[amdavadis4ever] રામ અને રાવણ એક જ શરીરમાં વસે છે ?

 

Please use http://translate.google.com/ to translate this article to Language of your choice. રામ અને રાવણ એક જ શરીરમાં વસે છે? બ્લુ બુક - કાજલ ઓઝા - વૈદ્ય "તું ઓળખતી નથી...ભયાનક માણસ છે...રાગિણી પહોળી આંખે કહેતી હતી, "એણે મને પકડી લીધી, પછી મને આમ તેમ અડવા લાગ્યો...મેં ના પાડી તો વધુ ઝનૂનથી મારી સાથે... કહેતા કહેતા રાગિણીને રડવું આવી ગયું, "છીં! ગંદો માણસ છે. "આઈ ડોન્ટ બિલીવ, યાર ! પ્રાપ્તિએ ડોકુ ધુણાવ્યું, "કેટલા ડિસન્ટ છે ગિરીશસર ! કોઈ દિવસ ક્લાસમાં કોઈ છોકરીની સાથે એમણે આવું કઈ કર્યું હોય એવું મેં નથી સાંભળ્યું. "તો હું શું જુઠ્ઠું બોલું છું ? રાગિણીએ ઉશ્કેરાઈને પૂછ્યુું, "મને શું ફાયદો થાય એમના વિશે આવું કહીને... રાગિણી ગુસ્સે થઈ ગઈ.  "જો યાર. હું એવું નથી કહેતી કે તું જુઠ્ઠું બોલે છે. હું એટલું જ કહું છું કે... પ્રાપ્તિ વિચારમાં પડી. રાગિણી જે માણસ વિશે વાત કરતી હતી એ છેલ્લાં વીસ વર્ષથી આ કોલેજમાં ભણાવતા હતા. ખૂબ પોપ્યુલર પ્રોફેસર હતા. વિદ્યાર્થીઓ એમને ચાહતા. એમને વિશે ક્યારેય કોઈ દિવસ આડી તેડી ફરિયાદ સાંભળવામાં મળી નહોતી. આજે પહેલીવાર સેક્ધડ યરની છોકરી રાગિણી ફરિયાદ લઈને વિમેન્સ સેલના ક્ધવીનર ડૉ. પ્રાપ્તિ દેસાઈ પાસે આવી હતી. રાગિણી જે રીતે કહી રહી હતી એ વાત પ્રાપ્તિના માન્યામાં આવે એમ નહોતી ને છતાં ફરિયાદ આવી હતી એટલે વિમેન્સ સેલના ક્ધવીનર તરીકે એણે એના પર એકશન લેવુંં જ પડે એમ હતું.  પ્રાપ્તિએ આ અંગે સ્ટાફરૂમમાં અને બીજી એક બે વિમેન્સ પ્રોફેસર સાથે અછડતી ચર્ચા કરી, પરંતુ દરેકની માન્યતા એ જ હતી કે ડૉ. ગિરીશ મહેતા જેવા સન્માનીય પ્રોફેસર સેક્ધડ યરની છોકરી સાથે આવું કંઈ કરે એ માન્યામાં આવે એમ નથી. એ પછીના દિવસો પ્રાપ્તિ માટે બહુ ગૂંચવણભર્યા દિવસો હતા...એણે જજમેન્ટ આપવું જ પડે એમ હતું અને સાથે જ એની અંદરની પ્રામાણિક્તા એને કહેતી હતી કે ખોટું જજમેન્ટ આપીને કોઈની કારકિર્દી અને ચારિત્ર્ય ઉપર આંચ આવે એવું પણ ન જ કરાય એવામાં એક દિવસ એને એનો સ્કૂલ ફ્રેન્ડ મળી ગયો. જે વાત કોઈની સાથે ન થઈ શકે એ વાત મિત્રો સાથે થઈ શક્તી હોય છે ! પ્રાપ્તિએ પોતાના એ મિત્રને આખી વાત કહીને પૂછ્યું, "તને