[amdavadis4ever] રેડ રોઝ - Gujarati (Posted by B D jesrani)

 

Please use http://translate.google.com/ to translate this article to Language of your choice. ડોનાલ્ડ ટ્રંપ પ્રેસિડેન્ટ બની જાય તો આફત હશે? (રેડ રોઝ)   તા. ૮ નવેમ્બરે અમેરિકાના પ્રેસિડેન્ટની ચૂંટણી છે.   હવે એ વાત સ્પષ્ટ છે કે, મુકાબલો ડેમોક્રેટિક પક્ષના ઉમેદવાર હિલેરી ક્લિન્ટન અને રિપબ્લિકન પક્ષના ઉમેદવાર ડોનાલ્ડ ટ્રંપની વચ્ચે થશે. ધારોકે ડોનાલ્ડ ટ્રંપ અમેરિકાના પ્રેસિડેન્ટ બની જાય તો શું થાય?    ગંભીર વાત પર આવતા પહેલાં એક કાલ્પનિક-રમૂજી સંવાદ સાંભળો જે અમેરિકાથી જ અમને ઈ-મેલ દ્વારા મળ્યો છે.     અમેરિકાના પ્રેસિડેન્ટ ડોનાલ્ડ ટ્રંપનો એ.જે ઓવલ ઓફિસમાં પહેલો દિવસ છે. સીઆઈએ, પેન્ટેગોન, એફ.બી.આઈ અને ડીઆઈએના અધિકારીઓ સાથે પ્રેસિડેન્ટ ટ્રંપ ચર્ચા કરી રહ્યા છે.   ટ્રંપઃ આપણે આઈએસઆઈએસને ખત્મ કરી નાંખવું જોઈએ.   સીઆઈએઃ એ શકય નથી, સર. સાઉદી, ટર્કી અને કતારની મદદથી આપણે જ તેનું સર્જન કરેલું છે.     ટ્રંપઃ ના, ડેમોક્રેટ્સ લોકોએ એ કર્યું છે.     સીઆઈએઃ નો સર, એ સર્જન આપણે જ કરેલું છે. આપણને ઓઈલ-ગેસની લોબીની મદદ જરૂર હતી તેથી તે કર્યું હતું.     અને ફંડ કયાંથી લાવીશું?     ટ્રંપઃ પાકિસ્તાનને નાણાકીય સહાય આપવાનું બંધ કરી દો. ઇન્ડિયાને જ પાકિસ્તાન સાથે ડીલ કરવા દો.   સીઆઈએઃ એ શક્ય નથી સર. હવે ઈન્ડિયમાં ડો. મનમોહન સિંહ નહીં પરંતુ મિ.મોદી પીએમ છે.     ટ્રંપઃ તેથી આપણને શું ફરક પડે છે?     સીઆઈએ : મોદી બલુચિસ્તાનમાંથી પાકિસ્તાનને કટ ઓફ કરી નાંખશે.     ટ્રંપઃ હું પરવા કરતો નથી.     સીઆઈએઃ ભારતને કાશ્મીરમાં શાંતિ થઈ જાય તો આપણી પાસેથી શસ્ત્રો કોણ ખરીદશે?   ટ્રંપઃ એટલે?   સીઆઈએ : તો ભવિષ્યમાં ભારત સુપરપાવર બની જશે તેથી આપણે પાકિસ્તાનને ફંડ આપવું પડશે જેથી તે ભારતને કાશ્મીરમાં વ્યસ્ત રાખી શકે.   ટ્રંપઃ ઠીક છે. તો હવે તાલિબાનને ખતમ કરો.     સીઆઈએઃ એ પણ શક્ય નથી. સર,૧૯૮૦માં રશિયાને અંકુશમાં રાખવા તાલિબાનનું સર્જનપણ આપણે જ કરેલું છે. હવે તાલિબાનો પાકિસ્તાનને વ્યસ્ત રાખે છે.    ટ્રંપઃ તો પછી આપણે સરમુખત્યાર શાસનને ખતમ કરવું જોઈએ.      સીઆઈએઃ એ શકય નથી, સર ઓઈલ માટે જ આપણ જ એ સરમુત્યારશાહી વાળા રાષ્ટ્રોનું સર્જન કરેલું છે. ત્યાં જો લોકશાહી શાસન આવશે તો એ રાષ્ટ્રોના લોકો આપણા કહ્યામાં નહીં રહે.    ટ્રંપઃ તો ઈરાન પર હુમલો કરો.   