[amdavadis4ever] રોપ-વે પર થશે નગર પરિવહન: શે ખર ચક્રવર્તી P rakash Biiyani

 

Please use http://translate.google.com/ to translate this article to Language of your choice. રોપ-વે પર થશે નગર પરિવહન: શેખર ચક્રવર્તી  Prakash Biiyani -CRSPLનો દેશના રોપ-વે ઉદ્યોગમાં 40 ટકા હિસ્સો છે. કંપની સિલીગુડી રોહિણી ટૂરિસ્ટ કોમ્પ્લેક્સથી ગિડ્ડાપહાડ કુસેંગમાં રોપ-વે બનાવી રહી છે   કલકત્તા (હવે કોલકાતા) ક્યારેક શહેરી પરિવહન માટે ટ્રામથી ઓળખાતું હતું. હવે તેની નવી ઓળખ હશે રોપ-વે. તેનું શ્રેય કન્વેયર એન્ડ રોપ-વે સર્વિસીસ પ્રા. લિ. (સીઆરએસપીએલ)ના સંસ્થાપક તથા પ્રબંધક નિર્દેશક શેખર ચક્રવર્તીને જાય છે. જે રોપ-વે હમણાં સુધી સીધી રેખામાં હવાઈયાત્રા કરાવતી હતી, તે હવે કોલકાતાના ટ્રાફિકથી ધમધમતા વિસ્તારમાં યાત્રા કરાવશે. તેનાથી લોકો ટ્રાફિક જામ, દુર્ઘટના અને પ્રદૂષણથી બચશે, જે આજે દુનિયાનાં બધાં જ મોટાં શહેરોની સમસ્યા છે.   દુનિયાની પહેલી નોન લિનિયર રોપ-વે વિકસિત કરનારા શેખર ચક્રવર્તી બ્રેકો રોપ-વે લિમિટેડ ઇંગ્લેન્ડમાં કામ કરી ચૂક્યા છે. ત્યાં નોકરી કરતી વખતે તેઓ તેમના શહેર કોલકાતાના રસ્તાઓ પર લોકો ટ્રાફિક જામથી હેરાન-પરેશાન છે એ વાત તેઓ ક્યારેય નહોતા ભૂલ્યા. ત્યાં દુર્ઘટના પણ જાણે સામાન્ય બાબત છે. બસોનાં બે મોટાં ટાયરોમાં કચડાઈ ગયેલી બે સ્કૂલની વિદ્યાર્થીનીઓ પણ તેમને યાદ હતી. તેમને એ પણ યાદ હતું કે ડસ્ટ એલર્જીને કારણે તેમની મોટી દીકરી અસ્થમાનો શિકાર બની હતી. આ ઘટનાઓએ શેખર ચક્રવર્તીને પ્રેરિત કર્યા અને તેમણે નક્કી કર્યું કે તેઓ સ્વદેશ પાછા ફરશે અને પોતાના શહેરને સુરક્ષિત તથા પ્રદૂષણમુક્ત રોપ-વે નગર પરિવહન સેવાની ભેટ આપશે. જોકે, અહીં એક મોટી સમસ્યા એ હતી કે રોપ-વે સીધી રેખામાં જ મૂવ કરે છે.   શેખર ચક્રવર્તીએ કોલકાતા પાછા ફરીને એક આર એન્ડ ડી ટીમ બનાવી અને નોન લિનિઅર રોપ-વે વિકસિત કરવામાં લાગી ગયા. તેમાં તેમને સફળતા મળતાં સૌ પહેલાં આ ટેક્નોલોજીની પેટન્ટ મેળવી લીધી. ત્યારબાદ ટેક્નોલોજીના લોન્ચિંગ માટે યોજાયેલા સમારોહમાં શેખર ચક્રવર્તીએ પશ્ચિમ બંગાળના નગર વિકાસમંત્રી ફિરહાદ હાકિમ અને કેન્દ્રીય નગર વિકાસ મંત્રાલયના અધિકારીઓને આમંત્રિત કર્યા. સીએસઆરપીએલના જોકાસ્થિત પ્લાન્ટ પર 500 મીટરના ટેસ્ટ રન પર કાર્વો (નોન લિનિઅર રોપ-વેનું નામ) ચલાવીને બતાવી.   