[amdavadis4ever] સંતાનોની મુગ્ધા વસ્થાને ઊજવો...

 

Please use http://translate.google.com/ to translate this article to Language of your choice. સંતાનોની મુગ્ધાવસ્થાને ઊજવો... રિલેશનના રિ-લેસન : રવિ ઇલા ભટ્ટ 'Adolescents are not monsters. They are just people trying to learn how to make it among the adults in the world, who are probably not so sure themselves.' વર્જિનિયા સેટીરનું આ વાક્ય વર્તમાન સ્થિતિને ખૂબ જ અસરકારક રીતે રજૂ કરે છે. નવરાત્રિ પૂરી થઈ, હવે દિવાળી આવશે અને પછી ક્રિસમસ આવશે. યુવાનો માટે આ તહેવારો જીવનને માણવાના અવસરો હોય છે. આ અવસરો અંગે યુવાનો અને તેમનાં માતા-પિતાના વિચારો અલગ હોય છે. ઓગણીસમી સદીમાં જન્મેલી પેઢી એકવીસમી સદીની પેઢી સાથે દરેક બાબતે અલગ વિચારો ધરાવે છે, તેને કારણે જ માતા-પિતા ફરિયાદ કરતાં હોય છે કે, તેમના ટીનએજ કે યુવાન સંતાનો તેમના કહ્યામાં નથી. તેઓ એમ પણ કહે છે કે, તેમના કરતાં તેમનાં સંતાનોના મિત્રોને વધારે જાણ હોય છે. વાત સાચી છે પણ તેની પાછળનાં કારણો ઉપરના વાક્યમાં સમાઈ જાય છે. તેઓ સતત એ સંઘર્ષમાં રહ્યા કરે છે કે હું મારી જાતને સાબિત કરી બતાવું અને માતા-પિતા પણ એમ જ ઇચ્છતાં હોય છે કે તેમનું સંતાન કંઈક કરી બતાવે પણ તેમના કહ્યા પ્રમાણે, આ જગ્યાએ જનરેશનગેપ જેવું જણાઈ આવે છે. એરિસ્ટોટલ કહે છે કે, 'Young people are in a condition like permanent intoxication, because youth is sweet and they are growing.' યુવાનો પોતાનાં ભાવવિશ્વમાં જીવતા હોય છે. તેમને એમ લાગે છે કે માતા-પિતા પોતાની વાત સમજી નહીં શકે, કારણ કે તેઓ આધેડ છે, તેમને વર્તમાન સ્થિતિની જાણ નથી. બીજી તરફ માતા-પિતા માને છે કે તેમનાં સંતાનો પાસે અનુભવ નથી અને ભૂલ કરી બેસશે. આ બાબતો સંબંધોમાં ખટાશ લાવવામાં કે પછી યુવાનો તોછડા થવામાં વધારે ભૂમિકા ભજવતી હોય છે. ટીનએજ અને યુવાવસ્થા એવી સ્થિતિ છે કે દરેક વ્યક્તિ પોતાને સમ્રાટ સમજતો હોય છે, તે અલગ જ વિશ્વમાં રાચતો હોય છે. આ સ્થિતિ કેટલાંક વર્ષોની જ હોય છે, પછી વ્યક્તિ આ અવસ્થામાં જવા તરસવા લાગે છે, તેને કારણે જ ઓસ્કર વાઇલ્ડ કહે છે કે, 'To get back my youth I would do anything in the world, except take exercise, get up early, or be respectable.' વાત એટલી જ છે કે, ટીનએજ સંતાનો માટે માતા-પિતાની લાગણી સાચી કે સંતાનોની માનસિકતા સાચી. આ મુદ્દો અનંત આકાશ જેવો છે પણ કેટલીક બાબતો વિસંગતતા, વિગ્રહ અને વિદ્રોહને અટકાવે છે, તે ઉપરાંત સંતાનોને કારણે માતા-પિતા વચ્ચે થતા વિવાદને અટકાવે છે. બાળક સાતમા-આઠમા ધોરણમાં હોય ત્યાં સુધી જનરેશનગેપ જેવું ખાસ લાગતું નથી. સંતાન નવમાં ધોરણમાં આવે કે માતા-પિતાની ચિંતા વધી જાય છે. એક અભ્યાસ માટે અને બીજી શારીરિક ફરેફારોને કારણે. આજની પેઢીને સાચવવી ખૂબ જ મુશ્કેલ છે તેમ તેમને લાગવા લાગે છે. વાત