Saturday, 28 May 2016

[amdavadis4ever] બીજાઓને ઈ ર્ષ્યા થા ય એવું પ્ રેમસભર જીવ ન જીવવાની કળા ગુડ મોર્નિંગ - સૌરભ શાહ

 



Please use
http://translate.google.com/
to translate this article to Language of your choice.



જીવનમાં શું કરવું છે એનો નિર્ણય જેટલો અગત્યનો છે એટલું જ મહત્ત્વનું એ નક્કી કરવાનું છે કે કોની સાથે એ બધું કરવું છે. અને આ બેઉ નિર્ણયો ૨૫થી ૪૦ વર્ષની ઉંમર દરમિયાન લેવાઈ જવા જોઈએ. ૨૫ પહેલાં નહીં, ૪૦ પછી નહીં. આ નિર્ણય લેવા માટે બે વ્યક્તિઓ વચ્ચેના પ્રેમના આ પાંચ સ્તર એકબીજાની નિકટ પહોંચવામાં મદદરૂપ થાય.

પ્રેમના આ પાંચ સ્તરનું કોઈ નિશ્ર્ચિત ગણિત નથી કે એની હાજરી-ગેરહાજરી માટેની કોઈ અગાઉથી નક્કી કરેલી ફૉર્મ્યુલા મુજબની ટકાવારી પણ નથી. આમાંના કયા સ્તર પર વધારે રહેવું છે અને કયા સ્તર પર ઓછું રહેવું છે તેનો નિર્ણય બેઉ વ્યક્તિએ, શબ્દોમાં ફોડ પાડ્યા વિના, એકબીજાને પામી જઈને સમજૂતીપૂર્વક કરી લેવાનો. આમાંના કોઈ એક કે એક કરતાં વધારે સ્તરનું પ્રમાણ ખોરવાઈ જાય કે પછી એ પ્રમાણ ખોરવાતાં ખોરવાતાં એ સ્તરની સદંતર ગેરહાજરીમાં પરિણમે ત્યારે, બેઉ વ્યક્તિઓએ પોતાના પ્રેમના બાકી બચેલા એકાદ-બે સ્તરના તાંતણે ટકી રહેવું પડે. કેટલાક સંબંધો, આ રીતે પણ દાયકાઓ સુધી ટકી જતા હોય છે. કેટલાક લોકો એક જ કિડનીએ આખી જિંદગી કાઢી નાખે એમ અથવા તો કેટલાક માણસો ત્રણ-ત્રણ હાર્ટ ઍટેક પછી પણ જીવતા રહે એમ.

બે વ્યક્તિ વચ્ચેનો પ્રેમ આ પાંચ સ્તરે એકબીજાને વધુ નિકટ લાવતો હોય છે: ધ્યાન રાખવું એક આમાંનો એકેય સ્તર બીજા કરતાં ચડિયાતો કે ઊતરતો નથી. નિસરણી કે પગથિયાં નથી આ. માત્ર 

પાંચ વહેણ છે જે એકબીજા સાથે ભળી જાય છે. એક જ સપાટી ધરાવતાં આ પાંચ વહેણના પ્રવાહો ઓછાવત્તા થઈ શકે - એનો આધાર બેઉ વ્યક્તિઓ પર છે અને સમય - સંજોગો પર છે.

૧. પ્રથમ સ્તર તે માનસિક સ્તર. મનોમન એકબીજાની હાજરીની ઝંખના રહે કે એકબીજાની તસવીર આંખ સામે આવતી રહે ત્યારે પ્રેમનો આ પ્રથમ સ્તર સર્જાય છે. રૂબરૂ મળ્યા વિના તમે જેની નિકટતાનો અહેસાસ કરી શકો એવી વ્યક્તિ સાથે માનસિક સ્તરે ખાસ્સા એવા કમ્ફર્ટેબલ છો એવું પુરવાર થઈ ગયું. સ્વભાવ, રસના વિષય કે શિક્ષણ - સંસ્કાર - ઉછેર ભિન્ન હોય તો પણ બે વ્યક્તિ એકમેક સાથે માનસિક સ્તરે એકાત્મતા અનુભવી શકે, આવું ત્યારે બને જ્યારે એક વ્યક્તિ બીજી વ્યક્તિમાં રહેલી ઉત્તમોત્તમ ભાવનાઓ પ્રગટાવી શકે, કારણ કે દરેક વ્યક્તિમાં પોતે દાનવ બની શકે એવો કાચો માલ સંઘરાયેલો હોય છે અને એ દેવ જેવું વ્યક્તિત્વ ખિલવી શકે એવું રૉ મટીરિયલ પણ એનામાં પડેલું છે. સામેની વ્યક્તિ તમારી આ બે શક્યતાઓમાંથી કઈ શક્યતાને ઉછેરી શકે છે એ જોવાનું છે.

૨. બીજો સ્તર ભાવનાત્મક સ્તર. માનસિક નિકટતા જે વ્યક્તિની સાથે હોય તેના માટે ભાવનાત્મક સ્તરે પણ નિકટતા અનુભવાતી હોય છે. જોકે, જેના માટે ઈમોશનલ અટેચમેન્ટ હોય, જેની સાથે લાગણીના સંબંધો હોય, તેની સાથે માનસિક ઐક્ય પણ મહેસૂસ થાય એવું જરૂરી નથી. ક્યારેક માત્ર અમુક સંજોગોમાં સાથ મળી જવાથી ભાવનાત્મક સંબંધો સર્જાઈ જતા હોય છે તો ક્યારેક માત્ર મરજીથી કે નામરજીથી વર્ષો સુધી સાથે રહેવાને કારણે પણ લાગણીનું સાયુજ્ય સર્જાતું હોય છે, પણ આવાં કારણો વિના સર્જાતા ભાવનાત્મક સંબંધો વધુ ટકોરાબંધ હોવાનાં, કારણ કે એમાં ઓછામાં ઓછું પ્રદૂષણ ભળેલું હોય છે.

