[amdavadis4ever] અલ્પ જ્ઞાન છે, અધુરી માહિતી છે , એટલે જ આપ ણી વચ્ચે આ ટલી અશાંતિ છે Dr. Sharad Thakar

 

Please use http://translate.google.com/ to translate this article to Language of your choice. અલ્પ જ્ઞાન છે, અધુરી માહિતી છે, એટલે જ આપણી વચ્ચે આટલી અશાંતિ છે  Dr. Sharad Thakar   અમદાવાદના ખ્યાતનામ વકીલસાહેબનો ફોન આવ્યો, ' ડો. શરદભાઈ બોલો છો?' 'યસ સર.' 'હું એડવોકેટ મહેતા. મારે તમારી મદદની જરૂર પડી છે.' 'હુકમ ફરમાવો.' 'મારી પાસે એક ક્લાયન્ટનો કેસ આવ્યો છે. વ્યવસાયે એ ડોક્ટર છે. તમારી જેમ જ ગાયનેકોલોજિસ્ટ છે. બે વર્ષ પહેલાં એમણે એક મહિલાનું નસબંધી(ટ્યુબેકટોમી)નું ઓપરેશન કર્યું હતું. ડોક્ટરની બેદરકારીને લીધે ઓપરેશન ફેલ થઈ ગયું છે. એ સ્ત્રી પ્રેગ્નન્ટ થઈ છે. એના પતિએ કોર્ટમાં ડોક્ટરની વિરુદ્ધ ફરિયાદ દાખલ કરી છે. વળતરનો દાવો માંડ્યો છે.' આ ખૂબ સેન્સિટિવ મામલો હતો. ફેમિલી પ્લાનિંગ એક રાષ્ટ્રીય કાર્યક્રમ હોવાથી જો વાત વણસે તો મીડિયા સુધી પહોંચી જાય 'તમે કોના તરફથી કેસ લડવાના છો?' 'ડોક્ટરના પક્ષેથી. માટે એમનો બચાવ કરવાનો છે, પણ મારી પાસે મેડિકલ સાયન્સની જાણકારી નથી. માટે તમારી મદદની જરૂર પડી છે.' 'હું તમને માહિતી આપું. માર્ગદર્શન પણ આપું. તમે સોએ સો ટકા કેસ જીતી જશો. ડોક્ટર બચી જશે, પણ હું કોર્ટમાં જુબાની આપવા માટે નહીં આવી શકું.' 'એવું ન ચાલે. કોર્ટમાં તો તમારે આવવું પડશે. એ માટે તમને ફી ચૂકવવામાં આવશે. એઝ એન એક્સપર્ટ વિટનેસ.' 'આઇ એમ સોરી. હું પૈસા લીધા વગર કોઈ કામ કરતો નથી, મને ગમતા કામના પણ પૈસા માગું છું. અને કોઈ ગમે એટલા પૈસા આપે તો પણ ન ગમતું કામ હું કરતો નથી. મને કોર્ટમાં આવવાનું કામ જરા પણ પસંદ નથી.' 'ઓ.કે.! ડન! તમે મને માર્ગદર્શન તો આપો. આપણે ક્યારે મળીએ?' મારી શરત સાથે અમે મળ્યા. એડવોકેટ મહેતાએ મને કેસની વિગત જણાવી. તે આ પ્રમાણે હતી. ડો. બુચ પ્રાઇમરી હેલ્થ સેન્ટરમાં યોજાયેલા એક નસંબધી કેમ્પમાં ગયા હતા. સાથે એમની ટીમ હતી. એક જ દિવસમાં 40-45 જેટલી બહેનોનાં સ્ટરિલાઇઝેશન માટેનાં ઓપરેશનો કરવાનાં હતાં. ત્યાં એનેસ્થેસિયા માટેની કોઈ સગવડ ન હતી. પેટની ચામડી બહેરી કરીને ઓપરેશનો કરવાનાં હતાં. ડો. બુચ હોશિયાર ગાયનેકોલોજિસ્ટ હતા. તમામ ઓપરેશનો સફળ રીતે પાર પાડીને તેઓ પોતાના શહેરમાં પરત આવી ગયા. સ્થાનિક ડોક્ટરોએ બધી દર્દી બહેનોને યોગ્ય પોસ્ટ-ઓપરેટિવ ટ્રીટમેન્ટ આપીને સાંજે રજા આપી