એવું લાગે છે કે કોઈ આવું કરી શકે? આનો જવાબ બહુ ઈન્ટ્રસ્ટિંગ હતો. પ્રાપ્તિના મિત્રએ એને કહ્યું, "રામ અને રાવણ એક જ વ્યક્તિમાં વસે છે. બાકીની સ્ત્રીઓને જોઈને કદાચ એમને એવું નહીં થયું હોય પણ આ છોકરી એમને ટર્નઓન કરતી હોય એવું બને. બીજી છોકરીઓએ પણ એમને સિગ્નલ આપ્યા હોય તેમ છતાં એમણે એનામાં રસ ન લીધો હોય ને આ છોકરી કોઈ પણ પ્રકારનું આમંત્રણ ન આપે તેમ છતાં આ છોકરી એમને આકર્ષતી હોય, ખેંચતી હોય, લોભાવતી હોય એવું બની જ શકે. પ્રાપ્તિના મિત્રએ કહ્યું, "આ પુરુષનું મન છે, સ્ત્રીના મન જેટલું જ અકળ અને ગૂંચવણભર્યું છે. એક સ્ત્રી સાથે જે પુરુષ શાલિનતાથી અને સન્માનથી વર્તતો હોય, એ જ પુરુષ બીજી સ્ત્રી સાથે જબરદસ્તી કરી શકે...આ સત્ય છે.  * બહુ શાંતિથી વિચારી અને સમજવાનો પ્રયત્ન કરીએ તો આ વાત સ્ત્રી કે પુરુષમાં જુદી નથી. માણસ માત્રનું મન એને ક્યારે શું કરવા માટે બાદ્ય કરે એ સમજવું જરાક અઘરું જ છે. એક જ વ્યક્તિની ભીતર અનેક વ્યક્તિઓ વસતી હોય છે. આપણે બધા લેયર્સમાં વહેંચાયેલા વ્યક્તિત્વ ધરાવીએ છીએ. આપણાં ઉછેરથી શરૂ કરીને આપણી આસપાસની દુનિયાએ જે આપ્યું છે એ બધું કુલ મળીને આપણાં વ્યક્તિત્વનો ભાગ બને છે. વાત ફક્ત સ્ત્રી કે પુરુષની નથી, વાત ઓવરઓલ ચારિત્ર્યની છે. આપણાંમાંના મોટાભાગના લોકો પબ્લિકલી અથવા જાહેરમાં ડાહ્યા અને સજ્જન હોય છે. મોટાભાગના લોકોને એવી ખબર છે કે કોની સાથે કેવું વર્તન કરાય...કોને ડરાવાય, કોને ધમકાવાય, કોની સાથે ગેરવર્તન કરાય અને કોની સામે નમ્ર અને સજ્જન થઈને વર્તવાનું છે ! આ કરતી વખતે માણસ બહુ વિચારતો નથી. એના વ્યક્તિત્વમાં આ બાયફરકેશન ઈનબિલ્ટ હોય છે. આપણે બધા જ આવા છીએ, કદાચ. કોઈ મિત્રની પત્ની કે બહેનપણીનો પતિ અમુક-તમુક પ્રકારના આમંત્રણ આપતા હોય તેમ છતાં "ત્યાં ન કરાય એવી આપણને બરાબર ખબર છે. ક્યાં શું મેળવવાનું છે અને ક્યાં શું ગુમાવવાનું છે એ વિશેની સ્પષ્ટતાઓ જાણે અજાણે આપણી અંદર કોઈ સીસ્ટમની જેમ ગોઠવાઈ ગઈ છે. જેમ ટેલિવિઝનની કે ઘડિયાળની ટેકનોલોજી, એની સીસ્ટમ આપણે રોજ જોવી કે જાણવી નથી પડતી એવી જ રીતે આપણી ભીતરની સીસ્ટમ પણ જોયા કે જાણ્યા વગર જ અમુક પ્રકારના રિમોટથી ઓન થાય છે અને અમુક પ્રકારના રિમોટ એના પર કામ કરતા નથી. આપણી ભીતર જ કાળા અને સફેદ વરુઓ વસે છે. બેમાંથી કયું જીતે એનો આધાર આપણે કયા વરુને વધુ, ખવડાવી, પીવડાવી, હુલાવી, ફુલાવીને મજબૂત બનાવીએ છીએ એના ઉપર રહેલો છે. સૂયોધન અને દુર્યોધન...