[amdavadis4ever] દીકરી વહાલનો દર િયો નીતિન ગડકરી

 

Please use http://translate.google.com/ to translate this article to Language of your choice. દીકરી વહાલનો દરિયો - નીતિન ગડકરી સિક્રેટ ડાયરી - નિખિલ મહેતા દીકરી તો પારકી થાપણ કહેવાય. દીકરીના લગ્ન કર્યા પછી માબાપને લાગે કે માથાં પરથી એક મોટો બોજ ઊતર્યો. મારી દીકરી કેતકીના લગ્ન પછી મને લાગે છે કે ફક્ત મારી જ નહીં, દેશભરની દીકરીઓના લગ્નનો બોજ મારાં માથાં પરથી ઊતરી ગયો છે. નોટબંધી પછી લોકો કેવી મુશ્કેલી અનુભવી રહ્યા છે એનો મને અંદાજ છે અને લગ્ન માટે ફક્ત અઢી લાખ રૂપિયા ઉપાડવા મળે છે એની પણ મને ખબર છે. લગ્ન માટે અઢી લાખ રૂપિયા ઓછા પડે છે એ હું સમજું છું અને આને લીધે સેંકડો દીકરીઓના માબાપ ભારે ટેન્શન અનુભવી રહ્યા છે એ વાત મારાથી છૂપી નથી. આથી જ મારી દીકરીના લગ્નનો પ્રસંગ આવ્યો ત્યારે મને એમના માટે કંઇક કરવાનું સૂઝ્યું. પહેલા તો મારે મારી દીકરીના લગ્ન સાવ સાદગીથી કરવા હતા, પરંતુ એમાં કેટલીક ટેક્નિકલ મુશ્કેલીઓ ઊભી થઇ. સૌથી પહેલા તો મારી પત્નીએ વાંધો ઉઠાવ્યો. મેં જ્યારે પત્નીને કહ્યું કે કેતકીના લગ્ન સાદગીથી કરીએ તો પત્ની નારાજ થઇ ગઇ. મને કહે કે તમારા પેટ પર નજર કરો. હવે પેટ અને દીકરીના લગ્ન વચ્ચે શો સંબંધ છે એ મને સમજાયું નહીં એટલે મેં એ વિશે પ્રશ્ન કર્યો. પત્નીએ ટોણો મારતાં કહ્યું કે બીજા લોકોના લગ્નોમાં બેફામ જમીને તમે તમારું પેટ કેવું વધારી દીધું છે. હવે તમારી દીકરીના લગ્નનો પ્રસંગ આવ્યો છે તો એ બધાને જમાડવાની તમારી ફરજ નહીં? પત્નીનો ટોણો ખોટો હતો, પરંતુ એની વાત સાચી હતી. મારે મારી દીકરીના લગ્નમાં ગામને જમાડવું તો જોઇએ. જમણવારનું નક્કી થયા પછી રિસેપ્શન, જાનની આગતા સ્વાગતા તથા બીજી વાતો થઇ અને ધીમે ધીમે ભવ્ય લગ્નનું આયોજન થઇ ગયું. જોકે, આ દરમિયાન મારા મનમાં હંમેશાં સાદગીની ભાવના જ રહી, જ્યારે પણ પરિવારનું કોઇ સભ્ય એવું સૂચન કરતું કે આપણે વીસ પ્રકારના આઇસક્રીમ રાખવા તો છે હું તરત જ એમાં મોટો કાપ લાવી દેતો અને કહીને દેતો કે નહીં, ફક્ત દશ જ પ્રકારના આઇસક્રીમ રાખવામાં આવશે. મારા એક ભત્રીજાએ એવું સૂચન કર્યું કે જમવામાં વિશ્ર્વની તમામ વાનગીઓના કાઉન્ટર રાખવા છે ત્યારે મેં મક્કમ બનીને કહી દીધું કે નથિંગ ડુઇંગ. ચાઇનીઝ અને મોગલાઇ વાનગીઓ મારી દીકરીના લગ્નમાં હરગીઝ નહીં પીરસવામાં આવે. આમ પણ ચાઇનીઝ વાનગીઓ રાખીને હું દેશદ્રોહ કરવા નહોતો માગતો. મારા પરિવારજનો સાથે ઘણી માથાકૂટ થઇ. એ લોકોના મનમાં ભારે હોંશ હતી અને મારા મનમાં સાદગી તથા સંયમ હતા. આખરે હું પ્રજાનો સેવક છું.  