[amdavadis4ever] પહેલી નજરનો પ્ર ેમ Vandita Dave

 

Please use http://translate.google.com/ to translate this article to Language of your choice. પહેલી નજરનો પ્રેમ  Vandita Dave કોણ જાણે કેમ, મુગ્ધાને ઊતરવાની ઇચ્છા જ ન થઈ. કુમાર સાથેની વાતોમાં એ એટલી ઓતપ્રોત થઈ ગઈ હતી કે તેનું ઘર ક્યારે આવી ગયું  એનો એને ખ્યાલ જ નહોતો રહ્યો અોફિસેથી વહેલાસર કામ આટોપીને મુગ્ધા રોજના સમય કરતાં એક કલાક વહેલી ઘરે જવા નીકળી. આજે તેના બોસ ઓફિસે આવ્યા નહોતા માટે કોઈની રજા લેવાની તો જરૂર નહોતી. બોસની ગેરહાજરીમાં ઓફિસનું સંચાલન પોતે કરતી હોવાથી અન્ય કર્મચારીઓએ મુગ્ધાની મરજી મુજબની કામગીરી બજાવવી પડતી. તે સીધી સીટી બસસ્ટોપે આવી ઊભી રહી. લાઇન લાંબી હતી. ઉપરથી વળી વૈશાખી વાયરો પાંચ વાગ્યા હોવા છતાંય શરીરને દઝાડી રહ્યો હતો. પોતાના હાથરૂમાલ વડે વારેવારે કપાળ પરનો પ્રસ્વેદ લૂછતાં તે પોતાની કાંડા ઘડિયાળ સામે જોઈ લેતી હતી. તેને જોવા છોકરાવાળા આવવાના છે. પપ્પાએ સવારે તાકીદ કરી હતી કે, 'જો મુગ્ધા, તે લોકોએ 6-00નો સમય આપ્યો છે.' તેઓ સમયપાલનમાં ચુસ્ત છે. એવું ન બને કે તેઓ આવી જાય અને તું હજુ ઘરે ન પહોંચી હોય સમજી? સાંજે જેમ બને તેમ વહેલી આવી જજે. પપ્પાના એ શબ્દો વારંવાર મુગ્ધાના કાને અથડાઈ રહ્યા હતા. તડકો, લૂ અને પરસેવાના કારણે વ્યાકુળ બનેલી મુગ્ધા દૂરથી એક ઓટોરિક્ષા નજરે પડતાં એ તરફ દોડી. તેણે રિક્ષા ઊભી રખાવી અને જેવી એમાં બેસવા ગઈ કે બીજી તરફથી એક યુવક એની સાથે જ એ રિક્ષામાં અંદર ઘૂસ્યો. 'એય મિસ્ટર પહેલાં મેં રિક્ષા રોકાવી છે.' મુગ્ધા ગુસ્સે થતાં પેલા પર વરસી પડી. 'નહીં મેડમ, રિક્ષા પહેલાં મેં રોકાવી હતી.' પેલાએ વિનમ્ર સ્વરમાં જણાવ્યું. 'જુઓ મિસ્ટર, રિક્ષા પહેલાં તમે રોકાવી હોય કે મેં, પણ અત્યારે મારે કોઈ જરૂરી કામ હોવાથી ઘરે વહેલાસર પહોંચવાનું છે, માટે પ્લીઝ તમે બીજી રિક્ષા કરી લો. હું ઓલરેડી ખૂબ જ લેટ થઈ ગઈ છું.' મુગ્ધા ફરી પોતાની કાંડા ઘડિયાળ સામે જોતાં બોલી. 'ઠીક છે, પણ તમારે એવું તો વળી શું જરૂરી કામ છે? મને જણાવવું પડશે. જો તમારું જરૂરી કામ મારા જરૂરી કામથી વધારે અગત્યનું, વધારે મહત્ત્વનું હશે તો હું જરૂર આ રિક્ષા છોડી દઈશ.' પેલો બોલ્યો.'જુઓ, તમે ખોટી લમણાઝીંક ન કરો. પ્લીઝ, બીજી રિક્ષા પકડી લો.' મુગ્ધાના મગજમાં ગરમી પૂરી રીતે પસપેસારો કરી ચૂકી હતી. 'અડધા કલાકથી અહીં આ સૂર્યનારાયણ દેવનો અસીમ અંગાર રસ ઝીલતો ઊભો છું. તમને અને મને બંનેને ખ્યાલ જ છે કે, અત્યારે અહીં બીજી રિક્ષાનું એમ જલદીથી મળવું શક્ય નથી, માટે હું કંઈ એમ આસાનીથી આ રિક્ષા છોડવાનો નથી.' પેલો મૂછમાં હસતાં બોલ્યો.'