[amdavadis4ever] પતિ પરમેશ્ર્વર

 

Please use http://translate.google.com/ to translate this article to Language of your choice. પતિ પરમેશ્ર્વર મસ્તરામની મસ્તી - મિલન ત્રિવેદી દરેક સ્ત્રી જો એની પસંદગીની વાત હોય તો બાઘેશ્ર્વર જ પસંદ કરે, કારણ કે કીધામાં રહે અને કહે એટલું જ કરે. બેસ કહે તો બેસી જાય અને ઊઠ કહેતાં ઊભો થઈ જાય એક પુરુષને જીવનમાં શું જોઈએ? એક એવી જીવન સંગીની જે તેના સુખ અને દુ:ખમાં સાથ આપે, એક એવી જીવન સંગીની જે તેના કાર્યમાં સાથ આપે, એક એવી જીવન સંગીની જે તેની સાથે મોજ મઝા અને મસ્તી કરી શકે, પણ શર્ત એટલી હોય કે આ ત્રણેય એક બીજીને મળવી ન જોઈએ. જો કે આ વાત પુરુષો માટેની છે પણ જો સ્ત્રીઓની વાત કરો તો તેમની પરિકલ્પનાઓ બહુ ટૂંકમાં સમાઇ જતી હોય છે અને અંતે માત્ર એક જ અપેક્ષા હોય કે પોતાનું કીધું કરે એટલે શ્રેષ્ઠ પતિ. આમ તો જે રીતે સમાજમાં રહેલા કુરિવાજો અસર કરી રહ્યા છે એ જોતા એવું લાગે છે કે અત્યારે ૧૦૦૦ પુરુષો સામે માત્ર ૯૦૦ સ્ત્રીઓ છે અને આમ જ રહ્યું તો આંકડો ૨૫% એ પહોંચતા વાર નહીં જ લાગે, ત્યારે સરકારે ફરજિયાત 'ટાઇગર બચાવો'ની જેમ સ્ત્રી બચાવો અભિયાન શરૂ કરવા પડશે, કેમ કે ટાઇગર સાથે લગ્ન તો ન થાય ને! આ હિસાબ પ્રમાણે એ તો તમારે સમજી જ લેવાનું છે કે ૧૦૦ વ્યક્તિઓના લીલ પરણાવવાના જ છે. આપણી સંસ્કૃત્તિનો તો વિચાર કરો કે કેટલી સરસ છે અને સ્ત્રીઓને તો પતિ એટલે પરમેશ્ર્વર એવું ગળથૂંથીમાં પીવડાવવામાં આવે છે. પહેલાના જમાનામાં તો પતિનું નામ પણ ન બોલતા, એટલે પતિની વાત કરવી હોય તો અમારા 'ઈ' કહેવામાં આવતું. તમે ક્યારેય વિચાર કર્યો કે આખા કક્કા અને વ્યંજનોમાંથી ઈ જ કેમ પસંદ કરવામાં આવ્યો? જો કોઈ કારણ ન હોત તો ગમે તે અક્ષર પસંદ કરવામાં આવ્યો હોત. દાખલા તરીકે જો ઢ પસંદ થયો હોત તો કેવી વાત થતી હોત? 'મારા ઢ મારું બહુ ધ્યાન રાખે', 'મારા ઢ ને મીઠાઈ બહુ પસંદ'. 'મારા ઢ ને કંઈ ગતાગમ નહીં, હું કહું એમ જ કરે. તમને સાંભળતા જ નથી ગમતું ને? ઈ પસંદ કરવાનું કારણ એટલું જ છે કે ઈ કહેતાં ઈશ્ર્વર. પતિને પરમેશ્ર્વરનો દરજ્જો ત્યારથી જ મળ્યો છે પણ હવે જમાનો બદલાઈ ગયો એટલે નામથી બોલાવવા લાગ્યાં છે. એમ કહેવાવા માંડ્યું છે કે નામથી બોલાવવાથી પ્રેમ વધે છે. તો ચાલો