Thursday, 4 August 2016

[amdavadis4ever] વિશ્ર્વનુ ં હેરિટેજ ‘હર્મિ ટેજ’માં...

 



Please use
http://translate.google.com/
to translate this article to Language of your choice.



સામાન્ય લોકો મ્યુઝિયમમાં ત્યાં પ્રદર્શિત કરવામાં આવેલ સુંદર ચીજ-વસ્તુઓ જોવા જાય છે. ઈતિહાસકારો એ ચીજ-વસ્તુઓમાંથી ઈતિહાસને શોધવા, જાણવા અને સમજવા જાય છે. ચિત્રકારો અને પેઈન્ટરો ત્યાં સંગ્રહ કરાયેલાં વિશ્ર્વનાં જાણ્યાં-અજાણ્યાં ચિત્રો અને પેઈન્ટિંગ્સ જોવા અને એમાંથી શીખવા ત્યાં જાય છે. કેટલાય નવોદિત ચિત્રકારો મ્યુઝિયમમાં મૂકવામાં આવેલા ઓલ્ડ માસ્ટર્સનાં ચિત્રો સામે કલાકોના કલાકો બેસીને એમના ચિત્રો દોરવાનો પ્રયત્ન કરે છે. આભૂષણો બનાવનારાઓ ત્યાં મૂકવામાં આવેલા રાજા-મહારાજા અને ઉમરાવોના આભૂષણોની ડિઝાઈન જોવા અને એનું અનુકરણ કરવા માટે ત્યાં જાય છે. ઘણા તો ત્યાં ફક્ત ટાઈમ પાસ કરવા જાય છે. સમય જો સુંદર ચીજ-વસ્તુઓની વચ્ચે પસાર કરી શકાતો હોય તો એથી ઉત્તમ બીજું શું? દરેક વ્યક્તિ જે મ્યુઝિયમ જોવા જાય છે એનો ત્યાં જવા પાછળનો પોતાનો એક ખાસ ઉદ્દેશ હોય છે. સેન્ટ પિટર્સબર્ગના હર્મિટેજ મ્યુઝિયમમાં ત્રણ હજારથી વધુ રશિયન ચિત્રકારો અને પેઈન્ટરોએ દોરેલાં પેઈન્ટિંગ્સ છે. આમાંના અડધાથી ઉપરાંત પોટ્રેટ્સ છે. ઈતિહાસકારોને એમાંથી ઈતિહાસ ખોજવા માટેની રસપ્રદ માહિતી મળી રહે છે. કઈ વ્યક્તિએ કેવાં કપડાં પહેર્યાં છે? કેવાં આભૂષણ એના અંગ ઉપર છે? જો એ કોઈ યોદ્ધા હોય તો એના હાથમાં કેવા પ્રકારની તલવાર છે? કમરે ખંજર લટકાવ્યું છે યા પિસ્તોલ? એની બનાવટ કેવી છે? આ બધા ઉપરથી એમને પોટ્રેટ કયા કાળમાં અને કોણે દોર્યું હશે એનો અંદાજ આવી જાય છે. 

હર્મિટેજમાં મૂકવામાં આવેલા પંદરસોથી વધુ પોટ્રેટ્સ મુખ્યત્વે ઝાર અને મિલિટરીના ગ્રાન્ડ ડ્યુક્સ, ૧૮મી સદીના રશિયાના સાહિત્યના આગળ પડતાં લોકો, તેમ જ અગત્યતા ધરાવતા ધનિકો અને વેપારીઓના છે.

હર્મિટેજ પાસે ૧૮મી અને ૧૯મી સદીના રશિયન માસ્ટર્સના વિશ્ર્વમાં બીજે કશે જોવા ન મળે એવાં પેઈન્ટિંગ્સ છે. એન્ડ્રી મેટવિયાવ, ઈવાન નિકિટીવ, લુઈસ કારાવેક્યુ, ઈવાન વિસ્નાયાકોવ, ઈવાન આર્ગુનોવ, એલેક્સી એન્ટ્રોપોવ, ફેડોર રોકોટોવ, ડિમિટ્રી લેવિસ્કાય, વાલ્ડીમીર બોરોવિકોસ્કાય, આવાં આવાં આપણે જેનાં નામો પણ સાંભળ્યા નહીં હોય એવા મહાન રશિયન માસ્ટર્સોએ દોરેલાં ભવ્ય પેન્ટિંગ્સ હર્મિટેજની દીવાલો શોભાવે છે. યુરોપના આર્ટિસ્ટોએ પણ રશિયામાં વસવાટ કરીને ત્યાં જ, વર્ષો બાદ પણ જે જોતાં આપણે મંત્રમુગ્ધ થઈ જઈએ, એવા પેઈન્ટિંગ્સ દોર્યાં છે. આવાં આર્ટિસ્ટો 'રોસિકા'ના નામથી ઓળખાય છે. કોઈ પણ મ્યુઝિયમમાં પ્રદર્શિત કરવામાં ન આવેલા હોય એટલા ડચ પેઈન્ટિંગ્સ એમની પાસે છે એવું અભિમાન હર્મિટેજ ધરાવે છે. એના નવા વિભાગના પહેલા માળે આવેલા ૬ કક્ષમાં ૧૭મી સદીના ડચ આર્ટના સેંકડો પેઈન્ટિંગ્સ મૂકવામાં આવ્યાં છે એક આખો ખંડ તો એમણે રેમ્બ્રાન્ડનાં પેઈન્ટિંગ્સ માટે ફાળવ્યો છે. 

