[amdavadis4ever] પાપની સજા: પરણિત યુવતી અને અપરણીત યુવકનાં પ્રેમનો અંજામ ‘આ ત્મહત્યા’

 

Please use http://translate.google.com/ to translate this article to Language of your choice. પાપની સજા: પરણિત યુવતી અને અપરણીત યુવકનાં પ્રેમનો અંજામ 'આત્મહત્યા'   Manhar Ravaiya         અંજુ પણ અરુણ તરફ ખેંચાણી અને સરી જતા સમય સાથે બંને પ્રેમ પ્રવાહમાં સરી પડ્યાં. બંને તનમનથી એકાકાર થયાં. હજુ તો અંજુ પરણીને રૂપગઢ સાસરે આવી એને મહિનોય થયો ન હતો ત્યાં તેના સસરાએ એમને મોટા પુત્રની જેમ અલગ કરી દીધા. એટલે અંજુ અને એના પતિ દલપતે એમના જૂના મકાનમાં રહેવાનું ચાલુ કર્યું. દલપત ત્રણ ભાઈઓમાં સૌથી નાનો ભાઈ હતો. એમની જમીન બહુ ઓછી હતી. તેથી મોટા બંને ભાઈ ખેતી કરતા હતા પણ દલપત ગાંઠિયા-ભજિયાંની લારી ચલાવતો હતો. અંજુ જેવી નખશિખ સુંદર પત્ની મળતાં દલપત પોતાને નસીબદાર માનતો હતો. જોકે, અંજુને તો છેલછબીલો રાજકુમાર જેવો વર જોતો હતો. પણ ભાગ્યજોગે ભજિયાવાળો દલપત મળ્યો. દલપત અંજુને ખૂબ જ પ્રેમ કરતો. હથેળીમાં રાખતો હતો. એમાં ગામમાં એના ધંધામાં બે-ત્રણ હરીફ જાગ્યા. ભજિયાની બીજી દુકાનો થતાં દલપતનો ગ્રાહકવર્ગ ત્યાં વળી જતાં એની કમાણી ઓછી થઈ ગઇ. પાછો વરસાદ ખેંચાયો એટલે દલપતના બેય ભાઈ મજૂરી કરવા માટે નીકળી ગયા. આમ મંદીમાં ઘર ચલાવવું મુશ્કેલ જણાતાં દલપત અને અંજુ પણ ઘર બંધ કરી રાજકોટ જેવા શહેરમાં આવી ગયા. ત્યાં  એક ડેમના બાંધકામનું મુહૂર્ત થયુ હતું. એમાં દલપત અને અંજુ બંનેને કામ મળી ગયુ. ત્યાં મજૂરોની દેખરેખ-હાજરી વગેરે કામ કરનાર યુવાન મુકાદમ અરુણ રાઠોડ નોકરી કરતો હતો. એને પહેલી જ નજરે અંજુ પ્રભાવિત કરી ગઈ. એણે અંજુના વખાણ કર્યા. ત્યારે અંજુ હસી રહી.આથી અરુણની હિંમત વધી અને અંજુને પ્રેમજાળમાં લેવા તેની સુંદરતાનાં વખાણરૂપી દાણા નાખ્યા. હવે છેલછબીલો રાજકુમારની ચાહનાવાળી અંજુ પણ અરુણ તરફ ખેંચાણી અને સરી જતા સમય સાથે બંને પ્રેમપ્રવાહમાં સરી પડ્યાં. મર્યાદા લોપી બંને તનમનથી એકાકાર થઈ ગયાં. અરુણ કુવારો હતો. તેથી અંજુ એને રાજકુમાર માની બેઠી બંને ચોરીછૂપીથી એશ કરતા હતા. દલપતને તો ખબર ન હતી.  