[amdavadis4ever] નાણાંનો રં ગ કાળો કેમ

 

Please use http://translate.google.com/ to translate this article to Language of your choice. નાણાંનો રંગ કાળો કેમ લાઉડમાઉથ : સૌરભ શાહ સ્વર્ગસ્થ યશવંતરાય ચૌહાણ નાણાપ્રધાન હતા ત્યારે એમણે એક વિક્રમ સર્જયો હતો. આવકવેરાનો ઊંચામાં ઊંચો દર પોણા અઠ્ઠાણું ટકા (સરચાર્જ સહિત) રાખ્યો હતો. અત્યારના  ઈન્કમટેકસનાં મૂળિયાં ૧૮૮૬માં અસ્તિત્વમાં આવેલા કાયદામાં છે. પણ આવકવેરો ઉઘરાવવાનું પહેલવહેલી વાર કોને સૂઝતું હશે?   ઈતિહાસકારો 'મનુસ્મૃતિ'નાં સૂત્રો ટાંકીને કહે છેઃ 'રાજા શાસ્ત્રો અનુસાર વેરા ઉઘરાવી શકે છે અને આ વેરા પ્રજાની આવક તથા પ્રજા માટેના ખર્ચ પર આધારીત હોવા જોઈએ.' મનુએ આવું કર્યું હશે ત્યારે એની કલ્પનામાં આ દેશના રાજકારણીઓની જાહેરનીતિ કે ખાનગી અનીતિ વિશે કોઈ ચોક્કસ ખ્યાલ નહીં હોય. આજના રાજાઓ મનુના આ સૂત્રના પૂર્વાર્ધિને ગણતરીમાં લે છે પણ ઉત્તરાર્ધમાં 'પ્રજાના ખર્ચ'ને બદલે 'સરકાર અને સરકારી અમલદારોના ખર્ચ' મૂકી દે છે.   લગભગ બે હજાર વર્ષે પૂર્વે લખાયેલા કૌટિલ્યના અર્થશાસ્ત્રમાં આવકવેરો ઉઘરાવવાની પ્રવૃત્તિઓ વિશે વિગતે વિશ્લેષણ કરવામાં આવ્યું છે. મયુર વંશના રાજાઓના શાસન દરમિયાન આવકવેરાની ઉઘરાણી એકદમ પદ્ધતિસરની હતી. રાજયની કુલ આવકનો મોટો હિસ્સો આવક પરના વેરામાંથી આવતો. નૃત્યકારો, સંગીતકારો અને નૃત્યાંગનાઓ પાસેથી પણ આવકવેરો ઉઘરાવવામાં  આવતો. વેરાનો દર ઉત્તરોત્તર માત્ર વધતો જતો ન હતો પરંતુ પ્રજાની આવક મુજબ એમાં વધઘટ થતી. વધુ પડતો નફો કરનાર વેપારીઓ પાસેથી વધારાનો વેરો ઉઘરાવાનો. જુગારની રમત કાયદેસર ખેલાતી અને એના પર પણ વેરો લેવાતો.   ૧૮૮૬માં ઈન્કમટેક્સ એક્ટ ભારતમાં આવ્યો એ પહેલાં ૧૮૬૭ની સાલમાં જેમ્સ વિલ્સન નામના અંગ્રેજને ભારતની પ્રજા પર આવકવેરો લાદવાની ઈચ્છા થઈ હતી. જેમ્સ વિલ્સન વાઈસરોયની પ્રિવી કાઉન્સિલનો સભ્ય હતો અને નાણાંકીય બાબતોમાં વાઈસરોયને સલાહ આપવાનું કામ કરતો. વિલ્સન જે કાયદો લાવ્યો તેનું આયુષ્ય બહુ લાંબુ નહોતું. આ કાયદો શા માટે જરૂરી છે તે પ્રજાને સમજાવવા એણે 'મનુસ્મૃતિ'માંથી જ અનેક સૂત્રો શકમાં હતાં.     