[amdavadis4ever] એક હતો ચંદુ!

 

Please use http://translate.google.com/ to translate this article to Language of your choice. એક હતો ચંદુ! વાત જાણે એમ છે કે!: રાજેન્દ્ર રાવલ   સમયાંતરે ભૂલી જવાની આદત માનવસહજ સ્વભાવ છે. દર પાંચ દસ વર્ષે દેશમાં એક તેજો તર્રાર વ્યક્તિ એની વાક્છટા કે પ્રવૃત્તિને કારણે લોકોમાં ભૂરકી છાંટી જવાના અનેક દાખલા છે. હમણાં જવાહરલાલ નહેરુ યુનિવર્સિટીનો કનૈયો એના સૂર રેલાવી રહ્યો છે. પાનના ગલ્લેથી શરૂ કરીને રિક્ષાવાળા, મહેલાતવાળા અને ગામડાવાળા વાહ! કનૈયાની પળોજણમાં છે. કનૈયાની તેજાબી જબાન હાલ વાઈરલ છે, અલબત્ત ઠેરઠેર કનૈયો છે. લોકોને કનૈયો યાદ રહી ગયો છે; પણ જે.એન.યુના પ્રાંગણમાંથી બીજા એવા અનેક કનૈયા પ્રગટયા અને પડદા પાછળ ધકેલાયાની આખી વાત જાણે એવી છે કે, જ્યારે વામપંથીઓના ગઢના કાંગરા લગભગ ખરી ચૂકયા હતા, જગત આખું આર્થિક ઉદારીકરણનો છાંયડો શોધતું હતું, આપણું ભારત પણ આ પંગતમાં લપટાયું હતું, એ વખતે તમામ વામપંથી તાકાતો માર્કસવાદના ખાત્માની રાહ જોતા હતા. આ સમયે જવાહરલાલ નહેરુ યુનિવર્સિટીના કેમ્પસમાં એક યુવાન વિદ્યાર્થીનેતા હતો, હાલના કન્હૈયાથી અનેક ગણો તાકાતવર જેનું નામ હતું -ચંદુ. મિત્રો, સહાધ્યાયીઓ એને ચંદુ કહીને બોલાવતા. અસલમાં ચંદુનું ખરું નામ 'ચંદ્રશેખર' હતું. કોમરેડ ચંદુની મહત્ત્વાકાંક્ષા દબાયેલી સ્થિતિમાં જીવતા લોકોને ખુલ્લું આસમાન બક્ષવાની હતી. જે લોકો ચંદુ વિષે નથી જાણતા કે ભૂલી ગયા છે તેમને એક સવાલ થાય કે આજકાલ ચંદુ કયાં છે? એનો જવાબ એ છે કે, ગરીબો માટે ભ્રષ્ટાચાર વિરુદ્ધ લડતા ચંદુને ખત્મ કરી દેવામાં આવ્યો. જે.એન.યુ.માં હમણાં સર્જાયેલા વિવાદ અને વિદ્યાર્થીનેતા કન્હૈયાની ચર્ચા થતાં અચાનક વિસરાયેલો ચંદુ યાદ આવી ગયોઃ કનૈયાની ધરપકડ થઈ તે પછી કનૈયો આખા દેશમાં મશહૂર થઈ ગયો, કનૈયામાં કયાંક કોઈકને નેતાના દર્શન થવા માંડયાં કનૈયાની આલોચના પણ થઈ, અર્થાત્ કનૈયો જગજાહેર થઈ ગયો.   જે.એન.યુ.