Thursday, 27 October 2016

[amdavadis4ever] હિલેરીને ઘ ેરબેઠાં ગો ળનું ગાડું મળી ગયું?

 



Please use
http://translate.google.com/
to translate this article to Language of your choice.



આ લખાય છે ત્યારે ડોનલ્ડ ટ્રમ્પ અમેરિકન રાષ્ટ્રપ્રમુખની ચૂંટણીમાં હવે હિલેરી ક્લિન્ટનથી બાર ટકા પાછળ છે એમ તેમની લોકપ્રિયતા વિશેનાં અનુમાનો દર્શાવે છે. નવાઈની વાત એ છે કે ટ્રમ્પ મેક્સિકનો વિશે ભૂંડું બોલ્યા; એમને બળાત્કારી કે ચોર લૂંટેરા કહ્યા ત્યારે એમની લોકપ્રિયતા ઘટી ન ગઈ. થોડા તો એ હિલેરી ક્લિન્ટનથી પાછળ જ હતા પણ તેના પ્રમાણમાં જરા જેટલી જ વધઘટ થતી હતી. રસાકસીનો ખેલ હતો. યુ.એસ.એ. અને મેક્સિકો વચ્ચે દીવાલ બાંધવાની મૂર્ખ વાત ટ્રમ્પ ગંભીરતાથી કરતા હતા. પણ એમની લોકપ્રિયતામાં જબ્બર ઘટાડો તો નહોતો. બલકે બહુમતીમાં લોકોને થયું હશે કે, હા મેક્સિકનો તો આવા જ છે, આપણે ત્યાં કમાઈને પોતાના દેશમાં પૈસા લઈ જાય છે, લોકોમાં ભળતા નથી વગેરે વગેરે. આવામાં આપણા દેશીઓ ચડાઉ ઘનેડાની જેમ ચડી જાય તે આફ્રિકન અમેરિકનોને કાળિયા કે કલ્લુ કહે અને અમે મેક્સિકનોને મેકલા. મુસલમાનોને માટે અમેરિકા પ્રવેશની બંધી ફરમાવી ટ્રમ્પે થોડા નહીં પણ બધા જ મુસ્લિમોને એક લાકડીએ હાંક્યા. તો ઘણા બધાએ ટાપસી પુરાવી. આપણે ત્યાં તો કોઈ એક જૂથે હરખઘેલા થઈને હવન કરાવેલા કે ટ્રમ્પ ચૂંટણી જીતે. પશ્ર્ચિમ એશિયાના બનાવો, યુરોપમાં આરબ નિવાર્સિતાનો ધસારાઓ એમાં આતંકવાદી જૂથોની પેરવીથી ક્યાંક ક્યાંક હિંસકતા, મુસ્લિમ સ્ત્રીઓને નકાબ, સ્કાર્ફ, બુરખા વગેરેથી ચડતી સૂગ અને દહેશત વગેરેને લીધે ગોરાઓ ભડકી ગયેલા છે. પોતાની સંસ્કૃતિથી વિભિન્ન અને પોતાના દેખાવથી તદ્દન જુદા એવા લોકોથી અમુક પ્રકારનો ઘણાંને ભય લાગેલો હોય છે. યુરોપની સાંસ્કૃતિક અને ઐતિહાસિક સ્મૃતિમાં એ ભય અંકિત થઈ ગયેલો છે. એક છે પ્લેગનો જેણે મધ્યકાલીન યુગમાં ગામડાં અને શહેરોમાં લાખો લોકોનું મોત આણેલું અને બીજો છે. ક્રુઝેડ કે ખ્રિસ્તી અને મુસ્લિમો વચ્ચેનાં ધર્મયુદ્ધો જેમાં ભારે જાનમાલની ખુવારી થયેલી. આ બધું જ સામાન્ય લોકોને ભયભીત કરે છે અથવા તો અણગમો પેદા કરે છે. ટ્રમ્પ જેવા આવી ભાવનાઓનો ભરપૂર લાભ ઉઠાવે છે. આથી કરીને કાંઈ શિક્ષિત કે બીજા ટ્રમ્પના સહારે લટકેલા કોઈ યુદ્ધમાં શહીદ થયેલા મુસ્લિમ અમેરિકનની વાત આવી અને હિલેરી બહેનને એનો ફાયદો થયો, કેમ કે એમણે મૃત સૈનિકનાં માતાપિતાનો ટેકો મેળવ્યો તો ટ્રમ્પભાઈએ શહીદ સૈનિકની માતાની ઠેકડી ઉડાવી કે એ તો જાહેરમાં બોલતી પણ નહોતી અને ગર્ભિત ઈશારો એ કર્યો કે મુસલમાન સ્ત્રી હોવાને લીધે એ બંધનમાં હતી. સૈન્યના પૂજક અને યુદ્ધખોરીના ટેકેદાર ટ્રમ્પના અનુયાયીઓને અહીં પણ વાંધો ન આવ્યો. સ્વદેશ છોડી અમેરિકામાં કાનૂની રીતે પણ પ્રવેશ કરનારાનો એમણે વિરોધ કર્યો તો પણ ભારતીયો સહિતના એમના રિપબ્લિકન ટેકેદારોને વાંધો ન આવ્યો. તો પછી છેલ્લે ટ્રમ્પ સ્ત્રીઓ માટે એલફેલ બોલેલા તે જાહેર થયું તો આટલા બધા અનુયાયીઓ શું કામ છોડી ગયા?

