[amdavadis4ever] એવું સરકા રી પ્રાથમ િક આરોગ્ય કેન્દ્ર કે જે ખાન ગી હોસ્પિ ટલ્સને પણ શરમાવે છે

 

Please use http://translate.google.com/ to translate this article to Language of your choice. એવું સરકારી પ્રાથમિક આરોગ્ય કેન્દ્ર કે જે ખાનગી હોસ્પિટલ્સને પણ શરમાવે છે   રાજકોટ- સરકારી હોસ્પિટલ કે પ્રાથમિક આરોગ્ય કેન્દ્રનું નામ સાંભળતાં જ ગંદકી, ધક્કા મુક્કીવાળુ વાતાવરણ, સુવિધાઓનો અભાવ, લાંબી લાંબી લાઈનો, વારેઘડીયે ઘક્કા ખવડાવે, કોઈ કોઓપરેટ ન કરે, દર્દી સાથે સંવેદના વિહોણુું વર્તન, ઓપરેશન માટે તારીખો આપે, તેવા ઘણા નેગેટિવ વિચારો તમારા માનસ પર છવાઈ ગયા હશે, પરંતુ આજે અમે તમને એક એવા સરકારી પ્રાથમિક આરોગ્ય કેન્દ્રની મુલાકાત કરાવીશું કે જે ખાનગી હોસ્પિટલ્સની સર્વિસ અને સારવારને પણ શરમાવી મુકે તેવી છે. આ છે ગુજરાતના રાજકોટમાં આવેલું ખીરસરા આરોગ્ય કેન્દ્ર.   ખીરસરા આરોગ્ય કેન્દ્રની નોંધપોથીમાં મુલાકાતીઓના પ્રત્યાઘાતઃ   વજડીવડ ગામના કિરીટભાઇ ભલસોડે આરોગ્ય કેન્દ્રની સર્વિસ મેળવ્યા પછી અહીંની મુલાકાતી બુકમાં નોંધ્યુ છે કે ખીરસરા આરોગ્ય કેન્દ્ર એટલે ઘર જેવું, સગાં-સંબંધી જેવું વર્તન. આપના સેવાકાર્ય બદલ સ્ટાફ અને અધિકારીઓને વંદન.   સાપરાના ધર્મેન્દ્રસિંહ સરવૈયા લખે છે, અમે ખાનગી દવાખાનાને બદલે ખીરસરા આરોગ્ય કેન્દ્રમાં નિદાન-સારવાર કરાવવાનું વધુ પસંદ કરીએ છીએ. આ આરોગ્ય કેન્દ્રનું અમારા વિસ્તારમાં નામ છે, સારી સારવાર થાય છે. માંદા માણસને બેઠા કરવાનું કામ કરે છે.     રાજકોટ શહેરની પાસે ખીરસરા ગામમાં આવેલા રાજ્ય સરકારના પ્રાથમિક આરોગ્ય કેન્દ્ર વિશે તમને આવી અનેક પ્રશસ્તિ વાંચવા મળે, દર્દીઓના મુખેથી સાંભળવા મળે. એટલે જ આ આરોગ્ય કેન્દ્રને કેન્દ્રીય સંસ્થા નેશનલ એક્રિટીડેશન ફોર હોસ્પિટલ એન્ડ હેલ્થકેર(NAHH) પ્રોવાઇડરનું પ્રતિષ્ઠિત પ્રમાણપત્ર મળ્યું છે. સૌરાષ્ટ્રમાં ગ્રામીણ વિસ્તાર આરોગ્યસેવા પૂરી પાડતી માત્ર બે સંસ્થાને આ પ્રતિષ્ઠિત એક્રિટીડેશન મળ્યું છે. આ પૈકી બીજું જામવંથલી આરોગ્ય કેન્દ્ર છે . સૌથી મોટી બાબત અહીંના સ્ટાફની સર્વિસ છે. અહીંનો સ્ટાફ દર્દીઓ અને તેમના પરિવારજનો સાથે એક પરિવારની જેમ જ વર્તન કરે છે. ઘણીવાર તો એવા કિસ્સા પણ બન્યા છે કે ગરીબ ઘરની માતાની પ્રસુતિ દરમ્યાન તેના જમવા સુધીનો ખર્ચ સ્ટાફે રૂપિયા ઉઘરાવીને કર્યો હોય. સ્વચ્છતા, વેલ મેનેજમેન્ટ, ક્રમશઃ તપાસ અને સ્ટાફની યોગ્ય કામગીરીથી આ કેન્દ્રની સારી કામગીરીની સુવાસ રોજ બરોજ દૂરને દૂર પહોંચતી જ રહે છે.   