ના કેમ્પસમાંથી જન્મેલા અગાઉના વિદ્યાર્થીનેતાઓમાં કોમરેડ ચંદુની મુખ્ય લડત શાસનમાંથી ભષ્ટ્રાચાર હટાવવાની હતી. ગરીબો, દલિતો, મહિલાઓ અને મજદૂરોના શોષણ સામે જંગે ચડવાની હતી. બની બેઠેલા રાજકારણીઓ, તેમના અપરાધ અને કૌભાંડો સામે ચંદુએ જેહાદ જગાવી હતી; જેનો બાહુબલી રાજનીતિએ ભોગ લીધો. કનૈયા અને ચંદુની સરખામણી થઈ શકે નહીં, કારણકે ચંદુની મહત્વાકાંક્ષા વિદ્યાર્થીસંઘની ચૂંટણી જીતવાની નહીં, મહત્વાકાંક્ષા એટલે દેશ માટે ભગતસિંહની જેમ ફાંસીએ ચઢવાની હતી. ચંદુને રાજકીય પક્ષોએ ફાંસીતો આપી નહીં પણ તેની હત્યા કરી દીધી હતી.   ૨૦ મી સપ્ટેમ્બર, ૧૯૬૪ના રોજ બિહારના શિવાન જિલ્લામાં જન્મેલા ચંદ્રશેખર ઉર્ફે ચંદુ જ્યારે આઠ વર્ષનો હતો, ત્યારે તેના પિતાનું અવસાન થયું હતું. ચંદુએ સૈનિકશાળામાં અભ્યાસ કર્યો અને ત્યારથી એને દેશભક્તિનો રસ જાગ્યો. બિહારની ભ્રષ્ટસ્થિતિ અને આપરાધિક રાજનીતિ ચંદુને ડંખતી હતી. ચંદુનો વિદ્યાર્થીનેતા તરીકે ખૂબ ઝડપી વિકાસ થઈ રહ્યો હતો. ૧૯૯૩-૯૪માં ચંદુ જે. એન.યુ ના વિદ્યાર્થી સંઘના ઉપાધ્યક્ષ તરીકે ચૂંટાયો; પછી સતત બે વખત તે જે.એન.યુ નો અધ્યક્ષ થયેલો, ખાસ કરીને ગ્રામીણ વિસ્તારોમાં કચડાયેલા વર્ગનું કામ કરવા ચંદુ તેના માદરે વતન બિહારના શિવાનમાં ગયો; જ્યાં સંગીન અપરાધીઓ અને ભ્રષ્ટરાજકારણીઓની મિલીભગત તળે લોકજીવન કણસી રહ્યું હતું.   ચંદુએ આ સ્થિતિ સામે બ્યુગલ ફૂકયું. બિહારની રાજનીતિમાં અપરાધીકરણ, ભ્રષ્ટાચાર અને દલિતોના શોષણ સામે લડનારો ચહેરો બહાર આવ્યો! ચંદુનુંુ એક સપનુ હતું કે ભારતનો રાજકીય ચહેરો બદલાવો. જેની શરૂઆત બિહારથી એણે કરી, બિહારના રાજકીય આગેવાનોના અનેક ગોટાળા સામે ચંદુએ આંગળી ચીંધી, લોકો તરફથી તેેને હકારાત્મક પ્રતિભાવ સાંપડવા લાગ્યો. ૩૧ માર્ચે,૧૯૯૭ના રોજ ચંદુએ અપરાધીકરણ વિરુદ્ધ બંધનું એલાન જાહેર કર્યું અને ૨,એપ્રિલ ૧૯૯૭ના રોજ ચંદુ એક જાહેર સભાને સંબોધવાનો હતો. જે.પી.ચોકમાં ચંદુ જાહેરસભા સંબોધવા ઊભો થયો કે, તુરંત જ એની ગોળી મારીને હત્યા કરી દેવામાં આવી! ચંદુની હત્યા થઈ. આ વાત આજે પણ કોર્ટ કચેરીઓમાં વલોવાય છે! ચંદુનાં ભાષણો કે ભાવનાઓ વાઈરલ થયાં નહીં! કન્હૈયાની જેમ એની ધરપકડ થઈ નહીં, આલોચના થઈ નહીં સીધો ચંદુ 'ઠાર' કરાયો.   એ ચંદુ હવે વિસરાયો છે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 72

• Privacy • Unsubscribe • Terms of Use

.

__,_._,___