એ વિશ્વાસ ધરાવતો હતો કે અરુણસાહેબ ભલો માણસ હશે વળી અરુણ અંજુ અને દલપતને બીજા મજૂર કરતાં વધુ સાચવતો હતો. આમ, અંજુ અને અરુણની પ્રેમકહાની રંગ પકડવા લાગી હતી. અંજુને તો કુવારો અરુણ મળી જતાં ખુશ હતી એને સપનાંનો રાજકુમાર માનતી હતી. આ દરમિયાન તેમના વતનમાં દલપતના પિતાની તબિયત બગડી અને અંજુને લઈને દલપતને રૂપગઢ આવવું પડ્યું. હવે બંને  પ્રેમી વિખૂટા પડી ગયાં. જોકે, બંને રોજ રાત્રે મોબાઈલ પર વાતો કરતાં હતાં. અંતે અંજુના મિલન માટે તડપતો અરુણ રૂપગઢ આવી પહોંચ્યો. કારણ અંજુએ તેને ફોન કર્યો હતો કે એ ત્રણ દિવસ ઘરે એકલી છે. દલપત બહાર ગામ ગયો છે. પ્રથમ રાત્રે બંનેએ મોજમજા કરી પણ બીજા દિવસે રાત્રે દલપતનો ભાઈ આવી ગયો. અંજુ-અરુણની ચોરી પકડાઈ ગઇ. અરુણને ધમકી આપી કાઢી મૂક્યો. હવે બંને પ્રેમી મૂંઝાયા. વિરહની વેદના અંજુથી સહન ન થઈ. એણે મોકો મળતા અરુણને બોલાવી ભાગી જવાની વાત કરી પણ અરુણ એ માટે તૈયાર ન થયો. પણ જ્યારે અંજુએ બહુ દબાણ કર્યું, ત્યારે અંજુ અરુણ સાથે ભાગી નીકળી. બંનેએ ખૂબ જલસા કર્યાં પણ પછી બંનેને પોલીસનો ડર લાગ્યો. કારણ દલપતે પોલીસમાં ફરિયાદ લખાવી હશે? પોલીસ આપણને પકડી લેશે તો? અંતે અંજુ એ આવી યાતનામાંથી છૂટવા આત્મહત્યા કરવાની વાત કરી. ત્યારે અરુણ મરવા તૈયાર ન હતો. એણે અંજુને બહુ સમજાવી પણ તે એકની બે ન થઈ. એણે કહ્યું, 'અરુણ, તું ઘરે પાછા ફરવાની વાત સિવાય ગમે તે બોલ હું એ કરવા તૈયાર છું, પણ જે દિવસે તારા ભરોસે તારા પ્રેમને ખાતર મેં ઘરબાર, પતિ અને રૂપગઢ છોડ્યું તે દિવસે જ એમના માટે હું મરી ચૂકી છુ. આત્મહત્યા કરવામાં તને ડર હોય તો ચાલ મરવા માટે હું પહેલ કરીશ.' મહાનહેરના પાટિયા પર આવીને બેઠાં. સહેજ અંધારું થતાં અંજુ બોલી, 'ચાલો આપણે બંને એકસાથે નહેરમાં પડી ડૂબી મરીએ.' પણ અરુણ તૈયાર ન થયો, કારણ તેનાં લગ્ન નક્કી થઈ ગયાં હતાં. એ અંજુથી છુટકારો મેળવવા માગતો હતો. એણે કહ્યું, 'અંજુ, તું પહેલા કૂદ. પછી હું તારી પાછળ આવું છું.' અને અંજુએ નહેરના પાટિયાથી છલાંગ મારી. એ સાથે પાટિયાના છેડે બેઠેલો અરુણનું પાટિયુ ઊલળતાં એ પણ નહેરના ધસમસતા પ્રવાહમાં ખાબક્યો. તેને તરતાં આવડતુ ન હતું. બસ ગયો સોળના ભાવે. એને પાપની સજા ત્યાં ને ત્યાં જ મળી ગઈ.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Visit Your Group

• New Members 94

• Privacy • Unsubscribe • Terms of Use

.

__,_._,___