સીઆઈએઃ એ શક્ય નથી, સર, આપણાં સ્ટીલ્થ ડ્રોન વિમાનો તેની પાસે છે. તો હજુ પાછાં મેળવવા ઈરાન સાથે વાટાઘાટો ચાલી રહી છે.   ટ્રંપઃ તો પછી ઈરાક પર ફરી હુમલો કરો.       સીઆઈએઃ એ જરૂરી નથી. સર, આપણા આઈએસઆઈએસવાળા મિત્રો ઈરાકનો એક તૃત્તિયાંશ ભાગ ઓલરેડી કબજો કરીને બેઠા જ છે.       ટ્રંપઃ આખા ઈરાક પર કેમ નહીં?       સીઆઈએઃ સર, આઈએસઆઈએસને પણ અંકુશમાં રાખવા આપણને ઈરાકમાં શિયા ગવર્ન્મેન્ટની જરૂર છે.      ટ્રંપઃ હું આજથી જ એચ વન બી વીઝા પર પ્રતિબંધ મૂકું છું.       સીઆઈએઃ એમ થશે તો આપણે આખા વ્હાઈટ હાઉસનું આઉટ ર્સોિંસગ બેંગ્લોરમાં કરવું પડશે!       ટ્રંપઃ તો પછી હું અમેરિકાના પ્રેસિડેન્ટ તરીકે ચૂંટાયો શા માટે?       સીઆઈએઃ વ્હાઈટ હાઉસમાં મજા કરવા માટે સર.       કાલ્પનિક વાર્તાલાપ અહીં સમાપ્ત થાય છે પરંતુ શું ખરેખર ડોનાલ્ડ ટ્રંપ અમેરિકાના પ્રેસિડેન્ટ બનશે?      અમેરિકાનું મીડિયા પણ હવે માને છે કે, રિપબ્લિકન પક્ષના સંભવિત ઉમેદવાર ડોનાલ્ડ ટ્રંપ અમેરિકાના પ્રેસિડેન્ટ બનવાની શકયતાઓ પ્રબળ બનતી જાય છે.       ડોનાલ્ડ ટ્રંપ વિષે અમેરિકી મહિલા પત્રકાર લુસિયા ગ્રેટસ કહે છેઃ 'આ એ શખ્સ છે જે સ્ત્રીઓ માટે અપમાનજનક શબ્દોનો પ્રયોગ કરે છે. તે પોતાની રેલીઓમાં હિંસાને પ્રોત્સાહિત કરે છે. તે મુસલમાનોને અમેરિકામાં પ્રવેશવા પર પ્રતિબંધ મૂકવા માગે છે. આ અંગે તેના માટે 'કૂ ક્લકસ કલોન' જેવા બદનામ સંગઠનની સંજ્ઞાાનો ઉપયોગ થયો છતાં તેની તેમના પર કોઈ જ અસર નથી. ભલે તે રાજનીતિની બહારની વ્યક્તિ ગણાતો હોય તો પણ હવે તે અમેરિકાના સહુથી ઊંચા પદ પર બીરાજવા તેજીથી આગળ વધી રહ્યો છે.'       તા.૮મી નવેમ્બરે અમેરિકાના પ્રમુખપદની ચૂંટણી છે. પક્ષમાં જ તેમના પ્રતિનિધિ ટ્રેડ ક્રુજે અને જહોન કેસિચેએ પોતાની દાવેદારી પાછી ખેંચી લેતાં પક્ષ તરફથી ડોનાલ્ડ ટ્રંપ માટે ચૂંટણી લડવાનો રસ્તો હવે ખુલ્લો થઈ ગયો છે. પ્રમુખપદના ઉમેદવાર બનવાની દાવેદારી કરનારા ૧૬ જેટલા રિપબ્લિકનો હતા. તેમાંથી હવે ટ્રંપ જ રહ્યા છે. ડોનાલ્ડ ટ્રંપ ન્યૂયોર્કના બિલિયોનેર છે.       ડોનાલ્ડ ટ્રંપે તેમના ડેમોક્રેટિક પક્ષના સંભવિત ઉમેદવાર હિલેરી કિલન્ટન અને તેમના પતિ માટે બેફામ શબ્દો ઉચ્ચારેલા છે. તાજેતરમાં જ તેમણે હિલેરી ક્લિન્ટન માટે કહ્યું હતું.'તે મહાન પ્રેસિડેન્ટના બની શકે. તે સારાં પ્રેસિડેન્ટ પણ ના બની શકે તે એક નબળાં પ્રમુખ બની શકે. હિલેરી ક્લિન્ટનને વેપાર-ઉદ્યોગની કોઈ ગતાગમ જ નથી.'      