મન મનાવીને મેં કેતકીના લગ્નનું આયોજન કર્યું, પરંતુ મારું હ્રદય અંદરથી દેશભરની દીકરીઓ માટે સંવેદના અનુભવતું હતું. અંદરથી મને બહુ જ બેચેની થઇ રહી હતી એટલે છેવટે હું ફિલોસોફર બન્યો. સમગ્ર પ્રસંગને મેં અધ્યાત્મના એંગલથી જોવાનું નક્કી કર્યું. મેં વિચાર્યું કે દીકરી તો આખરે દીકરી છે. મારી હોય કે દેશના અન્ય કોઇ નાગરિકની. તો પછી મારી દીકરીના લગ્નને દેશની તમામ દીકરીઓનું પ્રતીક લગ્ન શા માટે ન ગણવું? વહેવારીક રીતે આ કામ મુશ્કેલ હતું, છતાં માણસ થોડું ઊંડું ચિંતન કરે અને અધ્યાત્મિક અભિગમથી વિચારે તો આ વાત સ્વીકારવાનું બહુ મુશ્કેલ ન પડે. હું મનને મનાવતો ગયો અને છેવટે સંપૂર્ણપણે ક્ધવીન્સ થઇ ગયો કે મારી દીકરીના લગ્ન એ દેશની તમામ દીકરીઓના અરમાનોનું પ્રતીક છે. તમામ દીકરીઓના મા-બાપની હોંશનું પ્રતીક છે.  બસ, મારા હ્રદય પરનો બોજ ઊતરી ગયો. મને લાગ્યું કે હું દેશ માટે, દેશની દીકરીઓ માટે કંઇક કરી રહ્યો છું. હવે એક બીજી સમસ્યા ઊભી થઇ. જે વાત હું માનું છું વાત બીજાને કેવી રીતે સમજાવવી? ખાસ તો અન્ય દીકરીઓના માબાપને કઇ રીતે ક્ધવીન્સ કરવા કે મારી દીકરીના લગ્નને તમારી દીકરીના લગ્ન જ સમજો. આમાં મને મારા પક્ષના કેટલાક નેતાઓ તથા પ્રવક્તાઓ મદદરૂપ થયા. ખાસ તો સંબીત પાત્રા અને નલીન કોહલી જેવા વિદ્વાનોએ મને આ મૂંઝવણમાંથી બહાર કાઢ્યો. એમણે મને કહ્યું કે જ્યારે પણ તમને કોઇ સામાન્ય માણસ મળે, લગ્નલાયક દીકરીના માબાપ મળે ત્યારે તમારે એમને આ વાત કહી દેવાની. કહેવાનું કે તમારી દીકરી વતી હું મારી દીકરીના ભવ્ય લગ્નનું આયોજન કરી રહ્યો છું. મારી દીકરીના લગ્નમાં આવનાર મહાનુભાવો તમારી દીકરીના લગ્નમાં હાજર રહ્યા છે એમ જ તમારે માનવાનું અને મારી દીકરીને તેઓ આશીર્વાદ આપે એ તમારી દીકરીને જ આપે છે એમ જ માનવાનું.  