[amdavadis4ever] એક ખેડૂતનો દ ીકરો મહત્ત્વા કાંક્ષા થકી જગમશહૂર બન્યો

 

Please use http://translate.google.com/ to translate this article to Language of your choice. એક ખેડૂતનો દીકરો મહત્ત્વાકાંક્ષા થકી જગમશહૂર બન્યો સુખનો પાસવર્ડ - આશુ પટેલ એક ખેડૂતનો દીકરો પણ તેની મહત્વાકાંક્ષા થકી જગમશહૂર બની શકે છે એ વાતનો પુરાવો આપવો હોય તો દરિયાખેડૂ જેમ્સ કૂકનું નામ આપી શકાય. જેમ્સ કૂક વિશે ન જાણતા હોય એવા વાચકોને કહી દઉં કે જેમ્સ કૂક એટલે ન્યૂ ઝીલેંડ અને ઓસ્ટ્રેલિયાનો શોધક. ઓસ્ટ્રેલિયા ખંડ અને ન્યૂ ઝીલેન્ડ દેશની શોધ ઉપરાંત તેણે પ્રશાંત મહાસાગરના દરિયા કિનારાના પ્રદેશો અને નકશા વિશે માહિતી આપવામાં પણ બહુ મોટું યોગદાન આપ્યું હતું.  જેમ્સ કૂકનો જન્મ ઈંગ્લેન્ડના મોર્ટોનમાં આશરે ત્રણ સદી અગાઉ ૭ નવેમ્બર, ૧૭૨૮ના દિવસે થયો હતો. તેમના પિતા સામાન્ય ખેડૂત હતા. જેમ્સ કૂકને સાત ભાઈબહેન હતા. આઠ ભાઈબહેનોમાં તેમનો નંબર બીજો હતો. જેમ્સ આઠ મહિનાનો થયો ત્યારે તેના પિતાએ મોર્ટોન છોડીને એટ્રોન રહેવા જવાનું નક્કી કર્યું. જેમ્સને એટ્રોનની પ્રાથમિક શાળામાં પ્રવેશ અપાવાયો.  જેમ્સના પિતાની આર્થિક સ્થિતિ બહુ સારી નહોતી એટલે જેમ્સે કિશોરાવસ્થામાં જ પિતાને મદદરૂપ બનવા માટે કશુંક કામ કરવાનો નિર્ણય કર્યો. કિશોરાવસ્થાને અનુરૂપ કામ શોધતા શોધતા તેમને કરિયાણાના એક વેપારી મળી ગયો. તે વેપારીએ તેને મામૂલી પગારથી પોતાની દુકાનમાં કામ કરવાની ઓફર કરી. જેમ્સે એ ઓફર સ્વીકારી લીધી. એ દુકાન દરિયાની નજીક હતી. જેમ્સને દુકાનમાં આખો દિવસ કામ ન રહેતું એટલે તેઓ દુકાનની બારીમાંથી વિશાળ દરિયાને જોતા બેસી રહેતા.  દુકાનમાં બેઠા બેઠા દરિયો જોતા જોતા જેમ્સને દરિયા પ્રત્યે લગાવ થઈ ગયો. દરિયાની વિશાળતા જોતા જોતા તેમના મનમાં દરિયો ખેડવાની મહત્ત્વાકાંક્ષા જાગી. એટલે તેમણે નૌકાવિધ્યાનો અભ્યાસ કરવા માંડ્યો. એ સાથે તેમને ખગોળવિદ્યા અને ગણિતના પાયાના સિદ્ધાંતો શીખવામાં પણ રસ પડવા લાગ્યો. જો કે, તેમનો સૌથી વધુ લગાવ તો દરિયા પ્રત્યે જ હતો. જેમ્સ કૂક યુવાન થયા એ પછી તેમણે દરિયો ખૂંદવા મળે એ હેતુ સાથે નોકરી શોધવા માંડી. થોડા પ્રયાસો પછી તેમને ૧૭ વર્ષની ઉંમરે મર્ચંટ નેવીમાં તાલીમી તરીકે નોકરી મળી ગઈ. તેમનો ઉત્સાહ અને તેમની કુશળતા જોઈને તેમના ઉપરીઓએ તેમને એ રીતે તૈયાર કરવા માંડ્યા કે તેઓ આગળ જતા કેપ્ટન બની શકે. જો કે, જેમ્સ કૂકે આઠ વર્ષથી વધુ સમય મર્ચંટ નેવીના અનુભવ પછી તેમના ઉપરીઓને આંચકો આપ્યો. તેમણે ૧૭૫૫માં બ્રિટિશ રોયલ નેવીમાં નોકરી સ્વીકારી લીધી. તેમણે સાવ નીચલા સ્તરેથી નોકરીની શરૂઆત કરી હતી. વળી બ્રિટિશ રોયલ નેવીમાં સામાન્ય રીતે યુવાનો ઘણી નાની ઉંમરે જોડાતા હતા એને બદલે મોટી કહેવાય એવી, ૨૬ વર્ષની ઉંમરે જેમ્સ બ્રિટિશ રોયલ નેવીમાં જોડાયા હતા અને એ પણ એકદમ નીચલા સ્તરે. તેમના જૂના ઉપરીઓને લાગ્યું કે આ માણસની ડાગળી ચસકી ગઈ લાગે છે. નહીં તો તે મર્ચંટ નેવીના આઠ વર્ષના અનુભવ પછી આ રીતે સાવ નીચલા સ્તરે બ્રિટિશ નેવીમાં જોડાવાની મૂર્ખાઈ ન કરે, પરંતુ જેમ્સ કૂકે તેમને ખોટા પાડ્યા. તેઓ બે વર્ષમાં જ ટોચના સ્થાન પર પહોંચી ગયા. એ સમયગાળામાં બ્રિટન યુદ્ધે ચડવાની તૈયારી કરી રહ્યું હતું. જેમ્સ કૂકનો તરવરાટ અને તેમની કાર્યકુશળતા જોઈને તેમને ૧૭૫૭મા રોયલ નેવીના 'ઈગલ' નામના યુદ્ધ જહાજના કેપ્ટન બનાવાયા.  