[amdavadis4ever] રાજહઠ, સ્ ત્રીહઠ, બા ળહઠ અને અ ાંદોલનઃ ગુ જરાતમાં પ ાટીદાર અના મતની આગ Kana Bantva

 

Please use http://translate.google.com/ to translate this article to Language of your choice. રાજહઠ, સ્ત્રીહઠ, બાળહઠ અને અાંદોલનઃ ગુજરાતમાં પાટીદાર અનામતની આગ  Kana Bantva ખી ચ પકડ મુઝે જોર આતા હૈ જેવી સ્થિતિ છે. પાટીદારો આંદોલન પાર્ટ–3 શરૂ કરી રહ્યા છે, સમાધાનની આશાઓ ડૂબી રહી છે. સરકાર મુસ્તાક છે પોતાના તંત્રબળ ઉપર, ઠાકોરો ઉપર, કોંગ્રેસની મૂર્ખાઈ ઉપર. કોંગ્રેસની મૂર્ખાઈ જ વળી, બીજું શું? સ્થાનિક સ્વરાજની ચૂંટણીઓમાં પાટીદારોએ જિતાડ્યા એટલે વિધાનસભાની આશા કોંગ્રેસીઓના મનમાં જાગે એ સ્વાભાવિક જ હોય, પણ ગુજરાતમાં કોંગ્રેસ જાણે નહીં જ જીતવાનો નિશ્ચય કરીને બેઠી હોય એમ પ્રવીણ રાષ્ટ્રપાલે ભયંકર નિવેદન કર્યું. પાટીદારો વિમુખ થઈ જાય એવું નિવેદન. પાટીદારો કોંગ્રેસને જાકારો અાપે એવું નિવેદન. અલ્પેશ ઠાકોરે વિશાળ સભા કરી અેનાથી સરકારને ચાનક ચડી છે. પાટીદાર આંદોલનની સામે પણ જો ઠાકોર સમાજ વ્યસનનો વિરોધ કરે તે સર્વદા આવકાર્ય છે. જે રીતે જનતા રેડ થઈ રહી છે તે માત્ર ઠાકોર સમાજ માટે જ નહીં, ગુજરાતના તમામ નાગરિકો માટે આવકાર્ય પગલું છે. પાટીદાર આંદોલનના રિએક્શનરૂપે આ પ્રથમ ફાયદો ગુજરાતને થઈ રહ્યો છે. હાર્દિક પટેલ જેલમાંથી પત્રોનો મારો ચલાવીને સરકારને ગૂંચવણમાં નાખી રહ્યો છે અથવા, આંદોલનને દિશા આપી રહ્યો છે. સમાધાન બાબતે હવે એ સ્પષ્ટ થઈ ગયું છે કે હાર્દિક સહિતના નેતાઓને સરકાર છોડી દે તો પણ અનામત આંદોલન યથાવત્ રહેશે. સમાધાન નહીં થાય. અનામત મળે તો જ સમાધાન એ બાબત હાર્દિકના સંખ્યાબંધ પત્રો ઉપરથી સ્પષ્ટ થઈ ગઈ છે. આંદોલનનો ત્રીજો તબક્કો પણ બીજા તબક્કાની જેમ નેતૃત્વવિહીન છે. અર્થાત્, પાટીદારો પોતપોતાની રીતે અાંદોલન ચલાવતા રહેશે. પાટીદારોએ બે બાબતો આંદોલનમાં યાદ રાખવી જરૂરી છે. પ્રથમ, હિંસા કે તોડફોડને લોકશાહીમાં સ્થાન નથી. બીજું, સરકાર ઉપર દબાણ લાવવાનો તેમનો ઉદ્દેશ હોવો જોઈએ. સામાન્ય નાગરિકો ઉપર નહીં. આંદોલન નાગરિકો માટે અગવડભર્યું બને તેના કરતાં રાજકારણીઓ માટે, સરકાર માટે અને વહીવટીતંત્ર પર પગલાં લેવાં