વિલ્સને જમીન અને મકાન જેવી સ્થાવર મિલકતમાંથી થતી આવક પર, ધંધાદારીઓ અને વેપારીઓની આવક પર, વ્યાજ તથા ડિવિડંડ પર, પેન્શન અને પગાર પર આવકવેરો લાદ્યો હતો. એ વખતના વાઈસરોયને ખેડૂત લોબીને ખુશ કરવાની પરવા નહોતી એટલે ખેતીની આવક પર પણ આવકવેરો લેવાતો. એકવીસ ભાગમાં ૨૫૯ કલમો ધરાવતો આ કાયદો ૧૮૬૫ની સાલમાં નાબૂદ થઈ ગયો. પાંચેક વર્ષનું આયુષ્ય ધરાવતા આ કાયદાના અસ્તિત્વ દરમ્યાન અંગ્રેજોએ સૌથી વધુ આવક બેન્ગાલ પ્રેસિડન્સીમાંથી કરી. મુંબઈ પ્રેસિડન્સી બીજા નંબરે અને લગભગ આવતી હતી.   ૧૮૫૭ના સ્વાતંત્ર્ય સંગ્રામ પછી વધી ગયેલા સંરક્ષણ ખર્ચને પહોંચી વળવા અંગ્રેજોએ વિલ્સનના કાયદા હેઠળ. આવકવેરો ઉઘરાવ્યો. ૧૮૬૫માં આ કાયદો પડતો મૂકવામાં આવ્યાનાં બે વર્ષ પછી 'લાયસન્સ એક્ટ'ના ઓઠા હેઠળ ફરીથી આવકવેરો ઉઘરાવવાનું શરૂ થઈ ગયું. આ ટેક્સ પણ ૧૮૭૩માં પડતો મૂકાયો. ત્રણ વર્ષ પછી ભયંકર દુકાળ આવ્યો એટલે એ પછીના વર્ષે, ૧૮૭૭માં, ફરી એકવાર લાયસન્સ ટેકસ ઉઘરાવવાનું શરૂ થઈ ગયું.   ૧૮૬૬ની સાલમાં બર્મા પર ચડાઈ થઈ અને આ આખો પ્રદેશ અંગ્રેજીના કબજામાં આવ્યો. લડાઈને કારણે ફરી પૈસાની જરૂર પડી. એ વખતના વાઈસરોય લોર્ડ ડફરિને ઈન્કમ ટેક્સ એકટનો પ્રસ્તાવ રજૂ કર્યો જે પસાર થયો અને એક્ટ-ટુ ઓફ ૧૮૮૬ બન્યો. આજના ઈન્કમટેકસનો ખરો પૂર્વ જ આ એક્ટુ-ટુ છે. આ કાયદામાં ખેતીની આવકને વેરામાંથી મુક્તિ મળી.   છેલ્લાં સો-સવાસો દરમ્યાન આ કાયદાનું મૂળભૂત માળખું બાંધ્યા વિના વિવિધ કલમોમાં અનેક ફેરફારો થયા. મુખ્ય ફેરફાર ૧૯૨૨ અને ૧૯૬૧માં થયા. ૧૯૨૨માં કરવામાં આવેલા સુધારાઓમાં આવકની સામે કયા કયા ખર્ચ મજરે મળી શકે એ વિશે વિગતવાર છણાવટ કરવામાં આવી ત્યારબાદ સાડા ત્રણ દાયકા પછી ઈન્કમટેક્સ એકટમાં સુધારા વધારા સૂચવાની કામગીરી કાયદાપંચને સોંપવામાં આવી. ૧૯૫૮માં કાયદાપંચે રજૂ કરેલા અહેવાલમાં આવકવેરાની જોગવાઈઓ વિશે આકરી ટીકા કરતાં કહ્યું, 'આ કાયદામાં જેટલી ગૂંચવણો અને અર્તાિકકતા છે એટલી  બીજા કોઈ કાયદામાં નથી. મહત્ત્વની અને અગત્યની ઘણી બાબતો અંગે આ કાયદો તદ્ન અસ્પષ્ટ છે.' કાયદા પંચની આવી અનેક આકરી ટીકાઓ પછી એક્ટમાં સંખ્યાબંધ સુધારા અને ઉમેરા કરવામાં આવ્યા.   