[amdavadis4ever] તડકભડક - Gujarati (Posted by B D Jesrani)

 

Please use http://translate.google.com/ to translate this article to Language of your choice. આપ મૂઆ પીછે ડૂબ ગઈ દુનિયા તડકભડક : સૌરભ શાહ ગુરુત્વાકર્ષણના નિયમો જેણે શોધ્યા એ વૈજ્ઞાાનિક સર આયઝેક ન્યૂટન મૃત્યુ પામ્યા ત્યારે એમનો મૃતદેહ વેસ્ટમિન્સ્ટર એબીના જેરુસ્લેમ ચેકબરમાં અંતિમદર્શન માટે રાખવામાં આવ્યો હતો. ન્યૂટનની અંતિમયાત્રામાં લોર્ડ હાય ચાન્સેલર, બે ડયુક્સ અને ત્રણ અર્લ્સ સહિત સમાજના સૌથી પ્રતિષ્ઠિત ગણાતા લોકો સામે હતા. ઈ ઈઝ ઈક્લલ ટુ એમસીસ્કેવર સૂત્ર દ્વારા વૈજ્ઞાાનિક જગતમાં છવાઈ ગયેલા આલ્બર્ટ આઈન્સ્ટાઈન જે દિવસે ગુજરી ગયા એ જ બપોરે, બાકીના જગતને આ સમાચાર પહોંચે તે પહેલાં જ, એમના મૃતદેહને ટ્રેન્ટનના સ્મશાનમાં અગ્નિદાહ આપી દેવાયો. તે વખતે ગણીને બાર જ લોકો હાજર હતા. આઈન્સ્ટાઈનનાં અસ્થિને નજીકની ડેલાવેર નદીમાં વહાવી દેવામાં આવ્યા. આઈન્સ્ટાઈનની આ જ ઈચ્છા હતી. મારા મર્યા પછી મૃતદેહને તાબડતોબ અગ્નિદાહ આપીને અસ્થિવિસર્જન કરી નાખશો એવી ઈચ્છા આઈન્સ્ટાઈને જીવતેજીવત વ્યક્ત કરી હતી. માત્ર ઈચ્છા જ નહોતી આ, પ્રિયજનોને સૂચના પણ હતી. કારણ? આઈન્સ્ટાઈન નહોતા ઈચ્છતા કે, પોતાના અંતિમસંસ્કાર જ્યાં થાય ત્યાં લોકો સ્મારક બનાવે અને વ્યક્તિપૂજામાં સરી પડે. ગાલિબનો એક શેર છેઃ હુએ મરકે હમ જો રુસ્વા, હુએ કર્યો ન ગર્ક-એ-દર્યા ન કભી જનાઝા ઉઠતા, ન કહીં મઝાર હોતા ગાલિબ કટાક્ષમાં કહે છે કે, મૃત્યુ પછી જુઓ હું કેવો 'બદનામ' થઈ ગયો! એના કરતાં ઊંડાં પાણીમાં જો હું ડૂબી ગયો હોત તો ( અને મારો મૃતદેહ કોઈને હાથ ન લાગ્યો હોત તો) ન મારો જનાજો નીકળ્યો હોત, ન મારી કબર બની હોત. ગાલિબ અને આઈન્સ્ટાઈન બંનેના જમાના વચ્ચે પૂરી એક સદીનો ફાસલો, બંનેનાં કાર્યક્ષેત્રો તદ્ન ભિન્ન. આમ છતાં જીવવાની, મરવાની-બેઉની ફિલોસોફી સસ્તી. આશ્ચર્ય થાય એવી વાત છે ને. સામાન્ય માણસોને જીવતેજીવ પોતાની પ્રતિષ્ઠાની જેટલી પડી હોય છે એટલી જ કે, એના કરતાં વધારે પોતાના મૃત્યુ પછીની પોતાની પ્રતિષ્ઠાની પડી હોય છે. પોતાના મર્યા પછી લોકો પોતાના વિશે સારું- સારું બોલે, પોતાના આજીવન કાર્યને બિરદાવે, પોતે કેવા કર્મયોગી હતા, સારા સ્વભાવના હતા, ઉદારદિલ હતા,કુટુંબ અને સમાજ માટે કેટલા ઉપયોગી હતા, નિઃસ્વાર્થ હતા, પરોપજીવી હતા એવું લોકો પોતાના વિશે બોલે, લખે એવી ચિંતામાં જીવતા અનેક માણસોને મેં જોયા છે, તમે વધારે જોયા હશે. હકીકત એ છે કે, શું ફરક પડે છે તમને લોકો તમારા વિશે તમારા મર્યા પછી જે કંઈ બોલે એમાંથી, તમે તો