માટે દબાણ કરે અેવું બને તે વધુ યોગ્ય છે. રાજકારણીઓને પ્રવેશબંધી, તેમના કાર્યક્રમોનો બહિષ્કાર, ભૂખ હડતાળ, થાળી-વેલણ, શાંતિપૂર્ણ દેખાવો, ધરણાં વગેરે વિરોધ પ્રદર્શિત કરવાનાં સાધનો લોકશાહીમાં છે. રાજ્યની સામાન્ય જનતા ઉચાટમાં આવી જાય છે જ્યારે આંદોલનની જાહેરાત થાય છે. રાજ્ય સરકાર ઉપર ઉપરથી હઠાગ્રહી દેખાય છે, પણ અંદરથી દુવિધામાં છે. પાટીદારોને શાંત કરવાનો કોઈ ઉપાય તેમને મળતો નથી. જેટલા ઉપાય અજમાવ્યા તે બધા નિષ્ફળ ગયા છે એટલું જ નહીં, કાઉન્ટર પ્રોડક્ટિવ નીવડ્યા છે. દરેક ઉપાય ઊલટો સરકારને જ ભારે પડ્યો છે, અથવા મધ્યસ્થી કરવા ગયેલા નુકસાનકર્તા બન્યો છે. પૂરી ક્ષમતા અને સામા પક્ષને વિશ્વાસમાં લીધા વગર મધ્યસ્થી કરવા જનાર હંમેશાં ખતા ખાય છે. સરકારની ગૂડબુકમાં સામેલ થવા માટે પાટીદાર અગ્રણીઓએ સમાધાન માટે પ્રયત્નો કર્યા અને પોતાનાં જ આંગળાં દઝાડ્યાં. આવું થવાનું કારણ માત્ર એ હતું કે જેઓ સરકારને વહાલા થવા માટે કે કોઈ લાભની અપેક્ષાએ વચ્ચે પડવા ગયા તેઓ ઉઘાડા પડી ગયા. તેમનો સ્વાર્થ ઉઘાડો પડી ગયો. પાટીદારોએ અેવું માની લીધું કે આ લોકો સમાજને નહીં, સરકારને અને પોતાના સ્વાર્થને સમર્પિત છે અને એટલે જ કદાચ, હાર્દિક પટેલે પોતાના પત્રોમાં સમાજના અગ્રણીઓને ઝાટકી નાખ્યા. પાટીદાર યુવાનો છેલ્લા ઘણાં સમયથી એ બાબત સારી રીતે જાણી ગયા છે કે તેમના અમુક સામાજિક અને રાજકીય અગ્રણીઓ માત્ર પોતાનો સ્વાર્થ સાધવા માટે સમાજનો ઉપયોગ કરી રહ્યા છે. આંદોલન શરૂ થયું ત્યારથી આવા અગ્રણીઓ માટે ભોં ભારે થઈ પડી છે. મોં દેખાડવું અઘરું થઈ પડ્યું છે. એટલે હવે સમાધાન માટે વચ્ચે પડનાર સો વખત વિચાર કર્યા પછી જ આગળ વધશે. હવે મધ્યસ્થી તે જ કરી શકશે જે સાચા અર્થમાં સમાજને સમર્પિત હોય અને જેને સમાજની ચિંતા હોય, સ્વની ચિંતા ન હોય, સ્વાર્થની ચિંતા ન હોય. પાટીદારોએ આવી કોઈ વ્યક્તિ અથવા વ્યક્તિસમૂહ શોધી કાઢવાે જોઈએ, કારણ કે આંદોલન અનંતકાળ માટે ચલાવવું સંભવ નથી અને યોગ્ય પણ નથી. જોકે, રાજકીય સ્થિતિ જોતાં આંદોલન 2017ની ચૂંટણી સુધી ચલાવવામાં ઘણાંને રસ છે. બીજી બાજુ સરકારે પોતાની જીદ છોડીને થોડા કૂણા પડવાની પણ જરૂર છે. મુખ્યમંત્રી આનંદીબહેન પોતાને મજબૂત નેતા સાબિત કરવા માટે અક્કડ વલણ અપનાવીને જીદે ચડે તો તેનાથી ભાજપનું, ગુજરાતનું કે પાટીદારોનું, કોઈનું ભલું થવાનું નથી.   