જેમ્સ કૂકે બ્રિટિશ રોયલ નેવીના યુદ્ધ જહાજના કેપ્ટન તરીકે તેમણે પોતાનું કૌશલ્ય સાબિત કરી બતાવ્યું. તેમણે ૧૭૫૭થી ૧૭૬૮ સુધી કેપ્ટન તરીકે ફરજ બજાવી એ દરમિયાન ઘણા પ્રદેશો પર બ્રિટનનું આધિપત્ય જમાવી દીધું. આ દરમિયાન તેઓ નક્શા બનાવવામાં માહેર બની ગયા હતા. ખગોળવિદ્યા, ગણિતના પાયાના સિદ્ધાંતો અને નેવિગેશનના ઊંડા અભ્યાસનો પણ તેમને બહુ ફાયદો થયો હતો. 'સેવન યર્સ વોર' તરીકે ઈતિહાસમાં જાણીતા બનેલા યુદ્ધમાં તેમણે સેંટ લોરેંસ નદીનો નકશો બનાવીને એ વખતે ફ્રાંસના તાબામાં હતા એવા એક પ્રદેશ પર અણધાર્યો હુમલો કરીને એ પ્રદેશ જીતી લીધો હતો. આવી તો અનેક સિદ્ધિઓ તેમણે મેળવી હતી.  જેમ્સ કૂકે ૧૭૬૮ના ઓગસ્ટ મહિનાથી એક્સપ્લોરર તરીકે પોતાની નવી કારકિર્દીની શરૂઆત કરી. ઓગસ્ટ ૧૭૬૮માં તેમણે એચએમ બાર્ક એંડેવર નામના જહાજમાં સોથી વધુ ખલાસીઓ સાથે ઈંગ્લેન્ડ છોડ્યું. તેમણે ૧૭૬૯માં ન્યૂ ઝીલેંડની શોધ કરી. એ પછી પણ તેમણે પોતાનો પ્રવાસ ચાલુ રાખ્યો અને ૧૭૭૦માં ઓસ્ટ્રેલિયા ખંડની શોધ કરી. એંડેવર પછી રિઝોલ્યુશન નામના જહાજનું સુકાન સંભાળ્યું હતું અને વિશ્ર્વની સફર ચાલુ રાખી હતી.  તેઓ એંટાર્ટિક સર્કલ પાર કરનારા પહેલા માણસ હતા. તેઓ ૧૭૭૮માં હવાઈયન ટાપુ પર પહોંચ્યા હતા. તેઓ ત્યાં પહોંચનારા પહેલા યુરોપિયન હતા. આવી એક મુસાફરી દરમિયાન તેમના જહાજને બહુ મોટુ નુક્સાન થયું હતું અને તેઓ તથા તેમના સાથીદારો મરતા મરતા બચ્યા હતા. પોતાના સાહસિક જીવન દરમિયાન તેમને ઘણા રોમાંચક અનુભવો થયા હતા. એક વખત તેમના જહાજને સ્પેનિશ નેવીએ દરિયામા આંતર્યું હતું, પણ સ્પેનના એ નૌકા કાફલાના વડાને ખબર પડી કે એ જહાજના કેપ્ટન જેમ્સ કૂક છે ત્યારે તેમણે એ જહાજને જવા દીધું હતું. નહીં તો એ વખતે બ્રિટન અને સ્પેન દુશ્મન હતા.  જેમ્સ કૂક તેમના કાફલા સાથે હવાઈ ટાપુ પર પહોંચ્યા ત્યારે તેમને સુખદ આશ્ર્ચર્ય થયું હતું. હવાઈના લોકોએ પહેલી વાર કોઈ ગોરા માણસને જોયો હતો અને એટલું મોટું વિશાળ જહાજ જોયું હતું. એટલે તેમણે જેમ્સ કૂકને ભગવાન ધારીને તેમને ઢગલાબંધ ભેટો ધરી દીધી હતી! જેમ્સ કૂક ૧૪ ફેબ્રુઆરી, ૧૭૭૯ના દિવસે અઠ્ઠાવન વર્ષની ઉંમરે હવાઈમાં જ મૃત્યુ પામ્યા, પરંતુ તેમણે જીવન દરમિયાન કોઈને કલ્પના પણ ના આવે એવો સમય વિતાવ્યો. તેઓ યુદ્ધો લડ્યા, તેમણે બહુ દરિયાઈ પ્રવાસ ખેડ્યો, નવા નવા પ્રદેશો શોધ્યા. તેમણે બનાવેલા નકશાઓ આજની તારીખે પણ ઉપયોગી સાબિત થઈ રહ્યા છે. તેમની સિદ્ધિઓને કારણે યુનિવર્સિટી, મ્યુઝિયમ અને અન્ય અનેક સ્થળોને તેમનું નામ અપાયું. નાસાએ ચંદ્ર પર એક ખડકને તેમના નામ પરથી ક્ર્રૂક ક્રેટર નામ આપ્યું છે.  માણસના સપના અને મહત્ત્વાકાંક્ષા તેને ઉચ્ચ કક્ષાએ પહોંચાડી શકે છે એ જેમ્સ કૂકે સાબિત કરી બતાવ્યું.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 57

• Privacy • Unsubscribe • Terms of Use

.

__,_._,___