રાજ્ય સરકાર દ્વારા વર્ષ ૧૯૮૭માં બનાવવામાં આવેલા ખીરસરા પ્રાથમિક આરોગ્ય કેન્દ્ર દ્વારા ૩૮ ગામોના ૫૮,૦૬૫ લોકોને આરોગ્ય વિષયક સેવા હેઠળ આવરી લેવામાં આવ્યા છે. અહીં તબીબી સેવા ઉપરાંત લેબોરેટરી, લેબરરૂમ, વેક્સીનેશન, વાત્સ્યાયન કેન્દ્ર, આયુર્વેદિક અને હોમિયોપેથિક સારવાર પણ ઉપલબ્ધ છે. નિષ્ણાંત તબીબોની અઠવાડિક સેવા ઉપરાંત, ૪૦ આશા કાર્યકરો પણ સુશ્રૂષામાં જોડાયેલી છે.     મેડિકલ ઓફિસર ડો. એમ. ડી. માંકડિયા કહે છે – ખીરસરા આરોગ્ય કેન્દ્ર મહિલાઓ માટે આશીર્વાદરૂપ છે, તે વાત અહીં સારવાર લેવા આવતાં દર્દીઓના આંકડા ઉપરથી જાણી શકાય છે. ૨૦૧૦ થી ૨૦૧૪ દરમિયાન ૪૦૩ પુરુષની સામે ૯૫૮ મહિલાઓએ ઇન્ડોર પેશન્ટ તરીકે સારવાર લીધી હતી. આ સમયગાળા દરમિયાન કૂલ ૧૩૬૧ ઇન્ડોર પેશન્ટ નોંધાયા હતા. જ્યારે, આ ચાર વર્ષોના ઓપીડીના કૂલ ૧,૩૮,૮૯૬ દર્દીઓ પૈકી ૭૪,૪૯૭ મહિલાઓ હતી . ફાર્માસિસ્ટ શ્રી જીતેન્દ્ર નિમાવતના જણાવ્યા મુજબ વર્ષ ૨૦૧૫ દરમિયાન ૪૩ સગર્ભાઓઓની સફળ પ્રસુતી અહીં કરાવવામાં આવી હતી. નોંધનીય વાત એ છે કે ક્યારેક ગરીબ ઘરની માતા હોય તેવા સમયે સ્ટાફના લોકો પૈસા ભેગા કરીને એમને પૌષ્ટિક આહાર પૂરો પાડે છે. નજીકમાં આવેલી મેટોડા ઔદ્યોગિક વસાહતમાં કામ કરતા શ્રમિકોના આરોગ્યની દરકાર કરવાનું કામ આ આરોગ્ય કેન્દ્ર બેખૂબી નિભાવે છે.    મેટોડામાં બુધવારે રજા હોય ત્યારે, ખીરસરામાં ઓપીડીની લાઇન લાગે છે. મમતા કાર્ડ ધરાવતી પ્રસુતાઓનું પણ ક્રમિક ચેકઅપ અને રક્તની ચકાસણી થાય છે. મેટોડાથી આવતા શ્રમિકોમાં શરદી, ઉધરસ, તાવ ઉપરાંત ચામડીના દર્દના કેસો વધુ હોય છે. સામાન્ય રીતે પીએચસીમાં વાત્સ્યાયન કેન્દ્ર હોતું નથી, પણ અહીં તે પણ કાર્યરત છે. જ્યાં એચઆઇવીનું પરીક્ષણ કરવામાં આવે છે. વર્ષ ૨૦૧૫ દરમિયાન ૨૨૦૦ દર્દીઓના રક્તના નમૂના લેવામાં આવ્યા હતા. જે પૈકી ૫ એચઆઇવી પોઝિટિવ જણાયા હતા.     રાજ્ય સરકારના અભિયાનોની પણ અહીં ઘનિષ્ઠ કામગીરી કરવામાં આવી છે. અત્યાર સુધીમાં ૬૪૮ લોકોનું રક્તચાપ(બ્લડ પ્રેશર) અને ૩૫૬ લોકોનું મધુપ્રમેહ(ડાયાબિટીસ) પરીક્ષણ કરવામાં આવ્યું છે. આ ઉપરાંત, આરોગ્યલક્ષી જનજાગૃતિના કામો પણ કરવામાં આવે છે. આરોગ્ય કેન્દ્રની પાસે જ નાનો બગીચો બનાવવામાં આવ્યો છે. અહીંની સ્વચ્છતાની ઉડીને આંખે વળગે એવી છે. દર્દીઓની આટલી ભીડ રહેતી હોવા છતાં નાનો સરખો કચરો પણ ક્યાંય પડેલો જોવા મળે નહીં. સફાઇ કામ માટે શિડ્યુલ બનાવી નાખવામાં આવ્યા છે.    દિવસમાં બે વખત સફાઇ કરવામાં આવે છે. એટલે જ રાજ્ય સરકાર દ્વારા ખીરસરા આરોગ્ય કેન્દ્રને મુખ્યપ્રધાન આનંદીબેન પટેલના હસ્તે ''કાયાકલ્પ એવોર્ડ'' એનાયત કરાયો હતો. અહીંની આરોગ્ય વિષયક સેવા-સુશ્રુષા ખાનગી હોસ્પિટલને પાછી પાની કરાવે એવા છે. એટલે જ સુખી-સંપન્ન પરિવારના લોકો પણ અહીં સારવાર લેવા આવતાં ખચકાતા નથી.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 65

• Privacy • Unsubscribe • Terms of Use

.

__,_._,___