જે માણસ અપંગોની મજાક કરી શકે આટલા બધા ગોરાઓના પૂર્વગ્રહોને સજીવન કરે તે માણસ પોતાના જીવનની સફળતાની યાત્રામાં તક જોઈને સ્ત્રીઓની પરાણે દાળછાળ કરી લે, કિસીકોટી કરી લે તેમાં આટલો બઘો આઘાત કેમ લાગી ગયો? શું સ્ત્રીઓના માનઈજ્જત, અપંગો, શહીદ સૈનિકો, લઘુમતીઓ, ઓછા વેતનમાં જબ્બર કામ કરી આપતા નિવાર્ચિતો કરતાં વધુ મહત્ત્વનો છે? ટ્રમ્પ તો કાનૂની ગર્ભપાતનો પહેલેથી વિરોધ કરે છે જે સામે મુક્તિવાદી મહિલાઓ મહિના રહેલા હોય તેવી સ્ત્રીઓની પોતાની પસંદગીની હિમાયત કરે છે. હવે એમણે પોતે કરેલી છેડછાડની વાત કરી કે આટલા બધા લોકો એના વિરોધી થઈ ગયા? કેમ? સ્ત્રીઓમાં ગોરી અમેરિકનો પણ આવી જાય એટલે? શું બીજા જેે કોઈ સમાજવિભાગની ટ્રમ્પે ઠેકડી ઉડાવી કે જેમના વિશે તેઓ એલફેલ બોલ્યા તેમાં શું સ્ત્રીઓ નહોતી? એ પછાત લોકો છે, ગરીબ છે, લઘુમતીમાં છે એટલે એમને માત્ર કોઈને કોઈ કમ્યુનિટી તરીકે જોવાના પણ એમાં અડધોઅડધ સ્ત્રીસમાજ છે તે નહીં જોવાનું?

"અરરર, આ શું બોલ્યા? અરે એ માણસ તો કોઈ સુંદર બાઈને છોડતો નથી. જેવાં વિધાનો કરવામાં નર્યો દંભ છે. આવો માણસ સ્ત્રીઓ પ્રતિ અપમાનજનક શોષણયુક્ત વર્તન ન કરે તો કેવો માણસ કરે? ભડવીર ભાયડો કોણ તેની વ્યાખ્યામાં ઘણાં પુરુષો માનતા હોય છે કે દારૂ પીએ ને ગંદી ગાળો બોલે, બધે શેખી મારે અને પોતાની આવડતનો મોટો મોભો મેળવવામાં ઉપયોગ કરે તે જ બંદો ખરો પુરુષ! ટ્રમ્પ પોતે જ સૌન્દર્યસ્પર્ધાઓનું સંચાલન કરે એટલે જાણે કે આમાં ભાગ લેનારીઓ ક્યાં જવાની છે? પછી તો કોઈએ જાડી ને કોઈને બુઢ્ઢી કહી ઠઠ્ઠા પણ એણે કરી છે. ટ્રમ્પના અડપલાની ફરિયાદ લઈને હવે કેટલીક બાઈઓ નીકળી છે, કારણકે એ મજબૂતીથી સામનો કરે તો ૧૨માં હિંમત આવે, જમાનો પણ બદલાયો છે. ધીરે ધીરે પોતાની ઉપર થયેલા અડપલાની વાતો સ્ત્રીપુરુષો હવે જાહેરમાં બોલે છે. ઘણાબધા પુરુષો પણ હવે નીકળ્યા છે. જે પાદરીઓએ કરેલા સેક્સના ગુનાઓના ભોગ બનેલા.

