Sunday, 26 June 2016

[amdavadis4ever] ડિન્ક દુ નિયાઃબાહર ી હવાઓ, મારી જમીન

 



Please use
http://translate.google.com/
to translate this article to Language of your choice.



ડિન્ક દુનિયાઃબાહરી હવાઓ, મારી જમીન

હિંદુસ્તાન બદલાતું જાય છે અને યુવા પેઢીઓ માટે નવી ક્ષિતિજો ખૂલી રહી છે. સોફ્ટવેર કંપનીઓ એમના કર્મચારીઓ અને અફસરોનું બહુ સૂક્ષ્મ રીતે અમેરિકીકરણ કરી રહી છે. કારણકે સોફ્ટવેર જગતનો પ્રધાન સંપર્ક અમેરિકા સાથે છે. એટલે હિંદુસ્તાની કર્મચારીઓ પાસેથી એવી અપેક્ષા રહે છે કે એ અમેરિકન ઉચ્ચારણ કે એકસન્ટવાળું અંગ્રેજી બોલે, અને સમજે! 'ન્યૂ યોર્ક ટાઈમ્સ' ના એક રિપોર્ટ પ્રમાણે અહીં જરા ગરબડ થાય છે. કોન્ફરન્સ હોલ હોય તો કેવી રીતે બોલવું, કેવી રીતે વાત કરવી એ શીખવવામાં આવે છે.
 સહકર્મચારીઓ માટે મિસ્ટર કે મિઝ (મિસિસ કે મિસ નહીં) વાપરવાની પ્રેક્ટિસ કરવામાં આવે છે. પાર્ટીમાં વાઈન કે વ્હીસ્કી કે બિયર કેવી રીતે પીવો એ શીખવું જોઈએ. જે શરાબ ન પીતા હોય એમણે વાઈન કે મદિરાના ગ્લાસમાંથી કોક કે પેપ્સી પીવાની આદત પાડવી પડે છે. ઇન્ડિયનો જયારે પણ કોઈ મોટી ઉંમરના સહકર્મી પ્રવેશે છે ત્યારે ઊભા થઈ જાય છે. આ ભારતીય સંસ્કાર છે, પણ પિૃમી રિવાજ નથી. ઇન્ડિઅનોને એમનો સ્પષ્ટ અભિપ્રાય આપવાનો આગ્રહ કે અનુરોધ થાય છે ત્યારે સામાન્ય રીતે એ 'ના' કહેતાં અચકાય છે. પ્રોફેશનલ કે હાઈ સોસાયટીનું કલ્ચર જુદું છે અને એ વર્તુળમાં પ્રગતિ કરવી હોય તો શીખી લેવું અને બહુ જલદી શીખી લેવું, અત્યંત જરૂરી હોય છે. આ 'ડિન્ક' દુનિયા છે, 'ડબલ ઈન્કમ, નો કીડ' છે, જ્યાં પતિ-પત્ની બંને કમાય છે, અને સંતાનો નથી. 
પછી નાની નાની વસ્તુઓ આવે છેઃ ડિઝાઈનર ઘડિયાળો, પ્રિમીઅમ સનગ્લાસીસ, કેમેરા, વિદેશપ્રવાસ, ઘરમાં ડ્રિંકસનો બાર : કલબની સદસ્યતા, ક્રેડિટ-કાર્ડ, પ્લેનમાં પ્રવાસ,પોશ વિસ્તારમાં ફ્લેટ! કફ-લીંક્સ, ખિસ્સામાં મોંઘી-બ્લેંક પેન, ઈટાલીઅન ફ્રેમનાં ચશ્માં, નાઈકેનાં મોજાં, ચમચમાટ ઓક્સફર્ડ શૂઝ, લંડનના હિથરો એરપોર્ટ પરથી ખરીદેલી ટાઈ. જે આ વસાવી શકે છે એ બધા જ મધ્યમવર્ગમાંથી આવ્યા છે, સુશિક્ષિત છે અને પ્રોફેશનલ છે, ૩૫ થી ૪૦ ની આસપાસ છે, આકાશ જીતી લેવાની તમન્નાવાળા છે. આ ફાસ્ટ લેનમાં દોડતું આજનું ઈંડિયા છે! છ વર્ષની બેબીની બર્થ-ડે પાર્ટીમાં ૮૦૦ રૂપિયાની બર્થ-ડે કેક આવે છે. પિઝઝા હાર્ટ અને બેરીસ્ટા જેવાં નામો બાર વર્ષના છોકરાં વચ્ચે વચ્ચે ઉછાળતાં રહે છે. અને આ ગૃહપતિનું સ્વપ્ન છેઃ એક્સિક્યુટિવ ક્લાસ!  
એક્સિક્યુટિવ કલાસ પ્રકારનું જીવન એ ગુજરાતી મધ્યમવર્ગની ભૌતિક મહેચ્છાનો એક આયામ છે, અને એને યોગ્ય થવા માટે નવું નવું શીખતા રહેવું પડે છે. શેમ્પેન અને કોન્યેક દૂરની દુનિયા છે, પણ સ્ત્રીને માટે હેર-ડ્રેસર પાસે જઈને બ્લન્ટ કે સ્ટેપ્સમાં વાળ કપાવવા એ બહુ અસામાન્ય રહ્યું નથી. ડાયટિશિયન જેવો શબ્દ હવે ઉચ્ચ મધ્યવર્ગીય વાતચીતમાં સાંભળી શકાય છે. કીટ્ટી પાર્ટી અને હાઈ-ટી જેવા પ્રયોગોમાંથી કંઈક નવા ચમકદાર રોમાંસની અને થોડા પરાક્રમની,ખુશ્બૂ આવતી રહે છે! હાઈ-ટી ઈંગ્લેન્ડથી આયાત કરેલી વસ્તુ છે. વહેલી સાંજે લગભગ પૂરું વૈવિધ્યપૂર્ણ ભોજન તથા ચાપાન કરી લીધા પછી રાતનું ડિનર ના ખાવું એ હાઈ-ટી છે. પણ આપણે ભારત વર્ષમાં હાઈ-ટીનું ભારતીયકરણ કરી નાંખ્યું છે. આપણે ત્યાં ચાની સાથે બિસ્કિટ, સમોસા, કચોરી, પેસ્ટ્રી જેવો ઝમેલો હોય છે અને એ હાઈ-ટી કહેવાય છે, અને સામાન્ય રીતે આ બધું આરોગવાનો સમય સાંજના પાંચ-છનો હોય છે...  
એરોપ્લેનમાં ઊડવું ગુજરાતી જીવનમાં સામાન્ય થતું જાય છે. એર ઇન્ડિયાની લંડન-ન્યૂ યોર્ક ફ્લાઈટમાં પુત્રી કે પુત્રવધૂને સુવાવડ કરાવવા ઊડતી મમ્મી-સાસુઓની એટલી વસ્તી હોય છે કે આ ફ્લાઈટોને 'મમ્મી-સાસુ ફલાઈટ' જ નામ આપી દેવું જોઈએ! હવે વિમાનપ્રવાસ વિશે સૂચનાઓ આપતા રહેવાનો ઉદ્યોગ પણ વિકાસ પામતો રહ્યો છે. અને એકલી સ્ત્રીઓએ, ખાસ કરીને બિઝનેસ વિમેનો કઈ રીતે હોટેલમાં એકલા રહેવું, શું શું સાવધાનીઓ રાખવી, એ વિશે પણ જ્ઞાાનવર્ધક લેખો આવતા રહે છે. પ્લેનમાં સ્ત્રી એકલી વિદેશ જાય છે, અને કયારેક અજાણ્યા શહેરમાં રાત્રે રોકાવું પણ પડે છે. ગુજરાતી સન્નારીઓમાં બોય-ફ્રેન્ડઝનું પ્રમાણ પણ ઓછું છે અને પતિદેવો શેરબજારની ઊથલપાથલોમાં ગુલાટો મારવામાં વ્યસ્ત હોય છે, ત્યારે મોહમાયામત્સરવાસના આદિ કષાયોથી કેમ દૂર રહેવું એ વિશે ખાસ માર્ગદર્શન મળતું નથી. અનીતિમાં ખદબદતા અને આસક્તિમાં બણબણતા અને અધોગતિમાં સણસણતા ફિરંગીઓની વચ્ચે એમની પાતાળભૂમિમાં રહેવું એ આપણી સાંસ્કૃતિક પરંપરાની અગ્નિપરીક્ષા છે...ધર્મો રક્ષતિ રક્ષિતઃ!  
છેલ્લા વર્ષોમાં જબરદસ્ત પરિવર્તન આવી ગયું છે. ગાંધીટોપી કે હૈદરાબાદી ફૈંઝ કેપ ગાયબ થઈ ગયાં છે. સલવાર-કમીઝ અને જીન્સ અને ટોપ્સ પહેરેલી સ્ત્રીઓ તરફ હવે નજરો ફરતી નથી. પહેલાં જન્મદિવસે કોડિયાં જલાવવામાં આવતાં હતાં જે આપણી સંસ્કૃતિ હતી, હવે મીણબત્તીઓ ફૂંકો મારીને બૂઝાવવામાં આવે છે, જે પિૃમી સંસ્કાર છે. આ પણ સારું છે, અને એ પણ સારું હતું. વૈશ્વીકરણને લીધે સાંસ્કૃતિક હવાઓ ચારે દિશાઓથી ફૂંકાતી રહે છે. ગાંધીજી કહેતા હતા એમ બધી જ હવાઓ ફૂંકાઓ, પણ મારા પગ મારી જમીન પરથી ઊખડવા ન જોઈએ! પાટલા અને બાજોઠ પર ભોજન શરૂ કર્યું હતું, આજની પેઢીએ બ્રેકફાસ્ટ અને લંચ અને ફોર્મલ કે ઔપચારિક ડિનર માટે સજાવેલા ટેબલને પણ સમજવું પડે છે! જ્યાં સુધી બે હાથથી ખાવાની મજા છે ત્યાં સુધી મને બધાં જ પરિવર્તનો સ્વીકાર્ય છે...!  

__._,_.___
Posted by: Bhupendra Jesrani <jesranibd@yahoo.co.in>
Reply via web post • Reply to sender • Reply to group • Start a New Topic • Messages in this topic (1)
Have you tried the highest rated email app?
With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.
World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

.

__,_._,___
Posted by at

No comments:

Post a Comment

Subscribe to: Post Comments (Atom)