[amdavadis4ever] આ જીવનનો અર્થ શું?

 

Please use http://translate.google.com/ to translate this article to Language of your choice. "આ જીવનનો અર્થ શું?" અરસપરસ એકેડમીઃ રઈશ મણિયાર   કાનાભાઈના સહાધ્યાયી મિત્ર અરજણભાઈ એક સાંજે કાનાભાઈને ત્યાં જમવા આવ્યા. કાનાભાઈને રસોઈ બનાવવાનો શોખ. કાનાભાઈને પોતાના નોલેજનું બહુ અભિમાન નહીં, એના વખાણ ન થાય તો ચાલે. રસોઈ સરસ હતી પણ અરજણભાઈ વખાણ કરવાના મૂડમાં નહોતા.  જમતાં જમતાં અરજણભાઈએ સવાલ કર્યો, "કાનાભાઈ, આ જીવનનો અર્થ શું? " " બહુ ભારે સવાલ છે, હજારો વર્ષથી પૂછાતો આવ્યો છે. વેદ ઉપનિષદથી લઈ સંતો, કલાકારો, સાહિત્યકારો, ફ્લિોસોફ્રો અને મનોવૈજ્ઞાાનિકો.. સૌએ આનો જવાબ આપવા પ્રયાસ કર્યો છે." કાનાભાઈએ પહેલા બોલવાનું અને પછી વિચારવાનું શરૂ કર્યું. એ ગૂંચવાડામાં ઉમેરો કરવાની તક તમેય લો!" અરજણભાઈને ખાતરી હતી કે કાનાભાઈ કંઈ નવું ભલે ન કહે, રસપ્રદ તો કહેશે જ.   સવાલનો જવાબ આપતાં પહેલા નવો સવાલ એ થાય કે આ સવાલ તમારું કુતૂહલ છે?" અરજણભાઈએ વિચાર્યું, પોતે કુતૂહલના મૂડમાં તો નહોતા જ. કાનાભાઈએ જાતે જ આગળ ચલાવ્યું, "ના, મોટેભાગે પ્રશ્ન કુતૂહલથી નથી પૂછવામાં આવતો. મોટે ભાગે જીવનથી કંટાળેલા, થાકેલા લોકો, જ્યારે જીવન અર્થહીન લાગે ત્યારે આ સવાલ પૂછે છે."  અરજણભાઈ સંમત થયા, "વાત સાચી છે, આ સવાલ પૂછીને, માનો કે, હું કદાચ એમ કહેવા માંગુ છું કે મને તો જીવનનો કશો અર્થ પરખાતો નથી, તમને સમજાય છે? " કાનાભાઈએ વિસ્તાર કર્યો, " ધેર યૂ આર! દરેકવાર નહીં તો ઘણીવાર એવું હોય છે કે જીવન જ્યારે સાહજિક ન રહે, પળેપળ જીવનમાં તલ્લીન ન થઈ શકાય, ત્યારે માનવીનું મન ફ્લિસૂફી પર ચડી જાય છે, જે કંઈ આનંદ જીવનમાં મળવાની શક્યતા હોય એમાં રમમાણ ન થઈ શકાય ત્યારે મનમાં આ રમખાણ ઊઠે છે કે 'જીવનનો અર્થ શું?' આ સવાલ વિચારનાર ભક્ત, સંત કે ફ્લિોસોફ્ર પણ હોય અને આ સવાલ વિચારનાર ડિસથાઈમિયા નામે ઓળખાતી હળવી હતાશા (ડિપ્રેશન)ની બીમારી ભોગવનાર મનુષ્ય પણ હોઈ શકે."  અરજણભાઈએ કહ્યું, " બરાબર છે યાર! ક્રિકેટ મેચ જોવામાં કે ફ્લ્મિ જોવામાં તલ્લીન હોઈએ ત્યારે આવા સવાલો આપણે વિસરી જઈએ છીએ અને નવરા પડીએ, અણગમતી સ્થિતિ કે કપરા સમયનો અણસાર સામે હોય ત્યારે, અથવા કંટાળાની પરાકાષ્ઠા હોય ત્યારે આ સવાલ વધુ ઉદ્ભવે છે." કાનાભાઈ હસ્યા, " આ સવાલના જવાબરૂપે લોકોએ પુસ્તકો લખ્યા છે. પણ હું ટૂંકમાં જવાબ આપવા પ્રયાસ કરીશ."  અરજણભાઈએ પોતાના કાન સતેજ કર્યા અને કાનાભાઈએ ગળું ખોંખાર્યું, "માનવજીવનની શરૂઆત થઈ ત્યારથી માનવને ખ્યાલ આવી ગયો કે આપણું કામ છે પોતાના જીવનું રક્ષણ કરવું, ભોજન મેળવી પેટ ભરવું, સાથી મેળવી વંશવૃદ્ધિ કરવી, અનુકૂળ સ્થિતિઓ શોધવી અને પ્રતિકૂળ સ્થિતિઓથી બચવું. ધીરેધીરે સમાજ અને સંસ્કૃતિનો વિકાસ થયો, માનવે જ્ઞાાન, સવલતો, સુરક્ષા, આનંદ મેળવવાની નવીનવી રીતો વિકસાવી. યુગે યુગે જીવન સમૃદ્ધ અને