Monday, 12 December 2016

[amdavadis4ever] રીડર્સ પોલ જીત્યા મોદી , પર્સન ઓફ ધ યર ટ્રમ્પ

 



Please use
http://translate.google.com/
to translate this article to Language of your choice.



રીડર્સ પોલ જીત્યા મોદી, પર્સન ઓફ ધ યર ટ્રમ્પ

સાંપ્રતઃ મનોજ ગાંધી

 

ડિસેમ્બર આવે એટલે દર વર્ષે વિશ્વભરના લોકો ટાઈમ મેગેઝિનમાં કોણ પર્સન ઓફ ધ યર બને છે તે જાણવા આતુર હોય છે. વિશ્વભરના લોકો પાસેથી તેમના મત જાણીને ટાઇમના વાચકો કોની ફેવર કરે છે એ ટ્રેન્ડ પહેલાં લેવાય છે. એ સરવે પછી આખરી નિર્ણય તો ટાઇમ મેગેઝિનના સંપાદકો કરતા હોય છે. છેલ્લાં પાંચ વર્ષ દરમિયાન વાચકોનો ઓનલાઇન સરવે કેટલાય લોકોને પર્સન ઓફ ધ યર બનાવી દે છે, પણ ના ઉંહ.. કહીને સંપાદકો વાચકોને વફાદાર રહેવાને બદલે પોતાનો નિર્ણય ઠોકી બેસાડીને બીજાના માથે જ પર્સન ઓફ ધ યરનો તાજ પહેરાવી દેતા જોવા મળ્યા છે. જુઓને ૨૦૧૧ની સાલમાં વાચકોએ તો રચેપ તૈય્યપ અર્દોઆનને પર્સન ઓફ ધ યરનો તાજ પહેરાવ્યો હતો, પણ ટાઇમના સંપાદકો આડા ફાટયા અને એ તાજ વિશ્વભરના વિરોધપ્રદર્શન કરનારાઓને પહેરાવી દીધો હતો. એ જ પ્રમાણે ૨૦૧૨ના વર્ષમાં પણ વાચકોએ તો કિમ જોંગ ઉન ઉપર પોતાની પસંદગીનો કળશ ઢોળ્યો હતો પણ સંપાદકોએ અહીં પણ પોતાનો જ કક્કો ખરો કરાવ્યો હતો અને એ વખતે અમેરિકાના પ્રમુખ બરાક ઓબામાને વર્ષભર ચર્ચામાં રહેલી વ્યક્તિ તરીકે પસંદ કર્યા હતા. એવું જ ૨૦૧૩માં પણ બન્યું હતું કે ફતહ અલી સિસીને વાચકોએ પસંદ કર્યા હતા, પણ ટાઇમના સંપાદકો તો પોપ ફ્રાન્સિસને જ તાજ પહેરાવવાનું નક્કી કરીને બેઠા હતા. ૨૦૧૪ની સાલમાં પણ ટાઇમના વિશ્વભરના વાચકોએ ઓનલાઇન સરવેમાં પર્સન ઓફ ધ યર તરીકે પસંદ કર્યા હતા છતાં મોદી પર્સન ઓફ ધ યર બની શક્યા નહોતા. અહીં પણ સંપાદકોએ પોતાનો વિચાર બદલી નાખ્યો હતો અને ઇબોલા રોગ સામે લડનારાઓને પર્સન ઓફ ધ યર બનાવી દીધા હતા. ૨૦૧૫ની સાલમાં વાચકોએ પર્સન ઓફ ધ યર તરીકે રશિયાના પ્રમુખ વ્લાદિમીર પુટીનની પસંદગી કરી હતી. જ્યારે સંપાદકોએ તો જર્મનીના ચાન્સેલર એટલે કે સાદી ભાષામાં કહીએ તો પ્રમુખ એંજેલા મર્કલને પસંદ કર્યા હતા. હવે ફરી વખત ગયા રવિવારે વાચકોનો સરવે બંધ થયા પછી સોમવારે તેના પરિણામ જાહેર થયા ત્યારે ભારતવાસીઓ ઝૂમી ઊઠયા હતા, કેમ કે ફરી વખત ભારતીય વડાપ્રધાન ઓનલાઇન સરવેમાં પર્સન ઓફ ધ યર જાહેર થયા હતા. પરંતુ છેવટે  સંપાદકોએ ટ્રમ્પને કળશ પહેરાવ્યો.
નરેન્દ્ર મોદીની સાથે આ ઓનલાઇન સરવેમાં અમેરિકાના પ્રમુખ બરાક ઓબામા પણ હતા અને ચૂંટાયેલા પ્રમુખ ડોનાલ્ડ ટ્રમ્પ પણ હતા. તો વળી ઓનલાઇન લિકેજ માટે જાણીતા અસાન્જે મુખ્ય સ્પર્ધામાં હતા, પરંતુ આ તમામને પાછળ રાખી દઇને નરેન્દ્ર મોદી ઓનલાઇન સરવેમાં તો પર્સન ઓફ ધ યર બની ગયા છે. મોદીને ૧૮ ટકા મત મળ્યા હતા, તો બાકીના તેમના પ્રતિસ્પર્ધીઓને તો તેમના કરતાં અડધાથી ઓછા મત મળ્યા હતા, એમ કહીએ તો ખોટું નથી. મોદીના આ ત્રણે હરીફોને તો ફક્ત સાત સાત ટકા મત જ મળ્યા. તો ફેસબુક ભલે ઘણું જ ધમધમતંુ હોય, પણ તેના શોધક માર્ક ઝકરબર્ગ અને અમેરિકાના પ્રમુખપદની ચૂંટણી હાલમાં જ હારેલાં હિલેરી ક્લિન્ટનને તો અનુક્રમે માંડ બે અને ચાર ટકા મત ઔમળ્યા હતા.
હા, એ ખરું કે આ ઓપિનિયન પોલ પર્સન ઓફ ધ યરના તાજ માટે આખરી ગણાતો નથી, પરંતુ આ સરવે એટલું તો કહે જ છે કે વિશ્વની કઇ પર્સનાલિટી વધુ ચર્ચામાં છે, લોકપ્રિય છે. આ ટ્રેન્ડ જોતા મોદી ઘણા જ લોકપ્રિય નેતા છે. એ અલગ વાત છે કે ભારતના નેતાની વાત આવે, તેમાંય મોદી હોય તો લોકો મતદાન માટે અતિસક્રિય થઇ જાય છે. છતાં ભારતમાં મોદીની તરફેણ કરનારા લોકો વધુ જ હોય એ સમજી શકાય છે, તેથી ભારતમાં તેમને વધુ મત મળ્યા છે, જ્યારે બીજા પ્રતિસ્પર્ધીઓનો પત્તો અહીં લાગ્યો નથી. ઉપરાંત અમેરિકાના કેલિફોર્નિયા અને અમેરિકાના ભારત કે ગુજરાત તરીકે જાણીતા ન્યૂ જર્સીમાંથી પણ મોદીને વધુ મતો મળ્યા છે, સરવાળે અમેરિકાના તમામ સ્પર્ધકો સામે મોદી બાજી મારી ગયા.
આ તમામ વાતો સાથે ટાઇમના સંપાદકો સહમત થાય એમ માની લેવાની જરૂર નથી. ૨૦૦૦ની સાલ પછી તો જ્યારે જ્યારે અમેરિકામાં ચૂંટણી થઇ હોય ત્યારે પ્રમુખપદે જીતનારા ઉમેદવારને જ પર્સન ઓફ ધ યર જાહેર કરવામાં આવ્યા છે. એ જોતાં આ વખતે ડોનાલ્ડ ટ્રમ્પને સંપાદકોએ પર્સન ઓફ ધ યર જાહેર કર્યા તેમાં નવાઇ પામવા જેવું નથી જ. છતાં એક ઇમ્પેક્ટની દૃષ્ટિએ જોઇએ તો મોદીની નોટબંધીની અસર બહુ મોટી છે. વિશ્વ ઉપર પણ તેની અસર પડવાની જ છે.

