[amdavadis4ever] પ્રિન્સ આવે છે, પાક્સ્ તિાન પરેશાન છે પાકિસ્ત ાની હરકતનો કૂટનીતિથી જ વાબ By Devendra Patel

 

Please use http://translate.google.com/ to translate this article to Language of your choice. પ્રિન્સ આવે છે, પાક્સ્તિાન પરેશાન છે  By Devendra Patel પાકિસ્તાની હરકતનો કૂટનીતિથી જવાબ    વર્ષો પહેલાં ઘણીવખત એક દેશનો રાજા બીજા દેશની રાજકુમારી સાથે લગ્ન કરતો હતો. એક ગ્રીક કથામાં કહેવાયું છે કે શાસકો બીજા દેશો સાથે સંબંધો વિકસાવી તેને સાથી દેશ તરીકે પોતાના જૂથમાં જોડવા અન્ય દેશની રાજકુમારી સાથે લગ્ન કરતા હતા. તેમાં એમ પણ કહેવાયું છે કે, એ જમાનામાં ગ્રીસમાં લગ્ને પણ રાજનીતિનો એક ભાગ હતો . આજે એવું તો થતું નથી, પરંતુ કોઈ દેશ જ્યારે તેનો રાષ્ટ્રીય ઉત્સવ ઉજવતો હોય ત્યારે કોઈ અન્ય દેશના વડાને તે ઉત્સવના ખાસ અતિથિ તરીકે બોલાવે છે ત્યારે એ વાત પણ આંતરરાષ્ટ્રીય કૂટનીતિમાં એકભાગ હોય છે.   વિશ્વના બદલાતા સમીકરણોમાં મિત્ર દેશો વધારવા તે પણ આંતરરાષ્ટ્રીય ડિપ્લોમસીનો એક ભાગ છે. ભારતના બે મોટામાં મોટા શત્રુઓ છેઃ પાકિસ્તાન અને ચીન. આ બંને દેશો સાથે ભારતને અનેક વાર લોહીયાળ સંઘર્ષ વેઠવો પડયો છે. ચીન સાથે સશસ્ત્ર અથડામણો અટકી છે, પરંતુ પાકિસ્તાન મરવાના વાંકે ભારત સાથે એક યા બીજી રીતે સશસ્ત્ર સંઘર્ષ કરી રહ્યું છે. પાકિસ્તાન એક ઈસ્લામિક રાષ્ટ્ર છે અને કાશ્મીરના મુદે તે વિશ્વના ઈસ્લામિક રાષ્ટ્રોની મદદ લેવા મથી રહ્યું છે. પાકિસ્તાને તેના પ્રતિનિધિમંડળો પણ અન્ય ઈસ્લામિક દેશોમાં મોકલ્યા છે   પરંતુ પાકિસ્તાનની આ હરક્તનો કૂટનીતિથી જવાબ આપવા ભારત સરકાર હવે આગામી તા.૨૬મી જાન્યાઆરીએ એટલે કે પ્રજાસત્તાક દિને અબૂધાબીના યુવરાજ શેખ મોહમ્મદ બિન ઝાયેદ અલ નહયાનને પ્રજાસત્તાક દિવસના સમારોહમાં હાજરી આપવા નિયંત્રણ આપ્યું છે. તેઓ મુખ્ય અતિથિ તરીકે હાજરી આપશે.   એ જાણવું જરૂરી છે કે કેટલાક સમય પહેલાં ભારતના વડાપ્રધાન નરેન્દ્ર મોદી અબૂધાબી અને દુબઈની મુલાકાતે ગયા ત્યારે પાકિસ્તાની અખબાર ડોનને ભારે આશ્વર્ય થયું હતું. 