to translate this article to Language of your choice.

મૅજિકલ મેસી



પ્રાસંગિક - અજય મોતીવાલા

૨૦૦૭ની ૧૮ એપ્રિલે આર્જેન્ટિનાના અને સ્પેનની બાર્સેલોના ક્લબના ટોચના ફૂટબૉલર લાયનેલ મેસીએ ગેટફે નામની ક્લબ સામેની એક મૅચમાં અદ્ભુત ગોલ કર્યો હતો. એ સમયે લાંબા વાળ રાખતા મેસીનો એ સર્વશ્રેષ્ઠ ગોલ કહેવાય છે. યોગાનુયોગ, બરાબર ૯ વર્ષ પછી એટલે ગયા સોમવારે ૧૮ એપ્રિલે તેણે કરિયરનો ૫૦૦મો ગોલ કર્યો હતો. આર્જેન્ટિનાના પંચાવન વર્ષીય ડિએગો મૅરાડોનાએ ઘણા વર્ષોથી રમવાનું છોડી દીધું છે. જોકે, ફૂટબૉલપ્રેમીઓ હજી આજે પણ તેમની ટૅલન્ટ, સ્ટાઇલ, ચપળતા, પ્રભાવ, ક્ષમતા અને હરીફો પરની ધાકને યાદ કરે છે. જોકે, તેમનો જ દેશનો મેસી તેમને ભુલાવી દે એવું પર્ફોર્મ કરી રહ્યો છે એવું તો ન જ કહી શકાય, પરંતુ આંકડાની દૃષ્ટિએ જે રીતે હરણફાળ ભરી રહ્યો છે એ જોતાં એક ડગલું આગળ છે એમ કહીએ તો ખોટું નથી. ૨૮ વર્ષના મેસીએ અઠવાડિયા પહેલાં ૫૦૦મો ગોલ કર્યો એ ઉપરાંત પ્લેયર તરીકેનું તેનું મૂલ્ય પણ અબજો રૂપિયામાં મપાતું થઈ ગયું છે. વૅલેન્સિયા યુનિવર્સિટીએ તાજેતરમાં ફૂટબૉલરોના મૂલ્ય પર આધારિત એક વિશ્ર્લેષણ કર્યું હતું જે મુજબ વિશ્ર્વભરના ફૂટબૉલ ખેલાડીઓમાં મેસી સૌથી વધુ ૧૫.૯૦ કરોડ ડૉલર (૧૦.૫૧ અબજ રૂપિયા)નું મૂલ્ય ધરાવે છે. તેની જ બરોબરીમાં ગણાતો પોર્ટુગલનો ક્રિસ્ટિયાનો રોનાલ્ડો વ્યક્તિગત મૂલ્યની દૃષ્ટિએ મેસીથી ખાસ્સો એવો પાછળ છે. અભ્યાસ મુજબ રોનાલ્ડોનું મૂલ્ય ૧૧.૪૦ કરોડ ડૉલર (૭.૫૪ અબજ રૂપિયા) છે. આ લેખમાં આપણે મેસીની ૫૦૦ ગોલની સિદ્ધિ પર વધુ લક્ષ્ય આપીશું. ૧૦ નંબરની જર્સી પહેરીને રમતા મેસીએ આ ૫૦૦ ગોલ ૨૦૦૩થી ૨૦૧૬ સુધીની ૧૩ વર્ષની કારકિર્દીમાં કર્યા છે. તેણે ૫૦૦માંથી ૪૫૦ ગોલ બાર્સેલોના ક્લબ વતી ૫૨૧ મૅચ રમીને અને ૫૦ ગોલ આર્જેન્ટિના વતી ૧૦૭ મૅચ રમીને કર્યા છે. ૨૦૧૨નું વર્ષ તેનું સૌથી સફળ વર્ષ હતું. તેણે એ એક જ વર્ષમાં ૯૧ ગોલ કર્યા હતા અને બાર્સેલોનાને તેમ જ આર્જેન્ટિનાને કંઈ કેટલીયે જીત અપાવી હતી. વર્તમાન ફૂટબૉલ જગતના સૌથી સફળ અને સૌથી લોકપ્રિય ખેલાડીઓમાં મેસીની તુલના રિયાલ મૅડ્રિડ ક્લબ વતી રમતા ક્રિસ્ટિયાનો રોનાલ્ડો સાથે સતતપણે થતી રહી છે એમ છતાં મોટા ભાગના વર્ષોમાં મેસીને તેનાથી ચડિયાતો એટલે વિશ્ર્વનો સર્વશ્રેષ્ઠ ગણાવવામાં આવ્યો છે. બાર્સેલોના વિશ્ર્વની ટોચની ક્લબોમાં ગણાય છે અને મેસીએ એ ક્લબ વતી લા લિગા નામની જગમશહૂર સ્પર્ધામાં કુલ મળીને ૩૦૯ ગોલ કર્યા છે જે વિશ્ર્વવિક્રમ છે. રોનાલ્ડો એ સ્પર્ધામાં ૨૫૬ ગોલ કરી શક્યો છે. મેસીની કરયિરને 'મૅજિક શો' તરીકે ગણાવાઈ રહી છે. તેનો દરેક ગોલ જાણે જાદુઈ અસર કરનારો મનાય છે. તેણે ૫૦૦માંથી ૨૬૪ ગોલ હોમ-ગ્રાઉન્ડ પર, ૨૦૧ ગોલ હરીફના મેદાન પર અને ૩૫ ગોલ તટસ્થ ગ્રાઉન્ડ પર કર્યા છે. જેમ ક્રિકેટમાં ક્યારેય કોઈ લેજન્ડરી પ્લેયરો વચ્ચે સરખામણી કરવી સલાહભરી ન કહેવાય એવું બીજી રમતોને પણ લાગુ પડી શકે. એ રીતે, ફૂટબૉલરોમાં પણ તુલના કરવી યોગ્ય ન કહેવાય. ઘણા લેખોમાં તેમ જ ચર્ચાઓમાં ચડિયાતો ફૂટબૉલર કોણ? એવા સબજેક્ટ હેઠળ મૅરાડોના, ઝિદાન, રોનાલ્ડો (બ્રાઝિલ), રોનાલ્ડિન્યો, મેસી અને રોનાલ્ડો (પોર્ટુગલ) વચ્ચે સરખામણી કરાતી હોય છે, પરંતુ મોટા ભાગના ફૂટબૉલરસિકો આ સરખામણીને અસ્થાને ગણતા હોય છે. જે કંઈ હોય, પરંતુ મેસી આવી કોઈ સરખામણીની માયાજાળમાં પડવા કરતાં જાદુઈ કિકથી આર્જેન્ટિનાને અને બાર્સેલોના ક્લબને નવી-નવી સિદ્ધિ અપાવતો જ જાય છે તેમ જ પોતાની ભવ્ય કારકિર્દીને ચાર ચાંદ લગાડતો જાય છે.

__._,_.___

Posted by: Kishor Mehta <devdrashti@hotmail.com>

Reply via web post

•

Reply to sender

•

Reply to group

•

Start a New Topic

•

Messages in this topic (1)

Upgrade your account with the latest Yahoo Mail app

Get organized with the fast and easy-to-use Yahoo Mail app. Upgrade today!

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group