અહીંના ચાર કક્ષમાં તમને પીટર પોલ રૂબેન્સ અને અન્ય ફ્લેમિશ પેઈન્ટરોના ૧૭મી સદીના પેઈન્ટિંગ્સ જોવા મળશે. ૧૫થી ૧૮મી સદીના ફ્રાન્સના તેમ જ જર્મનીના, ૧૩થી ૧૬મી સદીના 'રેન્નિસાં' સમય દરમિયાનના ઈટાલિયન, સ્પેનિશ તેમ જ ગ્રીસના પેઈન્ટિંગ્સ પણ અહીં જોવા મળે છે. ઈસ્લામ ધર્મની સ્થાપના થઈ એ પૂર્વેના મધ્ય એશિયાના કળાકારીગરીના ઉત્તમ નમૂનાઓ અહીં સંગ્રહવામાં આવ્યા છે. આ મ્યુઝિયમ તમને પ્રાચીન સમયમાં ઈજિપ્તમાં કળાકારીગરીઓ કેવી હતી એ પણ દેખાડે છે. 

ઓલ્ડ માસ્ટર્સ એટલે કે પ્રાચીન સમયના વિખ્યાત પેઈન્ટર્સોનાં પેઈન્ટિંગ્સ માટે વર્ષોથી વિખવાદ ચાલતા જ આવ્યા છે. લિયોનાર્ડો-દ-વિન્સી, રૂબેન્સ, રાફેલ, રેમ્બ્રાન્ડ એમનાં જે પેઈન્ટિંગ્સ છે એ ખરેખર એમણે જ પેઈન્ટ કરેલા છે કે અન્યોએ પોતાના પેઈન્ટિંગ્સ એમના નામે ચઢાવી દીધા છે? પેઈન્ટિંગ અસલ છે કે એની નકલ છે? આવી શંકા વારે વારે જાણીતા પેઈન્ટિર્સોના પેઈન્ટિંગ્સ માટે કરવામાં આવે છે. હર્મિટેજમાં મૂકવામાં આવેલ અસંખ્ય પેઈન્ટિંગ્સ પણ આવાં વિખવાદથી પર નથી પણ ત્યાં જોવા મળતું લિયોનાર્ડો-દ-વિન્સીએનું 'મેડોના વિથ અ ફ્લાવર' નિર્વિવાદપણે જ એ મહાન પેઈન્ટરે દોરેલું છે. સુંદર અને શાંત યુવાન મેરી એના હાથમાંના ફૂલને એના નાના બાળક તરફ ધરે છે. ચિત્રમાં મેરીના મુખ ઉપર બાળક પ્રત્યેનો જે પ્રેમ દર્શાય છે એ અવર્ણનીય છે. એણે જે ચાર પાંખડીવાળું ફૂલ બાળક તરફ ધર્યું છે એ ક્રાઈસ્ટના વધસ્થંભનું સૂચક છે. પડછાયો અને પ્રકાશ આ બેઉનો ઉપયોગ કરીને લિયોનાર્ડોએ આ પેઈન્ટિંગને જીવંત કર્યું છે. 

ભારતની કળાકારીગરી પથ્થર, લાકડા અને કાંસાની હિંદુ, બૌદ્ધ અને જૈન ધર્મની મૂર્તિઓમાં પ્રદર્શિત થાય છે. હર્મિટેજમાં તમને આ ત્રણેય ધર્મને પ્રદર્શિત કરતી અત્યંત ભવ્ય અને કળાત્મક મૂર્તિઓ જોવા મળશે. પશ્ર્ચિમ તેમ જ દક્ષિણ ભારત, મોગલ સમ્રાટોના કાળના તેમ જ રાજપૂત રાજાઓના સમયના અલભ્ય ઈન્ડિયન મિનિએચ્યોર પેઈન્ટિંગ્સના નમૂનાઓ પણ અહીં જોવા મળશે. હર્મિટેજમાં પ્રદર્શિત કરવામાં આવેલ ઐતિહાસિક ચીજોમાં ખૂબ અગત્યનું સ્થાન ભારતીય હથિયારોનું છે. બલિદાન વખતે વપરાતી કુહાડીઓ, રાજા-મહારાજાઓ હાથી ઉપર બેસીને જ્યારે લડાઈ કરતા હતા એ સમયે જે તલવારનો તેઓ ઉપયોગ કરતા હતા એ 'કુંદા' તલવારો, ગેંડાના ચામડામાંથી બનાવવામાં આવેલી ઢાલ, સુંદર નકશી કામ કરેલી બંદૂકો તેમ જ રાજપૂત લડવૈયાઓના વિવિધ આયુધો - આ બધું જ રશિયાના આ મ્યુઝિયમમાં સાચવીને રાખવામાં આવ્યું છે. 

વિશ્ર્વના બધા દેશો ચિંતાગ્રસ્ત મને આજે જે દેશની ચર્ચા-વિચારણા કરી રહ્યા છે, એ યુરોપિયન યુનિયનથી છૂટા પડી ગયેલા, ગ્રેટ બ્રિટનના લંડનમાં આવેલ, 'લુવ્ર' અને 'હર્મિટેજ' જેવાં જ વિશ્ર્વના એક બીજા મોટા 'બ્રિટિશ મ્યુઝિયમ'માં આપણે આવતા અઠવાડિયે ડોકિયું કરશું

__._,_.___
Posted by: Bhupendra Jesrani <jesranibd@yahoo.co.in>
Reply via web post • Reply to sender • Reply to group • Start a New Topic • Messages in this topic (1)
Have you tried the highest rated email app?
With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.
World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

.

__,_._,___
Posted by at

No comments:

Post a Comment

Subscribe to: Post Comments (Atom)