[amdavadis4ever] ત્રાસવાદીની વ રસી ઊજવવી એ ગ ુનો જ ગણાય Nagindas Sanghvi

 

Please use http://translate.google.com/ to translate this article to Language of your choice. ત્રાસવાદીની વરસી ઊજવવી એ ગુનો જ ગણાય  Nagindas Sanghvi જવાહરલાલ નેહરુ યુનિવર્સિટીમાં બનેલી ઘટનાની હલકાઈ અત્યાર સુધી એકપક્ષી હતી, પણ દિલ્હીના વકીલોએ તેને દ્વિપક્ષી બનાવી મૂકી છે. યુનિવર્સિટી દેશના યુવાધનનો ખજાનો છે અને ગધ્ધાપચીસીના કાળમાં યુવાનો થોડી આછકલાઈ કરે. થોડો અજુગતો વર્તાવ કરે તો વડીલોએ અને સમાજે સાંખી લેવું ઘટે છે. આ ઉંમરનાં કુમાર-કુમારીઓ સમજદારીના ઉંબરે ઊભાં હોય છે, પણ પ્રવેશ પામ્યા ન હોવાથી આ વિદ્યાર્થીઓમાં આવેશ, ઉત્સાહ અને સંવેદનશીલતા વધારે હોય છે. વિદ્યાર્થીઓ રાજકારણમાં ઘસડાય અને અફઝલ ગુરુનું સમર્થન કરે તે માટે યોગ્ય સજા થવી જોઈએ નેહરુ યુનિવર્સિટીના દેખાવકારોનું સમર્થન કરીને રાહુલે અદાલતના અપમાનમાં ભાગીદારી નોંધાવી છે એટલું જ નહીં, પણ પોતાના જ પક્ષની કારવાઈને બદનામ કરી છે પણ યુનિવર્સિટીના વિદ્યાર્થીઓ રાજકારણમાં ઘસડાય અને ત્રાસવાદી અફઝલ ગુરુનું સમર્થન કરે તે માટે તેમને યોગ્ય સજા પણ થવી જોઈએ. અફઝલ ગુરુની ત્રીજી વરસી વાળવાના પ્રસંગે પોતે દેશવિરોધી સૂત્રો પોકાર્યાં નથી તેવો વિદ્યાર્થી સંઘના આગેવાન કનૈયાકુમાર સાચું બોલે છે કે ખોટો બચાવ કરે છે તે આપણે જાણતા નથી. દરેક આરોપી ગુનો નકારી કાઢવા માટે ખોટું બોલતો હોય છે, પણ આ વાત નક્કી થાય તો પણ કનૈયાકુમારની આછકલાઈનો બચાવ નથી. પાકિસ્તાન તરફી અને ભારત વિરોધી સૂત્રો પોકારવામાં આવ્યાં કે નહીં તે અલગ વાત છે, પણ સંસદ પર ખૂની હલ્લો કરનાર ત્રાસવાદીની વરસી ઊજવાય તે જ સૌથી મોટો ગુનો છે. અફઝલ ગુરુને પોતાના બચાવની પૂરી તક મળી છે. ભારતની અદાલતોની કારવાઈનાં કારણો અનેક નામીચા ગુનેગારો છૂટી જાય છે, પણ મહત્ત્વના કોઈ ખટલામાં નિર્દોષને સજા થયાનો એક પણ દાખલો નથી. અફઝલને મળેલી ફાંસીને અદાલતી ખૂન–કહેવું તે ભારતીય ન્યાય તંત્રનું અપમાન છે અને અતિશય ગંભીર ગુનો છે. કનૈયાકુમારે પોતે આવી વાત કરી છે કે નથી કરી તે હવે પછી નક્કી થશે, પણ આવાં સૂત્રો પોકારી શકાય તેવો માહોલ, તેવી સગવડ ઊભી કરવાનો ગુનો તેમણે કર્યો જ છે. અફઝલ ગુરુ કોઈ સંત પુરુષ નથી, કાતીલ હત્યારો હતો અને સજા થયા પછીની બધી કારવાઈ પૂરી થયા પછી આઠ વર્ષે તેને દેહાંતદંડ અપાયો છે. અફઝલ ગુરુને સજા થતી અટકાવવા માટે દિલ્હીના મુખ્યમંત્રી શીલા દીક્ષિતે ચાર વર્ષ આ ફાઇલ દબાવી રાખી અને ઉગ્ર ઊહાપોહ પછી તેમણે નમવું પડ્યું. રાહુલ ગાંધી થોડા વર્ષ અગાઉ તદ્દન નિષ્ક્રિય હતા, હવે અતિશય સક્રિય છે અને જ્યાં હોય ત્યાં ઘૂસી જાય છે. નેહરુ યુનિવર્સિટીના દેખાવકારોનું સમર્થન કરીને રાહુલે અદાલતના અપમાનમાં ભાગીદારી નોંધાવી છે એટલું જ નહીં, પણ પોતાના જ પક્ષની કારવાઈને બદનામ કરી છે. અફઝલ ગુરુનો ખટલો ચાલ્યો, સજા થઈ, ફાંસી મળી તે બધું કોંગ્રેસી રાજવટ દરમિયાન થયું છે. લોકશાહીમાં વિરોધ પક્ષના આગેવાને સરકારનો વિરોધ કરવાની એક પણ તક જવા દેવાનું પોસાય નહીં. સરકારનો વિરોધ કરવો તે તેમનો હક અને અધિકાર પણ છે, પણ જ્યાં ત્યાં દોડી જવા અગાઉ થોડી સમજદારી તેમણે દાખવવી જોઈએ. રાહુલ ગાંધી યુવાન છે, પણ ગધ્ધાપચીસીનો સમય તેમણે વટાવી દીધો છે. તેમની પાસેથી થોડી પ્રૌઢી પુખ્ત વર્તનની આશા રાખી શકાય. નેહરુ યુનિવર્સિટીમાં દોડી જઈને તેમણે પોતાની અણસમજ પુરવાર કરી છે. કનૈયાકુમારે યુનિ.ના વિદ્યાર્થીઓને સાંખી લેવા કે નહીં ચર્ચાસ્પદ મુદ્દો છે, પણ તેમના તે ગેરવર્તાવ અંગે બેમત નથી. થોડાં છોકરાં-છોકરીઓ ભેગાં થઈને બરાડા પાડે તેનાથી ભારત કે ભારતનું અદાલતી તંત્ર હલબલી જવાનું નથી. બૂમાબૂમ કરવાથી ભારતીય ગણતંત્રને ઈજા પહોંચે તો આવું નબળું તંત્ર જીવવા માટે નાલાયક ઠરે. પાકિસ્તાની ઝંડા ફરકાવવાથી કશું થતું નથી. પારકા ઝંડા ફરકાવવા તે બહુ ગંભીર ગુનો નથી અને ભારતમાં તો રાજકીય પક્ષોના ધર્મ સંપ્રદાયોમાં ધર્મસ્થાનો ભાતભાતના ઝંડા ફરકતા જ હોય છે. મહારાષ્ટ્રના ઉગ્રવાદી દલિત કવિ અને આગેવાન નામદેવ ઢસાલે એક વખત રાષ્ટ્રધ્વજને કપડાનું ચીથરું કહેલું અને પછી તેમણે લખેલું તે કોઈ સભ્ય માણસની ભાષામાં બોલી લખી શકાય તેવું નથી, પણ નામદેવ સામે કશાં પગલાં લેવાયાં નથી તેનો લાભ કનૈયાકુમારને મળવો જોઈએ. આટલી વાત એક પક્ષે પણ કાયદાના નિષ્ણાતો ગણવામાં આવતા વકીલોએ પોતાના ધંધાને બદનામ કર્યો છે. કનૈયાકુમારની અદાલતી પેશગીના બંને પ્રસંગે વકીલોએ મારામારી કરી આરોપીઓને તેમના સાથીઓને અને સાથોસાથ પત્રકારોને પણ ઝૂડી નાખ્યા. દિલ્હીની આ અદાલતના સુરક્ષાકર્મીઓ અને પોલીસોએ પોતાની નાકામિયાબી પુરવાર કરી અથવા તો વકીલોના વર્તાવને તેમણે અનુમોદન આપ્યું. અદાલતી તંત્રના જે અપમાન માટે કનૈયાકુમારને ગુનેગાર ગણીએ તેટલું જ અપમાન વકીલોએ, પોલીસે અને સુરક્ષાકર્મીઓએ પણ કર્યું છે અને તેમને પણ અદાલતે સજા કરવી જોઈએ. પોતાની દેશદાઝ પુરવાર કરવાની મથામણમાં વકીલોએ અને પોલીસોએ કનૈયાકુમારના કેસને નબળો પાડી દીધો છે. આરોપીઓ તો બધા લવરમૂછિયા હોવાના કારણે થોડી રાહતના અધિકારી છે, પણ વકીલો, પોલીસો તો ઉંમરલાયક હોવાથી વધારે કડક શિક્ષાને પાત્ર છે. જેએનયુના પ્રાધ્યાપકો અને વિદ્યાર્થીઓ પર ડાબેરી વિચારસરણીનો પ્રભાવ હોવાનું કહેવાય છે. તેમના પર દેશદ્રોહનો આરોપ મુકાયો છે તેમાં કશી નવાઈ નથી. 1922માં 1924માં (સાલવારી નક્કી નથી) ભારતમાં સામ્યવાદની સ્થાપના થઈ ત્યારથી સામ્યવાદીઓ હંમેશાં રાષ્ટ્રવિરોધીઓ જ રહ્યા છે અને તેમની મૂર્ખાઈ પણ તેમની પોતાની નથી. રશિયાએ ગાંધીજીને અંગ્રેજોના ભાડૂતી કહ્યા અને આઝાદીની લડતના દુશ્મન ગણાવ્યા (1926). ભારતીય સામ્યવાદી પક્ષના આગેવાનોએ તેનું આંધળું અનુકરણ કર્યું અને ગાંધીજીને ઘણી ગાળો આપેલી. સરદાર માટે આ ઓવાનોએ જે બકવાસ કર્યો છે તે અતિશય જાણીતો હોવાથી તેની વિગતો આપવી જરૂરી નથી. 