૩. ત્રીજો સ્તર તે બૌદ્ધિક સ્તર. પ્રેમમાં બૌદ્ધિક સ્તર કે ઈન્ટલેક્ચ્યુઅલ લેવલનો અર્થ એ નથી કે બેઉ વ્યક્તિઓ ભારે બુદ્ધિશાળી હોય. બેઉ વ્યક્તિઓનો બૌદ્ધિક સ્તર એકમેકને અનુરૂપ હોય ત્યારે આદર્શ ઈન્ટલેક્ચ્યુઅલ સંબંધ સર્જાય. યુનિવર્સિટીની વાઈસ ચાન્સેલર બનેલી મહિલા ઈંટ ગોઠવતા કડિયા સાથે પ્રેમમાં પડે કે પરણે ત્યારે ઈન્ટલેક્ચ્યુઅલી એ ક્યારેય સુખી ન થાય. કડિયા સાથે શાક વેચવાવાળી કાછિયણ પ્રેમમાં પડે કે પરણે તો શક્ય છે કે બૌદ્ધિક રીતે બેઉ એકબીજાને સંપૂર્ણ સંતોષ આપી શકે. પ્રેમ સંબંધનો આ એક એવો સ્તર છે જેની ગેરહાજરી કે ઓછી હાજરીનો અંદાજ ઘણાને વર્ષો સુધી આવતો જ નથી.

૪. ચોથા સ્તરને શારીરિક સ્તરનું નામ આપવાને બદલે સ્પર્શના સ્તરનું નામ આપવું વધારે યોગ્ય ગણાશે, કારણ કે શારીરિક સંબંધો શબ્દપ્રયોગ બહુધા સેક્સ્યુઅલ રિલેશન્સના રૂપે વપરાય છે જેની આપણે પાંચમા સ્તરમાં ચર્ચા કરવાની છે. અહીં સેક્સ્યુઅલ નહીં પણ ફિઝિકલ સંબંધની વાત કરવાની છે. બંને વચ્ચે ભેદ છે. જે સ્પર્શો સેક્સ સુધી પહોંચતા નથી, પહોંચવાની ઈચ્છા પણ ધરાવતા નથી. જેને તમે સેક્સ્યુઅલ ફોરપ્લેના ખાનામાં પણ મૂકી શકતા નથી, એવા સ્પર્શોની વાત છે આ. આ પ્રકારના ફિઝિકલ સંબંધોમાં માત્ર હાથ પકડવાથી માંડીને ઉષ્માભર્યાં આલિંગનો આવી શકે કે વાળ પર હાથ રમાડવાથી માંડીને હળવાં ચુંબનો આવી શકે. આ બધા કેટલાક એવા સ્પર્શો છે જે શબ્દો વિના એકમેક માટેની નિકટતા વ્યક્ત કરે. આવા સ્પર્શોની પરાકાષ્ઠા સેક્સના સંબંધોમાં સર્જાય તે જરૂરી નથી. અફકોર્સ આવા સ્પર્શોની નિર્દોષતા, પ્યોરિટી જેમની વચ્ચે સેક્સના સંબંધો હોય તેમની વચ્ચે જ શક્ય છે. જે પુરુષ-સ્ત્રી વચ્ચે સેક્સના સંબંધ ન હોય તે જો આ ચોથા સ્તરના - માત્ર ફિઝિકલ લેવલના - પ્રેમસંબંધો રાખવા જાય તેનું મન બીજી જ ક્ષણે સેક્સમાં સરી પડે અને અનુકૂળતા હોય તો ત્રીજી જ ક્ષણે તન પણ સેક્સમય થઈ જાય. માટે જેમની વચ્ચે પાંચમા સ્તરના સંબંધ ન હોય એમણે પોતાની જાતને કે બીજાઓને ભરમાવવાની જરૂર નથી કે અમે આ ચાર નંબરના સ્તરે જ કમ્ફર્ટેબલ છીએ અને 'આગળ વધવા' નથી માગતા.

૫. પાંચમો સ્તર તે જાતીય સંબંધોનો સ્તર, કામ સંબંધો અથવા તો સેક્સ્યુઅલ રિલેશન્સ. આ સ્તરની દુરસ્તી બે વ્યક્તિઓ વચ્ચેના પ્રેમની તંદુરસ્તી પર પણ મોટો ભાગ ભજવે છે. એક તરફ આ સ્તર બે વ્યક્તિ વચ્ચેના આરંભિક આકર્ષણનું ઘણું મોટું કેન્દ્ર બની શકે છે તો બીજી તરફ એ ખોરવાય ત્યારે અન્ય સ્તરોમાં યોગ્ય પ્રમાણ જળવાયું હોવા છતાં સંબંધો તૂટી પડવાની શક્યતા સર્જાય છે.

પ્રેમના આ પાંચેય વહેણને જે બે જણ એકબીજાની તેમ જ પોતપોતાની જરૂર તથા ઈચ્છા મુજબ વત્તાઓછા કરી શકે છે તે બે જણ બીજા સૌને ઈર્ષ્યા થાય એવું અલૌકિક જીવન આ જન્મારે જ જીવી શકે છે.

__._,_.___
Posted by: Bhupendra Jesrani <jesranibd@yahoo.co.in>
Reply via web post • Reply to sender • Reply to group • Start a New Topic • Messages in this topic (1)
Have you tried the highest rated email app?
With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.
World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

.

__,_._,___
Posted by at

No comments:

Post a Comment

Subscribe to: Post Comments (Atom)