[amdavadis4ever] લોહીની હાજરી - Gujarati (Posted by B D Jesrani)

 

Please use http://translate.google.com/ to translate this article to Language of your choice. લોહીની હાજરી પગેરું : રમેશ સવાણી લતાબેન લોહીલુહાણ હાલતમાં નીચે ઢળી પડેલ હતા. મેં તેમને પૂછયું કે શું થયું?પણ લતાબેને કોઈ જવાબ આપ્યો નહીં. ગળામાં, છાતીમાં, ડાબા ગોઠણ ઉપર ઈજા થયેલ હતી. બ્લાઉઝમાં બે કટમાર્ક હતા કોડિનાર રા.ના.વાળા હોસ્પિટલમાં ગમગીન વાતાવરણ હતું. કોડિનાર પોલીસ સ્ટેશનના પોલીસ સબ ઈન્સ્પેક્ટર પી.પી.પિરોજીયાએ રાણાભાઈ રામભાઈ બારડને(ઉ.૫૬) પૂછયું: "તમને કોઈના ઉપર શક-વહેમ છે?" "સાહેબ, મને કોઈના ઉપર વહેમ નથી." રાણાભાઈ આંસુ રોકી શક્તા ન હતા. "રાણાભાઈ,શાંત થાવ.જે ઘટના બની તે જણાવો. અમે ફરિયાદ નોંધી લઈએ." "સાહેબ, હું કોડિનાર સુગર ફેકટરીની કોલોનીમાં રહું છું. સુગર ફેક્ટરીમાં મદદનીશ અધિકારી છું. મારે સાત-આઠ વીઘા જમીન છે. મારે બે દિકરા મહેન્દ્ર(ઉ.૨૭) અને શૈલેષ છે. એક દિકરી વર્ષા છે, તેના લગ્ન થઈ ગયા છે. મહેન્દ્ર શિક્ષક તરીકે અમરેલી જિલ્લામાં નોકરી કરે છે. મારી પત્નીનું નામ લક્ષ્મી છે. મહેન્દ્રના પત્ની ગીતાબેન (ઉ.૨૬) આજે સવારે છ એક વાગ્યે ઘેરથી ભેંસ દોહવા માટે તગારામાં ખાણ લઈને સુગર ફેકટરીના ગેટની બાજુમાં આઈશર ટ્રેક્ટરનાં શોરૂમની પાછળ અમારી વાડી છે ત્યાં ગયા હતાં.આશરે સવા છ વાગ્યે, ફેક્ટરીના વોચમેન કાદુભાઈ સામતભાઈ તથા હક્કાભાઈ નારણભાઈ ઝડપથી મારી પાસે આવ્યા અને કહેલ કે આઈશર શોરૂમની પાછળ લતાબેનને છરી મારેલ છે. હું તરત જ હક્કાભાઈની મોટર સાયકલ ઉપર સ્થળ ઉપર ગયો.લતાબેન લોહીલુહાણ હાલતમાં નીચે ઢળી પડેલ હતા. મેં તેમને પૂછયું કે શું થયું? પણ લતાબેને કોઈ જવાબ આપ્યો નહીં. ગળામાં, છાતીમાં, ડાબા ગોઠણ ઉપર ઈજા થયેલ હતી. બ્લાઉઝમાં બે કટમાર્ક હતા. જમણા હાથના પહોંચા ઉપર બે ઘા હતા. તે વખતે હોસ્પિટલની એમ્બુલન્સ આવી જતા તેમાં લતાબેનને રા.ના.વાળા હોસ્પિટલે લાવતા બેભાન અવસ્થામાં જ લતાબેન મરણ પામેલ. દોઢ વર્ષની તેની દીકરી દેવયાની મા વિનાની થઈ ગઈ છે. આવું પાશવી કૃત્ય કોણે અને શા માટે કર્યું તેની મને ખબર નથી." પી.એસ.આઈ. પિરોજીયાએ હોસ્પિટલમાં જ તારીખ ૭-૫-૨૦૦૬ના રોજ ફરિયાદ નોંધી. આઈ.પી.સી.કલમ-૩૦૨, બી.પી.