[amdavadis4ever] માણસ ધારે ત ો કળયુગને પ ણ સુવર્ણયુગ બનાવી શકે, ચરિત્ર અને વિચારોની શ ુદ્ધતા થકી N Raghuraman

 

Please use http://translate.google.com/ to translate this article to Language of your choice. માણસ ધારે તો કળયુગને પણ સુવર્ણયુગ બનાવી શકે, ચરિત્ર અને વિચારોની શુદ્ધતા થકી N Raghuraman મારા બાળપણમાં મને ઘણાં પ્રવચનો અને સૂતા પહેલાં વાર્તાઓ સાંભળવાની તક મળી, કારણ કે આજની જેમ મારા ઘરમાં 24 કલાક મનોરંજન ઉપલબ્ધ નહોતું અને અમારા ઘરે રેડિયો તો ઘણો બાદમાં આવ્યો. હું ભારતીય અને યુરોપિયન ઇતિહાસના યોદ્ધાઓ વિશે ઘણું સાંભળતો, જેમાં રામાયણ, મહાભારતના મહાન ભારતીયો પણ હોતા. મને એક વાર્તા સચોટપણે યાદ છે અને મારા મતે મહાભારતના અદ્વિતીય પાત્ર કર્ણ વિશે આ સૌથી સારી વાર્તા છે. વાર્તા કંઇક એવી છે કે સ્નાન પહેલાં તે હીરા જડિત પાત્રમાંથી પોતાના માથા પર તેલ લગાવી રહ્યાં હતા. જમણા હાથમાં તેલ લઇને તેમણે પોતાના માથામાં સારી રીતે લગાવ્યું. એવામાં ભગવાન કૃષ્ણ ત્યાં આવી પહોંચ્યાં અને કર્ણ તેમની સેવા કરવા ઊભાં થઇ ગયા. કૃષ્ણ તે પાત્ર જ કર્ણ પાસેથી ભેટમાં માંગવા માટે આવ્યાં હતા! કર્ણે કહ્યું કે, 'હું આશ્ચર્યમાં છું કે તમે અખિલ બ્રહ્માંડના સ્વામી છો અને તમને આ તુચ્છ વસ્તુ પ્રત્યે આસક્તિ થઇ! પરંતુ તમને પ્રશ્ન પૂછનારો હું કોણ? લો આ પાત્ર.' આમ કહીને કર્ણે પોતાના ડાબા હાથેથી ભગવાનના જમણા હાથમાં પાત્ર મુકી દીધું.   ડાબા હાથે ભેટ આપવાની ધર્મ સંદર્ભે કર્ણથી થયેલી ભૂલ પર ભગવાને તેમને ઠપકો આપ્યો. પરંતુ કર્ણે કહ્યું, 'મારા ભગવાન! મારા જમણા હાથમાં ઘણું તેલ લાગેલું હતુ. પછી મને એવો ડર પણ હતો કે પાત્રને જમણાથી ડાબા હાથ સુધી લાવવામાં મારું મન પણ ભટકત, જે અત્યારે ભેટ આપવા માટે રાજી થયું છે, તે તમારા આગ્રહને ન સ્વીકારવા માટે કોઇ દલીલ ન શોધી લે. અને આ નબળા મનને કારણે હું ક્યાંક ભેટ આપવાથી વંચિત ન રહી જાઉં. આ જ કારણ છે કે મેં યોગ્ય વિધિ તૂટવાની ચિંતા કર્યા વિના જલ્દીથી પાત્ર તમને આપી દીધું. કૃપા કરી મારા પ્રત્યે સહાનુભૂતિ દાખવી મને માફ કરો.' કર્ણે આ પ્રકારના અનુરોધ દ્વારા પોતાની વાતમાં મૂક્યો, કારણ કે તે માનવમનની ચંચળતાની સારી રીતે વાકેફ હતા. પરંતુ મહાભારતમાં કોઇ જગ્યાએ શ્રીકૃષ્ણ અર્જુનને સલાહ આપે છે કે શિસ્ત અને અલિપ્ત રહીને મન પર નિયંત્રણ મેળવી શકાય છે. મને સાચેમાં ખબર નથી કે, દ્વાપર યુગમાં અર્જુન સિવાય કોઇએ પોતાના મનને નિયંત્રિત કર્યું કે નહી, પરંતુ કળયુગમાં હું જરૂર એવા એક વ્યક્તિને જાણું છું, જેણે આ કામ કર્યું છે. 