દીધી. અઠવાડિયા પછી બધાંને ફોલોઅપ માટે બોલાવામાં આવ્યાં. બધું બરાબર હતું. કોઈને કંઇ જ તકલીફ ન હતી. એમાંની એક દર્દી સંગીતાને બે વર્ષ પછી લાગ્યું કે કશીક ગરબડ લાગે છે. એણે એના પતિને વાત કરી, 'બે-ત્રણ દિવસથી મને મોળ ચડે છે. આજે સવારે બ્રશ કરતી વખતે ઊલટી પણ થઈ હતી. રસોડામાં પગ મૂકું છું એ સાથે જ ઊબકા આવે છે.' પતિ સ્કૂલમાં શિક્ષક હતો. એણે તર્ક રજૂ કર્યો, 'તને જૂની એસિડિટી છેને? એટલે આવું થતું હશે.' ત્યારે સંગીતાએ ફોડ પાડ્યો, 'આ મહિને હું માસિકમાં પણ નથી આવી, દસેક દિવસ ઉપર થઈ ગયા છે.' રમેશભાઈનો અવાજ બદલાઈ ગયો, 'એ કેવી રીતે બને? તારું તો ઓપરેશન થઈ ગયું છે. ડોક્ટરે કર્યું શું?' તાબડતોબ રમેશ સંગીતાને લઈને પ્રાઇમરી હેલ્થ સેન્ટરમાં પહોંચી ગયો. મેડિકલ ઓફિસરને ખખડાવી નાખ્યો, 'તમે લોકો કરો છો શું?' મેડિકલ ઓફિસર શાંત જ રહ્યા. આ ખૂબ સેન્સિટિવ મામલો હતો. ફેમિલી પ્લાનિંગ એક રાષ્ટ્રીય કાર્યક્રમ હોવાથી જો વાત વણસે તો મીડિયા સુધી પહોંચી જાય. એણે શાંતિથી સલાહ આપી, 'સંગીતાબહેનનું ઓપરેશન ડો. બુચે કર્યું છે, તમે એક વાર એમને મળી લો.' 'અમારે એમને શા માટે મળવું પડે? એમને અહીં બોલાવો.' રમેશ હવે ક્લાસરૂમની બહારની ભાષા પર આવી ગયો હતો. બીજા જ દિવસે ડો. બુચ મારતી ગાડીએ આવી પહોંચ્યા. એમણે સંગીતાને તપાસી લીધી. પેશાબનો ટેસ્ટ કર્યો. પ્રેગ્નન્સી હતી. એમણે શાંતિથી સમજાવ્યું, 'રમેશભાઈ, હું દિલગીર છું કે તમારા કેસમાં આવું થયું છે. અસંખ્ય ઓપરેશનોમાંથી એકાદમાં આવું થતું હોય છે. નળીઓ બંધ કરી હોય તે પાછી જોડાઈ જાય તો...' 'એમ શેની જોડાય? તમે બંધ જ નહીં કરી હોય!' 'તમે જે કહેશો તે હું સાંભળી લઈશ, પણ સંગીતાબહેનનો આ ગર્ભ હું કાઢી આપું અને ફરીથી ટ્યુબેક્ટોમીનું ઓપરેશન કરી આપું, પછી તમને શો વાંધો છે?' 'હવે હું તમારા જેવા ડફોળના હાથે ઓપરેશન કરાવતો હોઈશ ખરો? હવે તો હું તમને કોર્ટમાં ઘસડી જઈશ. દસ લાખ રૂપિયાનો દાવો માંડીશ. તમને સબક શીખવાડી દઈશ. છાપાંમાં સમાચાર ચગાવીશ.' ડો. બુચ સમજદાર હતા. એ સમજી ગયા કે આ પુરુષ મોટો તોડ કરવા માગે છે. અદાલતી કાર્યવાહીનો તો એમને ડર ન હતો, કારણ કે એમની પાસે તાર્કિક દલીલો હતી, પણ છાપાંનો ભય ચોક્કસ હતો. જો મીડિયામાં એમનું નામ ઊછળે તો એમની પ્રાઇવેટ પ્રેક્ટિસ પર અવળી અસર અચૂક પડે જ. મીડિયામાં આ સમાચાર ચગ્યા જ. જોકે, હવે છાપાંઓના માલિકો પણ બંને પક્ષોની વાત છાપવા લાગ્યા છે. રિપોર્ટરોએ ડો. બુચનો અભિપ્રાય પણ છાપ્યો. ડો. બુચે