[amdavadis4ever] મોદી મોદીનું કા મ કરે, આપણે આપણ ું કામ કરીએ! (એ ક વાતની સૌ વાત)

 

Please use http://translate.google.com/ to translate this article to Language of your choice. મોદી મોદીનું કામ કરે, આપણે આપણું કામ કરીએ!   આજકાલ ફ્રી મોદી ચર્ચામાં છે. આમ તો એ હંમેશાં ચર્ચામાં હોય છે, પરંતુ મોંઘવારી-કાશ્મીર-ચીન જેવા મામલે મોદીની ટીકાઓ હમણાથી વધી છે. આ ટીકાઓથી મોદીના ચાહકોને દુઃખ થાય અને વિરોધીઓ રાજી થાય એ સમજી શકાય તેવું છે. અગાઉ કોંગ્રેસના રાજ વખતે પણ કોંગ્રેસના ચાહકો અને વિરોધીઓ આવી જ રીતે કોંગ્રેસ સરકારની નબળી-સબળી કામગીરીથી રાજી કે દુઃખી થતાં. ફઈન. કોઈ પણ સરકાર અમુક સારાં કામો કરવાની જ અને કેટલીક ભૂલો પણ કરવાની જ. આવામાં, સરકારની કામગીરી વિશે આપણા મગજમાં સતત વિચારો ચાલ્યા કરે એ ઠીક નથી.    મોદીની ટીકાઓને કારણે ચાહકો સતત આછી બેચેની અનુભવ્યા કરે અને વિરોધીઓ સતત રાજી થયા કરે એ તંદુરસ્ત મનની નિશાની નથી. માત્ર મોદીના મામલે જ નહીં, જીવનના બીજા અનેક મામલે આપણા મનમાં ગમા-અણગમાનું બેકગ્રાઉન્ડ મ્યુઝિક સતત વાગતું રહે છે. ખાસ તો, આપણું ધાર્યું ન થાય,કોઈ આપણું અપમાન કરી જાય, ધાર્યા જેટલું ઇન્ક્રિમેન્ટ ન મળે, પતિ કે પત્ની આપણી વાત નકારી કાઢે ત્યારે મગજનો એક હિસ્સો જાણ્યે-અજાણ્યે સતત આવી વાતોમાં થોડો રોકાયેલો રહે છે. સોશિયલ મીડિયા પર કેટલાક લોકો મોદીવિષયક ચર્ચાઓમાં એટલે ડૂબેલા રહે છે કે એ જોઈને સવાલ જાગી શકે કે, આ લોકોને બીજું કશું કામ નહીં હોય કે શું?     જાગૃત નાગરિક હોવું એ સારી બાબત છે. સરકારની કામગીરી પર નજર રાખવી એ સારી વાત છે. પણ સવાલ એ છે કે, આપણે શું કરવાનું છે?આપણું કામ છે, ચૂંટણી વખતે મત આપવો, સામાજિક પ્રવાહો પર નજર રાખવી, પોતાના ભાગે આવેલું કામ નિષ્ઠાપૂર્વક, દેશપ્રેમપૂર્વક કરતાં રહેવું. બસ, આટલું પૂરતું છે. પછી મોદીની ટીકાઓ કે વખાણો વિશે સતત બેચેની કે રાજીપો અનુભવવાની જરૂર નથી. છતાં, જો મોદીમુદ્દે કે એવા કોઈ બીજા મુદ્દે મગજમાં સતત ગણગણાટ અને બણબણાટ ચાલતો રહે તો એનો અર્થ એવો નીકળી શકે કે આપણને કર્મ કરતાં ફ્ળમાં વધુ રસ છે.   અહીં ગીતા ઉપયોગી છે.   ગીતા કહે છે, કર્મ કર, ફ્ળની માથાકૂટમાં ન પડ. ચૂંટણી વખતે ભાજપને કે કોંગ્રેસને કે બીજા કોઈ પક્ષને મત આપવાનું કર્મ કર્યા પછી સતત શાસનની ચિંતા ન કરવાની હોય. શાસક શાસકનું કામ કરે. આપણે આપણું કામ કરીએ. ઠીક છે, રોજ થોડો સમય છાપાં-ટીવી-નેટ પર દેશના પ્રવાહો પર નજર રાખી શકાય, પરંતુ ચાલુ ઓફ્સિે ફેસબુક પર મોદીની કામગીરીના મૂલ્યાંકન વિશે સ્ટેટસો અપડેટ ન કરાય. એ કામચોરી કહેવાય.   કોઈ પણ પક્ષને આપણે મત આપીએ કે ન આપીએ એમાં આપણું એક જજમેન્ટ હોય છે. આપણને લાગે કે આ પક્ષ સારું કામ કરશે અને આ પક્ષ સારું કામ નહીં કરે એવા એક જજમેન્ટના આધારે આપણે મત આપીએ છીએ, પણ પછી આપણું જજમેન્ટ બરાબર કામ કરી રહ્યું છે કે નહીં એની સતત ચિંતા કરવાની જરૂર નથી. શેરમાં પૈસા રોક્યા પછી મિનિટે મિનિટે શેરના ભાવ ન જોવાય. પેલી સહેજ અભદ્ર ઉપમા દ્વારા કહેવાયું છે તેમ, દરિયામાં ચમચી રેડયા પછી સતત એની સપાટી ન માપવાની હોય કે મારા પ્રદાનથી