[amdavadis4ever] તો તો પછી ત ારે જીવી નાખ વું જોઈએ... Vinod Bhatt

 

Please use http://translate.google.com/ to translate this article to Language of your choice. તો તો પછી તારે જીવી નાખવું જોઈએ... Vinod Bhatt બિહાર. જેનું જૂનું નામ વિહાર. કહે છે કે એક જમાનામાં વિહારનાં વિશ્વવિદ્યાલયોની જમીન એટલી બધી ફળદ્રુપ હતી કે તેમાંથી વિદ્વાનો પાકતા. આજ-કાલ એ જ બિહારમાં ટોપર્સનો મબલક પાક થાય છે જે દસમા અને બારમા ધોરણમાં લગભગ સો ટકાની નજીકના માર્ક્સ લાવે છે. આવા તેજસ્વી વિદ્યાર્થીઓમાંના એકનો ઇન્ટરવ્યૂ કરવામાં આવ્યો તો તેને કશું ન આવડ્યું. પોતાની સફાઇમાં એ વિદ્યાર્થીએ જણાવ્યું કે એ તો વખતનાં વાજાં વખતે જ વાગે, પરીક્ષા વખતે પૂછેલું પરીક્ષામાં જ આવડે.     ભણવું એ કરતાં મરવું સારું એમ વિચારી, એમાંથી છૂટવા વિદ્યાર્થીઓ આત્મહત્યા જેવો સરળ માર્ગ અપનાવે છે ને શિક્ષણશાસ્ત્રીઓ ચિંતા આ અંગે કાયમ કરે છે. હા, બીજું કશું નથી કરતા તોયે આટલું તો કરે જ છે!    આપઘાતની ધમકી એ કંઈ નવી વાત નથી. રામાયણ અને મહાભારતકાળની સ્ત્રીઓ પણ આવી બીવડાવનારી ધમકી એમના હસબન્ડોને આપતી 'એવું છે? તો ચલ ફરી વખત પરીક્ષા આપ...' એમ કહી પરીક્ષાર્થીઓએ, એટલે કે પરીક્ષા લેનારાઓએ બીજી વાર પરીક્ષા લીધી તો પેલો એક જ નહીં બધા ટોપર્સ ફુલ્લી ફેલ થયા. સૌથી વધારે તેજસ્વી-ટોપર્સ વિદ્યાર્થીએ કહી દીધું કે સાહેબો, તમારા હોદ્દાને માન આપીને મેં બીજી વખત પરીક્ષા તો આપી, પણ ફરીવાર મને નાપાસ કરવાના હેતુથી, મને જેના જવાબ આવડે નહીં એવા ઊટપટાંગ સવાલો પૂછશોને તો હું આત્મહત્યા કરી નાખીશ. તેની આ ધમકી સાંભળી તેને પ્રશ્ન પૂછવા ઇચ્છનારા પોતે જ પ્રશ્નાર્થ બની ગયા, સ્તબ્ધ થઇ ગયા. આમ આ આત્મહત્યા એ ડરામણો શબ્દ છે.   જોકે આવી આપઘાતની ધમકી એ કંઇ નવી વાત નથી. રામાયણ અને મહાભારતકાળની સ્ત્રીઓ પણ આવી બીવડાવનારી ધમકી એમના હસબન્ડોને આપતી. રામાયણના સમયમાં રાજા દશરથને કૈકેયીએ તેમજ મહાભારતકાળમાં દ્રૌપદીએ અર્જુનને લગભગ આવી જ ધમકી આપી હતી, આત્મવિલોપનની. જોકે મનોવિજ્ઞાનીઓ કહે છે કે જે આત્મઘાતની ધમકી આપે છે તે મોટાભાગે આત્મહત્યા કરતા નથી ખાલી ગભરાવે છે, ને જે સાચમસાચ પોતાનું જીવન ટૂંકાવે છે તે એનો ઢંઢેરો પીટતું નથી-ચૂપચાપ મરણનું શરણ લઇ લે છે, હતો ન હતો થઇ જાય છે. જોકે એ વાત એટલી જ સાચી છે કે માણસો કોઇ મોટા કારણસર આત્મહત્યા નથી કરતા, કેટલાક માણસો તો સાવ ક્ષુલ્લક કારણે જ આપઘાત કરી નાખે છે. બાપાએ, મોબાઇલ ફોન માટે જીદ કરતા નવમા ધોરણમાં ભણતા પુત્રને કહ્યું કે 'દીકુ, ચાર દિવસ ખમી ખા, પગાર આવશે કે તરત જ તને મોબાઇલ લાવી દઇશ.' આટલું સાંભળતાં જ દીકરાને એ વાતે માઠું લાગી ગયું કે જે મોબાઇલ મારે આજે જોઇએ એ માટે મારે ચચ્ચાર દિવસ તડપવાનું. ચાર દિવસની મિનિટો કેટલી થાય?   