મજબૂત સાબિત કરવા માટે કાબેલ વહીવટ જરૂરી છે, હઠ નહીં અને કુશળ વહીવટકર્તા એ હોય જેના શાસનમાં આવાં આંદોલન ઊભાં જ ન થાય. તમામ સમાજ સાથે રહે તે સાચો શાસક. નરેન્દ્ર મોદીના સમયમાં કેમ પાટીદાર આંદોલન ન થયું? એ પહેલાં કેશુભાઈ કે ચીમનભાઈ કોઈના સમયમાં પોતાને થતાં અન્યાયની વિરુદ્ધમાં આંદોલન કરવાનું પાટીદારોને કેમ ન સૂઝ્યું? એ નેતાઓની રાજકીય કુશળતા હતી જેને લીધે અસંતોષ આક્રોશ ન બન્યો.   પાટીદારોના પગલે અન્ય સમાજો આંદોલન ચલાવે તો સરકાર શું કરશે? ઓબીસી સમાજો કે ઠાકોર સમાજ આંદોલને ચડશે તો શું થશે? આજે તો સરકારને અલ્પેશ ઠાકોર નિયંત્રણમાં લાગે છે, પણ કાલ કોણે દીઠી છે? ઠાકોર સમાજ પોતાની વાજબી માગણીઓ લઈને ઊભો થશે તો? વ્યસનમુક્તિના નામે ઊમટી પડેલો સમાજ પોતાની માગણીઓ માટે પણ એકઠો થઈ જ શકે.   લોકશાહીમાં વાજબી માગણીઓ રાખવાનો હક્ક બધાને છે અને સરકારની ફરજ છે કે તે નાગરિકોને શક્ય એટલો સંતોષ આપે. આજે સમય રાજકીય સ્કોર સેટલ કરવાનો નથી, રાજકીય હરીફો સામે ચોકઠાં ગોઠવવાનો નથી, ગુજરાતને ફરીથી શાંતિ અને સમૃદ્ધિના માર્ગે વાળવાનો સમય છે. નેતાઓએ ફુલટાઇમ રાજકારણ રમવામાંથી થોડો સમય જનતા માટે પણ કાઢવો જોઈએ. પાટીદાર આંદોલનનો ત્રીજો તબક્કો શાંતિપૂર્ણ રહે એવી અપેક્ષા નાગરિકોને હોય, પરંતુ અપેક્ષા તો એવી છે કે આ અંતિમ તબક્કો હોય. બેય પક્ષ થોડી બાંધછોડ કરે. બંને પક્ષ ઢીલા પડે. બંને પક્ષ કંઈક આપવા અને કંઈક છોડવા તૈયાર થાય તો વાત બને. બંને પક્ષે જો જીદ અને મમત જ રહે તો ઘર્ષણ અનિવાર્ય બની રહે છે અને સંઘર્ષ હંમેશાં ઘસારો જ પહોંચાડે છે, થોડો અથવા વધારે. સામસામે તણાયેલી તલવારો મ્યાન થાય. તલવારો ખુલ્લી હોય ત્યારે ભયંકર લાગે, મ્યાનમાં તલવારો સંુદર લાગે છે, શોભે છે, ગરિમામય લાગે છે.   છેલ્લો ઘા : ઇસ ફૂલોંભરી ડાલ કો છૂને કે લિયે સિર્ફ મૈં ક્યૂં ઉછલું, થોડી વહ ઝૂકે, થોડા મૈં ઉછલું. -દુષ્યંત કુમાર

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 57

• Privacy • Unsubscribe • Terms of Use

.

__,_._,___