સુશાસન અને દુ:શાસન...રામ અને રાવણ. એક જ વ્યક્તિની ભીતર વસે છે. રાવણ પણ ખૂબ બુદ્ધિશાળી હતો, સારો શાસક હતો-એ વગર સોનાની લંકાનું નિર્માણ ન થઈ શકે ! બળવાન હતો...કૈલાશને ધ્રુજાવવો અને શિવતાંડવની રચના કરવી સરળ નથી ! પ્રશ્ર્ન એ છે કે આ બુદ્ધિશાળી અને શક્તિશાળી માણસે પોતાની બુદ્ધિ અને શક્તિને ક્યાં અને કઈ રીતે કામે લગાડી ! નવગ્રહ જેને ત્યાં બંધાઈને કામ કરતા હોય એ માણસ કોઈના હાથે વીંધાઈને મૃત્યુ પામે, એનું કારણ એ માણસની નબળાઈ કે અણઆવડત નથી-બલ્કે એની બેવકૂફી છે. મોટાભાગના માણસો એમ માનીને ચાલે છે કે જે શક્તિશાળી છે એ રાવણ છે કારણ કે એની પાસે વીસ હાથ છે, દસ માથા છે...કારણ કે નવગ્રહ એની સેવા કરે છે, કારણ કે એની પાસે સોનાની લંકા છે માટે સ્વાભાવિક રીતે રાવણ પહેલી નજરે વધુ શક્તિશાળી લાગે છે ! ઘણાં લોકો એવી ફરિયાદ કરે છે કે, "આ જગતમાં સારા માણસો જ સહન કરે છે. ખોટા ખરાબ અને ભ્રષ્ટાચારીઓ પોતે પોતાનું ધાર્યું કરે છે, સફળતા મેળવે છે, પૈસા બનાવે છે અને સીધા-પ્રામાણિક માણસો ગરીબ અને નબળા રહી જાય છે. પહેલી નજરે કદાચ આ વાત ખોટીએ નથી. આપણે આપણી આસપાસના જગતમાં આ જ જોઈએ છીએ, અનુભવીએ છીએ, પરંતુ આ આખીએ વાત સસલા અને કાચબાની દોડ જેવી છે. શરૂઆતમાં સસલું જીતતું લાગે, પરંતુ ઓવરકોન્ફીડન્ટ અને જબરુ સસલું એકાદ જગ્યાએ જઈને ખોટી ચાલ જરૂર ચાલશે, ખોટું ડગલું જરૂર ભરશે, ખોટો નિર્ણય ચોક્કસ લેશે...આપણી તકલીફ એ છે કે આપણે સત્ય કે સારાઈ તરીને સપાટી પર આવે ત્યા સુધી પ્રતીક્ષા કરી શક્તા નથી. પહેલી નજરે દેખાતાં પરિણામો કે પહેલી નજરે દેખાતી સફળતા આપણને સત્યથી દૂર લઈ જાય છે. પ્રામાણિક્તાના ગેરફાયદા બતાવવા માંડે છે... આજે દશેરાના દિવસે એક સાદી વાત સમજી લેવી બહુ જરૂરી છે. રામ અને રાવણ જુદા નથી. એક જ શરીરમાં વસતા બે તત્ત્વો છે...આપણે જે તત્ત્વને બહાર નીકળવા દઈશું એ તત્ત્વ પહેલાં આપણું વ્યક્તિત્વ બનશે અને પછી આપણું અસ્તિત્વ.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 27

• Privacy • Unsubscribe • Terms of Use

.

__,_._,___