[amdavadis4ever] તમારો ચહેરો ત મારા ભીતરનું પ્રતિબિંબ છે - Saurabh Shah

 

Please use http://translate.google.com/ to translate this article to Language of your choice. તમારો ચહેરો તમારા ભીતરનું પ્રતિબિંબ છે  Saurabh Shah   કેટલાક લોકોના ચહેરા સદાય પ્રસન્ન દેખાતા હોય છે. ગમે તેવા શોકના કે દુઃખના પ્રસંગમાં પણ એમના વિષાદમય ચહેરા પર તમને શીતળતા જોવા મળે. જરૂરી નથી કે વ્યક્તિ ખૂબ જ હેન્ડસમ કે બ્યુટીફુલ હોય. એ પ્લેન લૂકિંગ હોય છતાં આ પ્રસન્નતા એના વદનને સોહામણું બનાવે, તમને જોતાંવેંત એનું આકર્ષણ થાય, એમનો સાદો સીધો ચહેરો તમને મોહક લાગે અને એમના સાનિધ્યમાં રહેવાનું તમને મન થયા કરે.   કેટલાક લોકોના ચહેરા હંમેશાં કંટાળેલા દેખાતા હોય છે. ગમે એવા ખુશીના કે આનંદના અવસરે પણ તેઓના ચહેરા પરનું આ ચીડિયાપણું દૂર થતું નથી. તેઓ હસતા-હસાવતા હોય તો પણ ગુસ્સો છંટાતો હોય એવું લાગે. એમનો ચહેરો અત્યંત રૂપાળો હોય તોય તમે એને એક સેકન્ડ વધુ તાકો તો તમને કંઈક એવું તત્વ એમનામાં લાગે જે તમને એમની નજીક જતાં રોકે. એમની કંપનીમાં તમે અન્કમફર્ટેબલ મહેસૂસ કરો.   ચહેરા પરથી વ્યક્તિનો સ્વભાવ પારખવાની કળા મને આવડતી નથી કે સામુદ્રિક-શાસ્ત્રમાં પણ મને કોઈ ગતાગમ પડતી નથી. પણ એટલું જરૂર નોંધ્યું છે, અત્યાર સુધી પરિચયમાં આવેલા કે જોયેલા હજારો ચહેરાઓ પરથી, કે ચહેરા બે પ્રકારના હોય છે. પ્રસન્ન અને અપ્રસન્ન.   પરિસ્થિતિ આનંદની હોય, ચિંતાની હોય, ગંભીર હોય, કટોકટીની હોય કે પછી ઘેરા શોકની હોય- પ્રસન્ન ચહેરાઓ પર આ તમામ સંજોગોની લકીરો સ્પષ્ટ દેખાતી હોવા છતાં એમની ભીતરી પ્રસન્નતા બહાર પ્રગટ થયા વિના રહેતી નથી.   કયાંથી આવતી હશે આ પ્રસન્નતા? ફ્રેન્કલી, કહું તો મને ખબર નથી. છાતી ઠોકીને કહી શકાતું હોત તો પ્રસન્ન થવાની ફોર્મ્યુલા વેચીને લોકો કરોડો રૂપિયા કમાઈ ગયા હોત. પણ મારા હિસાબે આ પ્રસન્નતામાં અનેક કારણોમાંનું સર્વોચ્ચ કારણ હોવું જોઈએ-ડિસ્કનેક્ટ. બહાર જે કંઈ બને તે તમારા ભીતર સાથે કનેક્ટ ન થઈ જાય એની તકેદારી. બહારના જગતની આંધીઓ, બહારના જગતના તોફાનો અને વાવાઝોડાઓ તમારી ભીતરમાં પ્રવેશી ન શકે એવી કોઈક ડિવાઈસ એમનામાં કુદરતે બેસાડેલી હોય છે. જેમ પાવર ફ્લક્ચુએશનની અસર તમારા ફ્રિઝ-ટીવી-કોમ્પ્યૂટર પર ન પડે અને એવું કંઈક થાય તો તરત જ પોતાની મેળે પાવરનું કન્ઝમ્પશન એડજસ્ટ કરી લે કે પછી વધારે લોડ આપે તો સ્વિચ ઓફ કરીને ડિસ્કનેક્ટ થઈ જાય એવું ડિવાઈસ તમારા ઘરમાં હોય છે એમ આવા પ્રસન્ન લોકોના વ્યક્તિત્વમાં પણ કંઈક આવું જ વોલ્ટેજ સ્ટેબિલાઈઝર હોવાનું. પણ ડિસ્કનેક્ટ થવા માટેની એક શરત હોવાની. અંદરનું જે સત્ત્વ છે તેની ગુણવત્તા, તેની કક્ષા એટલી ઊંચી હોવી જોઈએ કે એને બહારના આક્રમણોમાંથી બચાવી લેવાની મહેનત લેખે લાગે. કોઈ ચોર તમારો કાંકરાનો થેલો ઝૂંટવી લેવા માટે આવે તો આપણે કેટલો પ્રતિકાર કરીએ? અને હીરાની પોટલી લેવા આવે તો કેવો સામનો કરીએ?   