સફર કરીએ પતિ પરમેશ્ર્વરના અલગ અલગ નામોની. પરમેશ્ર્વરના નામ જગ્યા આધારિત હોય છે. જેમ કે નર્મદાના કિનારે મહાદેવનું મંદિર હોય તો નર્મદેશ્ર્વર મહાદેવ કહેવાય, પાતાળમાં બિરાજમાન હોય તો પાતાળેશ્ર્વર મહાદેવ કહેવાય, જળ વચ્ચે પ્રગટ થયા હોય તો ઝરિયા મહાદેવ. આ રીતે જ પતિની ક્વોલીટી પ્રમાણે તેનું નામ કરણ થતું હોય તો? આમ જૂઓ તો દરેક સ્ત્રી જો એની પસંદગીની વાત હોય તો બાઘેશ્ર્વર જ પસંદ કરે કારણ કે કીધાંમાં રહે અને કહે એટલું જ કરે. બેસ કહે તો બેસી જાય અને ઊઠ કહેતાં ઊભો થઈ જાય. જો કે આવા નસીબ બધાના ન હોય માટે અલગ અલગ સ્ત્રીઓને અલગ અલગ નામના પતિ પરમેશ્ર્વર મળે. શાક માર્કેટ પર બહેનપણીઓ ભેગી થઈ જાય અને જો થેલી બહેને પોતે ઉપાડી હોય તો બહેનપણી તરત જ પૂછી લે કે 'કેમ આજે તમારા ભોળેશ્ર્વર સાથે નથી?' આમનો પતિ એટલો ભોળો હોય કે તેનો ઉપયોગ માત્ર અને માત્ર મજૂરી કરાવવા પૂરતો થતો હોય. થોડી વાર વાતો ચાલે તો બીજા બહેનનો પતિ ચાર થેલી સાથે હાજર થાય અને આશ્ર્ચર્ય સાથે પત્ની જણાવે કે તેમની તો બે જ થેલી હતી એટલે ભૂલેશ્ર્વર જવાબ આપે કે 'લ્યો પાછી ભૂલ થઈ. કોઈક બીજા બહેનની બે ઉપાડી લાવ્યો'. આ એ પ્રકારના પતિ હોય જે આમ તો સુખી પ્રકૃત્તિમાં આવે કે પત્ની દ્વારા સવારે અપાયેલ ત્રાસ સાંજે ભૂલી જતા હોય પણ એક ઉપાધી પત્નીને રહે કે ક્યાંક મને ન ભૂલી જાય!!! જો કે નામાધારિત સમસ્યાઓ પણ રહેવાની જ કેમ કે પ્રકૃતિ કાયમી હોતી નથી. જેમ કે પ્રેમાળેશ્ર્વર પતિ રોજ ઘેર પત્નીને ખૂબ જ પ્રેમ કરતો હોય પણ જેવા ૫૦૦ ૧૦૦૦ની નોટના સમાચાર આવે ત્યારથી તેનું નામ પ્રેમાળેશ્ર્વર માંથી બદલીને ઘાંઘેશ્ર્વર રાખવું પડે અને વળી રોજ આ સમસ્યાઓનો સામનો કરી કરીને ગુસ્સેશ્ર્વર પણ બની જતો હોય અને છેલ્લે જો કોઈ ઇલાજ ન કાઢી શક્યો હોય તો ગાંડેશ્ર્વર પણ બની જાય. આજ રીતે કાયમ નિર્મલેશ્ર્વર રહેતો પુરુષ જેમ સ્ત્રી અતિ ત્રાસને લીધે મહાકાલીનું રૂપ લે એમ ડખેશ્ર્વર થાઈ જાય તો નવાઈ નહીં પામવાની. ઘણી સ્ત્રીઓએ આવી સમસ્યાઓનો સામનો કરવો પડે. સ્ત્રીએ જ્યારે લગ્ન સમયે ડાહ્યેશ્ર્વર લાગતો પુરુષ પરણી ગયા પછી ખબર પડે કે આ તો શંકેશ્ર્વર છે. નાની નાની વાતોમાં પણ શંકાઓ કરે છે. પતિની આમ તો એક કાયમી સમસ્યા હોય કે પત્ની પાસે શું જવાબ દેવો એ વાત પર