[amdavadis4ever] ઇસ્લામિક સ ્ટેટ વિશ્વય ુદ્ધ નોતરશે ? (રેડ રોઝ)

 

Please use http://translate.google.com/ to translate this article to Language of your choice. ઇસ્લામિક સ્ટેટ વિશ્વયુદ્ધ નોતરશે?   રેડ રોઝ : દેવેન્દ્ર પટેલ ફ્રાન્સ પરનો હુમલો IS માટે ઘાતક? ફ્રાન્સનાં પાટનગર પેરિસમાં થયેલા આતંકવાદી હુમલાએ આખા યુરોપ અને અમેરિકાને ફરી સ્તબ્ધ કરી દીધા છે. સીરિયા અને ઈરાકમાં કાર્યરત એવા ઇસ્લામિક સ્ટેટ નામનાં સંગઠને આ લોહિયાળ કૃત્ય એ વખતે કર્યું છે જ્યારે આઈએસના ત્રાસથી નાસી છૂટેલા લાખ્ખો શરણાર્થીઓ યુરોપમાં આશ્રમ લેવા પ્રયાસ કરી રહ્યા છે. મુશ્કેલી બે બાજુએથી છે. એક શક એવો છે કે આઈએસના આતંકવાદીઓ શરણાર્થીઓમાં ભળી જઈ શરણાર્થીના સ્વરૂપમાં યુરોપમાં પ્રવેશી રહ્યા છે. આ શરણાર્થીઓને માનવતાનાં ધોરણે ફ્રાન્સ, જર્મની જેવા દેશો શરણ આપવાના નિયમનો હળવા કરી રહ્યા હતા ત્યારે જ પેરિસમાં આ આતંકવાદી હુમલો થતાં જે સાચા શરણાર્થીઓ છે તેમના માટે પ્રવેશબંધી પણ હવે થઈ શકે છે. પેરિસ પરનો હુમલો જોતાં હવે ભારતે પણ સતર્ક રહેવું પડશે. કાશ્મીરમાં આઈએસના ઝંડા લહેરાઈ ચૂક્યા છે. ઈસ્લામિક સ્ટેટના આ કૃત્યો વિશ્વયુદ્ધ પણ છેડી શકે છે. તુર્કીમાં રશિયન વિમાનને તોડી પડાયા બાદ પરિસ્થિતિ વણસી છે. સીરિયા, ઈરાક, યમન અને અફઘાનિસ્તાનમાં ચાલી રહેલા આંતરિક નાગરિક યુદ્ધને કારણે સહુથી વધુ કોઈ પરેશાન હોય તો તે યુરોપ છે. આ દેશોમાં ઇસ્લામિક સ્ટેટ તથા તાલીબાનીઓ જેમાં આતંકવાદી સંગઠનો દ્વારા ચાલતા હિંસક અત્યાચારથી બચવા લાખો લોકો હિજરત કરી યુરોપિયન દેશોમાં ગેરકાયદે પ્રવેશવા અનેક જોખમો ઉઠાવી રહ્યા છે, આવા હિજરતીઓની સંખ્યા એટલી બધી છે કે, તેમને જેલોમાં પૂરી શકાય તેમ નથી, પરિણામે યુરોપિયન દેશોએ ભેગા મળી તે બધા હિજરતીઓ પૈકી કેટલાને રાજ્યાશ્રય આપવો અને કોની કેટલી જવાબદારી તે નક્કી કરવા બેઠકો કરવી પડી છે. છેલ્લા એક વર્ષમાં સીરિયા, ઈરાક, યમન અને અફઘાનિસ્તાનમાંથી છ લાખ હિજરતીઓએ યુરોપના દેશોમાં રાજ્યાશ્રય માગ્યો છે. આ કારણે યુરોપના દેશોની મૂંઝવણમાં વધારો થયો છે. એક મુશ્કેલી તો કાયદો અને વ્યવસ્થા જાળવવાની છે અને બીજી મુશ્કેલી નાણાકીય તંગીની છે આમેય યુરોપિયન દેશો આર્થિક મંદી અને ભારે દેવાં હેઠળ તકલીફમાં છે, તેમાં હવે આ લાખો હિજરતીઓ આવતાં ખવરાવવાં પીવરાવવાની જવાબદારીથી તેમની તકલીફમાં વધારો થયો છે. પશ્ચિમ એશિયામાં જેહાદીઓની હાજરીને કારણે હંગેરીએ તો એક પણ હિજરતીને પ્રવેશ આપવા સ્પષ્ટ ઈનકાર કરી દીધો છે. હંગેરીએ ક્રોએશિયા અને સર્બિયા તરફની સરહદો સીલ કરી દીધી છે. પશ્વિમ યુરોપ તરફ આગળ વધી રહેલા હજારો હિજરતીઓ ક્રોએશિયા અને સર્બિયામાં ધુમ્મસ અને કાતિલ ઠંડીમાં ફસાઈ ગયાં છે, તેમણે હવે સ્લોવેનિયા તરફનો રૂટ અને લાંબી યાત્રા પસંદ કરી છે. વક્રતા એ છે કે જે હિજરતીઓ યુરોપ જઈ રહ્યાં છે તેમાંથી મોટાભાગના મુસ્લિમો છે અને સીરિયા, ઈરાક તથા યમનના તમામ પડોશી આરબ રાજ્યોએ એ મુસ્લિમ હિજરતીઓને પ્રવેશ આપવા ઈનકાર કરી દીધો છે. ત્રણ વર્ષના નાનકડાં સિરિયન બાળક એલનનો મૃતદેહ સમુદ્રતટેથી મળી આવ્યા બાદ યુરોપિયન દેશોના હિજરતીઓ તરફનાં વલણમાં નરમાશ આવી છે. એ નાનકડું બાળક એના પરિવાર સાથે હિજરત કરી રહ્યું હતું, પરંતુ બોટ ઊંધી વળી જતાં તેનું મૃત્યુ નિપજ્યું હતું અને તેનો મૃતદેહ દરિયાકિનારે તણાઈ આવ્યો હતો. ઇસ્લામિક સ્ટેટ નામના ખતરનાક આતંકવાદી સંગઠને સીરિયા-ઈરાકમાં કાળો કેર વર્તાવ્યો છે તેને ડામવા અમેરિકાએ જે હવાઈ હુમલા કર્યા તે પૂરતા નહોતા, ગમે તે કારણસર અમેરિકા પૂરા દિલથી આઈએસને જેર કરવા કામ કરતો નથી ત્યારપછી રશિયા મેદાનમાં આવ્યો. રશિયાના હવાઈદળે કેટલાક અસરકારક હવાઈ હુમલા કર્યા જેની અસર પણ થઈ છે. એ આશ્વર્યજનક વાત છે કે સીરિયા, ઈરાક, યમનમાં ખુલ્લો નરસંહાર ચાલી રહ્યો છે છતાં અમેરિકા, ફ્રાન્સ, બ્રિટન,રશિયા સિવાયની આખી દુનિયા આ નરસંહારનો તમાશો જોઈ રહી છે. સંયુક્ત રાષ્ટ્ર સંઘ પણ નિઃસહાય જણાય છે. સીરિયામાં પ્રેસિડેન્ટ બશર-અલ-અસદનું શાસન છે. ઇસ્લામિક સ્ટેટના આતંકવાદીઓ તેમની સામે મેદાને પડયા છે. આતંકવાદીઓએ સીરિયાના કેટલાક ભાગ પર પોતાનો કબજો જમાવી દીધો છે. આઈએસ સાથે હવે અલ-કાયદા ભળ્યું છે. રશિયા આ તત્ત્વોનો સફાયો કરવા સીરિયાના પ્રેસિડેન્ટનાં લશ્કરી દળોને મજબૂત કરવાનું કામ કરી રહ્યો છે. રશિયાએ છેલ્લે કરેલા હવાઈ હુમલામાં ૬૦૦થી ૭૦૦ જેહાદીઓ માર્યા ગયા હોવાનું કહેવાય છે. અલ-કાયદાનો કમાન્ડર સનાફી અલ-નાસર માર્યો ગયો હોવાનું મનાય છે. એટલું સારું છે કે, લેબનોન અને ઈરાને સીરિયાના પ્રેસિડેન્ટના લશ્કરને મદદ કરવા ભૂમિદળ મોકલ્યું છે. આ કારણે સીરિયાએ ગુમાવેલી ભૂમિનો કેટલોક ભાગ પાછો હાંસલ કર્યો છે. વિચિત્ર વાત એ છે કે સીરિયાને લાગેવળગે છે ત્યાં સુધી અમેરિકાની ભૂમિકા શંકાસ્પદ છે. એક બાજુ અમેરિકા સીરિયામાં સ્લિામિક સ્ટેટના જેહાદીઓ પર હવાઈ હુમલા કરી રહ્યો છે તો બીજી બાજુ તે સીરિયાના પ્રેસિડેન્ટને