મોબાઇલ વિરહ નહીં પોસાય. અને તે પંખા નીચે લટકી ગયો. સિમેન્ટ ન મળ્યો એટલે, 'મારા ઘરાકોને હું શું મોઢું બતાવીશ?' એવું વિચારીને એક બિલ્ડરે આત્મહત્યા કરી દીધી. જોકે મહદંશે ગ્રાહકો પાસેથી આગોતરા નાણાં એંઠી લીધા પછી આ લોકો ભાગ્યે જ તેમને પોતાનું મુખાર્વિંદ બતાવતા હોય છે. તો અમારા જમાનામાં હિન્દી ફિલ્મના કોમેડિયને એવા ડરથી બિલ્ડિંગના ઉપલા માળથી છલાંગ લગાવીને પોતાનું જીવન પૂરું કરી નાખ્યું હતું કે તેનામાં પ્રેક્ષકોને હસાવવાની શક્તિ પહેલાં જેવી રહી નથી. અને એક સટોડિયાને સટ્ટામાં દસ કરોડ રૂપિયાની ખોટ જતાં રેલવેના પાટા પર ઊભા રહી આવતી ટ્રેને કપાઇ મરવાનું પસંદ કર્યું હતું.   આમ કરીને તેણે પોતાના ઘણા લેણદારોને આર્થિક રીતે અધમૂઆ કરી નાખ્યા હતા. પૂર્વ પ્રધાનમંત્રી રાજીવ ગાંધીની હત્યા થઇ ત્યારે, 'હવે આપણા પર કોણ રાજ કરશે? હવે આપણે જીવીને શું કામ છે? એવી અસલામતીની ભાવનાથી ચાર જણાએ આત્મઘાત કરી નાખ્યો હતો. પેલી સૌંદર્ય સામ્રાજ્ઞી મેરલીન મનરો પાસે લખલૂંટ ધન હતું છતાં એ ધનથી તે ઊંઘ ખરીદી શકતી ન હતી, એટલે ચીરનીંદર પામવા તેણે ઊંઘની ગોળીઓ વધુ માત્રામાં લઇ લીધી ને એવી જ લાજવાબ સૌંદર્યરાણી ક્લિઓપેટ્રાની નજીક પહોંચી ગઇ. એ જ પ્રમાણે એક વિદ્યાર્થીને આ વર્ષે લેવાયેલ પરીક્ષામાં સુપરવાઇઝરે ચોરી કરવા ન દીધી. આથી તે સંવેદનશીલ પરીક્ષાર્થીને એ વાતે આઘાત લાગ્યો કે મારી જ પરીક્ષામાં મને જ ચોરી નહીં કરવા દેવાની? આ તે કેવો ન્યાય? તેણે શરીર છોડી દીધું. કેટલીકવાર બને છે એવું કે માણસ માટે ખરાબ સમયમાં જીવવા કરતાં મરવાની કલ્પના જ વધારે કમકમાટીભરી હોય છે. દા.ત. ફિડલ ફેઇમ રોમનો સમ્રાટ નીરો. શત્રુઓથી ગભરાઇને નીરો રોમ છોડીને ભાગ્યો, ને ત્યાંથી થોડે દૂર એક મકાનમાં સંતાઇ ગયો, તેની સાથેના ચાર વફાદાર નોકરોએ તેને વિનંતી કરી કે રોમ પર કાબૂ મેળવી લેનાર દુશ્મનોના હાથમાં પકડાવા કરતાં આત્મહત્યા કરી નાખવી બહેતર છે. પણ નીરોનો જીવ એ માટે ચાલ્યો નહીં. મરવા માટેની હિંમત તે દાખવી શક્યો નહીં. તે બોલ્યો: 'મારામાં હિંમત આવે, મને આત્મહત્યા કરવાની પ્રેરણા મળે એ માટે મારી આંખ સામે તું આપઘાત કર, પછી હું તને અનુસરીશ.'   ત્યારબાદ તેના એક મિત્ર-કમ-નોકરે તેની આંખ સામે આત્મહત્યા કરી નાખી. પોતે એક શ્રેષ્ઠ અભિનેતા, કવિને ગાયક છે એવું તે એકલો જ જાણતો હતો. પોતાના મૃત્યુના સમયની પ્રાર્થના કરતા એક નોકરની સામે જોઇ નીરો ભારે નિસાસા સાથે બબડ્યો હતો: 'કેટલો મહાન કલાકાર અહીં મરી રહ્યો છે!' ને તે માંડમાંડ આત્મહત્યા કરી શકેલો. એટલે તો ડોરોથી પાર્કરે આ જ વાત જરા હળવાશથી કરી છે કે, 'અસ્ત્રાથી તને વેદના થાય છે? નદીનું પાણી ઠંડું લાગે છે? તેજાબથી (કાળજે) ડાઘા પડવાની બીક લાગે છે? ઝેર પીતાં કમકમાં આવે છે? બંદૂક કાયદેસર નથી? ગળે ફાંસો પસંદ નથી? ગેસની વાસથી ઉબકા આવે છે? તો તો પછી તારે જીવી નાખવું જોઇએ.' કોલિન્સે આ જ કારણે અણગમાથી કહ્યું છે કે આત્મહત્યા એ કનિષ્ઠ પ્રકારનું ખૂન છે, કારણ કે તેમાં પસ્તાવાને તક રહેતી નથી. હજી થોડા સમય પહેલાં આત્મહત્યા ભારતીય ફોજદારી ધારાની કલમ 309 અન્વયે ગુનો બનતો. આખાય આઇ.