સંકુલ (કોમ્પલેક્સ) થતું ગયું. તેથી હરણ, બકરી કે ગધેડાની જેમ માત્ર ઘાસ શોધવા જેવું સરળ જીવન રહ્યું નહીં. પરંતુ માનવી જે કંઈ કરે તેના મૂળમાં સ્વરક્ષા(સર્વાઈવલ), કુતૂહલ, ઉપયોગી સર્જન (પ્રોડક્શન), કલાસર્જન (ક્રિયેશન), વ્યક્તિગત વિકાસ, અને સંબંધોની માવજતના હેતુઓ કેન્દ્રસ્થાને હોય છે." કાનાભાઈ અટક્યા, અરજણભાઈએ વ્યહવહારુ વાત કરી, " આ બધામાં પૈસો ક્યારથી અને શા માટે આવ્યો?"   કાનાભાઈએ પૈસાની વ્યાખ્યા આપી, " માનવે પોતે કરેલી મહેનતનું, વ્યવહારની સરળતા ખાતર પૈસામાં રૂપાંતર કર્યું. ત્યારથી પૈસો માનવજીવનનું મહત્ત્વનું પરિબળ બન્યો."  અરજણભાઈના મનમાં ચમકારો થયો, " ઓહ! પછી તો સુખ, સગવડ અને સમૃદ્ધિ ખરીદી શકાય એ માટે પૈસા એકઠા કરવા એ એક વ્યાપક, સામાન્ય ધ્યેય માણસોને મળી ગયું. ઘણીવાર વિચાર આવે છે કે પૈસા ન હોત, સોના-ચાંદી, જરજમીનનું મૂલ્ય ન હોત, તો જીવન કેવું હોત? "  કાનાભાઈએ કહ્યું, "મોટાભાગના સામાન્ય માણસો અને ઈવન મોટા માથાઓ પોતાના વ્યવસાયમાં પડતી તકલીફે, પૈસા મળે છે એ સંતોષ માનીને સહન કરી લે છે. કષ્ટો પર ચોપડવા માટે જગતમાં પૈસા જેવો શીતળ મલમ કોઈ નથી. રત થવા માટે, તલ્લીન થવા પૈસા કમાવા જેવી પ્રવૃત્તિ એકેય નથી." અરજણભાઈ બોલ્યા, "તો શું પૈસો કમાવો એ જ જીવનનો અર્થ છે?" "પૈસા ઉપરાંત માણસનું સ્વમાન, સેલ્ફ્ ઈમેજ, સેલ્ફ્ કોંસશિયસનેસ કે અહંકાર.. ટૂંકમાં જુદા-જુદા સ્વરૂપે પોતાની જાત પરનો પ્રેમ, જીવનનું એક મહત્ત્વનું પરિબળ છે. ર્કીિત કે સત્તાની લાલસા, સેવા કે સહાનુભૂતિની વૃત્તિ આમાંથી જ મનોવૈજ્ઞાાનિક રીતે ઉદ્ભવે છે.   દરેક વ્યક્તિનું જીવન ઉપરછલ્લી રીતે સરખું હોવા છતાં દરેક વ્યક્તિ ક્રોમોઝોમ્સથી, સ્વભાવથી, અનુભવથી, ઉછેરથી અને સંજોગોથી ભિન્ન બને છે, તેથી પ્રત્યેકના જીવનનો હેતુ ભિન્ન હોય છે. ગરીબ મા-બાપનું સંતાન પૈસા જરૂરિયાત માટે કમાતો હોય છે, તો ગર્ભશ્રીમંત પોતાની જાતને સાબિત કરવા પૈસા કમાતો હોય એવું બને." અરજણભાઈએ યાદ કરાવ્યું, " આપણે જીવનના અર્થની વાત કરતા હતા!" "હા, પણ માણસને શરૂઆતમાં એની ખબર નથી જ હોતી. સંસારના ખેલમાં શિશુ તરીકે આવી પડનાર વળી આ નાટકમાં સહુ કોઈ અભિનેતા છે અને સહુ કોઈ પ્રેક્ષક છે. અને કયો અભિનેતા પોતાને સાઈડ આર્ટિસ્ટ સમજે? સૌ પોતાને હીરો સમજીને નાટકને દિશા આપવા જાય. આમ ખૂબ અંધાધૂંધી હોવા છતાં કોઈવાર ખરેખર મજા આવે." "પણ મને આજકાલ મજા નથી આવતી યાર!" અરજણભાઈથી બોલાઈ ગયું. કાનાભાઈએ વાત પૂરી કરતાં કહ્યું, "આજે નથી આવતી તો કાલે આવશે. જીવનમાં કોને મજા આવશે એ અમુક અંશે જિનેટિક્સ અને સંજોગો નિશ્ચિત કરે છે. અને કેટલાક સમજુઓ અને મહેનતુઓ પોતાની રીતે મજા શોધી શકે છે. જીવનમાં કમ સે કમ એટલી મજા શોધવાની હોય કે જેથી એ સવાલ ઉદ્ભવતો બંધ થાય કે જીવનનો અર્થ શું છે? "

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 42

• Privacy • Unsubscribe • Terms of Use

.

__,_._,___