દરિયાની સપાટીમાં કેટલો વધારો થયો. પણ આપણને,જનરલી, કર્મ કરતાં ફ્ળમાં વધુ રસ હોય છે. મારું જજમેન્ટ સાચું ઠર્યું કે નહીં, મારા કર્મનું સારું ફ્ળ મળી રહ્યું છે કે નહીં એ માપ્યા કરવાની બીમારીથી બચવા જેવું છે. માન્યું કે ફળમાં માણસને રસ પડે. માન્યું કે ફ્ળ જ માણસને કર્મ કરવા પ્રેરતો એક મહત્ત્વનો ધક્કો છે. બધી વાત સાચી. પણ કર્મ કર્યા પછી ફ્ળ વિશે વધારે પડતું ચિંતન કર્યા કરવું એ તો મૂર્ખામી જ છે. માત્ર મૂર્ખામી જ નહીં, બેજવાબદારી પણ છે. કર્મ તો સતત ચાલતી જવાબદારી છે. આવામાં, એક કર્મ પતાવ્યા પછી નવા કર્મમાં ડૂબી જવાનું હોય. મતદાન કર્યા પછી એ જ દિવસથી, અને એ દિવસે ઓફ્સિમાં રજા હોય તો બીજા દિવસથી, કામે લાગી જવાનું હોય. માથે આવી પડતાં નવાં કામોને પૂરી તન્મયતાથી એટેન્ડ કરવાને બદલે જૂનાં કામના પરિણામોની ચિંતામાં સમય ફળવવો એ સમયનો બગાડ છે.   આ બગાડ માટે જવાબદાર છે, નકલી હું. હું સાચો, મારું જજમેન્ટ સાચું, મારા પ્રિય નેતા મહાન, મેં ચૂંટેલો પક્ષ મહાન, મેં નકારેલો પક્ષ નકામો... આ બધા વિચારો નકલી હુંની ખૂજલીથી વધુ કશું નથી. નકલી હુંને તો ઠીક છે, કંઈ ધંધો નથી. એ તો સતત પોતાની ખૂજલી વલૂરવા આપણને આમંત્રણ આપ્યા કરશે, પરંતુ એના ટ્રેપમાંથી બચવા માટે આપણે જાગૃત રહેવું પડે. ગીતામાં શ્રીકૃષ્ણે અર્જુનને ઘણી બધી વાતો કહી છે, પણ મુખ્યત્વે એમણે અર્જુનને નકલી હું એટલે કે ઇગો એટલે કે રાગદ્વેષના ટ્રેપમાંથી બચવાનો ઉપદેશ આપ્યો છે. એમણે અર્જુનને વારંવાર કહ્યું કે તું તારું કર્મ કર (તારું કામ છે લડવાનું, યુદ્ધ તારા લોહીમાં છે, માટે લડ). બાકી, કામધંધો ભૂલીને તું તારા અહંકારમાં, રાગ-દ્વેષમાં (ટૂંકમાં, નકલી હુંમાં) ડૂબેલો ન રહીશ.   અલબત્ત, કૃષ્ણે નકલી હું એવો કોઈ શબ્દપ્રયોગ નથી વાપર્યો, પરંતુ વાત એ જ છે કે અહંકારથી બચો, રાગદ્વેષથી બચો, કારણ કે એ કર્મમાં અવરોધરૂપ બને છે. તમે જ કહો, ઓફ્સિનું કામ કરતી વખતે શું તમે સતત પગાર વિશે વિચારો છો? રસોઈ કરતી વખતે, બટાટા સમારતી વખતે શું રસોઈ કરનાર સતત એવું વિચારે છે કે મારું બનાવેલું બટાટાનું શાક લોકોને ભાવશે કે નહીં? ના. કામ કરતી વખતે બધું ધ્યાન કામ પર જ આપવું પડે. કામ કરતી વખતે ફ્ળનો વિચાર કરવાથી તો ઊલટાનું કામ બગડે. અને કામ બગડે તો ફ્ળ સારું નહીં જ મળે.     આ જ વાત જાગૃત નાગરિકને લાગુ પડે છે. દેશનું હિત ઝંખનારે પોતાના ભાગે આવેલું કામ સારી રીતે કરવું રહ્યું. તો જ દેશ સુધરશે. એક નાગરિક તરીકે, એક નોકરિયાત તરીકે, એક ધંધાર્થી તરીકે, એક ગૃહિણી તરીકે, એક વિદ્યાર્થી તરીકે આપણું કામ કરતી વખતે આપણું ધ્યાન આપણા કામ પર હોવું જોઈએ, મોદીના મૂલ્યાંકન પર નહીં. મોદી એમનું કામ કરે, આપણે આપણું કામ કરીએ. મોદીને એમના કર્મનું ફ્ળ મળશે અને આપણને પણ આપણા કર્મનું ફ્ળ મળશે અને બન્નેનાં કર્મના સરવાળે દેશનું ભાવિ ઘડાશે. માટે, ફેકસ ઓન કર્મ એન્ડ ફ્રગેટ ફ્ળ. આ જ વાત ગુજરાતી-અંગ્રેજીને બદલે સંસ્કૃતમાં કહીએ તો, કર્મણ્યેવાધિકારસ્તે મા ફ્લેષુ કદાચન.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 46

• Privacy • Unsubscribe • Terms of Use

.

__,_._,___