to translate this article to Language of your choice.

રાજકારણીઓનો નવો ફૅશનમંત્ર



ફેશન - નિધિ ભટ્ટ

કહેવાય છે કે કોઈપણ વ્યક્તિની પહેલી ઓળખ તેની ચાલવાની ઢબ અને કપડાં પહેરવાની રીત ઉપરથી કરવામાં આવે છે. આઝાદીની લડત વખતે ગાંધીબાપુ સફેદ ધોતિયું પહેરીને સભા સંબોધતા. લાખો લોકો તેમને સાંભળીને પ્રભાવિત બની લડતમાં સાથ આપવા બધું જ છોડી દેવા તૈયાર થતા હતા. હવે જમાનો બદલાયો છે, આધુનિક યુગમાં રાજકારણીઓ વચ્ચે પણ મોટી-મોટી મેદનીને સંબોધવાની સાથે આકર્ષક વસ્ત્રો પહેરવાની સ્પર્ધા જોવા મળે છે. તામિલનાડુ, કેરળ, પોંડિચેરી વગેરે રાજ્યોમાં ચૂંટણી આવી રહી છે. પાર્ટીના ચૂંટણી પ્રચારમાં વ્યસ્ત પ્રચારકોએ તેમનો પોષાક આધુનિક બનાવી દીધો છે. પારંપરિક પોષાક કહેવાતા સફેદ લુંગી, શર્ટ કે અંગવસ્ત્ર તરીકે ઓળખાતાં વસ્ત્રો (કારાવેષ્ઠિ) પહેરવાનું તેઓ પસંદ કરતા હતા. ૨૧મી સદીનો પવન ચૂંટણી પ્રચારમાં પણ જોવા મળી રહ્યો છે. પાર્ટીના યુવાન સભ્યો મતદારોને આકર્ષવા માટે જીન્સ અને ટી-શર્ટ પહેરવાનું પસંદ કરી રહ્યા છે. દક્ષિણ ભારતના નેતાઓ ચૂંટાયા બાદ પણ ધોતી પહેરીને લોકસભા, રાજ્યસભામાં કે વિદેશોમાં ફરવાનું પસંદ કરતા હતા. હાલમાં તો ડીએમકે ( દ્રવિડ મુન્નેત્ર કળગમ) કે એઆઈએડીએમકે(ઓલ ઈન્ડિયા અન્ના દ્રવિડ મુન્નેત્ર કળગમ)ના દરેક સભ્યો પાર્ટીના કાર્યાલયમાં કે પ્રચાર વખતે જીન્સ પેન્ટ અને ટીશર્ટ પહેરીને યુવાન મતદારોમાં છવાઈ જવા માગે છે. વળી તેમનું કહેવું છે કે રહેણાંક વિસ્તારમાં જ્યારે પ્રચાર માટે જવાનું હોય ત્યારે લાંબું અંતર પગપાળા કાપવું પડે છે. પારંપરિક વસ્ત્રો (લુંગી)પહેરીને ચાલવું જરા કઠિન લાગે છે. સારી ગુણવત્તાની ધોતીનો ભાવ હાલમાં રૂપિયા ૧૩૦૦થી ૧૪૦૦ની આસપાસ જોવા મળે છે. વળી સફેદ લુંગીની ધોઈને સાફ રાખવી પણ જરૂરી છે. તેને ડ્રાઈક્લિનિંગ અને સ્ટાર્ચ કરાવવાનો ખર્ચ પણ અલગથી કરવો પડે છે, જે મોંઘું પડે છે. તેની જગ્યાએ જીન્સ પેન્ટ અને ટી-શર્ટ પહેરવું આરામદાયક અને ફેશનેબલ લાગે છે. મદુરાઈમાં કાપડના વેપારીઓએ નવી ટેક્નિક અપનાવી છે. તેમણે કાપડમાંથી પાટીર્ર્ લીડરના પોકેટ સાઈઝ લેમિનેટેડ ફોટો બનાવ્યા છે. પાર્ટી લીડરના ફોટાવાળી ધોતી પણ બનાવી છે. પ્રચાર માટે પાર્ટીના સભ્યો શર્ટના પારદર્શક પોકેટમાં નેતાનો ફોટો રાખવાનું વધુ પસંદ કરે છે. સોશિયલ મીડિયા હોય કે જાહેર સભા હોય રાજકારણીઓ સતત આમ જનતાને તેમની ઓળખ આપતા જ રહે છે. ક્યારેક આ રાજકારણીઓ તેમણે ગજવેલી સભાને કારણે ચર્ચાનો વિષય બનતા હોય છે. તો ક્યારેક તેમણે પહેરેલા આકર્ષક ડ્રેસને કારણે આકર્ષણનું કેન્દ્ર બનતા હોય છે. ------------------------------- વડા પ્રધાન નરેન્દ્ર મોદી ખાદી કુર્તા અને પાયજામા હોય કે ભગવા ઝભ્ભા સાથે, માથે સાફો પહેરીને ફરતા મોદીજી તેમની અફલાતૂન ડ્રેસિંગ સૂઝને કારણે વિશ્ર્વમાં સ્ટાઈલ આઈકોન તરીકે ઓળખાવા લાગ્યા છે. જેમ પંડિત નહેરુ તેમના કોટને કારણે આજે પણ ફેશનજગતમાં પ્રખ્યાત છે. તેવું જ કંઈક મોદીજીનું છે. તેઓ પણ 'ખાદીના મોદી ઝભ્ભા'ને કારણે ફેશનજગતમાં પ્રથમ ક્રમાંકે જોવા મળે છે. તેઓ રાજકારણમાં જોડાયા તે પહેલાંથી જ તેમને પુસ્તકો અને કપડાં પ્રત્યે અલગ લગાવ હતો. પુસ્તક હાથમાં લીધું એટલે તેની યોગ્ય માવજત કરવી તેમને ગમતી. કપડાંની યોગ્ય પસંદગી કરીને તેને ધોવાથી લઈને તેને યોગ્ય રીતે સંકેલવા કે તેની ઈસ્ત્રી કરવાનું