to translate this article to Language of your choice.

નોટબંધી: વડા પ્રધાને તેમની નિર્ણાયકતાનાં દર્શન કરાવ્યાં

વડા પ્રધાન નરેન્દ્ર મોદીએ બે વાત કરી છે, તે એ છે કે દિલ્હીને તેઓ સુચારુ વહીવટીકરણ અને નિર્ણાયકતામાં લાવીને મૂકી દેશે. અલબત્ત, તેમનાં બીજાં પણ ગુણો અને ખાસિયતો છે અને એટલા માટે તો લોકોએ તેમને ચૂંટી કાઢ્યા અને તેઓ સત્તામાં આવ્યા. મોદી વંશપરંપરાગત રાજકારણી નથી. તેમણે પોતાની રીતે કામ કર્યું અને માત્ર ગુણવત્તાના આધારે જ ઊભા રહ્યા છે. તેઓ પ્રામાણિક હોવાની ખ્યાતિ ધરાવે છે. મનમોહન સિંહના શાસનકાળમાં હતું એમ તેમના પ્રધાન મંડળમાં ઉચ્ચ સ્તરે ભ્રષ્ટાચાર હોવાનો આજ સુધી કોઈ અહેવાલ જોવા મળ્યો નથી.

તેમના બે ગુણ અંગે જે વાત કરી એ તાજેતરના દિવસોમાં જોવા મળી. અને ભારતમાં એની શી અસર થાય છે એ આપણે હવે જોવું રહ્યું. ઝડપથી અને મક્કમતાપૂર્વક નિર્ણયો લેવાની ક્ષમતા એટલે નિર્ણાયકતા. આવી ક્ષમતા હોવી એ પણ એક મોટો ગુણ છે. અનિર્ણાયક રહેવું એને નબળાઈ તરીકે જોવામાં આવે છે. જોકે ઘણી વાર અનિર્ણાયકતાને કાળજીપૂર્વક વિચારવાનું બીજું રૂપાળું નામ અપાતું હોય છે. અને જ્યારે અચોક્કસતા હોય યા તો અસહ્ય પરિસ્થિતિનું નિર્માણ થવાની દહેશત રહે ત્યારે કોઈ નિર્ણય લેવાનું ટાળે છે. બીજી તરફ નિર્ણાયક હોવાનો ગુણ એટલે નિર્ણય અંગેની પૂરી ખાતરી હોવાનું પણ જોવાય છે.

સંજય ગાંધી પણ નિર્ણાયક હતા. તેઓ બહુ ઓછું ભણેલા હતા. (દસમા ધોરણ સુધી) તેઓ બેમર્યાદ સત્તા ભોગવતા હતા. એ સત્તાનો તેઓ આડેધડ ઉપયોગ કરતા. તેમની તોછડાઈપૂર્વક કામ કરવાની પદ્ધતિને કારણે ઘણા દેશવાસીઓને સહન કરવું પડ્યું હતું, પરંતુ તેમને આત્મવિશ્ર્વાસ હતો કે આપણા બધા માટે શું સારું છે, તે તેઓ જાણતા હતા.

બીજો ગુણ વહીવટની ક્ષમતા. લશ્કરી ઈતિહાસકારોએ એ માટે 'ગ્રીપ' શબ્દનો ઉપયોગ કર્યો છે. એનો અર્થ પોતાના કમાન્ડનો સંપૂર્ણ હવાલો સંભાળવા જનરલની ક્ષમતા એવો કરવામાં આવે છે. જુલિયસ સીઝરમાં પોતાના લશ્કર ઉપર અંકુશ મેળવી લેવાની એવા સમયે ગ્રીપ હતી, જ્યારે સંદેશવ્યવહાર નબળો હોય અને મજલ લાંબી કાપવાની હોય. અલબત્ત, યુદ્ધમાં તેમનો રેકોર્ડ મિશ્ર રહેલો છે. જનરલ મોન્ટોગોમેરીમાં આવી ગ્રીપ હોવાનું મનાય છે. બીજા વિશ્ર્વયુદ્ધમાં બ્રિટનની બાજુએ લડતા બીજા ઘણા બધા જનરલોની જેમ તેઓ દિશાહીન નહોતા.

