[amdavadis4ever] બિઝી રૂટિનવાળ ી સામાન્ય અને સતર્ક વ્યક્તિ કહે મારે મારુ ં ‘મેન્ટલ હાઇ જિન’ જાળવવું હ ોય તો ? Dr. Prasant Bhimani

 

Please use http://translate.google.com/ to translate this article to Language of your choice. બિઝી રૂટિનવાળી સામાન્ય અને સતર્ક વ્યક્તિ કહે મારે મારું 'મેન્ટલ હાઇજિન' જાળવવું હોય તો?  Dr. Prasant Bhimani - હું કંઈ પાગલ છું? - એક બિઝી રૂટિનવાળી સામાન્ય અને સતર્ક વ્યક્તિ કહે મારે મારું 'મેન્ટલ હાઇજિન' જાળવવું હોય તો અત્યારથી જ શું કરવું?   હું ચિન્મય, ડૉક્ટર. હું યુ.એસ.એ.થી હમણાં જ આવ્યો છું. આમ તો મને કોઈ ડિસીઝ નથી, પણ  અમેરિકાનાં લોકો વધારે ઓપન માઇન્ડેડ છે. મતલબ, બીજી બધી કલ્ચરલ બાબતોની વાત નથી, પણ જ્યાં સુધી સાયકોલોજિકલ સારવારને લાગેવળગે છે ત્યાં સુધી હું એટલું તો બેશક કહી શકું કે આપણે ત્યાં આ વિશે ઘણાં દંભ અને સંકોચ પ્રવર્તે છે. મને તમારી પાસે આવવાનો વિચાર એટલે આવ્યો કે હમણાં જ હું મારા 46 વર્ષના કઝિન બ્રધર મહર્ષિની ખબર કાઢવા હોસ્પિટલમાં ગયો હતો.   એમને મેસિવ હાર્ટઅેટેક આવ્યો. બાયપાસ પછી એ સ્ટેબલ છે. ભાભીએ બધાને ફટાફટ ફોન કરી દીધા અને રીતસરની જાહેરાત જેવું કરી દીધું કે મહર્ષિને ફલાણી હોસ્પિટલના સ્પુટ રૂમમાં દાખલ કર્યો છે. મેં લોકોનો સોશિયલ સપોર્ટ જોયો. ગમ્યું કે અહીં તો એક અવાજ કરો અને મદદ માટે સગાં-વહાલાંની ફોજ ખડી થઈ જાય. વેલ, મેં પછી ભાભીને પૂછ્યું કે, 'ફિટનેસ ફ્રિક અને ડાયટનું ધ્યાન રાખનાર મહર્ષિને આવું કેવી રીતે થયું?' ભાભીએ વાત કરી. 'મહર્ષિને છેલ્લાં બે વર્ષથી ધંધામાં બહુ સ્ટ્રેસ હતું, પણ જ્યાં સુધી મારી જાણ છે ત્યાં સુધી એવીય કોઈ ભયંકર તકલીફ નહોતી. એણે કલ્પી લીધેલી ચિંતા અને અસલામતીને કારણે મનમાં ને મનમાં તે મૂંઝાતો ગયો. કોઈને પ્રોબ્લેમ વિશે વાત જ ન કરે. એવો ભ્રમ 'સાપ'ની જેમ પાળેલો કે 'હું કંઈ પાગલ છું? કે મારે સાયકોલોજીસ્ટની જરૂર પડે?' બસ ડૉક્ટર, મને લાગે છે આ દંભ, જાતને છેતરવાની ટેવ અને ઇગોના ઇમેજિનરી સામાજિક સંકોચના કારણે એણે આટલે સુધી સહન કરવું પડ્યું. વૅલ, આ વાત મેં તમને એટલા માટે કરી કે એક બિઝી રૂટિનવાળી સામાન્ય અને સતર્ક વ્યક્તિ કહે મારે મારું 'મેન્ટલ હાઇજિન' જાળવવું હોય તો અત્યારથી જ શું કરવું?' ચિન્મયની વાત આજના સમયમાં આપણા સૌના માટે એકદમ પ્રસ્તુત અને પોતાની જ છે. 'મેન્ટલ હાઇજિન' એટલે મનની દુરસ્તી. જે વિજ્ઞાન માનસિક સ્વાસ્થ્યનો પ્રચાર-પ્રસાર કરે છે તેમજ મનોચિકિત્સાની પદ્ધતિઓ વડે મનોરોગો અને વર્તન સમસ્યાઓની રોકથામના ઉપાયો પ્રયોજે છે તેને 'મેન્ટલ હાઇજિન' કહેવાય. આપણે જેમ શરીરને તંદુરસ્ત રાખવા કસરત સાથે હેલ્ધી ડાયટનું ધ્યાન રાખીએ છીએ, ગંદકીભરી જગ્યાએ જતા નથી કે ઇન્ફેક્શન કે પેટમાં ગરબડ થાય તેવું ખાતા નથી તેવી જ રીતે આપણે નેગેટિવ વિચારસરણીથી દૂર રહેવું જરૂરી છે.   દરેક વ્યક્તિ પોતાના સ્ટ્રેસને મોટેભાગે જાણતી હોય છે, પણ સ્વીકારતી નથી. સૌ પ્રથમ આપણે મેન્ટલ બ્લોક્સને કે પૂર્વગ્રહોને ઓળખીએ. નેગેટિવ, નિરાશાખોર, દંભી, પંચાતિયા અને 'દુઃખરાગી' લોકોથી અંતર રાખવાનું શીખીએ. પોતાની જાત માટે સમય કાઢીને મેડિટેશન અથવા રિલેક્સેશન જેવી ટેક્નિક શીખીને મનને વિચારોના પ્રદૂષણથી મુક્ત રાખીએ. લાગણીને કેળવીને પોઝિટિવ કરી શકાય છે. બુદ્ધિ ગમે તેટલી વધારે હોય પણ લાગણીનું મેનેજમેન્ટ ખૂબ મહત્ત્વનું છે. ભૂતકાળના ખરાબ અનુભવો અને ભવિષ્યની નિરર્થક ચિંતાઓથી કાઉન્સેલિંગ અને થેરપી દ્વારા મુક્ત થઈ શકાય છે. વિનિંગ સ્ટ્રોક : આપણી શક્તિઓ અને લાયકાત મુજબની અપેક્ષાઓ સાથેનું વાસ્તવિક વર્તન આપણને વધુ સ્વસ્થ બનાવે છે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 59

• Privacy • Unsubscribe • Terms of Use

.

__,_._,___