[amdavadis4ever] લોકો સામાજિક જવ ાબદારી નિભાવે ત ો પ્રગતિ ઝડપી બ ને N Raghuraman

 

Please use http://translate.google.com/ to translate this article to Language of your choice. લોકો સામાજિક જવાબદારી નિભાવે તો પ્રગતિ ઝડપી બને  N Raghuraman જેવી રીતે દેશની અસંખ્ય ગૃહિણીઓ પોતાના નાના-મોટાં પરિવારને દરેક પ્રકારે સાચવે છે, તેમાંથી એક છે 41 વર્ષની રેખા ગર્ગ. તેમની બે સંતાનો છે. નોન-મેટ્રિક રેખા જીવનના દરેક ક્ષેત્રમાં સફળતાથી કામ કરી રહ્યાં છે. તેમની સફળતાનો અંદાજો એ બાબતથી જ આવી જાય છે કે તેઓ પોતાના મોટા પુત્રને સિવિલ સર્વિસની પરીક્ષાની તૈયારીમાં મદદ કરાવી રહ્યાં છે. બીજી સંતાને પણ ગ્રેજ્યુએશનનું શિક્ષણ આરંભી દીધું છે, પરંતુ રેખા માટે સફળતા માત્ર આ જ નથી. તે પોતાના અરસ-પરસના સમાજ માટે પણ કંઇક કરવા માગે છે. તે હરિયાણાના હિસારથી 60 કિલોમિટર દૂર ઉકલાના મંડીમાં રહે છે. રૂઢિચુસ્ત પરિવારમાં જન્મેલાં અને પરણેલાં રેખાને ઘણાં કુરિવાજોનો સામનો કરવો પડ્યો છે. કામના દબાણ અને નાની-મોટી બીમારીઓને મોટા પરિવારોમાં કોઇ પ્રાધાન્યતા અપાતી નથી, ખાસ કરીને મહિલાઓની બાબતમાં. 17 વર્ષ પહેલાં જ્યારે તેને માઇગ્રેનની તકલીફ શરૂ થઇ તો તે બોલવાની ક્ષમતા ગુમાવવા અને પેરાલિસિસની સ્થિતિ સુધી પહોંચી ગયા હતા.  તે નસીબદાર હતા કે, તેમને એક સારાં ડોક્ટર મળી ગયાં, જેમણે વધુ પાણી પીવાની, યોગ કરવાની અને રોજ ઓછામાં ઓછું પાંચ કિલોમીટર ચાલવાની સલાહ આપી. પરંતુ તેમના મારવાડી પરિવારનું અનિવાર્ય પોશાક, સાડી પહેરીને આટલું લાંબુ ચાલવું ઘણું મુશ્કેલ હતું. પતિની મદદથી તેમણે ત્યારે તે પરંપરા તોડી અને ડોક્ટરની સલાહ પર અમલ કર્યો. થોડાં મહિનાઓમાં તે સાજા થઇ ગયાં. આ પછી તેઓ પરિવારના કામ અને સ્વાસ્થ્ય પર સમાનરૂપથી કામ કરવા લાગ્યાં. છ વર્ષ પહેલાં તેમણે અનુભવ્યું કે, મોટાભાગની મહિલાઓ, ખાસ કરીને હરિયાણામાં પોતાના સ્વાસ્થ્યનું ખાસ ધ્યાન રાખતી નથી. આ પછી તેમણે લેડીઝ કોલેજમાં એક સપ્તાહના યોગા ક્લાસનું આયોજન કર્યું. આની સાથે જોડાયેલી મહિલાઓને સારો અનુભવ થયો, જેથી તેમણે ક્લાસને આગળ પણ શરૂ રાખ‌વાનો અનુરોધ કર્યો. આ આગ્રહને કારણે ક્લાસ ત્રણ મહિનાના કરી દેવાયાં. હવે આ 17 ફેબ્રુઆરીએ આ ક્લાસ 6 વર્ષ પૂરાં કરી રહ્યો છે. તેમની સંસ્થા 'મહિલા જાગૃત સમિતિ' મહિલા શિક્ષણ અને મહિલા સ્વાસ્થ્ય પર કામ કરે છે. તે કાર્યકર્તાઓ સાથે સ્કૂલ અને કોલેજમાં જાય છે અને યુવાનોને સ્વસ્થ શરીર અને તેના માટે જરૂરી પ્રમાણમાં હિમોગ્લોબીનની જરૂરિયાત, સંતુલિત ડાયેટ અને લીલાં શાકભાજીના મહત્વ વિશે સમજ આપે છે. તેમની સંસ્થા પાંચ વર્ષના બાળકોથી 60 વર્ષ સુધીના વડિલો માટે નાની ક્વિઝનું આયોજન કરે છે, જેથી તેઓ વૈશ્વિક વિકાસ પ્રત્યે જાગૃત થાય. આ 17 ફેબ્રુઆરીએ તે બ્લડ ડોનેશન કેમ્પ કરવા જઇ રહ્યાં છે. આ માટે તેમણે 2000 લોકોનો સંપર્ક કર્યો છે, જેમાથી 200 મહિલાઓ રક્તદાન તૈયાર થઇ ગઇ છે.    ફંડા એ છે કે, કોઇપણ દેશનું સ્વાસ્થ્ય એ વાત પર ટકેલું છે કે, ત્યાંના નાગરિકો પોતાની સામાજિક ભૂમિકા કેવી રીતે ભજવી રહ્યાં છે. આ ભૂમિકા નાની કે મોટી, ઘણી જ સ્થાનીય, પ્રાદેશિક કે રાષ્ટ્રીય હોઇ શકે છે, પરંતુ બધાના કલ્યાણ માટે આ ભૂમિકા યોગ્ય રીતે ભજવાવી જોઇએ.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 64

• Privacy • Unsubscribe • Terms of Use

.

__,_._,___