[amdavadis4ever] ધીરજ રાખો, લ ાયકાત જેટલું મળી જ રહેશે Kanti Bhatt

 

Please use http://translate.google.com/ to translate this article to Language of your choice. ધીરજ રાખો, લાયકાત જેટલું મળી જ રહેશે Kanti Bhatt   તમારી યોગ્યતા પ્રમાણે વિધાતાએ તમારે માટેની રોજગારી શોધી જ રાખી છે તે સત્ય યાદ રાખી આ લેખ વાંચજો. વડોદરા યુનિવર્સિટીમાં 1952માં કુલ બી.કોમ. ફક્ત 10 હતા. હું ત્રીજા નંબરે સેકન્ડ ક્લાસ બી.કોમ. હતો, પણ આજની જેવી જ બેરોજગારી મારી સામે 64 વર્ષ પહેલાં મોં ફાડીને ઊભી હતી. આજે 2016માં બેકારીની સમસ્યા આજે ઉલટાની વધુ વિકટ અને ભીષણ છે. આજે ચીન રોજગારી બાબતમા ભારત જ નહીં, પણ અમેરિકાનેય આંટે છે. ન્યૂયોર્ક ટાઇમ્સના પત્રકાર નાથિનેયલ પોપર 6-9-2016ના અંકમાં 'ચાયના શોક' તરીકે ઓળખતા સમાચારમાં લખે છે કે ચીનનાં કારખાનાંમાં સસ્તી મજૂરીથી બનતા સસ્તા લકઝરી અને સેમી-લકઝરી માલસામાન અમેરિકામાં ઊભરાયા છે, તેથી અમેરિકામાં 24 લાખ લોકો બેકાર બન્યા છે. એવી જ બેકારી ભારતમાં છે. અમેરિકામાં બેકારી હોય, તો ભારત તો બેકારીની ખાણ છે. અરે! અમેરિકાની શીદને માંડો છે. ભારતમાં ઠેર-ઠેર ચીનનો સસ્તો માલ ખડકાયો છે. દાડમ-ચીની, બોલપેન-ચીની, તમે બોલો તે માલ તમને મુંબઈ-અમદાવાદમાં ચીનનો મળશે. યુનિવર્સિટી ઑફ ગ્રોનિગજન (નેધરલૅન્ડ) લખે છે કે ચાઇનીઝ માલની ભારત, અમેરિકા અને બીજા દેશોમાં માગ વધી સાથે બેકારી વધી છે, પણ તેથી સાત કરોડ જેટલી નવી નોકરી, રોજગારી કે જોબ ચીનાઓને મળી છે. 'ટ્રેડ લિબરલાઇઝેશન' જેવો અંગ્રેજી શબ્દ આવ્યો છે, પણ તે ઉદારીકરણનો ભોગ આપણા દેશના ખેડૂતો બન્યા છે. આપણા ખેડૂતો હીરાઘસુ બને છે કે શહેરમાં મજૂર કે ઘરકામ શોધનારા બને છે. ભારત અને બ્રાઝિલમાં અમુક કાપડ વણાટ અને બીજા ઉદ્યોગોને સરકારો રક્ષણ આપતી. ફોર્ટ વિસ્તારમાં મુંબઈ ખાદી ભંડારના વિરાટ સ્ટોરમાં હવે 60 વર્ષ પહેલાં જેવી ગિરદી નથી હોતી. તે દિશામાં કાગડાને પણ ઊડવાનું મન નથી થતું! ગ્લોબલાઇઝેશને ભારતને લાભ આપ્યો છે, પણ અમુક અંશે જ ભાગ્યશાળીને લાભ ર્ક્યો છે. ભણેલા-ગણેલા અને જેણે ટેક્નિકલ ડિગ્રી લીધી છે તેને કામ મળે છે, અગર એ લોકો કામ શોધી કાઢે છે. પણ, તેણે જે કામ હાથ લાગે તે સ્વીકારી લેવું પડે છે. પીએચ.ડી. હોય કે કમિકલ એન્જિનિયરિંગની ડિગ્રી હોય, પણ કેમિકલ કંપનીમાં ઇજનેર માટે નોકરી નથી. તેણે કોઈ દુકાનમાં નોકરી શોધવી પડે છે. આજે કેરળમાં સૌથી વધુ બેકારી છે. ભારતની વસ્તી 30 કરોડની હતી, ત્યારે પણ બેરોજગારીનો પ્રોબ્લેમ હતો. આજે સવા અબજની વસ્તી છે. જગતના અર્થતંત્રમાં મંદી છે. એ બેરોજગારીની સમસ્યા તો અગાઉની સરકારોના વખતથી ચાલી આવે છે અને અત્યારે એ વધુ ભીષણ થઈને સામે ઊભી છે.    