જુઓ ભાઈ, તમે અને આ બહેન બંને સમજૂતી કરી લો. તમારા બંનેની માથાકૂટમાં મારો ધંધો ખોટી થાય છે. બંને અડધા અડધા પૈસા ચૂકવી દેજો. હું વારાફરતી તમને બંનેને તમારા સ્થાનકે પહોંચાડી દઈશ.' રિક્ષાવાળો અકળાઈને બોલ્યો અને તેની વાત માન્ય રાખી બંને રિક્ષામાં ગોઠવાયાં. પોતપોતાના સ્થાનક વિશે રિક્ષાવાળાને કહ્યું અને તેણે મીટર ડાઉન કર્યું. 'વેલ, આઇ એમ કુમાર' પેલાએ હસતાં મુખે પોતાનું નામ જણાવ્યું. મુગ્ધાએ મોં મચકોડીને પોતાનો ચહેરો બીજી તરફ ફેરવી દીધો. 'હજુ પણ નારાજ છો મારા પર? આઇ એમ સોરી મિસ... તમારું નામ જે હોય તે ન કહો તો કંઈ વાંધો નહીં.' આઇ એમ રિયલી સોરી કે જો મારે એક અગત્યના કામે ઝડપભેર જવાનું ન હોત તો હું તમારી આડે ન આવેત. કુમાર દિલગીરી વ્યક્ત કરતાં બોલ્યો, 'મને ખ્યાલ છે કે રિક્ષા તમે જ પહેલાં રોકાવી હતી.' હું તો ગેરકાયદે દોડીને એમાં ચઢી બેઠો. પણ શું કરું? મારે ઉતાવળ હતી અને વળી રિક્ષાની રાહમાં ક્યારનો ત્યાં ઊભો-ઊભો પરસેવે નહાતો હતો. માંડ આ રિક્ષાને જોઈને પછી રહેવાયું નહીં માટે... સોરી અગેઇન. કુમારે પોતાના બંને કાનની બૂટ પકડતાં ભાવુક અંદાજમાં, નમ્ર સ્વરે કહ્યું.'ઇટ્સ ઓકે. હું પણ ગરીમીથી જ અકળાયેલી હતી માટે થોડા ગરમ શબ્દોનો ઉપયોગ કરી બેઠી. એ બદલ હું પણ દિલગીર છું.' મુગ્ધા સસ્મિત બોલી. 'એક્ચ્યુઅલી મારે વહેલાસર ઘરે પહોંચવું હતું ને સીટી બસમાં ચડનારા મુસાફરોની કતાર ખૂબ લાંબી હતી. વળી ઓટોરિક્ષા તો દૂર દૂર સુધી ક્યાંય નજરે પડતી નહોતી.' અચાનક આ રિક્ષાને જોતાં મારા જીવમાં જીવ આવેલો અને એ સમયે તમે આડા પડ્યા માટે મારા અકળાયેલા મગજની કમાન છટકી ગઈ. મારું નામ મુગ્ધા છે, મુગ્ધા ઘીવાલા. મુગ્ધાએ જણાવ્યું. 'નાઇસ ટુ મીટ યુ' કુમારે હસ્તધૂનન માટે હાથ લંબાવ્યો, પણ મુગ્ધાએ બે હાથ જોડી નમસ્તે કર્યું જે પેલાને ખૂબ ગમ્યું. મુગ્ધાની કમનીયતા પર ભલભલો પુરુષ ઓતપ્રોત થઈ જાય એટલી સુંદર એ હતી. જોકે, કુમાર પણ કંઈ કમ દેખાવડો નહોતો. મુગ્ધા તેના વાક્ચાતુર્યથી પ્રભાવિત થઈ હતી. બંને પોતપોતાની ઓફિસની વાતો કરી રહ્યાં હતાં. મુગ્ધાની સોસાયટી આવતાં રિક્ષાવાળાએ જોરદાર બ્રેક મારી રિક્ષા રોકી.