17 નવેમ્બર 2015ના રોજ મુંબઇના ઘાટકોપારની કામા લેનેના રહેવાસી હંસરાજ ખત્રી(67) અને હીરામતી ખત્રી(62) એક ઓટોરિક્શામાં બેઠાં અને ડ્રાઇવર અરુણ શિંદે(50)ને ઘાટકોપાર સ્ટેશન છોડવા માટે કહ્યું. તેમના હાથમાં બેગ કે અન્ય કોઇ વસ્તુ નહોતી, એટલે તેમણે શિંદેને ભાડું આપ્યું અને સ્ટેશન પર પહોંચી ટિકિટ ખરીદી પ્લેટફોર્મ પર જતા રહ્યાં. ત્યાં પહોંચ્યા પછી હીરામતીની શારીરિક ભાષા એકદમ બદલાઇ ગઇ. તેઓ રઘવાયા થઇને પોતાના બ્લાઉજ, સાડીના પાલવમાં કંઇક શોધવા લાગ્યાં. હંસરાજે પૂછ્યું કે શૂં થયું છે. હીરામતી આંખોમાં આંસુ સાથે કહેવા લાગ્યાં કે, ખાસ પ્રસંગ માટે પહેરેલો એક લાખનો હાર તેમના ગળામાંથી ગાયબ છે. તે બંને બેબાકળા બનીને જ્યાં-જ્યાં ગયા હતા, બધી જગ્યાએ દોડી-દોડીને શોધખોળ કરવા લાગ્યા. જ્યારે હાર ક્યાંય ન મળ્યો, તો તેઓ ઓટોસ્ટેડન્ટ પર આવ્યાં જેથી તે રિક્શા ડ્રાઇવર વિશે પૂછી શકે, પરંતુ તે તો ત્યાંથી જતો રહ્યો હતો. તેઓ રોજ પોતાનો હાર શોધતા રહ્યાં. દિવસો વિતવાની સાથે તેઓ પોતાના નસીબને કોસવા લાગ્યાં. તેઓ હવે આશા ખોઇ બેઠાં હતા. આ દરમિયાન, જ્યારે પણ શક્ય હોય, શિંદે તે જગ્યાએ જતા જ્યાંથી તેમણે તે દંપતી પોતાની રિક્શામાં બેસાડ્યાં હતા, પરંતુ તેને દુર્ભાગ્ય કહો કે પછી બીજું કાંઇ, પણ તેઓ ક્યારેય તેમને મળ્યાં નહીં. પરંતુ આ વર્ષે 17 જાન્યુઆરીએ શિંદેએ હીરામતીને તે જ જગ્યાએ બજારમાં કંઇક ખરીદી કરતા જોયાં. હીરામતી તેમને ઓળખી ન શકી. શિંદેએ તે દિવસ વાળી ઘટના યાદ અપાવી અને તેમને પોતાના ઘરે લઇ જઇ હાર પરત સોંપી દીધો. શિંદેએ કોઇ ભેટ ન સ્વીકારતા માત્ર વૃદ્ધ દંપતીના આશિર્વાદ માંગ્યાં. બે મહિનામાં પણ શિંદેનું મન બદલાયું નહી અને તેમને વિશ્વાસ હતો કે તેઓ દંપતીને શોધી કાઢશે.    ફંડા એ છે કે, 'યુગ' તો આપણા જેવા લોકો જ બનાવે છે. અને શિંદે જેવા લોકો એ કળયુગને પણ વિશ્વસનીયતા અપાવે છે, જેનો વિદ્વાનો પણ નકારાત્મક અભિગમથી જોતાં હતા.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 64

• Privacy • Unsubscribe • Terms of Use

.

__,_._,___