1942ની ભારત છોડો ચળવળને સામ્યવાદીઓએ ભારત વિરોધી ચળવળ ગણાવેલી. આઝાદી મળી તે બનાવટી છે. નેહરુ અમેરિકન અને અંગ્રેજી સામ્રાજ્યશાહીનો ખાંધિયો છે તેવું વર્ષો સુધી સામ્યવાદીઓ બોલતા રહ્યા છે. આઝાદ ભારત સરકાર સામે સશસ્ત્ર બળવો કહીને સામ્યવાદીઓ તેલંગણમાં સ્થપાયેલી સમાંતર સરકારને જડમૂળથી ખતમ કરવા માટે દોઢ વરસ આ વિસ્તારમાં લશ્કરી કાયદો વાપરવો પડેલો. સામ્યવાદીઓ દેશદ્રોહી હોય તેમાં કશી નવાઈ નથી. છેક છેલ્લે 1962માં ચીને ભારત પર લશ્કરી કારવાઈ કરી ત્યારે સરકારને ટેકો આપનાર શ્રીપાદ અમૃત ડાંગે અને તેમના સાથીદારોને પક્ષમાંથી હાંકી કાઢવામાં આવ્યા. સામ્યવાદી પક્ષના ટુકડા થયા અને ચીન તરફી સામ્યવાદી આગેવાનોએ માર્ક્સવાદી પક્ષની સ્થાપના કરી (1964), ચીની આક્રમણને ટેકો આપવા માટે સંખ્યાબંધ સામ્યવાદીઓની નેહરુ સરકારે અટકાયત કરેલી. 1967-68માં બંગાળમાં નકસલવાદી ચળવળ શરૂ થઈ તે ચીની ક્રાંતિના અનુકરણ રૂપે શરૂ થઈ અને ચીની અખબારોએ તેનાં વધામણાં પણ કરેલાં. આ જૂનાં પોપડાં ઉખેળવાનંુ કારણ એ છે કે સામ્યવાદી વિચારસરણીથી પ્રભાવિત થયેલા નેહરુ યુનિવર્સિટીના વિદ્યાર્થીઓ ભારત વિરોધી સૂત્રો પોકારે તેમાં કશી નવાઈ નથી, પણ આવા વિરોધથી અકળાઈ ઊઠવાનું કશું કારણ નથી. ભારતીય લોકશાહીનું પેટ આવાં તો કેટલાંય કરમિયાંને પચાવી જાય તેટલું સક્ષમ છે. આ ચર્ચામાં વાણી સ્વાતંત્ર્યનો અને વિચાર સ્વાંતત્ર્યનો મુદ્દો પણ ગજાવવામાં આવ્યો છે. અફઝલ ગુરુને અપાયેલી ફાંસી ગેરવાજબી હતી અને પાકિસ્તાન ભારત કરતાં વધારે આદરણીય છે તેવું વિદ્યાર્થીઓને લાગતું હોવાનો તેમને પોતાનો મત પ્રગટ કરવાનો, સભાઓ ભરવાનો અને ભારત વિરોધી સૂત્રો પોકારવાનો અધિકાર આપવો જોઈએ. વાણી સ્વાતંત્ર્ય લોકશાહીનો પ્રાણ છે. સરકારને ખૂંચે અને લોકોને ગમે કે ન ગમે, પણ દરેક નાગરિકને પોતાની વાત, પોતાનો મત કહેવાનો પૂરેપૂરો અધિકાર મળવો જોઈએ. આ દલીલ તદ્દન સાચી છે, પણ વાણી સ્વાતંત્ર્યનો અધિકાર આપનાર ભારત સરકાર અને આ અધિકારની જાળવણી કરનાર અદાલતોના પાયા ખોદાઈ જાય તેવો અધિકાર કોઈને આપી શકાય નહીં, કારણ કે આવા ખ્યાલ અને આવી ચળવળ તો વાણી સ્વાતંત્ર્યનાં મૂળ ખોદી કાઢે છે. ભારત સરકાર અને ભારતની અદાલતો ભાંગી પડે તો વાણી સ્વાતંત્ર્યની રક્ષા કરનાર કોઈનું અસ્તિત્વ જ ન હોય. કોલકોતાના રસ્તા વચાળે, ભરબજારે અને છતાં દિવસે મમતાબેનર્જીના વિરોધીને કચડી નાખવા માટે તેમને ઢોરમાર મારનાર સામ્યવાદીઓ વાણી સ્વાતંત્ર્યની વાત કરે તે રાવણના મોઢેથી થતા વેદપાઠ જેવું ગણાય.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 55

• Privacy • Unsubscribe • Terms of Use

.

__,_._,___