'ડોન'ને એમ લાગ્યું હતું કે, યમન યુદ્ધમાં સક્રિય ભાગીદાર થવાના પાકિસ્તાનના ઈન્કાર બાદ પાકિસ્તાન અને સંયુક્ત આરબ અમીરાત વચ્ચે આવેલી ખટાસ બાદ ભારત સરકાર આ પરિસ્થિતિનો લાભ લેવા માંગે છે. એ જાણવું જરૂરી છે કે ભારત અને સંયુક્ત આરબ અમીરાત વચ્ચે વર્ષે દડાહે ૬૦ અબજ ડોલરનો વેપાર ધંધો છે. વળી ત્યાં ૨૩ લાખ ભારતીયો રહે છે. આ સિવાયના પણ કેટલાક કારણો શેખ મોહમ્મદને ગણતંત્ર દિવસના મુખ્ય અતિથિ બનાવવા માટેના છે. ભારતની વિદેશ નીતિ હવે કરવટ બદલી રહી છે. ભારતમાં પાકિસ્તાનની વસ્તી કરતાં વધુ મુસલમાનો ભારતમાં રહે છે. ભારતના મુસલમાનો વધુ જાગૃત, શિક્ષિત અને રાષ્ટ્રપ્રેમી છે. ભારતમાં પાકિસ્તાન જેવી આતંકવાદી શિબિરો નથી.  ભારતમાં તમામ ધર્મો પ્રત્યે એક બીજાને આદર છે. ભારતે ડો. એ.પી.જે. કલામ જેવી પ્રતિભાને પણ દેશના રાષ્ટ્રપતિપદે બેસાડયા હતા. આજે પણ ભારતના ઉપરાષ્ટ્રપતિપદે એક મુસ્લિમ પ્રતિભા છે. આ પરિપ્રેક્ષ્યમાં ભારત એક કટ્ટરવાદી દેશ નથી. તે વિશ્વના તમામ ઈસ્લામિક દેશો સાથે મધુર સંબંધો રાખવા માંગે છે. તેના જ ભાગરૂપે અબૂધાબીના પ્રિન્સને આમંત્રણ આપવામાં આવ્યું છે.   અલબત્ત, તેમાં ભારતની બદલાતી વિદેશનીતિનો અણસાર પણ છે. પાકિસ્તાનને વિશ્વના અન્ય દેશોથી એકલું અટૂલું કરી દેવા માટે પણ આ કદમ જરૂરી છે. ઈસ્લામિક દેશના નામે તે વિશ્વના અન્ય ઈસ્લામિક દેશોને ના ઉશ્કેરે તે માટે પણ ગલ્ફના દેશો સાથે આ પ્રકારની મૈત્રી જરૂરી છે.   ૨૦૧૫માં સંયુક્ત આરબ અમીરાતની મુલાકાત દરમિયાન વડાપ્રધાન નરેન્દ્ર મોદીએ જાહેર પ્રવચનો દરમિયાન પાકિસ્તાન પર આકરા પ્રહારો કર્યા હતા. એ પછી જ પાકિસ્તાને યમન પર હુમલો કરવા સંયુક્ત આરબ અમીરાતના નેતૃત્વ હેઠળના મોરચામાં સામેલ થવા ઈન્કાર કરી દીધો હતો. આ કારણથી સંયુક્ત આરબ અમીરાત પાકિસ્તાનથી નારાજ પણ થયું હતું. આ પછી અમીરાતના વિદેશ મંત્રીએ પાકિસ્તાનના અસ્પષ્ટ વલણના કારણે ભારે કિંમત ચૂકવવાની તૈયારી રાખવા પણ જણાવ્યું હતું.   અલબત્ત, યમનના યુદ્ધથી અલગ રહેવા પાકિસ્તાનને પોતાનાં પણ કારણો હતાં. પાકિસ્તાનની સેના આરબ દેશો માટે ફાળવવામાં ના આવી તેનું બીજું કારણ એ પણ છે કે તેનું સૈન્ય ભારત, બલૂચિસ્તાન અને પખ્તૂનિસ્તાનમાં વધુ વ્યસ્ત છે.   