ટૂંકમાં હવે હિલેરી ક્લિન્ટનને ઘેર બેઠાં બધું મળી ગયું? એમના એંઠવાડ પણ ઓછા નહોતા નીકળ્યા અને શાસનમાં હોદ્દો સંભાળીને કરેલાં ગેરકાનૂની કાર્યો માફ કરવા સહેલા નથી. એ પોતે પણ તક સાધુ છે અને ક્યારેક જરૂર પડે તો પોતાનાં આગલાં વિધાનો બદલી શકે છે; પણ હિલેરી પોતે હોશિયાર છે. ચાલાક છે અને જીવનભર રાજકારણમાં ઘૂંટાયેલા રહ્યાં છે. ટ્રમ્પનાં પ્રમાણમાં તો એ સમલિંગી સંબંધવાળા (ગે અને લેસ્બિયન) પ્રતિ વધુ ઉદાર બની રહ્યાં છે. રાષ્ટ્રીય દેશોનાં સ્વાસ્થ્ય એમની નિસ્બતનો વિષય છે. દુનિયાના દેશોના શાસકો જોડે સંબંધ રાખવાનો એમને અનુભવ છે. રાષ્ટ્રપ્રમુખની પત્ની તરીકેનો આઠ વર્ષનો અનુભવ છે. હવે જમાનો આવ્યો છે જ્યારે અમેરિકામાં બાહોશ અને મહત્ત્વાકાંક્ષી મહિલાઓએ માત્ર પત્ની બનીને સિંહાસનની પાછળ રહીને થોડી ઘણી સત્તા મેળવવી પડે એવી સીમાઓ રહી નથી. એક કાળે પોતાના દેખાવડા અને હોશિયાર પતિ થકી એમણે સફળતા માણી. હવે પોતે અમેરિકાના ઉચ્ચતમ શિખરે બેસવા તૈયાર થઈ ગયાં છે. સ્ત્રીઓએ આમાં બહુ પોરસાવા જેવું નથી. હા, બાઈ સાવ નામુકરરર નહીં જાય. સ્ત્રીમુક્તિ નેતાઓ જોડે એમને જૂનો નાતો છે. આમ તો ઓબામા આફ્રિકન અમેરિકનોનું શું ભલું કરી ગયા છે? એમની રાજનીતિ કે એમની ઘણી બાબતોમાં એ ગોરાં પુરુષોથી જુદા પડતા નથી પણ કાળા અમેરિકનો એમને ઢગલેઢગલા મત આપી ગયા. સો ટકા ગોરા પરિવારમાં રહેનાર ગોરી માતાના આ પુત્રે પોતાના આફ્રિકન પિતા જોડે સમય ગાળેલો નથી. બીજા આફ્રિકન અમેરિકનોની જેમ એ ગુલામોની ઔલાદ નથી. એમનું જીવન કાયમ ગોરાઓથી જુદું રહેલું નથી. પોતે લગ્ન આફ્રિકન અમેરિકન જોડે જ કર્યા તે એમની રાજકીય કારકિર્દીમાં ખપમાં આવ્યું એ રીતે હિલેરી ક્લિન્ટન પણ અમેરિકન સ્ત્રીઓના પ્રતિનિધિ ન ગણાય. આમ પણ રાષ્ટ્રપ્રમુખ બધી જાતિઓના સ્ત્રીપુરુષ નાગરિકોના પ્રતિનિધિ છે. હિલેરી કોઈ પુરુષ રાજકારણીથી ઓછા ઊતરે તેવાં દેખાતાં નથી. કદાચ રાજનીતિની સમજથી જ તેઓ પતિના સ્કેન્ડલો વખતે ચૂપ રહેલાં. એ એમની અંગત બાબત હતી અને એમણે પતિનું ગૌરવ ખંડન કર્યું નહોતું.

ક્યારેક બંને પ્રતિસ્પર્ધીઓના અંગત જીવન જોઈએ તો આશ્ર્ચર્ય થાય અને કરુણા પણ ઊપજે. ટ્રમ્પ રૂપવાન સ્ત્રીઓને જોઈને ગાંડાઘેલા થઈ જાય જ્યારે બિલ ક્લિન્ટનની વાત બીજી રીતે ટિપિકલ પૌરષી વર્તનની હતી. લગ્ન કરતી વખતે અતિશય તેજસ્વી સહવિદ્યાર્થી અને શિકાગોના ધનિક પરિવારની બહેને આર્કાન્સાસના મહત્વકાંક્ષી બિલ ક્લિન્ટને પસંદ કરી અને પછી કેબેરા ગાયિકા કે કાચી વિદ્યાર્થિની વગેરે જોડે લફરા કર્યાં જેમ કે આપણા જમીનદારો અને શેઠિયા પોતાની ઉચ્ચ જ્ઞાતિની સારા ઘરની સ્ત્રીને કાનૂની વારસદારો મેળવવા અને મોભો સાચવવા પરાણે પણ જોડાંજોડ રંડીબાજી કરે કે સેક્સ માણવા પોતાનાથી ઊતરતી કક્ષાની સ્ત્રીઓ શોધે તેમસ્તો વળી.

__._,_.___
Posted by: Bhupendra Jesrani <jesranibd@yahoo.co.in>
Reply via web post • Reply to sender • Reply to group • Start a New Topic • Messages in this topic (1)
Have you tried the highest rated email app?
With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.
World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

.

__,_._,___
Posted by at

No comments:

Post a Comment

Subscribe to: Post Comments (Atom)