ડોનાલ્ડ ટ્રંપ સામે હિલેરી ક્લિન્ટને કહ્યું કે,'ડોનાલ્ડ ટ્રંપ જેવા બેલગામ વ્યક્તિને પ્રમુખ તરીકે અમેરિકનો પસંદ કરવાનું જોખમ ઉઠાવી શકે નહીં. ટ્રંપ કહે છે કે જે મહિલાઓ ગર્ભપાત કરાવતી હોય તેને દંડ દેવો જોઈએ. અમેરિકાની મહિલાઓ આ વાત નહીં સ્વીકારે.મને લાગે છે કે ડોનાલ્ડ ટ્રંપ એક એવી તોપ છે કે બેકાબૂ બનીને ગલત દિશામાં ગોળા ફેંકી શકે છે. હું ટ્રંપની વિરુદ્ધ દોડમાં નથી. હું તો મારું ખુદનું અભિયાન ચલાવી રહી છું. હું પ્રેસિડેન્ટ બનવાની, અર્થવ્યવસ્થા સંભાળવાની, લોકોને આગળ વધવામાં આવી રહેલી મુશ્કેલીઓ દૂર કરવાના પ્રયાસનીઔ દોડમાં છું.'       હિલેરી ક્લિન્ટન એ એક સૌમ્ય અને મિતભાષી મહિલા ઉમેદવાર હોવા છતાં એ એક હકીક્ત છે કે, એક વર્ષ પહેલાં કોઈએ વિચાર્યું પણ નહોતું કે,ડોનાલ્ડ ટ્રંપ અમેરિકાના પ્રમુખપદ માટેના ઉમેદવાર બની શકે છે. રિપબ્લિકન પક્ષમાં પ્રમુખપદની ઉમેદવારી માટે ટિકિટ માગનારા તેમના પ્રતિસ્પર્ધી ટ્રેડ ક્રુજે પોતાની તમામ તાકાત, તમામ પૈસા અને પોતાની તમામ પ્રતિષ્ઠા દાવ પર લગાવી દીધી હતી પરંતુ ટ્રંપ આગળ તેઓ ફાવ્યો નહીં. હવે ટ્રેડ ક્રુજ ખુદ ડોનાલ્ડ ટ્રંપના મજબૂત સહયોગી બની ગયા છે.       મજેેદાર વાત એ છે કે, રિપબ્લિકન પક્ષમાં જ જે મહિલાઓ ડોનાલ્ડ ટ્રંપ માટે અપમાનજનક શબ્દોનો પ્રયોગ કરતી હતી તે પણ હવે ટ્રંપની પ્રશંસા કરવા માંડી છે. ટ્રેડ ક્રુજ કે જેઓ ખુદ ડોનાલ્ડ ટ્રંપને જમીન-જાયદાદનો ધંધો કરવાવાળો જુઠ્ઠો અબજોપતિ માણસ કહી સંબોધતા હતા તેઓ પણ હવે ટ્રંપની સાથે આવી ગયા છે. ટ્રેડ ક્રુજે તો એટલી હદે કહ્યું હતું કે,'જો ડોનાલ્ડ ટ્રંપ જીતી જશે તો અમેરિકા ગર્તમાં ધકેલાઈ જશે.'-પણ હવે એ બધાં વિધાનોનો કોઈ અર્થ નથી.      હવે પરિસ્થિતિ સ્પષ્ટ છે. પ્રમુખપદની દાવેદારી માટે ડોનાલ્ડ ટ્રંપ જીતી રહ્યા છે હવે ના તો ટ્રેડક્રુજ કે ના તો રિપબ્લિકન પાર્ટી ટ્રંપને ચૂંટણી લડતા રોકી શકશે. પોતાના જ પક્ષમાં 'નેવર ટ્રંપ'નું જે અભિયાન ચાલતું હતું, હવે તેનો કોઈ અર્થ નથી.    જો ડોનાલ્ડ ટ્રંપ અમેરિકાના પ્રેસિડેન્ટ બની જાય તો અમેરિકા એક આશંકા તરફ આગળ વધી રહ્યું છે તેમ ઘણા માને છે.

__._,_.___

---

Posted by: imamdavadi@ymail.com

---

Reply via web post

•

Reply to sender

•

Reply to group

•

Start a New Topic

•

Messages in this topic (2)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 57

• Privacy • Unsubscribe • Terms of Use

.

__,_._,___