એક્ટ કલમ ૧૩૫ હેઠળ ગુનો રજિસ્ટર થવા હેડ કોન્સ્ટેબલ ભગાભાઈ સાથે પોલીસ સ્ટેશને મોક્લી આપી. થાણા અધિકારી પોલીસ ઈન્સ્પેક્ટર સી.એન.મહેતાએ તપાસ પિરોજીયાને સોંપી. એક્ઝીક્યુટિવ મેજિસ્ટ્રેટ ગોહિલે ઈન્કવેસ્ટ પંચનામું કર્યું. પોલીસે ગુનાવાળી જગ્યાનું પંચનામું કર્યું. ફરિયાદીના ઢોર બાંધવાના ઢાળિયા પાસે પાણીની બે નાની કુંડી હતી. કુંડી પાસે લોહીના ડાઘા હતા. ત્યાં એક બોલપોઈન્ટ પેન પડી હતી. પોલીસે ડોગ સ્કવોડની મદદ લીધી. એફ.એસ.એલ. અધિકારી સી.ડી.બાયોદરાએ સ્થળની વિઝિટ કરી. બાતમીદારોને એલર્ટ કર્યા. ઘટના સ્થળના આજુબાજુના સાહેદોના નિવેદનો નોંધ્યા. શકદારોની તપાસ કરી. પરંતુ લતા બેનની હત્યા કરનાર કોણ, તે અંગે કોઈ નક્કર હકીક્ત ન મળી. ભોગ બનનાર લતાબેનના પતિ મહેન્દ્ર બારડની પોલીસે પૂછપરછ કરી. મહેન્દ્રએ કહ્યું:"સાહેબ, છ-સાત મહિના પહેલા લતાએ મને કહેલ કે હું ભેંસ દોહવા જાઉં ત્યારે સુરો ઊર્ફે સુરસિંહ મેરુ વાળા(ઉ.૨૬) મારી પાછળ પાછળ આવી છેડછાડ કરે છે. સુરાએ મને ધમકી આપેલ કે તારા ઘરનાને વાત કરીશ તો મારી નાખીશ. રવિવાર હતો, છતાં ઘાસચારો મૂક્વા જતી હતી, ત્યારે રોડ ઉપર સુરાએ લત્તાની છેડતી કરેલી. જેથી મેં સુરાને ત્રણ-ચાર લાફા માર્યા હતા. તે પછી દસ-બાર દિવસ થયા હશે. સુરાએ લત્તાની મશ્કરી કરેલ. લતાએ મને ફોન કરીને જાણ કરેલ. હું અમરેલીથી આવ્યો. સુરાને કચેરી રોડ ઉપર મેં મારેલ. તે વખતે સુરાએ લત્તાની હાજરીમાં માફી માંગેલ. રામસિંહ જાદવ અને નટુ છૈયા પણ હાજર હતા. મેં સુરાને બે વખત માર્યો હતો, તે અંગે મેં મારા માતા-પિતાને વાત કરેલ ન હતી. લત્તાની હત્યા સુરાએ કરી હોવાની શંકા છે." ખરેખર આવતા માણસો તથા કોલોનીના માણસો સુરા ઉપર શંકા વ્યક્ત કરતા હતા. સુરો ફરિયાદી રાણાભાઈની સામેની લાઈનમાં રહેતો હતો. સુરો ચારિત્ર્યનો હલકો હતો. છેડતી કરવાની ટેવવાળો હતો. રખડું,નાલાયક અને શરમ વગરનો હતો. તેના ડરને કારણે કોઈ સાચી વાત કહેવા તૈયાર થતા ન હતા. લોકો અનુભવવાણી ઉચ્ચારતાઃ "નાગાની પાંચ શેરી ભારે!" તપાસ અધિકારી પિરોજીયાએ સુરાની પૂછપરછ શરૂ કરીઃ "આવું કૃત્ય કરવાનું શું કારણ હતું?" "સાહેબ, તમે શું કહેવા માંગો છો? લત્તાની હત્યા મેં કરી છે?" "અમને શક છે. તારી-મથરાવટી મેલી છે .