કામ તેઓ જાતે જ કરવાનું પસંદ કરતા. મોદીજી સફારી સૂટ હોય કે અડધી બાંયનો ખાદીનો મોદી ઝભ્ભો હોય તેને સ્ટાઈલમાં પહેરીને આવે ત્યારે તેમના મિત્રોની સાથે તેમના વિરોધીઓ પણ એક વખત તો બોલી જ પડે 'આ માણસમાં કપડાં પહેરવાની આગવી છટા અનુકરણીય છે'! --------------------------- હેમામાલિની ડ્રીમગર્લ તરીકે ઓળખાતા હેમામાલિની યુવાનીમાં તો તેની આગવી છટા અને પહેરવેશને કારણે જાણીતા હતાં. બોર્ડરવાળી સાડી પહેરીને તે લોકસભામાં દાખલ થાય એટલે અનેક રાજકારણીઓની ધડકન વધી જતી હોય છે. કાંજીવરમ કે પ્યોર સિલ્કની સાડી સાથે યોગ્ય આભૂષણ પહેરવાની સૂઝ તેમનામાં હટકે કહી શકાય તેવી છે. મેકઅપની વાત આવે એટલે તો કુદરતી સુંદરતા જ એટલી બધી છે કે આછો મેકઅપ પણ તેની ઉપર શોભી ઊઠે છે. ભારતીય નૃત્ય, ફિલ્મ, રાજકારણની સાથે જાહેરાતમાં પણ સતત જોવા મળતા હેમામાલિની જીવનની સાથે સભ્ય પોશાકનું બેલેન્સ કરવું સુપેરે જાણે છે. ----------------------------- શશી થરુર સફેદ કુર્તાની સાથે જાકીટ કે કોટ પહેરીને તેઓ લોકસભામાં આવે ત્યારે અન્ય સાથીઓમાં આકર્ષણનું કેન્દ્ર બની જાય છે. ક્યારેક નહેરુ કોટ પહેરીને નહેરુજી જેવી જ સ્ટાઈલમાં કોટમાં લાલ ગુલાબ લગાવવાનું તેમને ગમે છે. વિદેશમાં જન્મ્યા છતાં થોડો અભ્યાસ ભારત અને અમેરિકામાં પીએચ.ડી. કર્યા બાદ ભારતીય રાજકારણમાં જોડાયા. ભારતીય રાજકારણમાં જોડાયા બાદ યુવાનોમાં તેમની આગવી ડ્રેસિંગ સેન્સ અને સોશિયલ મીડિયામાં ટૂંકા ગાળામાં જ ૧ લાખથી વધુ ચાહકો બનાવવામાં સફળ રહ્યા હતા. સોશિયલ મીડિયા ઉપર પણ હવે તેમની જગ્યા વડા પ્રધાન નરેન્દ્ર મોદીજીએ લઈ લીધી છે. -------------------------------- ઓમર અબ્દુલ્લા ગળથૂથીમાં જ રાજકારણનો અનુભવ મેળવીને મોટા થયેલા ઓમર અબ્દુલ્લા ફારુખ અબ્દુલ્લાના પુત્ર અને શેખ અબ્દુલ્લાના પૌત્ર છે. કાશ્મીરી ઢબના કુર્તા-પાયજામા હોય કે પઠાણી સૂૂટ હોય કે પછી વિદેશી આઉટફિટ હોય તેમના વ્યક્તિત્વને નિખારે છે. તેમની ડ્રેસિંગ સેન્સ વિશે એવું કહેવાય છે કે તેઓ વિદેશી ડ્રેસ હોય કે કાશ્મીરી પહેરવેશ હોય તેમનો દેખાવ એક ગૌરવશાળી રાજકારણીને શોભે તેવો હોય છે. ----------------------------- શાઈના એન. સી. નાની વયમાં રાજકારણમાં જોડાઈને સ્ત્રીઓની કપડાં પહેરવાની જૂની ઢબને ફેશનેબલ બનાવવામાં મુખ્ય ભાગ ભજવનાર રાજકારણી કહી શકાય. શાઈના પોતે ફેશન ડિઝાઈનર હોવાને કારણે જાહેરમાં કઈ રીતે પોતાની જાતને રજૂ કરવાની તે શૈલીનો તેને ઊંડો અભ્યાસ છે તે નક્કી છે. ડિઝાઈનર સાડીની સાથે આછાં આભૂષણ અને ગોગલ્સ તેની આગવી ઓળખ છે. ----------------------------- સ્મૃતિ ઈરાની ટેલિવિઝનના નાના પડદે 'તુલસી' તરીકે લાખોના દિલમાં રાજ કર્યા બાદ સ્મૃતિ ઈરાની રાજકારણમાં પ્રવેશી. આકર્ષક રંગોમાં પ્રિન્ટેડ સાડીમાં કે પંજાબી ડ્રેસમાં લોકસભામાં તેના વાકચાતુર્યને કારણે ભારત દેશ માટે કંઈ કરી બતાવવાની ચાહ તેના યુવાન દિલમાં દેખાઈ આવે છે.

__._,_.___

Posted by: Kishor Mehta <devdrashti@hotmail.com>

Reply via web post

•

Reply to sender

•

Reply to group

•

Start a New Topic

•

Messages in this topic (1)

Upgrade your account with the latest Yahoo Mail app

Get organized with the fast and easy-to-use Yahoo Mail app. Upgrade today!

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group