[amdavadis4ever] બાતમીદાર: જ ્યોતિના પતિ નું બે વર્ષ પહેલાં હાર ્ટએટેક આવતા ં મૃત્યુ થય ું હતું Manhar Ravaiya

 

Please use http://translate.google.com/ to translate this article to Language of your choice. બાતમીદાર: જ્યોતિના પતિનું બે વર્ષ પહેલાં હાર્ટએટેક આવતાં મૃત્યુ થયું હતું Manhar Ravaiya હેવન ફાર્મહાઉસમાં મજૂરીએ આવતા હંગામી મજૂરો સાંજે એના સમયે નીકળી ગયા હતા, પણ ફાર્મહાઉસની માલિક વિધવા જ્યોતિ મેડમ ઘરે જવા નીકળી ન હતી. હંમેશાં સવારે અગિયાર વાગ્યે ફાર્મ પર આવી વહીવટ સંભાળીને સાંજે પાંચ વાગ્યે એ નીકળી જતી હતી. સાંજના સાત થયા છતાં જ્યોતિ મેડમ ન નીકળી એટલે ગોડાઉન પાસેની ઓફિસમાં તપાસ કરવા માટે ગેટમેન અર્જુનસિંહ આવ્યો. ઓફિસમાં પ્રવેશતાં જ એ ધ્રૂજી ઊઠ્યો. સામે લોહીથી લથબથ જ્યોતિની લાશ ખુરશીમાં પડી હતી. ખૂન ખૂન એની બૂમ સાંભળી અન્ય મજૂરો દોડી આવ્યા. અર્જુનસિંહે તરત જ મેડમના બંગલે ફોન લગાવ્યો, પણ ત્યાં જ મેડમની યુવાન પુત્રી નયના આવી પહોંચી. એ એની મમ્મીને કેમ મોડું થયું એ જાણવા જ આવી હતી. બિચારી માતાની લાશ જોઈને આક્રંદ કરી રહી. નયનાથી મોટો એનો ભાઈ કરણ આવ્યો. એણે પોલીસને જાણ કરી. એના અંકલ રજનીકાંતનેય જાણ કરી. થોડી વારે પોલીસ અધિકારી રાજદેવ એમની કાબેલ ટીમ સાથે આવી પહોંચ્યા. રાજદેવે પ્રથમ લાશ ને ઓફિસનું બારીકાઈથી નિરીક્ષણ કર્યું. જ્યોતિને કોઈએ પાછળથી માથામાં બોથડ પદાર્થથી વાર કરીને મારવામાં આવી હોવાનું સ્પષ્ટ થતું હતું. ડોગ સ્કોડ ફાર્મની પાછળની દીવાલ સુધી આવીને અટકી રહેતું. કદાચ હત્યારો વંડી ઠેકીને આવ્યો હોય. પછી લાશનો ફોટોગ્રાફ, ફિંગર પ્રિન્ટ લેવાયાં. પંચનામા બાદ સ્ટેટમેન્ટ લેવાયાં ને લાશ રવાના કરાઈ. રજનીકાંત આવ્યો ત્યારે કરણનું સ્ટેટમેન્ટ લેવાઈ ગયું હતું. એના કહેવા મુજબ જ્યોતિ મેડમને કોઈની સાથે ઝઘડો કે દુશ્મનાવટ હતી નહીં. જ્યારે એના પપ્પા ગુજરી ગયા ત્યારે અંકલ રજનીકાંત મદદગાર બની ઊભા રહ્યા હતા.   