આ દુનિયામાંથી વિદાય લઈ ચૂક્યા છો. તમારી પાંચેન્દ્રિયો પંચમહાભૂતમાં ભળી ગઈ છે. કોઈ તમારા વિશે સારું બોલશે તો તમારા દિલને ગુદગુદી થવાની નથી. કોઈ તમારી નિંદા કરશે તો તમને કાંટા વાગવાના નથી તો પછી જીવતેજીવ આવી હાયવોયમાં શું કામ લોહીઉકાળો કરવાનો? જેમને ખબર છે કે, જીવતેજીવ પોતે કેટલું મોટું કામ કર્યું છે એમને મર્યા પછી અમર બની જવાના કોઈ ધખારા નથી હોતા. સરદાર વલ્લભભાઈ પટેલની ગાંધી,નહેરુ,ઈંદિરા,રાજીવ જેવી કોઈ સમાધિ નથી એવો અફસોસ આપણે કરીએ છીએ. જરૂર નથી. સમાધિ તો જગજીવનરામ અને ચરણસિંહની પણ છે. કોણ યાદ કરે છે એમને? સરદાર પટેલ તો વારંવાર યાદ આવતાં રહે છે - સૌ કોઈને આઝાદી પહેલાં અને આઝાદી પછીનું એમનું કોન્ટ્રિબ્યુશન કોઈ ભૂલ્યું નથી. સમાધિઓ અને સ્મારકો બનવાથી માણસ અમર બની જતો નથી. જીવનમાં એણે શું, કેવાં અને કેટલાં કામ કર્યા છે એના મૃત્યુ પછી જીવનનું મહત્ત્વ નક્કી થતું હોય છે. માયાવતીએ પોતાના મુખ્યપ્રધાનપદના સમય દરમ્યાન ઉત્તરપ્રદેશમાં કાંશીરામનાં અનેક પૂતળાં ઊભાં કર્યા. કાશીરામ અમર બની ગયા? સરદાર પટેલે પોતે જ જીવતેજીવત કહી દીધું હતું કે, જે સ્થળે મારું મૃત્યુ થાય એની નજીકના સ્મશાનમાં મને લઈ જવો. એ જાણતા હતા કે, એમના કામને ચિર સ્થાયીરૂપે યાદ રાખવા કોઈ સમાધિની જરૂર નથી. મૃત્યુ પછી જ નહીં, જીવતેજીવ લોકો તમારા વિશે સારું સારું બોલે એની ચિંતામાં તમે કેટલા ખર્ચાઈ જતા હો છો, ખબર છે તમને? જ્યાં તમારે 'ના' પાડવાની હોય ત્યાં 'હા' પાડતા રહો છો. જ્યાં તમારે તમારો સમય-પૈસો અને શક્તિ તમારા પોતાનાં માટે વાપરવાનાં હોય એને બદલે તમે પ્રતિષ્ઠાની બાથમાં લોકો પાછળ ખર્ચી નાખો છો અને એ પછી પણ લોકો તમારી પીઠ પાછળ શું બોલતા રહે છે એની તો તમને ખબર જ છે. જેમને કામ કરવું છે, સારું કામ કરવું છે, પોતાની રીતે કામ કરવું છે અને પોતાની રીતે જીવવું છે તેઓ ક્યારેય બીજાઓ આગળ 'સારા દેખાવાની' કોશિશ કરતા નથી. એમને ક્યારેય ચિંતા હોતી નથી કે, મારા મર્યા પછી લોકો મને યાદ રાખશે કે નહીં. પ્રસિદ્ધિ, ખ્યાતિ,ર્કીિત જે નામ આપો તે - આ બધું ફેક છે. પ્રસિદ્ધિ અને ર્કીિત વચ્ચે તફાવત છે એવું કેટલાકનું કહેવું છે પણ એ તફાવત પણ ફેક છે, મનને મનાવવા માટેનો છે. થોડીક ઓળખાણો, થોડુંક નેટર્વિંકગ અને થોડાક લોકો માટે ન કરવા જેવાં કામો કરીને આ દુનિયામાં કોઈ પણ માણસ ફેમસ થઈ શકે છે. છાપામાં રોજ ડઝનબંધ માણસોને આવી ફેમ મળતી રહે છે, એમના ફોટા-એમનાં નામ છપાતાં રહે છે. એવી કૃતક ખ્યાતિમાં મહાલતા રહેનારાઓની ઘણી મોટી ફોજ છે આપણા સમાજમાં, દરેક સમાજમાં, નવટાંક દારૂ પીને પા શેરની