'ઇન્ડિયા સ્કિલ્સ'ના રિપોર્ટ પ્રમાણે જાણવા મળે છે કે એક લાખ ઉમેદવારોમાંથી માત્ર 34 ટકા જ નોકરીને લાયક હતા, પણ એક નવો ટ્રેન્ડ જોવા મળ્યો કે પુરુષો કરતાં મહિલાઓ ઓછા પગારમાં અને વધુ સ્કિલવાળી જણાઈ હતી! (ક્વૉલિટી ઑફ ફિમેલ કેન્ડિડેટ્સ ઇઝ બેટર ધેન મેલ્સ) કોઈ પણ લેખક, કટાર લેખક કે વિચારકના હાથમાં કલમ આવે એટલે બેરોજગારી એ જાણે સરકારનો પ્રોબ્લેમ હોય તેમ ધોકો ને ધડકી લઈને લખી નાખે છે, પણ બેરોજગારી એ માત્ર સરકારની નહીં, આપણા સૌની અંગત સમસ્યા હોવી જોઈએ. ઈશ્વરે બે હાથ અને બે પગ આપ્યા હોય અને ભારતની વિરાટ ધરતી આપી હોય, સીમાડા ખુલ્લા રાખ્યા હોય, વિદેશમાં જ્યારે બેથી ત્રણ કરોડ જેટલા યુવાનો કામ કરતા હોય, ત્યાં બેરોજગારીની સમસ્યા નડવી ન જોઈએ. રોજગારીની બાબતમાં 'ખેડૂત મેન્ટાલિટી' હોવી જોઈએ. ખેડૂત નવરો બેસતો જ નથી. ગમે તે કામ હાથમાં આવે, તે પકડી લે છે. આપણે સૌ ભારતના લોકો વિધાતાએ જે નિર્માણ ર્ક્યું હોય, તે વાતમાં માનીએ છીએ. કવિ ગેટેએ ઇ.સ. 1809માં તેના પુસ્તક 'ઇફેક્ટિવ એફિનિટીઝ'માં કહ્યું છે કે 'વિધાતાએ જે નિર્માણ ર્ક્યું છે તેને સ્વીકારવાની તાકાત હોય, તો બેરોજગારી, રોજગારી, લગ્ન, પ્રેમની સફળતા, ધંધાની સફળતા એ બધું વિધાતા ઉપર જ છોડવું જોઈએ. તમે ધીરજ રાખો. પુરુષાર્થ ચાલું રાખો, તો તમારી લાયકાત પ્રમાણે વિધાતા તમને જે ઇચ્છો તે આપ્યા વગર નહીં રહે. તમારી લાયકાત પ્રમાણે વિધાતા આપે જ છે. મારા જીવનમા પણ મેં કૉલેજ પછી આ અનુભવ કર્યો છે. શરૂમા ઘણા ઠેબાં ખાધા પછી પત્રકાર બન્યો. એ કલમના કામ માટે જ હું લાયક હતો અને તે કામ મળ્યું. સંયુક્ત રાષ્ટ્રસંઘના મહાસચિવ દાગ હેમરશિલ્ડે મહાસત્ય ઉચ્ચાર્યું હતું કે, 'આપણી ભવિષ્યની કારકિર્દીને પસંદ કરવા માટે આપણી પાસે વિધાતાએ કોઈ છૂટ આપી નથી. આપણી સામે જે આવી પડે તે તમારી રુચિ પ્રમાણે સ્વીકારી લેવાનું છે.' જિંદગીમાં આ સત્ય હંમેશાં યાદ રાખજો. રોમન કવિ અને વિદ્વાન ઓવિડની આ વાત માનજો કે, 'એવરીથિંગ કમ્સ ગ્રેજ્યુઅલી એન્ડ એટ ધ અપોઇન્ટેડ ટાઇમ્સ'- તમારા પ્રારબ્ધમાં વિધાતાએ જે લખ્યું છે, તે ધીમે ધીમે આવવાનું જ છે. તે માટેનો સમય પણ વિધાતાએ લખી રાખ્યો છે. એટલે ઘાંઘા થઈને, નાના બાળક થઈ ટાંટીયા પછાડીને બાજી બગાડી નહીં નાખતા. કવિ ઓવિડને ત્રણ-ત્રણ લગ્ન કરવા પડ્યાં. આખરે ત્રીજી પત્ની અતિ સુંદર, વિદ્વાન અને તેની પસંદગી પ્રમાણે મળી. તમે પણ ધીરજ રાખો. તમારી લાયકાત પ્રમાણે, યોગ્યતા પ્રમાણે અને પ્રારબ્ધ પ્રમાણે 'રોજગારી' ખોળામાં આવીને પડશે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 35

• Privacy • Unsubscribe • Terms of Use

.

__,_._,___