એમણે ખૂબ હૂંફ આપી હતી. રાત-દિવસ જોયા વિના મદદે આવતા હતા. જ્યોતિના પતિ સોહનલાલનું બે વર્ષ પહેલાં હાર્ટએટેક આવતાં મૃત્યુ થયું હતું. એ બહુ લાગણીશીલ સ્વભાવના હતા. એમણે એમના ભાઈ રજનીકાંતનેય બિઝનેસ કરવા પાંચ લાખની સહાય આપી હતી અને પોતે પણ જાતમહેનત કરીને ભાગ્યના જોરે કરોડોની સંપત્તિ મેળવી હતી. હાઇવે ટચ ફાર્મહાઉસની કિંમત પાંચેક કરોડની હતી. પોષ વિસ્તારમાં આવેલું મકાન અને આ બધો વહીવટ જ્યોતિ સાંભળતી હતી અને તેને પુત્રી નયના અને રજનીકાંત અંકલ મદદ કરતાં હતાં. જોકે, એને વહીવટ સંભાળે એવો પુત્ર કરણ હતો, પણ એ સાવ આવારા બની ગયો હતો. દારૂ જુગારનો સરવાળો એટલે કરણ. હવે એના હાથમાં બધો વહીવટ કેમ સોંપાય? એની બળતરામાં જ સોહનલાલ ગુજરી ગયા હતા. આ કરણની હિલચાલ પર પોલીસને શંકા હતી, પણ કોઈ ઠોસ પુરાવા વગર એને કેમ હાથ પર લેવો એ પ્રશ્ન હતો. ખુદ રાજદેવ સાહેબ હત્યારાની કડી મેળવવા જહેમત ઉઠાવી રહ્યા હતા. એમાં એક ખાસ ખબરી ને જ્યોતિના હત્યારાની બાતમી આપનાર એક બાતમીદાર શખ્સ મળી ગયો. ખબરી તેને રાજદેવ સાહેબ પાસે લઈ આવ્યો. એની બાતમી સાંભળીને રાજદેવ સાહેબનું કામ થઈ ગયું.   બાતમી મુજબ જોયું તો ફાર્મના ગોદામ પાછળથી હત્યામાં વપરાયેલી લોહીવાળી પાઇપ મળી આવી. ફાર્મહાઉસમાં હજી કોઈ આવ્યું ન હતું, તેથી રાજદેવ સાહેબ સીધા જ્યોતિ મેડમને ત્યાં આવ્યા. નયના, કરણ અને રજનીકાંત બહાર ગાર્ડનમાં જ બેઠાં હતાં. નયનાએ એમને આવકારી બેસાડ્યા. કોફીનો ઓર્ડર આપી પૂછ્યું, 'શું સાહેબ, મમ્મીના હત્યારાનો કોઈ પત્તો મળ્યો?' 'હા, એક બાતમીદારે બાતમી આપી છે કે તમામ સંપત્તિ હાથવગી કરવા માટે એણે જ્યોતિ મેડમની હત્યા કરી હતી. માથામાં પાઇપ મારીને હત્યા કરાઈ છે.' 'કોણ છે હત્યારો?' રજનીકાંતે પૂછ્યું. 'તમે પોતે જ હત્યારા છો. અરેસ્ટ હિમ.' રાજદેવે સહાયકને ઓર્ડર કર્યો ને રજનીકાંત ભાગ્યો, પણ સ્થળ સહાયકે તરાપ મારી એને પકડી લીધો.  નયના અને કરણ હેરત પામી ગયાં. એમણે જિજ્ઞાસાવશ પૂછ્યું, 'સર, એ બાતમીદાર કોણ હતો?' 'હું એને ઓળખતો નથી, પણ એણે લેંઘો-ઝભ્ભો પહેર્યા હતા. એના મોંમાં આગળના બે દાંત સોને મઢેલા હતા અને કંઈક સોહનલાલ એવું નામ એણે કહ્યું હતું.' 'શું વાત કરો છો સાહેબ? એ તો મારા પપ્પા સોહનલાલ, જે બે વર્ષ પહેલાં ગુજરી ગયા છે.' નયના અને કરણ સાથે બોલ્યાં. 'હેં! એમ, તો મારો બાતમીદાર એક...' રાજદેવ હેરત પામી ગયા.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 60

• Privacy • Unsubscribe • Terms of Use

.

__,_._,___