મને માહિતી મળેલ છે કે થોડાં સમય પહેલા કડવાસણના ભૂપતભાઈના દિકરાની વહુની તે છેડતી કરી હતી." "સાહેબ, મેં લત્તાની અને ભૂતપભાઈના દિકરાની વહુની છેડતી કરેલ તે વાત સાચી છે. પણ મેં લતાનું ખૂન કર્યું નથી." સુરાએ મોઢું મલકાવતા કહ્યું. સુરાને'મોટા માથા'ની ઓથ હતી. સૂરાને મારઝૂડ કરી શકાય તેમ ન હતી. થાણા અધિકારી સી.એન.મહેતાએ તપાસ અધિકારી પિરોજીયાને તાકીદ કરીઃ"સુરાને મારઝૂડ કરતા નહીં!" પી.એસ.આઈ.પિરોજીયા ગૂંગળામણ અનુભવતા હતા. સુરો માર વિના મોઢું ખોલે તેમ ન હતો. પિરોજીયા હજુ ફિક્સ પગારમાં હતા. ચાર વર્ષની નોકરી થઈ હતી. લત્તાના ખૂન પાછળનો મોટિવ સ્પષ્ટ હતો. સુરાને લત્તા સાથે આડો સંબંધ બાંધવો હતો. લત્તા તાબે થતી ન હતી. સુરો એક જ રેકર્ડ વગાડતો હતોઃ"મેં લત્તાની હત્યા કરી નથી." પિરોજીયાના રાયટર તરીકે પોલીસ કોન્સ્ટેબલ દેવશીભાઈ નાથાભાઈ વરૂ અને અરજણભાઈ સાંગણભાઈ કડછા હતા. બંને નિષ્ઠાવાન અને સૂઝવાળા હતા. બંનેએ પિરોજીયાને કહ્યું:"સાહેબ,શકદાર સૂરાના ઘરની ઝડતી એફ.એસ.એલ.અધિકારીની હાજરીમાં કરીએ. કદાચ કોઈ પુરાવો મળી જાય." પિરોજીયાએ એફ.એસ.એસ.અધિકારી સી.ડી.બાયોદરાને બોલાવ્યા. તેમની હાજરીમાં પોલીસે સુરાના ઘરની ઝડતી કરી. બાયોદરા બાહોશ અધિકારી હતા. દરેક કેસમાં જીવ રેડતા.તેણે સુરાનું નિરીક્ષણ કર્યું. તેના ચંપલ તરફ જોયું. પછી સુરાના ચંપલનું બારીકાઈથી પરિક્ષણ કર્યું. ચંપલમાં અંગૂઠા અને આંગળી વચ્ચે પટ્ટી હોય છે, તે પટ્ટી સહેજ ઉંચી કરીને જોયું તો લોહીની હાજરી મળી. લોહીનો ડાઘ હતો. તપાસ અર્થે સુરાના ચંપલ પોલીસે કબજે કર્યા. સુરાના બંને હાથના કાંડા પાસે ઉઝરડા હતા. તે અંગે પોલીસે સુરાની મેડિકલ તપાસણી કરાવી. સુરાના આંગળાના નખ પણ તપાસ અર્થે ડોક્ટરે લીધાં. ગુનાના બીજે જ દિવસે પોલીસે સુરાને અટક કર્યો. ચાર દિવસ સુધી સુરાને પોલીસ રિમાન્ડ ઉપર મેળવ્યો. સુરો જૂની રેકર્ડ વગાડતો હતોઃ"મેં લત્તાનું ખૂન કરેલ નથી." પોલીસે મુશ્કેલીનો સામનો હવે કરવાનો હતો. રિમાન્ડ દરમિાયન સુરા પાસેથી ગુનામાં વાપરેલી છરી પોલીસ કઢાવી શકી ન હતી. પોલીસ સુરાને તપાસ અર્થે,મેડિકલ તપાસણી અર્થે કે રિમાન્ડ અર્થે પોલીસ સ્ટેશનની બહાર લઈ જાય ત્યારે સુરો હસતો રહેતો. એના ચહેરા ઉપર નફટાઈ છલક્તી હતી. એને કોઈનો ડર ન હતો. 'મોટું માથું' પાછળ છે, એવો તેને ભરોસો હતો. સુરાનું આ પ્રકારનું વર્તન જોઈને પોલીસ સામે આક્ષેપો થવા લાગ્યા. તારીખ ૨૬.