કોણ જાણે કેમ, મુગ્ધાને ઊતરવાની ઇચ્છા જ ન થઈ. કુમાર સાથેની વાતોમાં એ એટલી ઓતપ્રોત થઈ ગઈ હતી કે તેનું ઘર ક્યારે આવી ગયું. આટલો લાંબો રન ક્યારે કપાઈ ગયો એનો એને ખ્યાલ જ નહોતો રહ્યો. તે કુમાર સાથે હજુ ઘણી વાતો કરવા ઇચ્છતી હતી. કુમારમાં રહેલું કોઈક ચુંબકીય તત્ત્વ મુગ્ધાને તેની તરફ ખેંચી રહ્યું હતું. એક અજાણ્યા પુરુષ પ્રત્યેનું આ પ્રકારનું આકર્ષણ તેના અંગ-અંગમાં કંપીત અહેસાસ પ્રસરાવી ગયું. તેણે મન મજબૂત કરી ખુદને તેનાથી દૂર કરવાનો છેલ્લો પ્રયાસ કર્યો અને ઝડપભેર રિક્ષામાંથી નીચે ઊતરી. પર્સ ખોલવા ગઈ કે, કુમાર બોલ્યો, 'હું તમારી અાડો આ રિક્ષામાં ગોઠવાઈ ગયો ને તમને પરેશાન કર્યાં એની સજારૂપે પૂરેપૂરા પૈસા હું ચૂકવીશ.' 'પણ...' 'પ્લીઝ, ના ન કહેશો.' કુમાર કંઈક એવા અંદાજમાં બોલ્યો કે મુગ્ધાના શરીરમાં એક અજીબ ઝણઝણાટી પ્રસરી ગઈ. તેણે પોતાનું પર્સ ફરી ખભે ટીંગાડી દીધું અને કુમાર તરફ પોતાનું મુગ્ધ હાસ્ય ફેંકી તે ચાલતી થઈ. રિક્ષાવાળાએ રિક્ષા સ્ટાર્ટ કરી. મુગ્ધાએ ફરી-ફરીને રિક્ષા તરફ... ખુદથી દૂર... દૂર જઈ રહેલા કુમાર તરફ કંઈકેટલીય વાર જોયું. કુમાર પણ ત્યારે એકધારો મુગ્ધા તરફ જ જોઈ રહ્યો હતો. ઉદાસ ચહેરે ને ભારે હૈયે મુગ્ધા ઘરમાં પ્રવેશી. એક અજાણ્યા યુવક પ્રત્યે તેના દિલમાં જન્મેલી કૂણી લાગણી તેને પરેશાન કરી ગઈ હતી. તેનું મન વિહ્વળ બન્યું હતું. 'અરે મુગ્ધા, સાડા પાંચ વાગી ગયા. આટલી લેટ કેમ આવી? ચલ, હવે જલદીથી હાથ-મોં ધોઈ તૈયાર થઈ જા. એ લોકો આવે એ પહેલાં ઝડપથી રેડી થઈ જા ઓકે?'મુગ્ધાનાં મમ્મી અનસૂયાબહેન એકીશ્વાસે બોલી ગયાં. છમાં પાંચે મુગ્ધાના ઘરનો ડોરબેલ રણક્યો. દરવાજો ખૂલ્યો. મહેમાનોની આગતા-સ્વાગતા થઈ. વાતોચીતો થઈ. 'બેટા મુગ્ધા, ચા-નાસ્તો લાવજે તો.' મુગ્ધાના પપ્પા અરવિંદભાઈએ બૂમ મારી. 'જી પપ્પા, હું મુગ્ધાબહેનને લઈને આવું છું.' મુગ્ધાની ભાભી દામિનીએ અંદરથી જ લહેકો કર્યો. મુગ્ધાના માનસપટ પર કુમાર અંકાઈ ગયો હતો. મહેમાનોમાં કે મુરતિયામાં એને જરાય રસ નહોતો. તે શૂન્યમનસ્ક બની ચૂપચાપ દામિનીના કહ્યાં અનુસાર બધું કર્યે જતી હતી. તેને જોવા આવેલો યુવક પોતાને નાપસંદ કરી દે એ માટે તે મનોમન ઈશ્વરને વિનવી રહી હતી. ચાની ટ્રે સાથે કમને તે બહાર આવી. દામિનીના હાથમાં નાસ્તાની ટ્રે હતી, જેને ટિપાઈ પર મૂક્યા બાદ મુગ્ધાના હાથમાંની ટ્રે લેતાં તે બોલી, 'જુઓ કુમારભાઈ આ છે મારાં નણંદબા.' દામિનીના મોંએથી 'કુમાર' નામ સાંભળતાં જ અનાયાસ મુગ્ધાની બહાવરી નજર કુમાર પર પડી. મંદ-મંદ મુસ્કુરાઈ રહેલા કુમારને જોઈ તે શરમાઈને નીચું મોં કરી ગઈ. તેના મનનો મોરલો નાચી ઊઠ્યો. તેના હૃદયના તાર ઝણઝણી ઊઠ્યા. પોતાના દિલ પર અનાયાસ બિરાજમાન થઈ ચૂકેલા કુમાર સાથે જ તેની સગાઈની વાત ચાલી રહી છે તે જાણી તેની ખુશીનો પાર નહોતો રહ્યો. ચા-નાસ્તો પત્યા બાદ અનસૂયાબહેન બોલ્યાં, 'જા મુગ્ધા, કુમારને આપણું ઘર, હોમ ગાર્ડન વગેરે બતાવી લાવ.' મમ્મીનો ઇશારો સમજી લેતાં તે તરત જ ઊભી થઈ. 