[amdavadis4ever] મધુવનની મહેક - Gujarati (Posted by B D Jesrani)

 

Please use http://translate.google.com/ to translate this article to Language of your choice. ભોગી કે યોગી નહીં, ઉપયોગી બનો!   મધુવનની મહેક: ડો. સંતોષ દેવકર     કેટલાક સંવાદો તપાસીએ : શ્રીમાન શર્મા નવી કાર લાવ્યા. તે એમાં શું ધાડ મારી, બે નંબરનો પૈસો છે તે લાવે ય ખરા ! શ્રીમતી ખન્નાને પ્રમોશન મળ્યું. હા, ઠીક એ તો, ખબર છે કેવી રીતે મેળવ્યું તે ! શ્રીમાન પટેલની દીકરીએ ફર્સ્ટ રેન્ક મેળવ્યો. હા, હા, હવે અમે નથી જાણતા તેના મામા કઈ પોસ્ટ પર છે. તે ફર્સ્ટ રેન્ક આવે જ ને !   ઉપરોકત સંવાદો કોઈ સ્વસ્થ વ્યકિતના ન હોઈ શકે. કોઈનું સારું થતું હોય અને એ ન જોવાય ત્યારે મનમાં કોઈ ખોડ છે એ નક્કી ! પોતાનું સારું થાય કે ન થાય પરંતુ અન્યનું કલ્યાણ થતું ન જોઈ શકનારા રોગી હોઈ શકે છે.   અન્યનું સુખ જોઈને વ્યક્તિ ત્રણ અવસ્થામાં મુકાય  ૧. કોઈ જ અસર ન થાય.  ર. આનંદિત થાય.  ૩. દુઃખી થાય.    પહેલા નંબરની વ્યકિત એ સામાન્યજન છે. એવરેજ વ્યકિત છે. બીજા ક્રમાંકવાળો વ્યકિત એ સ્વસ્થતા ધરાવે છે. જયારે ત્રીજા ક્રમે રહેલી વ્યકિત રોગી છે. અન્યને થતો આનંદ જોઈ દુઃખી થતા રોગીઓનો કોઈ ઇલાજ ખરો ? સમડીની ઊડવાની ઝડપ જોઈને ચકલી કયારેય ડિપ્રેશનમાં આવી હોય તેવું જાણ્યું નથી. પરંતુ કેટલીક "બાહોશ વ્યકિતઓ" સામે ચાલીને ડિપ્રેશન વહોરી લેતી હોય છે. અન્યનો બંગલો જોઈ પોતાનું બે ઓરડાનું ઘર જોઈ હતાશ થનારાઓની સંખ્યા ઓછી નથી. ધીરે ધીરે આ હતાશા ઈર્ષામાં પરિણમતી હોય છે. ઈર્ષાળુ વ્યકિતને અને અસફળતાને નજીકનો સંબંધ રહેલો છે.   જેમ રોગી મળી રહે છે તેમ યોગી પણ મળી શકે. રોગી ખાબોચિયું છે તો યોગી ખળખળ વહેતી નદી જેવો પ્રવાહી છે. પ્રસન્ન છે, ઉત્સાહી છે. રોગી તોડવાનું તો યોગી જોડવાનુંં કામ કરે છે. અન્યને પ્રસન્નતા પ્રદાન કરવાનું યોગીનું લક્ષ્ય હોય.   અન્યો માટે ઘસાઈ જવા વાળા યોગીઓ હોય છે. આવું એક યોગી ગ્રૂપ ગયા અઠવાડિયે પરિચયમાં આવ્યું. જે ૧૦૮ ના નામથી ઓળખાય છે. ચાલીસ-પચાસ તરવરિયા યુવાનોનું આ ગ્રૂપ ઉપયોગી કાર્યો કરવા તત્પર છે. તેમણે પોતાનાં મોબાઈલ નંબર વહેતા કર્યા છે. જરૂરિયાતવાળા તેમનો ઉપયોગ કરે છે. જેમાં બ્લડની જરૂર હોય, અશક્તને હોસ્પિટલ લઈ જવાના હોય, દવાની જરૂર હોય, દવા માટે પૈસાની જરૂર હોય, એકાકી જીવન ગાળતાં વૃદ્ધોને ટિફિન પહોંચાડવાનું હોય, ઘાયલ પશુ-પક્ષીને સારવાર આપવાની હોય, એકાકી જીવન ગાળતી વૃદ્ધાનું લાઈટબિલ ભરવાનું હોય, તો ૧૦૮ના ગ્રૂપનો સહજતાથી સંપર્ક કરાય છે. અને પ્રસન્નતાપૂર્વક યુવાનો કામ પાર પાડે છે. ૧૦૮ના યુવાનો જે તે સ્થળે પહોંચી જાય છે અને તે વ્યકિતને ઉપયોગી થવાનો આનંદ વ્યકત કરે છે. આ તમામ સેવા તદ્દન મફત (ફ્રી) આપીને યુવાનો સમાજને ઉપયોગી થાય છે. તેઓ કહે છે અમારે ભોગી કે યોગી નથી થવું, સમાજને ઉપ-યોગી થવાય એ જ બસ છે.   વિવેકાનંદજી કહેતા કે, જનસેવાથી મોટી બીજી કોઈ સેવા હોઈ ન શકે. અન્યોને મદદ કરવા તત્પર રહેવું, લોભ, લાલચ કે સ્વાર્થ વગર કાળજીપૂર્વક તે કામ કરવું એ સરેરાશ મનુષ્યના જીવન કરતાં એક વેંત ઊંચું છે. આ ત્યારે જ શક્ય બને જ્યારે, પરિશ્રમની સાથે સમજણ ભળે. આજે સ્વાર્થ વગર તણખલું પણ ન ઉપાડનારો માણસ કોઈ અજાણ્યાની મુશ્કેલીમાં દોડી જાય ત્યારે થતું આશ્ચર્ય અસ્થાને નથી. "મારું શું ?" અને "મારે શું ?" ના આ યુગમાં પોતાનો રોટલો શેકનારાઓને "બીજા" માટે વિચારવાનો સમય જ નથી.   જાણીતા દાર્શનિક એકહાર્ટ લખે છેઃ સમગ્ર જીવન દરમિયાન જો તમે, એક જ વખત પ્રાર્થના કરો અને ઈશ્વરને 'થેન્ક યુ' કહો તો તે પણ પૂરતું છે. જીવનમાં 'થેન્ક યુ' કહેવાનો અવસર છોડવા જેવો નથી. ઘસાઈને ઉજળા થવાનું ૧૦૮ ના ગ્રુપે સ્વીકાર્યું છે. પ્રભુને થેન્ક યુ કહેવાનો આનાથી રૂડો અવસર કયો ? બીજાને મદદ કરીને થતો આનંદ શબ્દાતીત છે. પોતાના માટે બધા જ જીવે અન્ય માટે કંઈક કરવાની ભાવના જાગવી એ પ્રભુનો પ્રસાદ છે. આ પ્રસાદ સૌના નસીબમાં કયાંથી?   (સહયોગઃ કૃષ્ઠયજ્ઞા ટ્રસ્ટ, રાજેન્દ્રનગર (સા.કાં.) સેવાભાવી સંસ્થામાં શ્રી સુરેશભાઈ સોનીના સાનિધ્યમાં આપેલા પ્રવચનનો ટૂંક સાર)

__._,_.___

---

Posted by: imamdavadi@ymail.com

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 67

• Privacy • Unsubscribe • Terms of Use

.

__,_._,___