૫.૨૦૦૬ના રોજ ફરિયાદી રાણાભાઈ રામભાઈ બારડે તપાસ અધિકારી પિરોજીયાને કહ્યું:"સાહેબ,સ્થાનિક પોલીસ રાજકીય દોરી સંચાર હેઠળ પુરાવવાનો નાશ કરે તેવી દહેશત છે અનેક લોકોએ ઘટના નજરે જોઈ છે, છતાં સુરાના ડરના કારણે કોઈ બોલવા તૈયાર નથી. લત્તાના ખૂનની તપાસ સી.આઈ.ડી. ક્રાઈમને સોંપવા માટે ૧૨.૫.૨૦૦૬ના રોજ મેં જિલ્લા પોલીસ વડા બી.ડી.વાઘેલાને અરજી કરી છે. તેની નકલ મેં સરકારને મોકલી છે." સુરો જેલમાં હતો, પણ તેના ડરના કારણે ફરિયાદી રામભાઈએ પોતાના કુટુંબનું કોલોનીમાંથી દેદાની દેવળી ગામે સ્થળાંતર કર્યું. દરમિયાન દેદાની દેવળી ગામ સમિતિએ કોડિનાર મામલતદારને આવેદનપત્ર આપ્યું. લત્તાના ખૂનની તપાસ સી.આઈ.ડી. ક્રાઈમ દ્વારા થાય તે અંગે રજૂઆત કરી. દરમિયાન આંચકો આપે તેવી ઘટની બની. એફ.એસ.એલ.માં આરોપી સુરાનું લોહી, ગ્રુપ નક્કી કરવા મોકલ્યું હતું, તે રુધિર અનિર્ણિત આવ્યું! તપાસ અધિકારી પિરોજીયાએ પોતાની હાજરીમાં સુરાનું બ્લડ ડોક્ટર પાસે લેવડાવ્યું હતું છતાં આવું કેમ થયું, તે સમજી શકાય તેમ ન હતું. સુરાના ચંપલમાંથી મળેલ લોહી લત્તાનું હતું તે સબળ પુરાવો હતો. આ ગુનાની તપાસ સી.આઈ.ડી.ક્રાઈમ, જૂનાગઢ એકમના ડિટેકટિવ પોલીસ ઈન્સ્પેક્ટર એમ.એ. ખોખરે તારીખ ૨૫.૭.૨૦૦૬ થી સંભાળી. તેમણે આરોપી સુરાનું લોહી જેલમાં જઈ મેળવ્યું, અને એફ.એસ.એલ.ને મોકલી આપ્યું. પોલીસે ચાર્જશીટ કર્યું, પરંતુ વધુ પુરાવા એકત્ર કરવા સી.આર.પી.સી.કલમ ૧૭૩(૮) હેઠળ તપાસ ચાલુ રાખી. ચાર સાહેદો અને આરોપી સુરાનો લાઈ ડિટેકશન ટેસ્ટ કરાવ્યો. બીજા પુરાવાઓ એકત્ર કર્યા. ઉનાના એડિશ્નલ સેશન્સ જજ આર.એમ.વોરાએ તારીખ ૨૭.૬.૨૦૧૪ના રોજ આરોપી સુરાને રૂપિયા ૫૨૦૦૦/- ના દંડ સાથે જન્મટીપની સજા સંભળાવી, ત્યારે સુરાના ચહેરા ઉપર હંમેશા જોવા મળતી નફટાઈ અદૃશ્ય થઈ ગઈ! કોર્ટે ઠરાવ્યું:"રૂપિયા ૫૨૦૦૦/- સગીર દેવયાની વતી તેના પિતા મહેન્દ્રભાઈએ બેંકમાં પાંચ વર્ષ માટે ફિક્સમાં મૂક્વા. આ રકમ તથા વ્યાજની રક્મ દેવયાનીના ભણતર પાછળ ખર્ચવી."

__._,_.___

---

Posted by: imamdavadi@ymail.com

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Visit Your Group

• New Members 65

• Privacy • Unsubscribe • Terms of Use

.

__,_._,___