આ અંગે શેખર ચક્રવર્તીએ કહ્યું કે કોલકાતાનું શહેરી પરિવહન ખૂબ જ ખરાબ હાલતમાં છે. અહીં 250 કિલોમીટર રોપ-વેની સંભાવના છે, જે પ્રતિદિન 2 લાખ લોકોને વિવિધ રૂટ્સ પર તેમના ગંતવ્યસ્થાને પહોંચાડશે. નહીંતર આટલા લોકો માટે દર કલાકે 3000 બસો જોઈએ. વળી, તેના પાર્કિંગ માટે જગ્યા પણ જોઈએ અને દર કલાકે 5000 લીટર ડીઝલ જોઈએ, જે પ્રદૂષણ ફેલાવે છે. તેનાથી વિપરીત કાર્વો 12.5 કિલોમીટરની ગતિથી દર 20થી 22 સેકન્ડમાં સ્ટીલના તારો પર વીજળી દ્વારા ચાલશે. 750 મીટરના અંતરે રોપ-વે સ્ટેશન હશે.   અહીં મુસાફરોને પહોંચાડવા માટે એલિવેટર્સ પણ લગાવવામાં આવશે. કાર્વો સેવા માટે બહુ ઓછી જગ્યા જોઈએ. શેખર ચક્રવર્તીનો દાવો છે કે કાર્વો અન્ય નગરમાં પરિવહન કરવા માટેનાં વાહનો કરતાં સો ટકા સુરક્ષિત, કિફાયતી અને પ્રદૂષણમુક્ત છે.શેખર ચક્રવર્તીએ પશ્ચિમ બંગાળનાં મુખ્યમંત્રી મમતા બેનર્જીને કોલકાતાના બે સતત વ્યસ્ત રહેતાં સિલ્વાહ સ્ટેશનથી બાગ અને હાવડા સ્ટેશનથી નબાના (ન્યૂ સેક્રેટેરિએટ) વચ્ચે કાર્વો લોન્ચ કરવાની સલાહ આપી છે. શેખર ચક્રવર્તીના કહેવા અનુસાર એક કિલોમીટર કાર્વોની સ્થાપના માટે 20 કરોડ રૂપિયાનો ખર્ચ થશે, જે કોલકાતાના મેટ્રોના એક કિલોમીટર રૂટના માત્ર 10 ટકા છે. પશ્ચિમ બંગાળ સરકારે શેખર ચક્રવર્તીના આ પ્રસ્તાવનું ગંભીરતાથી નિરીક્ષણ કરાવ્યું છે. આશા છે કે કોલકાતા બહુ જલદી દુનિયાનું પહેલું એવું મહાનગર બની જશે, જ્યાં નોન લિનિઅર રોપ-વે પરનાગરિક શહેરના રસ્તાઓ પર યાત્રા કરશે. શેખર ચક્રવર્તીના આ પ્રોજેક્ટમાં કેન્દ્રીય નગર વિકાસ મંત્રાલયે પણ રસ દાખવ્યો છે, તો બાંગ્લાદેશે પણ ઇચ્છા દર્શાવી છે.     સીઆરએસપીએલનો દેશના સામાન્ય રોપ-વે ઉદ્યોગમાં 40 ટકા હિસ્સો છે. કંપની સિલીગુડી રોહિણી ટૂરિસ્ટ કોમ્પ્લેક્સથી ગિડ્ડાપહાડ કુસેંગમાં રોપ-વે બનાવી રહી છે. શેખર ચક્રવર્તીને રાજસ્થાનમાં પણ કેટલાંયે પર્યટન સ્થળો પર રોપ-વેની સ્થાપના માટે ઓર્ડર મળ્યા છે. નોન લિનિઅર રોપ-વેના લોન્ચિંગમાં સીઆરએસપીએલ સફળ થશે તો આ પ્રોજેક્ટ દુનિયાનાં કેટલાંય દેશો કે શહેરોની પ્રદૂષણયુક્ત ટ્રાફિક સમસ્યાથી મુક્તિ અપાવશે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Visit Your Group

• New Members 74

• Privacy • Unsubscribe • Terms of Use

.

__,_._,___