થોડાઘણા અંશે સાચી કહેવાય, કારણ કે નવમાં-દસમાં ધોરણમાં આવતાં તો બાળકો પાસે નવાં વાહનો, નવા મોબાઈલ અને નવા ગર્લફ્રેન્ડ-બોયફ્રેન્ડ પણ આવી જાય છે. અહીંયાંથી સમસ્યા શરૂ થાય છે. સંતાનોને માતા-પિતા જૂનવાણી અને ઓલ્ડ ફેશન લાગે છે. બીજી તરફ તેમને પોતાના મિત્રો કન્ટેમ્પરરી અને આધુનિક જણાતા હોય છે. માતા અને પિતા પણ આ આધુનિકતા મુદ્દે અંદરોઅંદર ઝઘડતાં હોય છે. ક્યારેક સંતાનોને માતા કડક અમલદાર જેવી લાગે છે જ્યારે પિતા જરૂરિયાત પૂર્તિનું સાધન, તેને કારણે જ તેમના ફેવરિટનાં લિસ્ટમાં માતા-પિતાનું સ્થાન બદલાતું રહે છે. આધુનિક જગતના ટીનેજરો અને યુવાનો ખૂબ જ સમજુ અને ચાલાક છે. તેમને ખ્યાલ છે કે ક્યારે કોની સાથે રહેવું અને કોને પોતાની તરફ કરવાં. તેમને ખ્યાલ છે કે, ક્યારે મમ્મીને મનાવી લેવાની અને ક્યારે પપ્પા પાસેથી પોકેટમની કઢાવી લેવાનાં. તેઓ જ્યારે કંઈક નવું કરવા માગતા હોય ત્યારે મમ્મીને પટાવી લે અને પછી પપ્પાની પીઠ પાછળ બધી કામગીરી પતી જાય. છોકરી ગમતી હોય કે છોકરો પસંદ હોય અથવા તો બોયફ્રેન્ડ કે ગર્લફ્રેન્ડ સાથે પકડાયઈ જવાય ત્યારે મમ્મીની ઓથે ભરાઈ જવું અને પપ્પાથી બચી જવું. તેવી જ રીતે મમ્મી થોડો સ્ટ્રિક્ટ હોય તો પપ્પાની મદદથી પોતાનું ગમતું કામ કરાવી લેવાનું. કેટલાંક માતા-પિતા એમ માને છે કે સંતાનો સાથે લિબલર થવામાં મજા છે. તેમને તેમની દુનિયામાં જીવવાની તક આપવી જોઈએ. તેમને જે જોઈએ તે લાવી આપવું જોઈએ. આ બાબત પ્રાથમિક ધોરણે સારી છે પણ જ્યારે સંતાન મુગ્ધાવસ્થા કે યુવાવસ્થામાં આવે છે ત્યારે તેને પોતાની દરેક બાબત મનાવવાની આદત પડી ગઈ હોય છે, તે હવે દરેક વસ્તુ જીતવા જ માગે છે. તેના માટે દરેક વસ્તુ હવે મમત અને જીદમાં બદલાઈ ગયેલી હોય છે. આ બાબત ઘાતક સાબિત થાય છે. બીજી તરફ એક વર્ગ એવો પણ છે જે માને છે કે, સંતાનોની તમામ ઇચ્છા પૂરી ન કરાય. તેની એક વાત માની લો એટલે તે બધી જ વાતો મનાવે, તેને કારણે તેમને ઊગતા જ ડામી દેવાં જોઈએ. આ બાબત પણ એટલી જ ઘાતક છે, કારણ કે સ્પ્રિંગ જેટલી દબાવશો તેટલી ઝડપથી ઊછળશે, આવા સંજોગોમાં તે વિદ્રોહ કરશે અને ત્યારે સ્થિતિ સાવ કાબૂ બહાર જતી રહેશે. વર્તમાન સ્થિતિને અને યુગને ધ્યાનમાં રાખીને એમ કહી શકાય કે, સંતાનો જ્યારે મુગ્ધાવસ્થામાં પહોંચે ત્યારે તેની સાથે મિત્રતા કેળવો જે યુવાવસ્થા સુધી ટકાવી રાખો. તે જો તમારામાં મિત્રને જોશે તો બહાર અખતરા કરવા નહીં જાય. ક્યારેક અખતરા કરવા હોય તો જવા દો, કારણ કે, આ અવસ્થા ક્યારેય આવવાની નથી, તેને અખતરામાંથી બચાવી શકાશે પણ કરતાં રોકી નહીં શકાય. આ કારણે જ રિયાઝ ખૈરાબાદી કહે છે કે, 'બચ જાએ જો જવાની મેં દુનિયા કી હવા સે, હોતા હે કોઈ ફરિશ્તા કોઈ ઇન્સાં નહીં હોતા.'

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Visit Your Group

• New Members 90
• New Links 2

• Privacy • Unsubscribe • Terms of Use

.

__,_._,___