ઈન્કમટેક્સ એક્ટમાં નવી નવી કલમો ઉમેરાતી જાય તે જરૂરી છે. કાયદો ઘડયા પછી એ વ્યવહારમાં આવે ત્યારે જ ખબર પડતી હોય છે કે ચતુર નિષ્ણાતોએ એમાંથી કઈ કઈ છટકબારીઓ શોધી કાઢી છે. આ બારીઓ બંધ કરવા અને વેપાર ઉદ્યોગને પ્રોત્સાહન મળે એવી જોગવાઈઓ દાખલ કરવા કાયદામાં સુધારા વધારા અનિવાર્ય બની જતા હોય છે. ગમે એટલા સુધારા-ઉમેરા કરીને પણ સરકાર ધારે તો કાયદાને સરળ રાખી શક્તી હોય છે. દાખલા તરીકે ઈંગ્લેન્ડના ઈન્કમટેક્સ એકટમાં કંપની તરફથી અપાતી કારની સગવડને આવકવેરો ભરતી વખતે કેવી રીતે ગણતરીમાં લેવી એ વિશે ચાળીસ પાનાંની સ્વતંત્ર પુસ્તિકા સરકારે પ્રગટ કરી હતી. જ્યારે ભારતમાં આ જ બાબત અંગે માત્ર છ ફકરામાં સ્પષ્ટતાઓ આપી દેવામાં આવી હતી. ઓછા શબ્દોને કારણે કરદાતાઓમા ગેરસમજ વધતી હોય છે અને સામે પક્ષે આવી કલમોને મિસઈન્ટરપ્રીટ કરનાર વિદ્યાન ટેક્સ નિષ્ણાતો પણ મળી આવે છે. સરવાળે નુકસાન સરકારને જાય છે.   મનુ અને કૌટિલ્યની નીતિને પગલે ચાલનારા ભારતના નાણા-પ્રધાનોએ કૌટિલ્યના અર્થશાસ્ત્રનું આ સૂત્ર ભૂલવું ન જોઈએઃ 'કરવેરા ઉઘરાવ્યા પછી રાજાની પવિત્ર ફરજ છે કે એ પોતાની પ્રજાનું દરેક રીતે રક્ષણ કરે. રાજા એની ફરજ બજાવવામાં નિષ્ફળ જાય તો પ્રજાને હક્ક છે કે તેઓ કરવેરા આપવાનો ઈન્કાર કરે. એટલું જ નહીં; એવું થાય તો અત્યાર સુધી ભરેલા વેરાની રક્ત પાછી માગવાનો પણ પ્રજાને અધિકાર છે.'     મહાકવિ કાલિદાસે 'રઘુવંશમ'માં લખ્યું: 'રાજા દિલીપ પોતાની પ્રજાના ભલા માટે વેરા ઉઘરાવતા. જેમ સૂર્ય પૃથ્વી પરનો ભેજ શોષીને એ જ ભેજ કરતાં અનેકગણો વરસાદ પાછો આપે છે એમ રાજા દિલીપ આ જ વેરાઓ પ્રજાની સગવડરૂપે એમને પાછા આપતા.' આજના ભારતમાં ભેજ શોષનાર ઈન્કમટેક્સ ંડિપાર્ટમેન્ટ છે કે વરસાદ પાડનારું?

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Save time and get your email on the go with the Yahoo Mail app

Get the beautifully designed, lighting fast, and easy-to-use Yahoo Mail today. Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 37

• Privacy • Unsubscribe • Terms of Use

.

__,_._,___