ભારતમાં રૂ. પ૦૦ અને રૂ. ૧૦૦૦ની ચલણી નોટ બંધ કરવાનું કદમ ઉઠાવીને વડા પ્રધાન નરેન્દ્ર મોદીએ એવી નિર્ણાયકતા બતાવી છે. કાળાં નાણાંનો નાશ કરવા માટે જ આ પગલું ભરવામાં આવ્યું હોવાનું આ માટે દેશના મનમાં ઠસાવવામાં આવ્યું છે. કાળાં નાણાં કેવી રીતે નાબૂદ થઈ જશે એ અંગે આપણને જાણવા મળ્યું નથી. સિવાય કે મોદી કહી રહ્યા છે કે ભ્રષ્ટ અને તવંગરો નોટોના ઢગલા ઉપર બેઠેલા છે, તેમના એ રોકડ નાણાં હવે નકામાં કાગળિયાં થઈ ગયાં છે.

જેઓ વ્યવસાય કરે છે. અને હું ઉત્પાદન અને સર્વિસીસ બિઝનેસ ચલાવતો હોઉં તો એ જાણવું જોઈએ કે કાળાં નાણાં ત્યાં એ રીતે કાર્યરત થતાં નથી. ધોળાં નાણાંની જેમ જ એનો ત્યાં ઉપયોગ થાય છે. બિઝનેસ વિસ્તારવાનું ત્યાં આ એક સાધન છે. માલસામાન અને મિલકતોમાં એ રહેલાં છે. ચોખ્ખાચણાક પ્રવાહી સ્વરૂપમાં.

નોટબંધી માટે આપવામાં આવેલું બીજું કારણ એ છે કે આ કદમ ત્રાસવાદી પ્રવૃત્તિઓ માટે ફટકારૂપ છે, કારણ કે નકલી ચલણી નોટોનો એવી પ્રવૃત્તિઓ માટે બેશુમાર ઉપયોગ થઈ રહ્યો છે. ત્રાસવાદ વિરુદ્ધ ઘણું સારું પગલું હોવાનું ભારતીયોના મનમાં ઠસાવી શકાય એમ છે. માધ્યમો પણ આની સામે સવાલો લગભગ નહીં કરે.

ગમે તેમ પણ દેશવાસીઓને મોદીએ તેમની નિર્ણાયકતાનો પરચો બતાવ્યો છે. એના પરિણામસ્વરૂપ દિવસો સુધી આપણને તકલીફો ઉઠાવવાનો વારો આવ્યો છે. જે લોકો માત્ર રોકડા વહેવાર ઉપર જ જીવન ગુજારો કરે છે એવા લાખ્ખો ગરીબો ઉપર આ પ્રયોગ કરાયો છે. વિરોધ પક્ષો મોદીથી આતંકિત છે, કારણ કે ત્રાસવાદનો મુદ્દો એવો જોડાયેલો છે કે નોટબંધીનો વિરોધ તેઓ કરી શકતા નથી. લોકોના મિજાજની તેમને ખાતરી નથી. તેઓ માને છે કે મોદીના આ પગલાથી લોકોમાં ઉત્સાહ છે.

મોદીએ આપણને જણાવ્યું છે કે દેશવાસીઓને જે હાલાકી ભોગવવી પડી છે એ સામે ન્યાયી પગલું ભરીને એનો બદલો વાળીશું. મોદીજીએ આપણને તેમની નિર્ણાયકતામાં દર્શન કરાવ્યાં. હવે આપણને તેમના સુચારુ વહીવટના દર્શન થાય એની આવશ્યકતા છે એ માટે રાહ જોઈએ.

__._,_.___

Posted by: Bhupendra Jesrani <jesranibd@yahoo.co.in>

Reply via web post

•

Reply to sender

•

Reply to group

•

Start a New Topic

•

Messages in this topic (1)

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group