ટાઇમ ૨૦૧૬ની સાલના વ્યક્તિ તરીકે કોની પસંદગી કરી એ વાતને બાજુએ મૂકીએ તો એ સમજાતું નથી કે દર વર્ષે ટાઈમ ઓનલાઇન વાચકોનો સરવે કરે છે છતાં જો એ ઓપિનિયન પોલને ગણતરીમાં જ લેવાનો ન હોય તો એ સરવે કરાવવાની જરૂર રહે છે ખરી ? ફક્ત એક શો પીસ તરીકે તમે વાચકોનો અભિપ્રાય લઇને એને કોરાણે મૂકી દેવાનો હોય તો વાચકોને રાજ્જા ગણવાનો અખબારો કે મેગેઝિનોનો સમય પૂરો થઇ ગયો છે ? શું હવે વાચક ફક્ત એક ગ્રાહક જ બની ગયો છે ? વાચકના ઘડતરમાં કે વાચકના રસરુચિને ધ્યાનમાં રાખીને અખબાર કે મેગેઝિનને ચલાવવાનો ટ્રેન્ડ ખતમ થઇ ગયો એમ ગણવાનું ? ખેર, ટાઇમના સંપાદકોએ જ નહીં અન્ય અખબાર કે મેગેઝિન વિશોએ પણ એ દિશામાં વિચારવું પડશે.

__._,_.___
Posted by: Bhupendra Jesrani <jesranibd@yahoo.co.in>
Reply via web post • Reply to sender • Reply to group • Start a New Topic • Messages in this topic (1)
Have you tried the highest rated email app?
With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.
World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

.

__,_._,___
Posted by at

No comments:

Post a Comment

Subscribe to: Post Comments (Atom)