[amdavadis4ever] કર્મનિષ્ઠ ડોકટર ડો . કમલેશ દ ેવમુરારી.

 

Please use http://translate.google.com/ to translate this article to Language of your choice. કર્મનિષ્ઠ ડોકટર ડો. કમલેશ દેવમુરારી.   અમદાવાદની પ્રખ્યાત સેલબી હોસ્પીટલમાં પીડીયાટ્રીક ઓર્થોપેડીક સર્જન તરીકે ફરજ બજાવતા એક ડોકટર એક નાના બાળક પર સર્જરી કરવાની તૈયારી કરી રહ્યા હતા. આ ડોકટરની સમગ્ર ગુજરાતમાં ખુબ સારી નામના છે અને અનેક ખોડખાપણ વાળા બાળકોની ખોડખાપણને એણે સફળતાપૂર્વક દુર કરી છે. જે બાળક પર સર્જરી કરવાની હતી એ બાળકને ઓપરેશન થીયેટરમાં એનેસ્થેસીયા પણ આપી દેવામાં આવેલ.   સર્જરીની શરુઆત થાય એ પહેલા જ ડોકટરને આંખમાં ખટકા આવવા લાગ્યા. અને થોડું ઝાંખુ દેખાવા લાગ્યુ. એમણે સહાયક ડોકટરને કહ્યુ કે મને થોડું ઝાંખુ દેખાય છે આ સ્થિતીમાં ઓપરેશન કરવુ યોગ્ય નથી હું જરા નીચે આઇ સર્જનને બતાવીને આવુ પછી આપણે ઓપરેશન કરીએ. ડોકટર તુરંત જ ઓપરેશન થીયેટરમાંથી બહાર નીકળીને એ જ હોસ્પીટલના ભોયતળીયા પર આવેલ આંખના વિભાગમાં એમની આંખ બતાવવા માટે ગયા.   આંખના ડોકટરે એની આંખ જોઇ અને હજુ આગળનું નિદાન કરે એ પહેલા જ પેલા ડોકટરની આંખનું વિઝન જતુ રહ્યુ. સાવ દેખાતું જ બંધ થઇ ગયુ. આંખના સર્જન પણ મુંજાયા કે આવું સાવ અચાનક કેમ થયુ ? એમણે ડોકટરને તાત્કાલીક ઇમરજન્સી વોર્ડમાં દાખલ કર્યા. હોસ્પીટલનું તંત્ર એમના આ લાડકા ડોકટરની સારવાર માટે દોડાદોડી કરવા લાગ્યુ. કેટલાક પ્રકારની જીવનરક્ષક દવાઓના ડોઝ આપવામાં આવ્યા.   સેલબી હોસ્પીટલમાં એમઆરઆઇની તે વખતે સવલત નહોતી એટલે એમઆરઆઇ કરવા માટે પેશન્ટ બની ગયેલા આ ડોકટરને અન્ય હોસ્પીટલમાં ખસેડવાની તૈયારીઓ ચાલવા લાગી. બધા ચિંતામાં હતા ત્યારે પુરી સ્વસ્થતા સાથે આ ડોકટરે કહ્યુ, " તમે કોઇ મારી ચિંતા ન કરો, હું હજુ જીવુ જ છું અને મારા શ્વાસ પણ ચાલે છે માત્ર મને દેખાતુ નથી. તમે મને એમઆરઆઇ માટે અન્ય હોસ્પીટલમાં લઇ જાવ એ પહેલા મારુ એક અગત્યનું કામ કરવાનું છે."   બધાને થયુ કે આવી ગંભીર પરીસ્થિતીમાં વળી ક્યુ અગત્યનું કામ હશે ? કદાચ એમના ધર્મપત્નિને સંદેશો આપવાનો હશે ! ઇમરજન્સી વોર્ડમાં રહેલા અન્ય ડોકટરો કંઇ વિચારે એ પહેલા આ ડોકટરે પોતાના અગત્યના કામની વાત કરતા કહ્યુ , " ઓપરેશન થીયેટરમાં મારુ પેશન્ટ ટેબલ પર છે અને એને એનેસ્થેસીયા પણ અપાઇ ગયો છે. એ પેશન્ટના સગાને બોલાવો મારે એમની સાથે વાત કરવી છે." તાત્કાલિત એમના પેશન્ટના સગાને બોલાવવામાં આવ્યા એટલે આ ડોકટરે એમને કહ્યુ, " મને માફ કરજો કે હું આપના સંતાનનું ઓપરેશન નહી કરી શકું મને અત્યારે કંઇ જ દેખાતુ નથી એટલે હવે જ્યારે બધુ સરખુ થશે ત્યારે હું આપને બીજી તારીખ આપીશ પણ હાલમાં હું કંઇ કરી શકુ તેમ નથી તે બદલ હું આપની ફરીથી માફી માંગું છું."   પેશન્ટના સગા સહીત ત્યાં ઉભેલા તમામ લોકો આ ડોકટરની ભાવનાને વંદન કરી રહ્યા. પછી તો ડોકટરની યોગ્ય સારવાર થઇ. આઠ દિવસ સુધી વિઝન જતુ રહ્યુ. અઠવાડીયા પછી બધુ દેખાવાની શરૂઆત થઇ. હોસ્પીટલમાં હાજર થયા પછી જે પેશન્ટની સર્જરી એણે બાકી રાખેલી એ પેશન્ટને બોલાવવામાં આવ્યુ અને સફળતાપૂર્વક એની સર્જરી કરવામાં આવી. આ પેશન્ટની સર્જરીનું પેકેજ અંદાજીત 1,40,000/- નું હતું પણ આ કર્મનિષ્ઠ ડોકટરે આ પેકેજમાંથી એક સર્જન તરીકે પોતાની તમામ પ્રકારની ફી પણ જતી કરી.   આ ડોકટરનું નામ છે ડો. કમલેશ દેવમુરારી. મને ખુબ ગૌરવ છે એના પર કારણકે એ મારા મોવિયા ગામના જ વતની છે અને મારા ખાસ મિત્ર છે. થોડા દિવસ પહેલા જ્યારે એ મારા ઘરે આવ્યા ત્યારે મને આ બાબતની ખબર પડી. મે એમને પુછ્યુ, " આવી ગંભીર પરીસ્થીતીમાં તને આવો વિચાર કેમ આવ્યો ? " એણે હસતા હસતા કહ્યુ , " અમને ડોકટરી ભણાવતી વખતે મેડીકલ એથીક્સ પણ ભણાવવામાં આવે છે અને એથીક્સ માત્ર ભણવાના જ ન હોય એનું પાલન પણ કરવાનું હોય."   મિત્રો, કાર્યપ્રત્યેનું સમર્પણ તમને અન્ય કરતા જુદા પડી દે છે. આપણી કાર્ય નિષ્ઠાની નોંધ જગત લે કે ન લે પણ આપણું હદય તો એની નોંધ લે જ છે અને જ્યારે હદય એની નોંધ લેતું હોય તો હદયમાં બીરાજમાન સર્વશક્તિમાને તો એની નોંધ લેવી જ પડે.     સાભાર : શૈલેશ સગપરીયા

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Visit Your Group

• New Members 95

• Privacy • Unsubscribe • Terms of Use

.

__,_._,___