[amdavadis4ever] સમાજમાં પરિવર્ત ન માટે જાતે જ ક ેમ ન બનીએ દૃષ્ટ ાંત N Raghuraman

 

Please use http://translate.google.com/ to translate this article to Language of your choice. સમાજમાં પરિવર્તન માટે જાતે જ કેમ ન બનીએ દૃષ્ટાંત  N Raghuraman સ્ટોરી 1 : ગયા અઠવાડીયે પંજાબના ભટિંડાના કેટલાંક ખેડૂતો તીડના હુમલાથી બરબાદ થઇ ગયેલા કપાસના પાક માટે રાહતના ચેકની વહેંચણી કરવા આવેલા મંત્રી વિરુદ્ધ દેખાવો કરી રહ્યાં હતા. તે જ સમયે રાજ્યના અન્ય એક ભાગમાં 25 જેટલા ખેડૂતો બાર્બટન ડેઇઝીના ફૂલો વિશે જાણકારી લેવા માટે કોઇ પૉલીહાઉસની મુલાકાત પર હતા. આ ફૂલોનો સુશોભનમાં વિશેષ ઉપયોગ કરવામાં આવે છે. જે ખેડૂતો વિરોધ પ્રદર્શનથી પોતાનો રોષ પ્રદર્શિત કરી રહ્યાં હતા, તેઓ નકારાત્મક વિચારોવાળા હતા, જ્યારે અન્ય બે ડઝન ખેડૂતો ઉત્સાહિત હતા અને પોતાના ઉત્પાદનને અમૃતસર એરપોર્ટથી સીધું યૂરોપ અને ખાડી દેશોમાં મોકલવાની આશાઓ વિશે વાત કરી રહ્યાં હતાં. આ ખેડૂતો ઘઉં-અનાજની પરંપરાગત ખેતીનું ચક્કર તોડી ફૂલોની ખેતી શરૂ કરવાની આશા સેવી રહ્યાં હતા અને પોતાની જમીનને નવા દૃષ્ટિકોણથી જોવા માટે તૈયાર હતા. આ કામ માટે જે વ્યક્તિએ પહેલ કરી તે છે- કુલદીપસિંહ ધાલીવાલ. તેઓ પોતાના બધી જ સુવિધાઓથી સંપન્ન ઘર અને અમેરિકામાં ફેલાયેલા બિઝનેસને છોડીને ખેડૂતોને આત્મનિર્ભર કરવાના ઉદેશ્ય સાથે ઘરે પરત ફર્યાં છે. તેમણે પોતે એક ઉદાહરણ પૂરું પાડીને પરિવર્તન આણવાની આશા ફેલાવી દીધી છે અને વ્યવહારુ વિકલ્પને રજૂ કરી બિન-પરંપરાગત પાકોને રજૂ કર્યાં છે. ધાલીવાલે પોતાની જમીન પર એક હેક્ટરમાં પૉલીહાઉસ બનાવી બાર્બટન ડેઇઝીના ફૂલોની ખેતી શરૂ કરી છે. ધાલીવાલે પ્રત્યેક છોડ પર 35 રૂપિયાનો ખર્ચો કરી એક હેક્ટર જમીનમાં 25 હજાર છોડ વાવ્યાં છે અને દર વર્ષે એક છોડ પરથી 30 મળવાની આશા છે. આમાં પૉલીહાઉસ બનાવવાનો, 24 કલાક પાણીની વ્યવસ્થા અને સ્પ્રિંકલર સિસ્ટમ બનાવવા સહિતનો ખર્ચ સામેલ નથી. તેમનું માનવું છે કે અન્ય ઇન્ડસ્ટ્રીની જેમ ખેડૂતોને પણ શિક્ષિત અને પ્રશિક્ષિત કરવાની જરૂર છે, જમીન તેમની મશીનરી છે અને તેમને ખબર હોવી જોઇએ કે તેઓ ત્યાં અન્ય કયા પાક ઉગાડી શકે છે. સ્ટોરી 2 : તેઓ ઉત્તરપ્રદેશના બિજનૌર જિલ્લાના ઝૂજાઝાલિયાના છે. કામ કરવા માટે તેઓ વિદેશ ગયા હતા. એકવાર જ્યારે તેઓ ગામમાં આવ્યાં તો જોયું કે ત્યાં ઘણી સમસ્યાઓ છે, એટલે આ એન્જિનિયરે જર્મનીના મ્યુનિકની નોકરી છોડી ગામની સમસ્યાઓના નિરાકરણ માટે પંચાયતની ચૂંટણી લડવાનો નિર્ણય કર્યો. આ વ્યક્તિનું નામ છે- તરુણ શક્તાવત. પરિવર્તન લાવવા તેમણે પોતાની 37 લાખની વાર્ષિક આવક વાળી નોકરી છોડી અને હવે તેઓ સરપંચની ચૂંટણી લડી રહ્યાં છે. તેમનું માનવું છે કે ગામના સરપંચો પ્રામાણિકતાથી કામ કરે તો ભારતના ગામ પણ જર્મની અને અન્ય યૂરોપિયન દેશ સાથે સરખામણી કરી શકે છે. તેઓ પોતાના દૃષ્ટાંતથી તે રજૂ કરવા માંગે છે. ફંડા એ છે કે, જો તમે પોતાના સમાજમાં મોટું પરિવર્તન આણવા ઇચ્છો છો તો તમારે વ્યક્તિગત રૂપે ઉદાહરણ બનવું પડશે જેથી અન્ય લોકો વિશ્વાસ કરી શકે અને તમારી પગદંડી પર ચાલી શકે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 61

• Privacy • Unsubscribe • Terms of Use

.

__,_._,___