એ જોવું પણ રસપ્રદ બનશે. સમાજવિજ્ઞાાનનાં નિષ્ણાતો ખાતરીથી કહે છે કે, એકપત્નીત્ત્વનો વિચાર ઓગળી જશે, કરિયરની જેમ લગ્ન પણ ૪૦-૫૦ વર્ષ માટે થશે. લગ્ન વ્યવસ્થા જે જરૂરિયાતમાંથી ઉદ્ભવી એ પ્રજનનની ક્ષમતા પણ પ્રશ્નો ઊભા કરશે. પુરૂષના શુક્રાણુ ઉત્પાદનનો કોઈ અંત નથી હોતો, એટલે પુરૂષ ૧૫૦ વર્ષે પણ સંતાન ઉત્પન્ન કરવા યોગ્ય રહેશે, પરંતુ મહિલાઓમાં ૫૦ વર્ષ પછી અંડાશયોમાં બીજનું ઉત્પાદન અટકી જાય છે. એ પછી એ સંતાન ઉત્પન્ન કરી શકતી નથી. એવી સ્થિતિમાં મહિલા ૧૫૦ કે ૨૦૦ વર્ષ જીવશે તો પ્રજનન ક્રિયામાં એની ભુમિકા શું રહેશે? વિજ્ઞાાનીઓએ નવી જિનેટિક ટેક્નોલોજી વિકસાવીને મહિલાઓની પ્રજનન ક્ષમતા પણ વધારવી પડશે.   શરીર વિજ્ઞાાનના નિષ્ણાતો સમાજવિજ્ઞાાનીઓને કહે છે, ધીરી રે બાપુડિયા! કલ્પનાનાં ઘોડાઓને લગામ આપો. હજી તો આયુષ્ય વધારવાના અખતરા ચાલી રહ્યાં છે. આયુષ્યની સાથે શરીરની બીજી ક્ષમતાઓ પણ વધશે એની ખબર નથી. જો એ ન વધે તો એ શી રીતે વધારવી એના નવેસરથી પ્રયોગ કરવાના રહેશે.ખાસ કરીને મગજની ક્ષમતામાં વધારો કરવો જ પડશે. મગજની રચના એવી છે કે તે ૬૦-૭૦ વર્ષ સુધી બધું યાદ રાખી શકે છે. ૧૫૦ વર્ષનાં આયુષ્યમાં ૭૦ વર્ષ પછી કશું યાદ જ ન રહેવાનું હોય તો જીવન શા કામનું રહે?   આપણા બધાની ઉંમર વધે છે, કારણ કે આપણા શરીરનાં કોષોમાં સિનેસન્સ નામની ખાસ પ્રક્રિયા થતી રહે છે. ઉંમર વધતી જાય એમ એમ કોષની વિભાજન પામવાની અને વિકાસ કરવાની ક્ષમતામાં ઘટાડો થાય એને સિનેસન્સ કહે છે. કોષની ક્ષમતામાં ઘટાડો કરતી એ પ્રક્રિયાને અટકાવી શકાય અથવા ધીમી પાડી શકાય તો જ લાંબું આયુષ્ય ઉપકારક બની શકે. નહીંતર પેલા પુરાણકથાના ટિથોનસ અશ્વ જેવી હાલત થાય. એ અશ્વએ દેવોની ખુબ સારી સેવા કર્યા પછી વરદાન સ્વરૂપે અમરત્ત્વ માગી લીધું. તે અમરત્ત્વની સાથે યૌવન માગવાનું યાદ ન આવ્યું, પરિણામે વર્ષો પછી એની પંગુતા વધતી રહી અને તેણે કોઈ તુચ્છ જંતુની જેમ પેટે ઘસડાઈને રઝળપાટ કરતાં રહેવું પડે. મૃત્યુ તો એને આવવાનું જ નહોતું. એવું ન થાય એટલાં માટે જ આપણે લાંબા આયુષ્યની સાથે આરોગ્ય તથા મગજ સહિત તમામ અવયવોની ક્ષમતાઓ પણ ૧૦૦-૧૫૦ વર્ષ લંબાવવી પડશે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 39

• Privacy • Unsubscribe • Terms of Use

.

__,_._,___