જેમનું ભીતર ઝગમગતું હોય એમના ચહેરા પર પ્રસન્નતાનો પ્રકાશ સદાય દેખાવાનો. ભીતરને ઝગમગતું કરવાની અને કર્યા પછી ઝગમગતું રાખવાની કોઈ ફોર્મ્યુલા ખરી?   એક નહીં બેચાર છે.   એક તો જાત સાથેની સચ્ચાઈ. બીજી કોઈપણ વ્યક્તિ સમક્ષ તમે અર્ધસત્ય, અસત્ય કે પછી અર્ધજૂઠ્ઠાણું કે જૂઠ્ઠાણું બોલો પણ જાતની આગળ નહીં. જાત વિશે ન કોઈ તિરસ્કાર હોય, ન કોઈ અહોભાવ. જાત માટે કોઈ ભ્રમણા ન હોય. તમારી હેસિયતની, ઔકાતની તમને ખબર હોય. તમારી કેપેસેટિ વિશે તમે સ્પષ્ટ હો. તમે શું કરી શકો છો, શું નથી કરી શકવાના અને શું કરતાં કરતાં નિષ્ફળતા પણ મળશે. તોય વાંધો નથી આ ત્રણેય સ્પષ્ટતાઓ હોય.   આટલું થયા પછી અંદરના ખળભળાટોને તમે સમજી શકો છો, શાંત કરી શકો છો, સ્વસ્થ રહી શકો છો. કોઈપણ બાંધકામ કરતાં પહેલાં જમીન સમથળ કરવી જરૂરી એમ આવી સ્વસ્થતા કેળવ્યા વિના ઈમારતનો પાયો મજબૂત નહીં બને.   બીજી વાત. કુદરતે તમને જેટલી શક્તિ, ઊર્જા, એનર્જી આપી હોય એ તમામને એકસૂત્રે બાંધી લેવી. એકાગ્રતા રાખ્યા વિના તમારા મનનું બેકગ્રાઉન્ડ મ્યુઝિક બીજાઓને તો શું તમને પોતાને પણ નહીં સંભળાય. આ સંગીતની અસર એવી તીવ્ર હોય છે કે લાઉડ બન્યા વિના જ એ બહારના બધા જ કોલાહલ પર છવાઈ જાય છે. જિંદગીમાં તમારા માટે સૌથી અગત્યનું કામ કયું છે, તમારા માટે સૌથી પ્રિય શું છે, તમારો અલ્ટીમેટ ગોલ શું છે એની સ્પષ્ટતા જેટલી વહેલી થઈ જશે એટલી વહેલી આ બેકગ્રાઉન્ડ મ્યુઝિકની ટયૂન તૈયાર થઈ જશે.   ત્રીજીને છેલ્લી વાત. એ કે આશા રાખવાની, મહત્ત્વકાંક્ષા પણ રાખવાની, પ્લાનિંગ કરવાનું અને તનતોડ મહેનત પણ કરવાની છતાં કોઈ જીદ નહીં રાખવાની. આ કોઈ નવી વાત નથી, સૌ કોઈએ સ્વીકારી લીધી પણ છે છતાં જીદ છોડવાની વાત આવે છે ત્યારે કાં તો હતાશા જન્મે છે, નાસીપાસ થઈ જવાય છે, કા પછી કડવાશ વ્યાપી જાય છે, ભવિષ્ય કાળું ડિબાંગ લાગવા માંડે છે. આ કે આવી કોઈપણ, જીવનમાં ઉતારવા જેવી ટાઈમટેસ્ટેડ વાત માત્ર સાંભળવાથી, જાણવાથી કે સમજી લેવાથી કોઈ પરિણામ નહીં આવે. અનુભવના એરણ પર પીટાઈ ઘડાઈને જ ખ્યાલ આવે કે આ સમજણનું પરિણામ કેટલું આવે છે અને સતત ધાર્યું પરિણામ મળતું રહે છે કે નહીં.   પ્રસન્નતાનો જન્મ આ બધી જ વાતોને અનાયાસે કોઈ લાંબી ખેંચતાણ કર્યા વિના, સહજ રીતે જીવનમાં વણી લીધા પછી, થતો હોય છે.   જેમની પાસે બધું જ છે- ધન, વૈભવ, રૂપ, પ્રસિદ્ધ પણ ભીતરમાં આવો ઝગમગાટ નથી એમનો ચહેરો તમને ક્યારેય પ્રસન્ન નથી લાગતો એનું કારણ હવે સમજાયું?   પ્રસન્નતા જેમના ચહેરાનો સ્થાયી ભાવ છે એવી વ્યક્તિ ગરીબ હોય કે શ્રીમંત, સમાજના સૌથી નીચલા સ્તરની હોય કે સર્વાેચ્ચ સ્તરની, તદ્દન ગુમનામ જીવન જીવતી હોય કે ભરપૂર કીર્તિ-પ્રસિદ્ધિમાં મહાલતી હોય, તમારી નિકટ હોય કે અજાણી આવી વ્યક્તિ જ્યારે મળે ત્યારે એમને મનોમન વંદન કરવાના. આવું કરવાથી એ વ્યક્તિને કશો લાભ થાય કે ન થાય, તમારી પોતાની પ્રસન્નતામાં જરૂર ઉમેરો થવાનો.   પાન બનારસવાલા તડકો છે તો છાંયડાનું મહત્ત્વ છે.   – અજ્ઞાાત

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 39

• Privacy • Unsubscribe • Terms of Use

.

__,_._,___