આટલું જ કહ્યું, 'દરેક આપરેશનને એનો પોતાનો કોમ્પ્લિકેશન રેટ હોય છે. આ વાત વિશ્વભરમાં સ્વીકૃત થયેલી છે. કોર્ટ જે પણ ફેંસલો આપશે તે હું માથે ચડાવીશ. મીડિયાને મારી એક જ વિનંતી છે, જ્યારે હું નિદોર્ષ જાહેર થાઉં ત્યારે તમારાં છાપાંમાં એ સમાચાર પણ પ્રગટ કરજો!' ડો. બુચે રમેશ-સંગીતાની નોટિસના જવાબમાં લડી લેવોનો નિર્ણય કરી લીધો. અમદાવાદના જાણીતા એડવોકેટ મહેતાને કેસ સોંપ્યો અને મામલો મારા સુધી પહોંચ્યો. એડવોકેટ મહેતાને મેં કેટલાક મુદ્દાઓ જણાવ્યા: 'સૌથી પહેલી વાત એ કે ફેમિલી પ્લાનિંગનો એક માત્ર સંપૂર્ણ અને સચોટ ઉપાય પૂર્ણ બ્રહ્મચર્ય છે (જે લગભગ પતિ-પત્ની વચ્ચે અશક્ય છે.) બીજી વાત એ કે વૈજ્ઞાનિકોએ જેટલા ઉપાયો શોધ્યા છે તે બધાનો વત્તોઓછો નિષ્ફળતા દર હોય છે. કોન્ડોમની બાબતમાં લીકેજ હોવું, ગર્ભનિરોધક ગોળીઓની બાબતમાં ગોળી ગળવામાં ચૂક થઈ જવી, કોપર-ટી માટે ગર્ભાશયની સાઇઝથી લઈને એને મૂકવામાં ભૂલ થવી કે કોપર-ટીની ગુણવત્તા ખરાબ હોવી સુધીની કોઈ પણ સ્થતિ જવાબદાર હોઈ શકે છે.  એ જ રીતે ટ્યુબેકટોમી પણ સો ટકા સંપૂર્ણ કે સલામત પદ્ધતિ નથી જ નથી. ફેલોપિયન નળી કાપીને એના બે છેડાઓ બાંધી દીધા પછી પણ એ ફરીથી જોડાઈ જઈ શકે છે એને કોઈ અટકાવી શકતું નથી. એ જીવંત અંગ છે. ત્રીજો મુદો એ છે કે ફેમિલી પ્લાનિંગનું ઓપરેશન એક રાષ્ટ્રીય આરોગ્યનો કાર્યક્રમ છે. એમાં જો એકાદ પેશન્ટનું ઓપરેશન નિષ્ફળ જાય તો એનો ગર્ભપાત કરી આપીને ફરીથી એ જ ઓપરેશન કરી આપવામાં આવે છે. એક રૂપિયાનો પણ ખર્ચ કરવોનો હોતો નથી. જો ડોક્ટરની બેદરકારી સાબિત થાય તો જ એને જવાબદાર ઠેરવવામાં આવે છે. જે શક્યતાઓનો કે નિષ્ફળતાઓનો ઉલ્લેખ પાઠ્યપુસ્તકોમાં પણ કરવામાં આવ્યો છે તે બધી વ્યવહારમાં ક્યારેક તો થવાની જ છે. કાયદો પણ આ બાબતમાં ડોક્ટરની તરફેણમાં ઊભો રહે છે.' એડવોકેટ મહેતા કેસ જીતી ગયા. ડો. બુચ બાઇજ્જત નિર્દોષ છૂટી ગયા. સંગીતા અને રમેશભાઈ ડો. બુચની પાસે આવીને માફી માગી ગયાં. 'અમને માફ કરજો સાહેબ, અમને કેટલાક ચૌદસિયાઓએ ચડાવ્યાં હતાં. અમે એમની વાતમાં આવીને રૂપિયાની લાલચમાં કેસ કરી બેઠા.' ડો. બુચને જેટલો અફસોસ એ દર્દીની વર્તણૂક માટે ન હતો એટલો મીડિયા માટે હતો. એક પણ અખબારે ડોક્ટરની નિર્દોષ છૂટવાની ઘટનાના સમાચાર છાપ્યા ન હતા!   (શીર્ષક પંક્તિ: આબાદ અમદાવાદી)

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 77

• Privacy • Unsubscribe • Terms of Use

.

__,_._,___