બીજી બાજુ પાકિસ્તાનની સહુથી મોટી મુશ્કેલી એ છે કે, આરબ રાજ્યો પાસેથી તેને ઘણી મદદ મળતી આવી છે. સંયુક્ત આરબ અમીરાત માનવીય અને આર્થિક બાબતોમાં પાકિસ્તાનને ઘણી આર્થિક મદદ કરે છે. વેપાર ધંધામાં પણ તે મદદ કરે છે. લગભગ ૧૮ લાખ પાકિસ્તાની અમીરાતમાં રહે છે. ઈસ્લામાબાદના પરમાણુ કાર્યક્રમોને પણ આરબ દેશોનું જ સંરક્ષણ પ્રાપ્ત થયેલું છે. તેની સામે આરબ રાજ્યોની એ અપેક્ષા છે કે પાકિસ્તાનની સેનાને જ્યારે પણ બોલાવવામાં આવે ત્યારે તે હાજર થાય. પરંતુ યમનના કેસમાં તેમ ના થયું.   કહેવાય છે કે પાકિસ્તાની સેના પાસે શ્રેષ્ઠ શસ્ત્રો છે પણ સેના શ્રેષ્ઠ નથી. પાકિસ્તાની લશ્કરના વડાઓ પર ભ્રષ્ટાચારના આરોપો છે. હવે જ્યાં સુધી યમનનો પ્રશ્ન છે ત્યાં સુધી અમીરાતને યમન સાથેના યુદ્ધમાં કોઈ ફાવટ આવી નહીં, પણ ગરમીમાં ૮૦ સૈનિકોના મોત બાદ અમીરાતે તેનું સૈન્ય યમનમાંથી હટાવી લીધું.   વળી યમન સાથેના યુદ્ધ દરમિયાન યમનના વિદ્રોહીઓએ અમીરાતનું એક યુદ્ધ જહાજ ડૂબાડી દીધું: અમીરાત એમ માને છે કે યમન સાથેના યુદ્ધિમાં પાકિસ્તાને જો તેને સાથ આપ્યાં હોત તો તે આ અપમાનથી બચી જાત.   હવે પાકિસ્તાન સંયુક્ત આરબ અમીરાત સાથે સંબંધો સુધારવા કોશિશ કરી રહ્યું છે, પરંતુ કોઈ ખાસ પરિણામ આવ્યું નથી. ભારતે પાકિસ્તાન અને સંયુક્ત આરબ અમીરાત વચ્ચે ઊભી થયેલી આ ખટાસનો બરાબર રાજનૈતિક લાભ લઈ પાકિસ્તાનને એકલું પાડવાની દિશામાં બુદ્ધિપૂર્વકનું પગલું લીધું છે. એમાં કશું ખોટું પણ નથી. વડાપ્રધાન નરેન્દ્ર મોદીની સંયુક્ત આરબ અમીરાતની મુલાકાત દરમિયાન 'રણનીતિક ભાગીદારી'ની ઘોષણા બાદ પાકિસ્તાન વિચલીત છે. ભારત અને સંયુક્ત આરબ અમીરાત વચ્ચે જે સમજૂતી થઈ છે. તેમાં આતંકવાદનો ખાત્મો કરવો, જ્યાં પણ આતંકવાદી અડ્ડાઓ છે તેને નષ્ટ કરવા અને આતંકવાદીઓને સજા કરવાનો ઉલ્લેખ અને બંને દેશો વચ્ચે સહમતી દર્શાવવામાં આવી છે.   આ કારણથી પાકિસ્તાન બેચેન છે.   હવે પ્રજાસત્તાક દિને અબૂધાબીના પ્રિન્સ શેખ મોહમ્મદનું આવવાનું નક્કી જ છે તેથી પાકિસ્તાનના પેટમાં તેલ રેડાયું છે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 38

• Privacy • Unsubscribe • Terms of Use

.

__,_._,___