[amdavadis4ever] તમારી જીવનશૈલી કેવી છે, ભારત ીય કે પશ્ચિમી? N. Raghuraman,

 

Please use http://translate.google.com/ to translate this article to Language of your choice. તમારી જીવનશૈલી કેવી છે, ભારતીય કે પશ્ચિમી? N. Raghuraman નાગપુરના સિતાબુલ્દીમાં 1970ના કોઇ સમયની વાત છે. મારી માતાએ કહ્યું કે, ફટાફટ થોડું કરિયાણું લઇ આવ. અંતર આશરે 100 મીટર જેટલું હતું. કરિયાણાની દુકાને પહોંચ્યા બાદ મને ખબર પડી કે, મારા ખિસ્સામાંથી 10 પૈસાના બે સિક્કા ગાયબ છે. ખિસ્સામાં મોટું છેદ હતું. મારો ચહેરો જોઇને દુકાનદાર મારી સમસ્યા સમજી ગયો અને તેણે કહ્યું કે, જ્યારે પૈસા મળી જાય તો આપી જજે. મેં પાછા ફરતી વેળાએ સાવધાનીપૂર્વક આમતેમ જોયું પણ કોઇ ફાયદો થયો નહીં. ઘરે આવીને પિતાજીને કહ્યું તો તેઓ ખૂબ ગુસ્સે થયા, સિક્કા ખોવાઇ ગયા એટલે નહીં પરંતુ કરિયાણાવાળા પાસેથી ઉધાર સામાન લેવાને કારણે. તેમને પોતાની જિંદગી પર એ જ અભિમાન હતું કે, તેમણે ક્યારેય કોઇની પાસેથી ઉધાર નહોતું લીધું અને જીવનને સુનિયોજિત રીતે જીવ્યું. દરેક દુકારદાર તેમને નામથી ઓળખતા હતા, કારણ કે તેઓ રેલવેના રિઝર્વેશન સુપરવાઇઝર હતા અને તેઓ તેમના માટે કંઇક કરવાની રાહ જોતા રહેતા હતા. તેઓ એટલા સિદ્ધાંતવાદી હતા કે, ક્યારેય કોઇનો ઉપકાર લેતા નહોતા. મારે ત્યાં આવનારા અંકલ સુદ્ધાંને પણ રિઝર્વેશન માટે લાઇનમાં ઊભું રહેવું પડતું હતું. ઉંચા કદના મારા પિતા ક્યારેય માથું નીચું કરીને ચાલ્યા નથી. તેમણે મને કહ્યું, 'જે દિવસે કોઇની પાસેથી ઉધાર લો છો, ત્યારે તમારું માથું નમી જાય છે.' તેમણે મારો હાથ પકડ્યો અને કરિયાણાની દુકાને લઇ ગયા. મારા પિતાને આવતા જોઇને, કરિયાણાવાળો કેશ કાઉન્ટર પરથી ઉતરીને મારી સામે જોઇને કહેવા લાગ્યો, 'બાળક જ તો છે, દોડતી વખતે પૈસા ક્યાંક પડી ગયા હશે.' મારા પિતાએ કહ્યું, 'પૈસા ખોવાઇ જવા કોઇ મોટી વાત નથી, વાત છે ઉધારમાં સામાન લેવાની. મારા પરિવારને ક્યારેય કોઇ જ વસ્તુ ઉધાર ન આપતો.' કરિયાણાવાળા ચુપચાપ સહમતિમાં માથું ધુણાવ્યું. પૈસા ચુકવ્યા બાદ અમે ઘરે પાછા આવી ગયા અને તેમનું માથું કાયમની જેમ ટટ્ટાર થઇ ગયું. આજે પણ મારી કૉલોનીમાં હું એકલો જ દર મહિને દૂધવાળાને એડવાન્સ પૈસા આપું છું. આ એવી આદત છે, જે મારી અંદર ઊંડે સુધી ઉતરી ગઇ છે. 27 નવેમ્બર 2016 : આ સવારે મારો એક મિત્ર કોઇ ફૂડના નામે ચેક લખી રહ્યો હતો અને જ્યારે મેં તેને કારણ પૂછ્યું ત્યારે તેણે કહ્યું કે, નવેમ્બર મહિનાનો જમવાનો બધો સામાન ઉધાર આવ્યો હતો, કારણ કે રોકડ રૂપિયાનું સંકટ પેદા થઇ ગયું છે. 8 નવેમ્બરે 500-1000ની જૂની નોટો પાછી ખેંચવાની ઘોષણાથી રોકડા રૂપિયાના સંકટનો સામનો કરી રહેલા ગ્રાહકો માટે ઘણી ડિજિટલ સ્ટાર્ટઅપ કંપનીઓ ક્રેડિટ પર ઉત્પાદન અને સેવાઓ આપી રહી છે. 'ફ્રેશ ટૂ હોમ' આઇઓયૂ સેવા લઇને આવી તો કેબ સેવા આપનારી 'ઓલા'એ પણ ગ્રાહકોને સાત દિવસ સુધી ઉધારીમાં સવારી કરાવવાની રજૂઆત કરી. 'ફાસોસ', 'સ્ટાઇલક્રેકર', અને 'સ્કૂટ્સી' જેવી કંપનીઓએ પણ પોતાના નિયમિત ગ્રાહકોને બાદમાં ચુકવણીની સુવિધા આપી છે.  ઑનલાઇન ઓર્ડર પર ખાદ્ય સામગ્રી સપ્લાઇ કરનારી ફાસોસે આશરે 70 હજાર નિયમિત ગ્રાહકોને બાદમાં ચૂકવણી કરવાનો વિકલ્પ આપ્યો. આ સુવિધા શરૂ કર્યાના એક સપ્તાહની અંદર 50 ટકા લોકોએ તેનો લાભ લીધો. કંપની 'સિમ્પલ' નામની ટેક્નોલોજીનો ઉપયોગ કરે છે, જે ફાસોસના ઉધારીના બધા ઓર્ડરનો હિસાબ રાખે છે. ગ્રાહકોની અગાઉની ખરીદીને આધાર બનાવી એક એલ્ગોરિથમ દ્વારા ગ્રાહકોની પસંદગી કરવામાં આવી.  પશ્ચિમી અને ભારતીય જીવનશૈલી સંપૂર્ણ રીતે અલગ છે. મોટાભાગના અમેરિકન પોતાની ક્રેડિટ કાર્ડ કંપનીઓને સાપ્તાહિક વેતન મળ્યાં બાદ દર શુક્રવારે ચૂકવણી કરે છે અને શનિવારે આગામી સપ્તાહના દૈનિક જીવન માટે ઉધાર લેવાનું શરૂ કરી દે છે. આ તેમની સંસ્કૃતિ છે. જ્યારે મોટાભાગના ભારતીયો આજે પણ બચત કરીને ઉત્પાદનો ખરીદે છે, કારણ કે અહીં આજે પણ ઉધાર લેવું 'પાપ' ગણવામાં આવે છે. પરંતુ મોટાભાગના યુવાનો આજે જીવનનો આનંદ માણી બાદમાં ચૂકવણી કરવા ઇચ્છે છે. તેઓ ધીમે-ધીમે પશ્ચિમી શૈલીમાં પ્રવેશી રહ્યાં છે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 39

• Privacy • Unsubscribe • Terms of Use

.

__,_._,___