પી.સી.માં ગુનાની આ એક જ કલમ એવી હતી જેમાં માણસ ગુનાના પ્રયાસમાં નિષ્ફળ જાય તો તેને સજા થતી. પણ આ ગુનો તે સફળતાપૂર્વક કરી નાખે તો તેને કોઇ સજા થતી નહીં. આ ગુનો અધૂરો છોડવામાં જોખમ હતું. કેવી વિચિત્રતા!  આત્મહત્યાના પ્રયાસને ગુનો ઠેરવતો કાયદો હતો છતાં વરસે દહાડે લગભગ 4600 માણસો અા અપરાધ સફળતાપૂર્વક કરતા ને એ કારણે તેમના નામની આગળ સ્વ. લખાતું. અલબત્ત અત્યારે તો ભણતરના ભારને લીધે વિદ્યાર્થીઓ એથી પણ વધુ સંખ્યામાં, આવું ભણવું એ કરતાં મરવું સારું એમ વિચારી, એમાંથી છૂટવા આત્મહત્યા જેવો સરળ માર્ગ અપનાવે છે ને શિક્ષણશાસ્ત્રીઓ ચિંતા આ અંગે કાયમ કરે છે. હા, બીજું કશું નથી કરતા તોયે આટલું તો કરે જ છે, દસમા ધોરણની બોર્ડની પરીક્ષામાં 27 ટકા જેટલાં પણ લાખોની સંખ્યામાં બાળુડાઓ નાપાસ થાય છે એ જોઇ-જાણીને શિક્ષણકારોનો જીવ પણ બાળે છે. આ જમાનામાં તો એટલુંય કોણ કરે છે! બોલો, વાલીઓ કરે છે? મોટાભાગના લોકો માને છે કે જે માણસ લાં...બું વિચારે છે તે મૃત્યુનાં શિંગડામાં માથું ભરાવતા નથી. માણસ ખૂન માટે કરે છે એવું આયોજન આત્મહત્યા માટે કરતો નથી. હાથી, કૂતરાં કે બિલાડાં ક્યારેય આત્મહત્યા કરતાં નથી. સિંહને સિંહાસન પરથી ઉતારી મૂકવામાં આવે તો તે ચૂપચાપ જંગલમાં ચાલ્યો જાય છે. રાજા મટી ગયા પછી જંગલનાં બીજાં પ્રાણીઓ પર હવે રુઆબ કેવી રીતે છાંટી શકીશ? એના આઘાતમાં તે આપઘાત નથી કરતો. પરંતુ એક માણસ જ જીવનમાં આવતી મુશ્કેલીઓથી ડરી જઇને આત્મહત્યા કરે છે. આ રીતે જીવન-રણ છોડી દેવામાં કોઇ બહાદુરી નથી. નરી કાયરતા જ છે. મૂલ્યને અહીં વચ્ચે લાવવાની જરૂર નથી, પરંતુ આ માનવશરીર આર્થિક રીતે જોઇએ તો ઘણું કીમતી છે, તેમાં રહેલ રાસાયણિક તત્ત્વોની કિંમત ઘણી મોટી છે. દા.ત. માણસના શરીરમાં 140 ગ્રામ જેટલું કોલેસ્ટરોલ છે, તેની કિંમત રૂપિયા 5,200 થાય છે. માણસના શરીરમાં 510 ગ્રામ હિમોગ્લોબિન છે, તેની કિંમત 25,000 થાય છે. એ જ રીતે 153 ગ્રામ આલ્બ્યુમિનનની કિંમત 48,000, 10200 યુનિટ જેટલા પ્રોથોમ્બિન નામના રસાયણની કિંમત રૂપિયા 3 લાખ છે. માયોગ્લોબિન નામનું તત્ત્વ 40 ગ્રામ જેટલું છે. તેની કિંમત 10 લાખ થાય છે. મનુષ્યશરીરમાં જે એન્ઝાઇમ, હોર્મોન, મિનરલ્સ અને બીજાં રસાયણો છે તેનો સરવાળો કરીએ તો રૂપિયા 1 કરોડની કિંમતનાં આ તત્ત્વો થાય છે. આ અર્થમાં જોઇએ તો ગરીબમાં ગરીબ માણસ પણ કરોડપતિ છે, કફનની બહાર હોય ત્યાં લગી...   [અર્પણ: આજીવન શિક્ષક અને વિદ્યાર્થીઓના ભાવિ અંગે ચિંતિત એવા મહામહિમ રાજ્યપાલશ્રી ઓ. પી. કોહલી સાહેબને હૃદયપૂર્વક...]

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 33

• Privacy • Unsubscribe • Terms of Use

.

__,_._,___