કામ મને જરા મુશ્કેલ લાગ્યું. અઢી લાખ રૂપિયા માટે ફાંફા મારતા માબાપો આ વાત કઇ રીતે માનશે? મારી ગડમથલને દૂર કરતાં સંબીત પાત્રાએ કહ્યું કે ડોન્ટ વરી, વાંધો નહીં આવે. નોટબંધીના કારણે અર્થતંત્રને ફાયદો થશે એવા દાવા જ્યારે આપણે છાતી ઠોકીને કરીએ ત્યારે આ દેશના લોકો એ સ્વીકારી લે છે. તો પછી તમારી આવી નાની વાત કેમ નહીં સ્વીકારે? બસ, એ વાતે મારામાં હિંમત આવી ગઇ. આ દેશની પ્રજા તથા એમની સમજણ પરનો મારો વિશ્ર્વાસ વધુ દૃઢ બન્યો. પછી તો મેં મારું મિશન શરૂ કરી દીધું. હું અમારા શહેરની તથા આસપાસના અનેક વિસ્તારોની દીકરીઓના માબાપોને મળ્યો. એમની સામે લાગણીશીલ બની ગયો. એમને કહ્યું કે દીકરી તો દીકરી છે. મારી દીકરી એ તમારી દીકરી. મારી દીકરીના લગ્ન તો દેશભરની દીકરીઓના લગ્નનું એક પ્રતીક છે. તમે ગરીબ કે મધ્યમ વર્ગના છો એવું જરાય ન માનો. એ બાબતે તમે જરાય સંકોચ ન અનુભવો. મારી દીકરીના લગ્નમાં વીવીઆઇપીઓ હાજર રહેશે અને જે ભભકો તથા ઠાઠમાઠ થશે એ બધા પર તમારો જ હક્ક છે. તમારે આ વાતે ગૌરવથી તમારી છાતી ફૂલાવવાની છે...મેક્ઝિમમ છપ્પન ઇંચ સુધી. તમારું સુખ એ જ મારું સુખ. ધીમે ધીમે મારી વાત ફેલાતી ગઇ અને એનો સ્વીકાર થતો ગયો. કેટલીક દીકરીના માબાપ તો મને ખાસ મળવા આવ્યા અને મારો આભાર માનવા લાગ્યા. કેટલાક માબાપોએ તો એવી પણ ઔપચારિકતા દાખવી કે કંઇ કામકાજ હોય તો કહેજો. એકંદરે બધા ખુશ હતા, નોટબંધીથી પ્રજા ખુશ છે એમ જ. જોકે, એક સમસ્યા યથાવત્ રહી. હંમેશાંની જેમ પત્રકારો અને મીડિયા આડા ફાટ્યા. દીવા જેવી સ્પષ્ટ વાત પણ તેઓ જોઇ શકતા નહોતા એટલે તેઓ સંશય કરવા લાગ્યા અને મને જાતજાતના પ્રશ્નો પૂછવા લાગ્યા. મીડિયાએ મને પૂછ્યું કે આવા ભવ્ય લગ્ન પાછળ તમે કેટલા રૂપિયા ખર્ચવાના છો? મેં એમને જવાબ આપ્યો કે ભાઇ, હું તો ફકીર છું. ફકીરની દીકરીના લગ્ન જેવી સાદગીથી થાય એવી જ સાદગીથી મારી દીકરીના લગ્ન થશે. મેં કહ્યું કે હું તો નરેન્દ્ર મોદી કરતાં પણ મોટો ફકીર છું. અમારો આખો પક્ષ જ ફકીરોથી ભરેલો છે. મારી આવી સ્પષ્ટ વાતથી મીડિયાને સંતોષ ન થયો. કેટલાકે સીધો પ્રશ્ન પૂછ્યો નોટબંધીના માહોલમાં આ રીતે ખુલ્લેઆમ ભભકાદર લગ્નનું આયોજન કરતાં તમને ડર નથી લાગતો? કોઇ ટેન્શન નથી થતું? મેં જવાબ આપ્યો કે ફકીરને વળી શેની ફિકર? થોડા સમય પહેલા અમારા બીજા ફકીર અરુણ જેટલીએ પણ પોતાની દીકરીના લગ્ન આવી જ સાદગીથી કર્યા હતા. એક વાત સમજી લો, અમે બધા જ ફકીરો દરેક બાબતે બેફિકર છીએ. અમને કોઇનો ડર નથી. (નિખિલ મહેતાએ કરેલી કલ્પના)

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 36

• Privacy • Unsubscribe • Terms of Use

.

__,_._,___