ધમાલ કરનારાઓનો તોટો નથી આ દુનિયામાં. જેમની પાસે જીવવા માટેનું ચોક્કસ લક્ષ્ય છે એમને જીવતેજીવ કોઈ પબ્લિસિટી મળે છે કે નહીં, કોઈ પોતાના કામને રેકગ્નાઈઝ કહે કે નહીં, કોઈ પોતાનાં વખાણ કરે છે કે નહીં, કોઈ બિરદાવે કે નહીં એની કશી પડી હોતી નથી. તેઓ ચૂપચાપ પોતાનું કામ કરતા રહે છે. તેઓ 'સંબંધો સાચવવામાં' સમય વેડફવાને બદલે પોતાના કામમાં ગળાડૂબ રહેતા હોય છે. એમને ખબર છે કે, દરેક વ્યક્તિ પાસે રોજના ચોવીસ જ કલાક છે અને દરેક વ્યક્તિ પાસે નિશ્ચિત આયુષ્ય છે. શાયર મરીઝે કહ્યું હતું એમ- એક તો ઓછી મદિરા છે અને ઉપરથી ગળતો જાય છે. જિંદગીમાં દરેકની આ જ દશા છે. કેટલું બધું કામ કરવાનું છે અને એ કરવા માટે કેટલો ઓછો સમય બાકી રહ્યો છે. કેટલાં વર્ષ બાકી છે તમારી જિંદગીનાં? તમે કોલેજમાં ભણતા હશો તો હજુ એંશી વર્ષની જિંદગી છે, બીજાઓ માટે સિત્તેર,પચાસ,ત્રીસ કે વીસ વર્ષ બાકી હશે. આનંદે બાબુ મોશાયને ભલે કહ્યું કે, જિંદગી લાંબી નહીં, બડી હોની ચાહિયે. હું માનું છું કે બડી તો હોવી જ જોઈએ,લંબી પણ હોવી જોઈએ. પણ લંબી હોઈ હોઈને કેટલાં વર્ષની હોય? ખુશવંત સિંહ જેવા નસીબદાર આયુષ્યનાં નવ્વાણું વર્ષ પૂરાં કરીને આ દુનિયા છોડી જાય અને છેલ્લા દિવસોમાં પણ કામ કરતા રહે. પણ લાંબુ જીવવું આપણા હાથમાં નથી, બડું જીવવું આપણા હાથમાં છે. તમામ તરીકાઓથી આરોગ્યમય જીવન જીવનારાઓને ભરયુવાનીમાં ટપકી જતા તમે જોયા છે અને રોજ બે પેગ પીનારાઓને ૯૯ વર્ષ સુધી કામ કરતા મેં જોયા છે. ગાલિબ અને આઈન્સ્ટાઈન એક્સેપ્શનલ હતા મહાપુરુષો હતા. આપણે બધા જ આપણી પોતપોતાની રીતે એટલાજ એક્સેપ્શનલ છીએ, મહાપુરુષ પુરવાર થઈશું કે નહીં એ તો આપણા મર્યા પછી દુનિયા નક્કી કરશે.   પણ દુનિયાને નક્કી કરવા માટે કંઈક તો જોઈશે એ કંઈક જે છે તે આપણું કામ છે. જીવનમાં જે ધ્યેય રાખ્યો છે, જે લક્ષ્ય સુધી પહોંચવાનું નક્કી કર્યું છે તેમાં દિવસરાત મરતા રહીએ, ચોટલી બાંધીને કામ કરતા રહીએ તો મર્યા પછી આપણાં અસ્થિ નદીમાં વહી જાય, કોઈ આપણી કબર બાંધી નહીં, સમાધિ-સ્મારક ઊભાં કરે નહીં, તો પણ આપણું કામ યાદ રહેવાનું છે અને એ કામ યાદ રહેશે તો લોકો આપણને પણ યાદ રાખશે - ગાલિબની જેમ, આઈન્સ્ટાઈનની જેમ.

__._,_.___

---

Posted by: imamdavadi@ymail.com

---

Reply via web post

•

Reply to sender

•

Reply to group

•

Start a New Topic

•

Messages in this topic (3)

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Visit Your Group

• New Members 79
• New Links 2

• Privacy • Unsubscribe • Terms of Use

.

__,_._,___