ઊથલાવવાની રમત રમી રહ્યો છે આ કામ કરવા તે અલ-કાયદાના ત્રાસવાદીઓને તાલીમ આપતો હોવાનું કહેવાઈ રહ્યું છે. માત્ર અમેરિકા જ નહીં પરંતુ આ અગાઉ યુકેએ પણ પ્રેસિડેન્ટ અસદને ઊથલાવવા બળવાખોરોને મદદ કરી હતી, આ કારણે સીરિયાની આંતરિક પરિસ્થિતિ વધુ બગડી છે. આવનારા દિવસોમાં હિજરતીઓનો પ્રશ્ન વધુ વણસશે એમ લાગે છે. ટર્કી એક એવો દેશ છે જેણે અત્યાર સુધીમાં ૨૦થી ૩૦ લાખ હિજરતીઓને આશ્રય આપ્યો છે. આ માટે તેણે યુરોપિયન દેશો પાસેથી કેટલીક નાણાકીય સહાય માગી છે પરંતુ યુરોપિયન દેશો જેટલી જરૂર છે તેટલી આર્થિક મદદ કરતા ના હોઈ ટર્કી નારાજ છે. સીરિયા, ઈરાક અને યમનમાં જે નાગરિક યુદ્ધ ચાલી રહ્યું છે તેનાં મૂળમાં શિયા અને સુન્ની વચ્ચેનો સંઘર્ષ છે. આ હિંસા પાકિસ્તાનથી માંડીને યમન સુધી ફેલાયેલી છે. આઈએસઆઈએસ નામના આતંકવાદી સંગઠનના ઉદ્ભવમાં પણ આ જ કારણ જવાબદાર છે. સીરિયાના પ્રેસિડેન્ટ ખુદ મુસ્લિમ છે પરંતુ તેઓ શિયાના પણ એક નાનકડા સેક્ટરમાંથી આવતા હોઈ તેમને ઊથલાવવા બેઉ મોટાં જૂથ મેદાને પડયાં છે. પ્રેસિડેન્ટ અસદને શિયા સમર્થક હજબોલ્લા જૂથનો ટેકો છે. સીરિયા, ઈરાક અને યમનમાં ચાલી રહેલાં આ લોહિયાળ નાગરિક યુદ્ધમાં અત્યાર સુધીમાં અઢી લાખ નિર્દોષ લોકો માર્યા ગયાં છે. ૪૦થી ૪૫ લાખ લોકો બીજા દેશોમાં આશ્રય લઈ ચૂક્યાં છે અથવા આશ્રય લેવાની અણી પર છે. છેલ્લાં ચાર વર્ષથી આ લોહિયાળ સંઘર્ષ ચાલી રહ્યો છે અને આખી દુનિયા ચૂપચાપ આ બીભત્સ ખેલ નિહાળી રહી છે. પાછલાં વર્ષોમાં દુનિયાએ ઈરાકમાં પૂર્વ પ્રેસિડેન્ટ સદ્દામ હુસેનના શાસનકાળ દરમિયાન આવો જ લોહિયાળ સંઘર્ષ નિહાળ્યો હતો. સદ્દામ હુસેન સુન્ની હતા અને ઈરાન શિયા રાષ્ટ્ર છે. ૧૯૮૦માં ઈરાન અને ઈરાક વચ્ચે જે લોહિયાળ સંઘર્ષ શરૂ થયો હતો તે છેક ૧૯૮૮માં પૂરો થયો, યમન અને અફઘાનીઓએે પાછલાં વર્ષોમાં આવી લોહિયાળ લડાઈઓ જોઈ છે. હવે એક એવો તબક્કો આવ્યો છે જ્યારે આખા વિશ્વે સીરિયા અને ઈરાકમાં શાંતિ સ્થાપવા એક થવું પડશે. સીરિયા અને ઈરાકથી આવતા લાખ્ખો હિજરતીઓને થાળે પાડવા કોઈ સેફ ઝોન ઊભો કરવો પડશે. વિશ્વના તમામ દેશોએ એક મજબૂત લશ્કરી વ્યવસ્થા ઊભી કરી સીરિયા, ઈરાક અને યમનમાં શાંતિ સ્થાપવી પડશે. એમ નહીં થાય તો અત્યારે તો ફ્રાન્સ દાઝ્યું છે પરંતુ આવનારાં વર્ષોમાં સીરિયા, ઈરાક અને યમનની આગના લબકારા આખા વિશ્વને દઝાડશે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 61

• Privacy • Unsubscribe • Terms of Use

.

__,_._,___