વિચારમય જ રહેતા હોય પણ આવા મુંઝેશ્ર્વર પતિ સાથે પત્ની એડજસ્ટ કરતા શીખી જાય છે. સ્ત્રીઓ માટે સૌથી અણગમતો પતિનો સ્વભાવ રહ્યો હોય તો માવડેશ્ર્વર. દરેક વાતો માંને પૂછીને જ કરતો હોય. મને એ નથી સમજાતું કે આ બાબતે સ્ત્રીઓની ડબલ પ્રકૃત્તિ કેમ હોય છે? જો પોતાનો ભાઈ હોય તો માવડેશ્ર્વર જ હોવો જોઈએ બાકી પતિ આવું કરે તો સૌથી ખરાબ પતિ ગણવામાં આવે જે રીતે સ્ત્રીઓનો રેશિયો ઘટી રહ્યો છે એ રીતે પરમેશ્ર્વર શોધવા માટે પણ સેલ લાગતા હોય અને પુરુષો પણ એવી રીતે સેલમાં ગોઠવાતા હોય કે તેમની લીલ પરણાવવામાં ન આવે. ભવિષ્યમાં સારા પતિઓ બ્રાન્ડેડ શો રૂમમાં જ મળશે. સારી બ્રાન્ડનો ભોળેશ્ર્વર લઈ ગયા હોય અને પ્રકૃત્તિના નિયમ મુજબ પતિ પણ પરિવર્તનશીલ હોય. ભોળેશ્ર્વર માંથી ક્યારે લુચેશ્ર્વર થઈ જાય એ નક્કી નહીં. આવા સમયે બહુ મોટા ઝગડા થાય. પતિને લઈને સેલના કાઉન્ટર પર પટકવામાં આવે કે હું ભોળેશ્ર્વરના રૂપિયા ચૂકવીને લઈ ગઈ છું અને હવે આ પોતાનો આ અસલી કલર બતાવે છે. છેલ્લા ૧૫ દિવસથી લુચેશ્ર્વર થઈ ગયા છે તો પૈસા પાછા આપો, હજુ તો ગેરંટી વોરંટીમાં છે. આવા સંજોગોમાં સારી કંપનીના માલિકો પતિને રીપેર કરી પાછો ઓરિજિનલ મોડ સેટ કરી ઘરે ડીલીવરી કરી આપે પરંતુ ઢગલામાંથી લીધેલો કે ગુજરી બજારમાંથી પસંદ કરેલો બદલાવવો ક્યાં એ પણ પ્રશ્ર્ન થઈ પડે આમ જૂઓ તો લગ્નજીવનમાં સૌથી હાસ્ય નિષ્પન્ન થાય. અમે હાસ્ય કલાકારો સૌથી વધારે પતિ પત્નીના જોક પર નિર્ભર હોઈએ છીએ, પરંતુ એ હકીકત છે કે હાસ્યસભર લગ્નજીવન હાસ્યાસ્પદ નથી હોતું. એકબીજાના પૂરક થઈ જીવવામાં મઝા છે. જીવનભર કોઈનો સાથ રહેતો હોય તો તમારી એકની એક બ્રાન્ડેડ પત્ની જે સર્વગુણ સંપન્ન હોય છે. કોઇ પણ મુશ્કેલીનો હલ તેની પાસે નીકળી શકે એટલે જ્યારે મુંઝાવ ત્યારે હંમેશાં પત્નીને પૂછીને તેની સલાહ વિરુદ્ધનું ડીસીઝન લેશો તો સફળતા નક્કી છે એ વાતની હું એક આદર્શ પતિ તરીકે ખાતરી આપુ છું. તમે નક્કી કરી લો કે તમે ક્યા શ્ર્વર છો પણ મારી જેમ એક્ટિંગ કરતા આવડવું જરૂરી છે. 'જી આપે મને અવાજ કર્યો?' ચાલો મારા બીગ બોસનો સાદ પડ્યો હું થોડી ભોળેશ્ર્વરની એક્ટિંગ કરતો આવું.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 39

• Privacy • Unsubscribe • Terms of Use

.

__,_._,___