'હા, હા, જા કુમાર.' કુમારનાં મમ્મીએ અનસૂયાબહેનને સપોર્ટ આપતાં સૂરમાં સૂર પુરાવ્યો. બંને ચાલતાં થયાં. ઘરની પાછળના હોમ ગાર્ડનમાં સામસામે રાખવામાં આવેલી ગાર્ડન ચેર પર બંને ગોઠવાયાં. કુમાર હસવું ખાળી ન શક્યો અને તે હસી પડ્યો. હસતાં હસતાં બોલ્યો, 'મુગ્ધા, તું ચાની ટ્રે લઈને હોલમાં આવી ત્યારે તારા ચહેરાની હાલત ખરેખર જોવા જેવી હતી અને જ્યારે તારાં ભાભીએ મારું નામ લીધું અને એક જ ઝટકા સાથે તારી નજર તેં મારા પર ફેંકી અને મને જોતાં જ તારા ચહેરાનો બદલાયેલો રંગ ખરેખર માણવા જેવો હતો!' 'તો મને જોઈને તમને પણ એવું જ કંઈક થયું હશેને?' 'મને તો પહેલેથી બધી ખબર જ હતી. હું તો મારી બાઇક પર ઓફિસેથી ઘરે જઈ રહ્યો હતો, કે તને કતારમાં ઊભેલી જોઈ. હું તને લિફ્ટ આપવાના વિચાર સાથે તારી તરફ આવી રહ્યો હતો કે, તું ઝડપભેર ઓટોરિક્ષા તરફ જવા માંડી.' હું તો તને પહેલી નજરે જોતાં જ જાણી ગયો હતો કે તું એ જ છે જેને આજે સાંજે હું જોવા જવાનો છું, કેમ કે... કુમારે પોતાના ખિસ્સામાંથી મુગ્ધાનો ફોટો કાઢ્યો. 'તારા મમ્મીએ બે-ત્રણ દિવસ પહેલાં આ મારાં મમ્મીને આપ્યો હતો.' મુગ્ધાએ આશ્ચર્યચકિત થઈ એ ફોટો પોતાના હાથમાં લીધો. 'હા... તો તને ઓટોરિક્ષા તરફ જતી જોઈ સીટી બસસ્ટોપ પર મારી બાઇકની ઘોડી ચડાવી, ચાવી ખિસ્સામાં મૂકી હું બનતી ત્વરાથી એ રિક્ષા તરફ દોડ્યો અને પછી શું થયું એનો તો તને ખ્યાલ જ છે.' કહી કુમાર જોરજોરથી હસવા માંડ્યો.'અચ્છા, તો તમે મને બેવકૂફ બનાવી એમને? હું કોણ છું એ જાણતાં હોવા છતાંય તમે મારી સાથે અજાણ્યા બની રહ્યા?' મુગ્ધા રિસાઈ જતાં બોલી. કુમારે પોતાના બંને કાન પકડી તેની એ જ આગવી અદાથી 'સોરી' કહ્યું જે અદા પર મુગ્ધા મુગ્ધ થઈ ગઈ હતી. તે બોલી, 'તમારા માટે આપણાં લગ્ન એરેન્જ્ડ મેરેજ હશે, પરંતુ મારા માટે તો એ લવમેરેજ હશે, કેમ કે મેં તો તમને ત્યારે જ મારા દિલમાં વસાવી લીધા હતા જ્યારે હું એ જાણતી નહોતી કે તમે કોણ છો?' 'આનું નામ' પહેલી નજરનો પ્રેમ? કુમારે સસ્મિત પૂછ્યું અને મુગ્ધા શરમાઈને નીચું જોઈ ગઈ. કુમાર બોલ્યો, 'જો મેં ત્યારે તને કહી દીધું હોત કે હું કોણ છું, તો તારો આ પહેલી નજરનો પ્રેમ કદાચ જન્મ્યો જ ન હોતને? અને ત્યારે તું જાણી ગઈ હોત કે હું કોણ છું તો અત્યારે અચાનક મને જોઈને તું એટલો રોમાંચ ન અનુભવત જેટલો તેં અનુભવ્યો!' આ સાંભળી મુગ્ધા ફરી શરમાઈ ગઈ.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 71

• Privacy • Unsubscribe • Terms of Use

.

__,_._,___